قانون المصرف المركزي الجديد سلبيات وايجابيات

[qatari 111]

السلام عليكم ورحمة الله وبركاته
الله يديم الصحه والعافيه والامن والامان عالجميع

مثل ما انتوا عارفين قانون المصرف المركزي والكل اعتقد عارف القانون

ولكن هناك ايجابيات تتبعها سلبيات حسب اعتقادي

الايجابيات راح تكون هناك انخفاض في اسعار العقارات والسيارات وغيرها من الامور التي نحتاج شرائها عن طريق البنك طبعا لذوي الدخل المحدود .....

ولأسباب انخفاض لما ذكر فالسابق .... احتساب الاقساط من الراتب الاساسي + الاجتماعيه ولمدة 6 سنوات فقط وبما لا يزيد عن 75 %.....
يعني لو افترضنا ان راتب الاساسي المتوسط 6 الاف ريال والاجتماعيه 4 الاف ريال
المجموع 10 الاف ريال ولو جينا نحسبها مثلا نشتري قطعة ارض بسعر تقريبا 600 الف ريال نقسم ال600 الف ب 70 شهره اللي هي 6سنوات راح يطلع القسط الشهري 8 الاف ريال وطبعا غير الفائده والارباح ماحسبناها ...... وغير اذا الواحد عنده قسط السياره وغيرها من الاقساط البنكيه وهاذي هي السلبيات فالقانون ....

يعني الواحد اذا وده يشتري ارض اوبيت او غيرها لازم يكد ويتعب وتغشف علشان الواحد يجمع دفعه قويه لتغطية الحاجه الضروريه من منزل وارض وسيارة للعائله ..

واتمنى من الجميع اذا كلامي فيه شي من الخطئ تصحيحه

وابداء ارائكم وتقاشكم ليعم الفائده عالجميع

[النائب]

الأكيد بعد هذا القرار راح تعرفون المواطن القطري على حقيقتة .

وكلام شعوب الخليج بأن القطري يركب أحس سيارة واحدث موديل وهم مايعرفون إن المسكين ماخذ قرض وراح يطلع من عيونة مع مر السنين .

لكن الآن كل موظف ماراح يأخذ سلفه إلا ب 75 % من الراتب الأساسي والإجتماعية فقط . يعني راح الزبو إللي متمتعين فيه شباب قطر وجاء شد الحزام للجميع .

هذا القرار هو مثل مايقول المثل ( مد رجلينك على قد إلحافك ) . يعني الحكومة تبي مايركب السيارات الكشخه ويلبس جديد إلا الأغنياء فقط أما المواطن العادي فيعتمد على راتبة يشترى فيه خبز ولا يتعدى حدوده ويشارك التجار وعيالهم في الوناسه .

يعني مافيه سلف ولا جدوله ولا نقل راتب من بنك إلى بنك . يعني جعلك من هالحال وردى يا مواطن .

[خالد32]

اشوف ان الواجد لازم يسوي كنترول على نفسه مب دايماً "كل ما تشتهي نفسك" تنفع
الا البعض الى لازم ياخذ القرض "حياة او موت او تشرد" فمحد يلومه
مشكلتنا ان احنا دايماً نشوف الغير و في الاخير تطلع علينا اغلى من بيع السوق
اما قرار المركزي اشوفه الا الان جيد و باقي التجربة الفعلية

[hnoof-qtr]

وليش ما تعيشون على قد راتبكم ، ليش تبون بس تقلدون الاغنياء .

والادخار والتوفير هو الحل الامثل والمفروض القروض تكون اخر الحلول ، بس عندنا اول حل نلجا له هو انا ناخذ قرض ، واذا تراكمت هالقروض رحنا نصايح نبي الدولة تسدد قروضنا اللي ضيعناها علي ماش .

[ام ناصر1]

اها يعني هدف القرار ...التقشف مبدأ اساسي للحياة وبخاصة للمواطنين البسطاء ...
اذا هو قرار حكيم ...من بعد اليوم ...بنمد رجلنا قد الحافنا
....
ودايما لاعزاء للفقراء ...

[نتفـه]

بل على كثر ما الواحد يستزط ما يقدر يمسك البيزه ويجمعها علشان يشتري اللي خاطره فيه بسبب الغلا اللي صاير ,,
الله كريم بس ,,

[HORK]

انا مع هذا القرار رغم اني كنت اطمح في تخفيض سعر فائدة المصرف المركزي

ولكن المشكلة اني في بنك ربوي ولم اتمكن من الافلات منهم سابقا

والحين صار لازم انقل الى بنك اسلامي مهما كلف الامر

اذن في ذمة من تكون حل هذه المشكلة

[قطر دزاين]

شلفرق بين ال بي ام دبل يو والكرولا

كلها توصلك للمبتغاك كلها فيها مكيف كلها زجاج اتوماتيك كلها فيها استريو بس الكرولا فيها عيب واحد

انها تصرف بترول اقل :) :)

ولا لزم تركب سياره 400 الف وانت منتف ما ضيعنا الى ها الشي

اللي مماعهوش ما يلزموش

[قطر دزاين]

انا مع هذا القرار رغم اني كنت اطمح في تخفيض سعر فائدة المصرف المركزي

ولكن المشكلة اني في بنك ربوي ولم اتمكن من الافلات منهم سابقا

والحين صار لازم انقل الى بنك اسلامي مهما كلف الامر

اذن في ذمة من تكون حل هذه المشكلة

بنا على القرار الجديد ما يصير تنقل دام عليك مديونيه
يعني صادك البنك عدل

[do7ani]

للعلم هذا القرار للي يبون قروض جديده
اما القروض القديمه للحين مافي اخبار عنها

على حسب كلام اكثر بنك يعني بأذني سمعت
الله المستعان

[qatari 111]

الأكيد بعد هذا القرار راح تعرفون المواطن القطري على حقيقتة .

وكلام شعوب الخليج بأن القطري يركب أحس سيارة واحدث موديل وهم مايعرفون إن المسكين ماخذ قرض وراح يطلع من عيونة مع مر السنين .

لكن الآن كل موظف ماراح يأخذ سلفه إلا ب 75 % من الراتب الأساسي والإجتماعية فقط . يعني راح الزبو إللي متمتعين فيه شباب قطر وجاء شد الحزام للجميع .

هذا القرار هو مثل مايقول المثل ( مد رجلينك على قد إلحافك ) . يعني الحكومة تبي مايركب السيارات الكشخه ويلبس جديد إلا الأغنياء فقط أما المواطن العادي فيعتمد على راتبة يشترى فيه خبز ولا يتعدى حدوده ويشارك التجار وعيالهم في الوناسه .

يعني مافيه سلف ولا جدوله ولا نقل راتب من بنك إلى بنك . يعني جعلك من هالحال وردى يا مواطن .

اخوي النائب الارزاق بيد الله سبحانه وتعالى

ولا تفكر بمنظور واحد فكر في عدة مناظير
وانا شوفه قرار في صالح المواطن ......... لأن البعض الصراحه ما يعرف يمسك فلوسه يطيرها على شي ما ينفع ويضيع نفسه واللي معاه وهاذي الفئه هي اللي خلت المصرف المركزي يحطون هالقانون لصالحه ... :)

[عيون الدوحة]

عجل القطرين السنة بالدوحة بصيفين
نطالب وزارة السياحة تشغل موظفينها من الحين وخل يشتغلون عدل

[qatari 111]

اشوف ان الواجد لازم يسوي كنترول على نفسه مب دايماً "كل ما تشتهي نفسك" تنفع
الا البعض الى لازم ياخذ القرض "حياة او موت او تشرد" فمحد يلومه
مشكلتنا ان احنا دايماً نشوف الغير و في الاخير تطلع علينا اغلى من بيع السوق
اما قرار المركزي اشوفه الا الان جيد و باقي التجربة الفعلية

كلامك صحيح

وليش ما تعيشون على قد راتبكم ، ليش تبون بس تقلدون الاغنياء .

والادخار والتوفير هو الحل الامثل والمفروض القروض تكون اخر الحلول ، بس عندنا اول حل نلجا له هو انا ناخذ قرض ، واذا تراكمت هالقروض رحنا نصايح نبي الدولة تسدد قروضنا اللي ضيعناها علي ماش .

وهذا هو احد اسباب قانون المصرف المركزي للفئه هاذي


اها يعني هدف القرار ...التقشف مبدأ اساسي للحياة وبخاصة للمواطنين البسطاء ...
اذا هو قرار حكيم ...من بعد اليوم ...بنمد رجلنا قد الحافنا
....
ودايما لاعزاء للفقراء ...

اهم شي اختي بيت يستر على العائله والملبس والأكل , ويقول الحمدلله على النعمه

بل على كثر ما الواحد يستزط ما يقدر يمسك البيزه ويجمعها علشان يشتري اللي خاطره فيه بسبب الغلا اللي صاير ,,
الله كريم بس ,,

عيد الجدول وشوف الشي اللي تصرفه شهريا وهو ماله داعي وراح توفر ان شاءالله




انا مع هذا القرار رغم اني كنت اطمح في تخفيض سعر فائدة المصرف المركزي

ولكن المشكلة اني في بنك ربوي ولم اتمكن من الافلات منهم سابقا

والحين صار لازم انقل الى بنك اسلامي مهما كلف الامر

اذن في ذمة من تكون حل هذه المشكلة

الله يعينك ويفرجها


شلفرق بين ال بي ام دبل يو والكرولا

كلها توصلك للمبتغاك كلها فيها مكيف كلها زجاج اتوماتيك كلها فيها استريو بس الكرولا فيها عيب واحد

انها تصرف بترول اقل :) :)

ولا لزم تركب سياره 400 الف وانت منتف ما ضيعنا الى ها الشي

اللي مماعهوش ما يلزموش

كلامك سليم 100%


بنا على القرار الجديد ما يصير تنقل دام عليك مديونيه
يعني صادك البنك عدل

الله يعينه


للعلم هذا القرار للي يبون قروض جديده
اما القروض القديمه للحين مافي اخبار عنها

على حسب كلام اكثر بنك يعني بأذني سمعت
الله المستعان

وان شاءالله للمقتبلين الجدد على البنوك ياخذون عبره من الغيير ويبتعدون عن البنوك الربويه

[qatari 111]

عجل القطرين السنة بالدوحة بصيفين
نطالب وزارة السياحة تشغل موظفينها من الحين وخل يشتغلون عدل

كلها حوض سباحه فالحوش وصيفك على كيفك :nice:

[sahari]

صدق انه لاطاح الجمل كثرت سكاكينه

مسكين هالفقير اخو ...........................؟

[qatari 111]

صدق انه لاطاح الجمل كثرت سكاكينه

مسكين هالفقير اخو ...........................؟

من الفقير ؟
هل هو اللي عنده سياره صني او كورولا وماعنده كروزر جديد او مرسيدس ؟
هل هو اللي عنده بيت متواضع يستر على اهله وماعنده فيلا فخمه ؟
هل هو اللي ماعنده خدم ودريوال ؟
هل هو اللي مايسافر بلدان اوروبا وشرق اسيا وحده يسافر الدول المجاوره ؟

الغنى غنى النفس ...... ياما ناس عندها خير بس ربنا مارزقه بعيال ويتمنى يرزقه مثل الفقير اللي عنده عيال .
ياماناس عندها خير بس للاسف ممنوع من اكل اللحوم والحلويات وماياكل غير السلطه والفواكه ويتمنى ياكل مثل الفقير .
ياماناس عندها خير بس المسكين مقعد على الكرسي ويتمنى يمشي على رجيله مثل الفقير
ياما ناس عندها خير بس المسكين ماحصل علاج لمرضه ... الله يكافينا وياكم شر الامراض وبعدها عنا وعنكم ...
ياماناس عندها خير بس حياته تعيسه .... ويتمنى يكون مثل هالفقير اللي حياته كلها سعاده ..

المعنى الاصح ويش تختار انت والاخوه والاخوات الأعضاء ؟؟؟؟؟

:)