حماية المستهلك .. مع التحية

[هدهد سليمان]

http://www.alwatan.com.sa/news/images/newsimages/3004/caricature/2012.eco.p15.n15.jpg

بعد السلام والتحية وعذرا لهذا الاختصار .. وادري اني انفخ في جربه منتهيه ! لكن لعل وعسى مع التضرع الى الله ان يصحوا الاخوة في حماية المستهلك حتى يكون اسم على مسمى ..!

اليوم سلمكم الله رحت لمجمع مشهور بمنطقة الغرافة تحديدا ليش .. لأن اسعارهم حلوه وطيبه وفي متناول الجميع وعندك اكثر من اختيار .. مب دعاية طبعا لكن للأسف الاسعار خلال اسبوعين الى ثلاثة اسابيع اختلفت تماما ..!

فتم الاتصال على الرقم المجاني 8005000 لحماية المستهلك حتى لا نقول والله ظلمناهم !!

رد علي اخو من دولة عربية بكل احترام وادب واضح وجزاه الله خير .. لكن المسكين ما قدر يسوي شي .. قلتله بعد السلام طبعا الشيخ من اسبوعين او ثلاث اسابيع شريت من عندهم بضاعة بهذا السعر والحين يوم بغيت اشتري نفس البضاعه الفرق 10 ريال .. طبعا مب مشكله الـ 10 مع ان هالشي مب بسيط .. فكان رده كالتالي :
هل هي اغلى من اماكن اخرى او اقل سعر .. قلت والله ما ادري لأني اشتري دووم من هني ؟! فما عندي خلفية ..
قال : يمكن سعر المواصلات والتوصيل زاد فمن هنا هو زاد السعر !
الصراحه احرجني ما قدرت ارد عليه الا بشي واحد .. زين شالحل الشيخ معقوله خلال هالمدة يزيد كل شي ؟!

فقال مش يمكن الجهة المصدره رفعت السعر ؟ :(

بالعربي ما قدرت آخذ حق ولا باطل .. وقلت له جزاك الله خير ما قصرت !!

زين يا حماية المستهلك .. شنو نوع الشكوى المطلوبه حتى تتحركون ونشعر انكم اسم على مسمى !!!!

والله بالخير يا حماية المستهلك !

http://www.azizhamza.com/wp-content/uploads/2009/05/292361.jpg

[الشاااهين]

الله يعين اخوي هدهد لقد أسمعت اذ ناديت حيا ولكن لاحياة لمن تنادي

[مهل]

السلام عليكم



زين يا حماية المستهلك .. شنو نوع الشكوى المطلوبه حتى تتحركون ونشعر انكم اسم على مسمى !!!!

سؤال مباشر ،، ليت يكون عليه اجابه محدده .


سلمك الله من يومين رحت كارفور الستي سنتر
ابي اشتري الجهاز الي يسوي الفشار :nice:
لقيت سعره 289 يارفيق عطني جهاز من هالنوع ابي اشتريه .. قالي خلص مافيه الا الجهاز المعروض .
واشل شلايلي و اروح كارفور الاند مارك (تدرون ان المجمعين قريب من بعض و رايح لنفس المحل الي هو كارفور) مريتهم واحصل الجهاز عندهم سعره 299 قلت للموظف ليش سعره اغلى من كارفور الستي بـ 10 ريال .. هل فيه نوعين من الجهاز واحد اسرع و واحد ابطا او اكبر .
قالي لا نفس الجهاز بس كارفور الستي سنتر ارخص من هنا .

هل يقبل هذا الكلام ياحمايه المستهلك ؟

[fofofo]

موضووووع شيق

[فتى الجود]

ياراجل

لاتتكلم الحين يطلع لك عضو

ويقولك مايجوز تتكلم عنهم ترى تتعتبر غيبة ونميمة



المهم :
اقصر صوتك لان العرب ارقود

اشششششششششششش

[جلمود]

كل شي غله

أول امس رحت ليالي أصهان بالغرافه مع واحد من الربع قلناله عطنا لاري ( كباب مشوي )
المهم يو خلصنا وله الحساب 72 ريال قتله ليش! قال رفعنا السعر من 30 ريال لين 35 !

