كلية الدراسات الإسلامية - المدينة التعليمية

[بوسلمان55]

السلام عليكم ورحمة الله وبركاته

عندي سؤال عن الدراسة في كلية الدراسات الإسلامية - المدينة التعليمية

من جرب أو يعرف شي عن الكلية والدراسة فيها

هل هي خلط ؟

هل الدراسة قوية عندهم ؟؟ والدكاترة والنظام قوي ؟؟



وشكرا

[wadha-qa]

اتمنى اللي عنده معلومات عن هالكليه يفيدنا لاني حرقت تلفونهم ما يردون :(

[طالب]

هذا موقع الكلية ،، يمكن تستفيدون منه

http://www.qfis.edu.qa/output/page160.asp


وطبعاً من ضمن متطلبات القبول فالكلية.. الآيلز / التوفل
http://www.qfis.edu.qa/output/page172.asp

[بوسلمان55]

أشكر مروركم

دخلت عالموقع من قبل بس أبي حد مجرب وعارف

بانتظاركم

[مريومة]

انا توني مسجلة عندهم .. وان شاء الله يقبلوني :weeping:

بالنسبة للدراسة اعتقد خلط .. بس من اللي لاحظته ان البنات في صوب والشباب في صوب في القاعة

وبعد لاحظت ان مافي من الاشاعات اللي نسمعها برا عن المدينة التعليمية

ان الميانة طايحة بين الجنسين .. بالعكس شفت البنات بروحهم وقلة تلقاها في الممرات

والشباب لهم تجمعاتهم بروحهم .. علشان جذيه تشجعت اني اكمل اوراقي واروح لهم


بالنسبة انهم ما يردون على تليفوناتهم .. صراحة كل ما اتصل يردون علي .. والاستقبال وايد بشوشين ومايقصرون

لكن في مشكلة وحدة .. ان لازم الواحد ياخذ دورة لغة عربية لمدة 3 شهور ..

وانا صراحة استصعبتها ..شنو انا عربية ولغتي عربية واخذ دورة لغة عربية ..

عاد عصبت وقلت كلا والبتة ..

والباقي باقوله لكم بعدين لين يقبلوني :shy:

[wadha-qa]

زين بسالج بخصوص الايلتس لازم 6 ما يصير اقل :(

[غايه الطواش]

لكن في مشكلة وحدة .. ان لازم الواحد ياخذ دورة لغة عربية لمدة 3 شهور ..

وانا صراحة استصعبتها ..شنو انا عربية ولغتي عربية واخذ دورة لغة عربية ..

عاد عصبت وقلت كلا والبتة ..

اختي في امتحان بديل بس لازم تجيبين في الامتحان فوق 80% هاي على ايامي من 2سنتين ولا يوم ماقدرت اجيب الايلتز ولا التوفل قالو خلاص درسي من غيرهم بس ماكملت

الصراحه الستاف هناك جدا محترمين وحتى الطلاب يوم كنت في كورسات الانجليزي ماقبل الدراسه مثل ماذكرت اختي بنت عقاب البنات في صوب والشباب في صوب

واذا في كلام يطلع على ان البنات هناك فري وماشابه ذلك ذيلاك يمكن ماهقين في الجامعات وتوهم صغر ومتخرعين من البيئه الجديده

[مريومة]

بالنسبة للماجستير لازم 6 في الايلز

[مريومة]

اختي في امتحان بديل بس لازم تجيبين في الامتحان فوق 80% هاي على ايامي من 2سنتين ولا يوم ماقدرت اجيب الايلتز ولا التوفل قالو خلاص درسي من غيرهم بس ماكملت

الصراحه الستاف هناك جدا محترمين وحتى الطلاب يوم كنت في كورسات الانجليزي ماقبل الدراسه مثل ماذكرت اختي بنت عقاب البنات في صوب والشباب في صوب

واذا في كلام يطلع على ان البنات هناك فري وماشابه ذلك ذيلاك يمكن ماهقين في الجامعات وتوهم صغر ومتخرعين من البيئه الجديده

بس ليش ما كملتي

هل الدراسة صعبة مثلا؟

[ليــث قطر]

أنا مسجل والحين في دورة العربي


صج الدورة طويلة 3 شهور .. بس الصراحة ضرورية

فششله .. عرب ونبي ندرس ماجستير والعربي الله بالخير !!


في طلاب ما يعرفون الفرق بين الاسم والفعل !!!


والله ايسر الامور

[غايه الطواش]

بس ليش ما كملتي

هل الدراسة صعبة مثلا؟

اختي ماكان فيه الا ماستر ف Finance
ومش تخصصي فما حبيت اكمل فيه وادري اني ماقدر اعطي فيه
فالحين ان شاء الله اييب الايلتس عشان اكمل في جامعه برا قطر في نفس تخصصي
والله يوفقنا ان شاء الله

[غايه الطواش]

أنا مسجل والحين في دورة العربي


صج الدورة طويلة 3 شهور .. بس الصراحة ضرورية

فششله .. عرب ونبي ندرس ماجستير والعربي الله بالخير !!


في طلاب ما يعرفون الفرق بين الاسم والفعل !!!


والله ايسر الامور

اذكر في الامتحان جاني سؤال عن نوع التاء في نهايه الكلمه

بدال لا احط تاء مربوطة ضيعت الاسم وحطيت التاء المرتبطة:secret:

[مريومة]

الحمدالله

قدمت امتحان على طول ونجحت

وان شاء الله يقبلوني

[طموحة]

مافي امتحان تحديد مستوى للعربي ولا لازم ندخل دورة 3شهور ..؟

الله يعطيكم العافية

[بوسلمان55]

مشكورين عالردود استفدت وايد

عندي سؤال ثاني بالنسبة للتوظيف عندهم يحتاج واسطة ولا ياخذون ؟؟؟

قريبتي متخرجة بتفوق من قسم اللغة العربية تهقون ياخذونها والا يبون واسطة

[مريومة]

مافي امتحان تحديد مستوى للعربي ولا لازم ندخل دورة 3شهور ..؟

الله يعطيكم العافية

انا صراحة اصريت اقدم امتحان قبل الدورة .. وقدمت


مشكورين عالردود استفدت وايد

عندي سؤال ثاني بالنسبة للتوظيف عندهم يحتاج واسطة ولا ياخذون ؟؟؟

قريبتي متخرجة بتفوق من قسم اللغة العربية تهقون ياخذونها والا يبون واسطة


اخوي كل مكان يبون واسطة .. بس خلها اتجرب

[طموحة]

مشكورة بنت عقاب

اخوي بوسلمان خلها تقدم تجرب والله يكتب لها الخير

[بوعبدالله]

السلام عليكم ورحمة الله وبركاته

انا مسجل في كلية الدراسات الاسلامية ..وطلبو مني دخول دورة اللغة العربية ..ولكني احصل صعوبة في حضور هذه الدورة لان شغلي مايسمح اني احضر ..فياليت اللي عنده كتب او ملازم يساعدني وجزاكم الله الف خير..
وعندي استفسار بخصوص الايلتس 6 انا مقدم اكثر من مرة وكل مره اجيب 5
في احد يعرف معهد او مركز لدراسة الايلتس وشكرااا

[مريومة]

السلام عليكم ورحمة الله وبركاته

انا مسجل في كلية الدراسات الاسلامية ..وطلبو مني دخول دورة اللغة العربية ..ولكني احصل صعوبة في حضور هذه الدورة لان شغلي مايسمح اني احضر ..فياليت اللي عنده كتب او ملازم يساعدني وجزاكم الله الف خير..
وعندي استفسار بخصوص الايلتس 6 انا مقدم اكثر من مرة وكل مره اجيب 5
في احد يعرف معهد او مركز لدراسة الايلتس وشكرااا


يا خوي يا بوعبدالله .. بالنسبة للايلز .. انا درست عن ميلان في مركز تطوير القدرات ..

اعتقد هذا اسمه خلف مركز الجزيرة للتدريب الاعلامي .. المدرسة ممتازة تعطيك الزبدة

وشلون اتحل الامتحان .. طبعا هذا اذا كان مستواك جيد في الانجليزي



بخصوص .. دورة اللغة العربية .. انا بعد شغلي وظروفي ما تسمح لي بعد اطلع من البيت امسيان

علشان جذية اصريت على مدير مركز اللغات اني اقدم امتحان مع اني سجلت في الدورة ودفعت الفلوس وعطاني الكتب

درستهم في يومين بالاضافة الى مواضيع في البلاغة من النت وقدمت امتحان ونجحت ..

بس لازم يكون اساسك في اللغة العربية جيد جدا وفي القواعد ممتاز

[بوعبدالله]

بنت عقاب أنا أساسي في اللغة العربية جيد.. محتاج الكتب والاوراق اللي يدرسونها فالدورة ..وراح ادرسها فالبيت ..فياليت اللي عنده الكتب والاوراق يساعدني ابي نسخة منها واكون شاكر له

[مريومة]

بنت عقاب أنا أساسي في اللغة العربية جيد.. محتاج الكتب والاوراق اللي يدرسونها فالدورة ..وراح ادرسها فالبيت ..فياليت اللي عنده الكتب والاوراق يساعدني ابي نسخة منها واكون شاكر له

ان شاء الله اذا لقيت الكتب عندي في البيت احطهم لك في اقرب مكان وتروح تاخذهم

بس مثل ما قلت لك تحتاج مع الكتب تفصيل اكثر لبعض المواضيع من النت

والله يوفقك

[مريومة]

اخوي بو عبدالله

صندوق رسايلك مليان

ابي ابعث لك رسالة

[ANONYMOUS]

انزين انا حلمت انهم اقبلوني

وحطو لي شرط بو 3 شهور

مع العلم اني ماذكر اني قدمت عليها لا في الحلم ولا في الصج ولا حتى نويت اقدم :shy:

[مريومة]

انزين انا حلمت انهم اقبلوني

وحطو لي شرط بو 3 شهور

مع العلم اني ماذكر اني قدمت عليها لا في الحلم ولا في الصج ولا حتى نويت اقدم :shy:

يعني شنو؟

[بوعبدالله]

بنت عقاب ياليت اتطرشين لي على الخااص لان كان عندي زحمه رسائل

[ANONYMOUS]

يعني شنو؟


انا ادور المعنى

مافي حد يفسر احلام

:shy:

[بوعبدالله]

الاخت بنت عقاب ..مشاركاتي لم تصل 50 ولا استطيع التواصل معاج عالخاص..

ياليت تحطينه بمكان في محطة الفروسية او المحلات اللي بشارع المناصير اللي جنب تيك اوي والاوبرا ..وطرشي لي اسم المحل ..وشاكر لج مرة ثانية تعاونج معااي ..

[مريومة]

الاخت بنت عقاب ..مشاركاتي لم تصل 50 ولا استطيع التواصل معاج عالخاص..

ياليت تحطينه بمكان في محطة الفروسية او المحلات اللي بشارع المناصير اللي جنب تيك اوي والاوبرا ..وطرشي لي اسم المحل ..وشاكر لج مرة ثانية تعاونج معااي ..

ماعليك امر

شيك الخاص