ايفوني مات :(

[تباشير الفجر]

ياجماعه الخير بليييز حد يساعدني قمت الصبح جوالي ميت ايفون 4 الشاشه سودة وصار له ساعه عالجرج ولحين ماشتغل مادري شسالفته !! الي له خبره بهالمجال ياليت يعطيني حل غير اني اروح محل واصلحه لانه صعبه علي شوي
:eek3::eek3::eek3::eek3::eek3:

[airbus]

افتح الاب توب وافتح الايتونز وامسك الايفون وخلك ضاغط على زر الهوم ووصل الايفون بالكمبيوتر عن طريق سلك اليو اس بي وانطر ويفتح الجهاز ان شاء الله

[تباشير الفجر]

افتح الاب توب وافتح الايتونز وامسك الايفون وخلك ضاغط على زر الهوم ووصل الايفون بالكمبيوتر عن طريق سلك اليو اس بي وانطر ويفتح الجهاز ان شاء الله

سويت مافتح :weeping:

[تباشير الفجر]

يعني محد يعرف ؟؟:weeping::weeping:

[خالي مشاعر]

وانا بعد نفس المشكله الجهاز شغال احطه سايلنت يهتز بس الشاشه ماتشتغل

[OREO]

الله يرحمه برحمته ،،،

اخوي تباشير ،،، متى بتصلون عليه و في اي مسيد ؟؟

[fhd4]

بدون ما تسوي أي شي ... اضغط على زر الهوم والباور مع بعض لمدة طويلة .... حوالي 15 ثانية إلى 20 ثانية ...

وان شاء الله راح يشتغل ...

[الرمـــاح]

راح يشتغل انشالله قريب :)

[لمعة الالماس]

عادي بيشتغل

جربي كل شوي وراح يفتح الجهاز

[بورصجية]

البقاء لله
الدفن في اي شبكة؟؟
فودافون ولا كيوتل؟؟

[أم سلووومي]

اختي صار معاها نفس الشي فجاه التلفون كتم ههه وحطته على الشاحن وما اشتغل عقب ودته فودافون وبحركه وحده اشتغل بس ما اعرف اشلون :)

[تباشير الفجر]

ابشركم فتح عاد لو تدرون شلون ! وديته محل وضغط عالهوم وزر البور 30 ثانيه تقريبا وفتح على طوول وانا احورف فيه من امس :anger1:

بس حمدلله ارتحت :nice:

[شميرام]

اي يبغيله صبر انا صار لي جيه عقب اخر ابديت عاد ماصدقت بشتري اي فون لان مالي قديم نطر عليه نص ساعه كررت الحركه تميت جيه دقيقه او دقيقتين وعقب فتح