ليش اغا زين قال كل شي بابا غالي اللحم البهارات العيش !

المهم دفعت وقبضت الباب :(

حماية المستهلك أسم بس ( شوفيني يا أم هلول ):anger1:

[بصمة قطرية]

يا ليت حد من حماية المستهلك يرد ويعطينا بس خبر ..
شنو مهمتهم بالضبط ..!!

[جلمود]

ياراجل

لاتتكلم الحين يطلع لك عضو

ويقولك مايجوز تتكلم عنهم ترى تتعتبر غيبة ونميمة



المهم :
اقصر صوتك لان العرب ارقود

اشششششششششششش


سمعت حس صايح ولاهياني نوم -- فزيت من حلو المنام :yawn:

[الكاسر99]

أتوقع سيتم بعد كم يوم تغيير الأسم من حماية المستهلك إلى حماية جشع التجار

قال حماية المستهلك وينهم أتوقع ماتو من زمان

[ام السعف]

سندويش الشيش طاووق من 4 خلال سنة صار 7 ريالات
واخر ارتفاع الاسابيع الأخيرة بعد ارتفاع سعر البترول

اقول له : ليش 7 ريالات على سندويش ؟ وشو ذيه معقولة ؟

يقول لي : والله يا ام ( ........ ) ان الدياي صرنانشتريه على 180 ريال
مب منا كل ي حولنا زاد سعره ،،
كسر خاطري قلت له خلاص هات السندويش للصغير خله يتعشى اليوم
وبشوف السالفة بعدين :(


همك كبير ياللي بتنطر تحرك حماية المستهلك :(

[عاشق الشهادة]

خاطري اعرف الشي الي شريته :con2:اخوي هدهد سليمان وزاد سعره خلال اسبوعيين 10 ريالات :rolleyes:

[السهم الشمالي]

ياأخواني
بعد البحث والتحري وسؤال المختصين في اللغة العربية تبين أن
الإدارة إسمها حماية المستهلَك (( اللام في كلمة مستهلك مفتوحة مهب مكسورة )) مهب حماية المستهلِك يعني حماية السلعة حماية المنتج مهب حماية اللي بيشتري السلعة أو المنتج .

[الصريحه]

مالك الا الصبر وش وداك له
اقصد اذا كان التاجر هو نفسه الهامور وهو نفسه المسؤول
فعلى الاسعار السلام

[سوق واقف]

يا مستهلكين أحنا التوريد من المريخ عشان جذي كل شيء غالي

أستغرب من التجار هداهم الله

أحنا عندنا مشكلة وحده في أرتفاع الأسعار وهو عدم وجود أسواق للجملة . . .

لو تم أستخراج سجلات تجارية فقط البيع بالجملة كالدول الأخرى لوجدتم الأسعار مثل الدول المجاورة . .

للأسف أحنا الي ماسكين السوق ثلاث الى أربع أشخاص . . . .

أتمنى وقف السجلات التجارية العادية فترة محدوده وأعطاء الأولوية لسجلات لجملة وفتح سوق متكامل للجملة فقط . . .

والكثير يكذب ويقول اليورو أرتفع والين طار والأسعار طارت . . .

سؤالي

ليش في الأمارات ما تطير أو السعودية أو عمان أو الكويت أو البحرين ليش .

أتمنى تخصيص جزء على الأقل أربعمئة محل من سوق واقف الجهة الجديدة للجملة فقط يعني السجل يكون مكتوب فيه جملة فقط . . .

[الرويـس]

طيب أبي افهم يعني
ألحين لو احنا اللي ماسكين حماية المستهلك ولتكن هي (ام السعف) اللي ماسكه الجمعية
:(
ياترى وش اللي يخليها ما تتحرك في عمل اللازم ..يعني عطونا اعذار ممكن تكون مقنعة للجمعية < خلونا محل الطرف الآخر لمره وحده ..:(

وايضا اذا ما (افترضنا) ان موظف الجمعية اللي يستقبل الشكاوى شخص يعيش في مجتمعنا < شوفوا وين وصل اليأس !! :(
ياترى هل يصادف في حياته مثل هذا الغلاء ، وكيف يتصرف ؟ :(

[ام السعف]

طيب أبي افهم يعني
ألحين لو احنا اللي ماسكين حماية المستهلك ولتكن هي (ام السعف) اللي ماسكه الجمعية
:(
ياترى وش اللي يخليها ما تتحرك في عمل اللازم ..يعني عطونا اعذار ممكن تكون مقنعة للجمعية < خلونا محل الطرف الآخر لمره وحده ..:(

وايضا اذا ما (افترضنا) ان موظف الجمعية اللي يستقبل الشكاوى شخص يعيش في مجتمعنا < شوفوا وين وصل اليأس !! :(
ياترى هل يصادف في حياته مثل هذا الغلاء ، وكيف يتصرف ؟ :(

:shy::shy::shy:

اصلا ما في قانون يحركني ،، ابسطها يا الرويس
بيقولون ارتفاع الأسعار ما نقدر نتحكم فيه لكن الغش بعد مب قادرين
يتحكمون فيه ؟

معقولة المعاصر والكافيتريات والمطاعم في قطر تغشنا عيني عينك وعصايرهم الفرش
تكون معلبة او محطوطة في الثلاجة طول اليوم ،، ولا دروا عن هالشي
اللي يصير كل يوم كل يوم كل يوم كل يوم ؟

فوقه يحطون لك تانج في العصير الفرش :(

[الطائر الحائر]

المفروض يغيرون اسمهم إلى ( حماية التجار )

[هدهد سليمان]

الله يعين اخوي هدهد لقد أسمعت اذ ناديت حيا ولكن لاحياة لمن تنادي

معنى كلامك ما في أمل :( !

يعطيك العافيه الشيخ :)

[هدهد سليمان]

السلام عليكم




سؤال مباشر ،، ليت يكون عليه اجابه محدده .


سلمك الله من يومين رحت كارفور الستي سنتر
ابي اشتري الجهاز الي يسوي الفشار :nice:
لقيت سعره 289 يارفيق عطني جهاز من هالنوع ابي اشتريه .. قالي خلص مافيه الا الجهاز المعروض .
واشل شلايلي و اروح كارفور الاند مارك (تدرون ان المجمعين قريب من بعض و رايح لنفس المحل الي هو كارفور) مريتهم واحصل الجهاز عندهم سعره 299 قلت للموظف ليش سعره اغلى من كارفور الستي بـ 10 ريال .. هل فيه نوعين من الجهاز واحد اسرع و واحد ابطا او اكبر .
قالي لا نفس الجهاز بس كارفور الستي سنتر ارخص من هنا .

هل يقبل هذا الكلام ياحمايه المستهلك ؟

شر البلية ما يضحك .. زين نفس الطريقة حصلت بضاعة في كارفور الستي ونفس البضاعه في كارفور اللاند .. يوم سألت الي في اللاند ليش سعركم اعلى من الستي .. رد الإدارة تختلف !!:tease:

أقولك ما عندهم مصداقيه .. شوف رده عليك ورده علي !!:telephone:

بخصوص السؤال اتوقع من السهل الممتنع .. مستحيل يجابونك !!

حياك الغالي مهل :victory:

[هدهد سليمان]

موضووووع شيق

وجودك اشيق ( يصير نقول اشيق ) :)

[وطن]

ياأخواني
بعد البحث والتحري وسؤال المختصين في اللغة العربية تبين أن
الإدارة إسمها حماية المستهلَك (( اللام في كلمة مستهلك مفتوحة مهب مكسورة )) مهب حماية المستهلِك يعني حماية السلعة حماية المنتج مهب حماية اللي بيشتري السلعة أو المنتج .

:victory: