صدق أو لا تصدق ؟ والله العظيم السالفة صج

[برق لمع]

موظف قطري ضاق ذرعا من وظيفته ومن الظلم الذي يواجهه في العمل
عانى وتعب وحاول وصبر وفي الاخير اتخذ قرار خطير !!!
قرر أن يشتغل في دولة خليجية اخرى تطلب خبراته وبراتب ثلاث اضعاف راتبه في قطر وقد يترك اهله واولاده في قطر نتيجة لارتباط زوجته بالعمل واولاده بالمدرسه من اجل تحسين وضعه وتسديد ديونه فتره سنة او سنتين وسيعود مرة اخرى ، لان انقطاعه عن العمل في قطر سيكون بلا راتب ؟
هل وصل بنا الحال في بلدنا العزيزة قطر الى هذه المرحلة ،،،، ؟
ووالله ان هذا الرجل لديه شهادة ماجستير من بريطانيا بتخصص علمي لم يحصل عليه الا قلة في مجال تخصصه ان لم يكن هو الوحيد .
فقط اريد تعليق على هذا الموضوع وبكل امانة

[STAR]

خيرنا لغيرنا.... الله كريييييم...

[عضو المنتدى]

يا مكثر القطريين إلي يعانون من الظلم وعدم الأستقرار الوظيفي وقلة الراتب والتهميش

يارب يفرج على كل قطري يعاني من هذا الامر .

[ابن الجزيره]

موظف قطري ضاق ذرعا من وظيفته ومن الظلم الذي يواجهه في العمل
عانى وتعب وحاول وصبر وفي الاخير اتخذ قرار خطير !!!
قرر أن يشتغل في دولة خليجية اخرى تطلب خبراته وبراتب ثلاث اضعاف راتبه في قطر وقد يترك اهله واولاده في قطر نتيجة لارتباط زوجته بالعمل واولاده بالمدرسه من اجل تحسين وضعه وتسديد ديونه فتره سنة او سنتين وسيعود مرة اخرى ، لان انقطاعه عن العمل في قطر سيكون بلا راتب ؟
هل وصل بنا الحال في بلدنا العزيزة قطر الى هذه المرحلة ،،،، ؟
ووالله ان هذا الرجل لديه شهادة ماجستير من بريطانيا بتخصص علمي لم يحصل عليه الا قلة في مجال تخصصه ان لم يكن هو الوحيد .
فقط اريد تعليق على هذا الموضوع وبكل امانة


مو غلط

احتراف قطري ,,,

لاكن من المسؤل ,,,,
ولماذا لايستفاد منه ,,,
والمفروض ,, طرق الباب الصحيح !!!
أقصد هنـا,,,
الوزير المعني او المشلول قصدي المسؤل يجب يحاسب ,,!!!
على الكوادر وهدرها ,,,

والله المستعان

وعلى فكرة ,,,, الجاي أكثر ’’’\
ان كنا مثل ماحنا ,,, والتغيير ... قادم

وفالك طيب

[Rayane]

بدون ما تحلف.

خله يروح سنتين ولكن لا ينسى يغير اسمه لميشيل ولا كانان وهو جاي وشف شلون بيكون راتبه

[انتر ميلان]

والله العظيم عندنا الكثير من الكفاءات القطرية
وقطر نهضت نهضة اقتصادية وعمرانية بسواعد قطرية
قطر صارت مشهورة عالمياً وفازت بشرف استضافة كأس العالم 2022 بأيادي قطرية 100%


بس للأسف .... لا زال الأجنبي هو الخبرة والكفاءة والشغول
والقطري (( مابدو يشتغل ))

[Doha Sun]

وصلنا هالدرجة القطري ولد البلد يتغرب علشان رزقه ..
لا حول ولا قوة الا بالله العلي العظيم

[فـــــواز]

الي قاعد يصير بالدوله شي ماينسكت عنه


واذا بتم على هالحال يلعن معيشه المذله الي تجي من بعد تعب وكفاح وغربه علشان شهاده ويرفع فيها راسه ودولته وهذي نتايجها



مانقول الا حسبي الله على من كان السبب وحسبي الله على من كان عنده سلطه يحاسب فيها الصغير قبل الكبير ولا يستخدمها ولا يشوف من عينه الي مخلي ذا العالم لعابه لعبتها في حسبه شي اسمه قطري

[ازغوىAAA]

الله يرزقه ان شاء الله وبصراحه شي خطير لان اذا سار القطري يدور رزقه برع وبصراحه انا لو اكون في مكانه ووضعه مااتردد باني اروح وخاصه اذا كان في دول الخليج

[الرمـــاح]

لا حول ولا قوه :(

[لمعة الالماس]

ان شاء الله ياخذ حقه

وياليت يتصرفون مع المدراء والمسؤولين اللي ما يعطون اصحاب الدراسات العليا والجامعية حقهم في العمل والدرجة الوظيفية

ويحطون مكانهم ناس متعلمة وتقدر التعليم وتعطي كل واحد حقه


اللي صاير الحين المسؤول او المدير ما يرضى موظف يكون اعلى منه في الدرجة العلمية !!


الله يصبرهم هو وهله ويرجع لهم في اقرب وقت

[chillis]

الله يعينه ويعين الله

[قطر love]

[ وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ *
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ] البقرة/154-156


حسبي الله ونعم الوكيل


الله يوفقه ان شاء الله

[باسكن روبنز]

أستغفر الله العظيم من كل ذنب عظيم ،

أأأأخ يالقهر ،

[(بوطلال)]

ممكن تعطينا تفاصيل بسيطه

طبيعة عمله

وكم راتبه

[H.87]

المووضوع ما استغربت منه
لأن ثلاث ارباع اهل قطر صارو يعانون من ذات المشكلة !

والشي اللي عجبني بكاتب الموضوع إنه فالنهاية توصل إلى حل بإرادته وعزيمته
حتى وإن كان الحل في بلد غير بلاده

لكن مش معنى كلامي بإني راضيه على اللي صاير له
تعبنا واحنا نقرى ونعيد ونزيد بنفس الموضوع

لكن مافي مجيب ولا فيه حل لهالمشكلة

ما نقول غير حسبي الله ونعم الوكيل والله يساعدك ياخوي ويساعد زوجتك وعيالك

خله فالاستغفار والدعاء والله بيفرج عليه إن شاء الله

موضوع محزن (n)

[الطائر الحائر]

ويين دار الكرم
شكرا قطر

[فابريغاس]

يروح لبنان وياخذ له جنسيه

ويرجع الدوحه وبيلقى احلى وظيفه واحلى مميزات

ولا !

[كبريت]

مو غلط الواحد يدور لقمه العيش خارج الدوله اذا فيها فايده له في دينه وفي معاشه

[برق لمع]

ممكن تعطينا تفاصيل بسيطه

طبيعة عمله

وكم راتبه
يعمل في مؤسسه معروفه تابعة للدولة براتب اتوقع لا يتجاوز 17 الف ريال طبعا بعد خصم بدل السكن
واللي عرفته ان يوم كان في بريطانيا طلبوا منه العمل في احدى المستشفيات عندهم لكن لانه يحب بلده رفض ورجع للدوحة وكله اماال
والحين متندم يقول ياليتني ما رجعت قطر كنت اشتغلت براتب مغري وكملت الدكتوراه على حسابهم واخذ الجنسية بعد

[البدوي]

انا اعرف واحد عنده شهاده تخصص نادر ومطلوب في قطر بس من كثر الظلم والقهر ترك وظيفته ويعمل لحساب شركه اجنبيه. بنص الراتب ولكن مرتاح من ظلم المسوول القطري حسبي الله ونعم الوكيل

[شجاع]

والله حرام صار الاجنبي عايش مبسوط ببلدنا والقطري مغترب
الله يوفقه

[همسه]

شفيه ردي تكرر مرتين اسفه بالغلط

الظاهر من الحره

:)

[همسه]

سبحان الله

وصلنا لهذا الحال ؟؟

و الله اني لي فتره افكر بيني و بين نفسي اقول اذا استمر الوضع على هذا الحال ممكن القطريين يفكرون يدورون شغل برا قطر ؟؟

هذا هو الجواب على سؤالي

كان مجرد تخيل وصار واقع

و الحين افكر كم قطري بيفكر يشتغل برا قطر ؟؟

و هل بيجي وقت علينا احنا البنات نفكر نشتغل برا ؟؟

وين وصل بنا الحال

شكراً قطر

[الرادار]

الله يوفقه وقرار سليم 100 100

[alsubaiai]

سبحان الله

وصلنا لهذا الحال ؟؟

و الله اني لي فتره افكر بيني و بين نفسي اقول اذا اتسمر الوضع على هذا الحال ممكن القطريين يفكرون يدورون شغل برا قطر ؟؟

هذا هو الجواب على سؤالي

كان مجرد تخيل وصار واقع

و الحين افكر كم قطري بيفكر يشتغل برا قطر ؟؟

و هل بيجي وقت علينا احنا البنات نفكر نشتغل برا ؟؟

وين وصل بنا الحال

شكراً قطر




نفس التفكير


أنا صارلي تقريباً 6 اشهور اشاور نفسي

و أني اسافر احدا الدول الخليجية للعمل فيها

بس المشكله كل تفكيري في الوالدين والاهل والعيال




الله المستعان

:weeping::weeping::weeping:

[ولد المشرب]

لا حول و لا قوة الا بالله

اللهم انصرنا على الظالمين

[بوخالد911]

الله يعيينه

:(

[Dawn]

اشدعوه زلمه ؟؟؟

ما اشجع انه يتلته في بلد ثانيه ويقعدون مواطنين البلد اللي بيشتغل فيه يعاملونه معاملة اجنبي جاي يترزق وياخذ خيرهم ...

يا جماعه احنا اجدادنا عاشوا على ايام الفقر والجوع وكان ممكن يروحون دول كانت مرتاحه مثل فارس اللي كانت تعتبر مثل امريكا على هذيك لايام لكنهم تموا في ارضهم بفقرهم وما رضوا ينذلون علشان لقمة العيش ... وشوفوا اشلون ربي رزق عيالهم وعيال عيالهم يوم ظهر البترول ... الصبر يا قطريين الصبر ...

هذا ابتلاء من الله سبحانه والمؤمن مبتلى وفي يوم من الايام الله بيعوض صبركم ... وانت يا صاحب الموضوع حاول تقنعه ما يروح لهالدوله ويخلي هالفرصه للمواطن حرام تضيقون على الناس و انتو الا 250 الف شخص ... بلدكم اولى بكم

[بصمة قطرية]

مؤلم ..!!!
لا حول ولا قوة الا بالله ..

الله يوفقه ~

[برق لمع]

اشدعوه زلمه ؟؟؟

ما اشجع انه يتلته في بلد ثانيه ويقعدون مواطنين البلد اللي بيشتغل فيه يعاملونه معاملة اجنبي جاي يترزق وياخذ خيرهم ...

يا جماعه احنا اجدادنا عاشوا على ايام الفقر والجوع وكان ممكن يروحون دول كانت مرتاحه مثل فارس اللي كانت تعتبر مثل امريكا على هذيك لايام لكنهم تموا في ارضهم بفقرهم وما رضوا ينذلون علشان لقمة العيش ... وشوفوا اشلون ربي رزق عيالهم وعيال عيالهم يوم ظهر البترول ... الصبر يا قطريين الصبر ...

هذا ابتلاء من الله سبحانه والمؤمن مبتلى وفي يوم من الايام الله بيعوض صبركم ... وانت يا صاحب الموضوع حاول تقنعه ما يروح لهالدوله ويخلي هالفرصه للمواطن حرام تضيقون على الناس و انتو الا 250 الف شخص ... بلدكم اولى بكم

شلون تبيني اقنعه الله يسلمك وهو صار له يشتغل عندهم 11 او 12 سنه والله مادري بالضبط وبعدين هو عنده ديون من 10 سنين متراكمه ما يصفا الا اقل من نص الراتب ، خله يدور رزقه ،،الدولة الخليجيه قريبة وايد وهو بس كل حلمه يسكر دينه بس على حد قوله
بس والله ياخوفي يحلا له الراتب هناك وياخذ زوجته وعياله بعد لان الدولة اللي متجه لها تدور الكفاءات ومستعده تعطيه الجواز لو يبي بعد

[Google]

سبحان الله يعني فيه ناس فكرت نفس تفكيري صار لي فترة قاعد افكر اقدم في الأمارات في أحدى الشركات النفطية أو الحكومية عندهم يقولون فيه خير هناك وناس مازالت فيهم العادات الطيبة والفطرة القديمة.

سمعت انهم يساعدون بعضهم بعض ويهتمون بالمواطن . اتمنى هالفكرة ماتتغير من مخيلتي .

[ضي البدر]

الله يعين والله يساعد.. والله لا يغير علينا ..

وينكم يامسؤولينا الكرام وين الي ينادووون ويهتمون بالتقطير !!

[Dawn]

شلون تبيني اقنعه الله يسلمك وهو صار له يشتغل عندهم 11 او 12 سنه والله مادري بالضبط وبعدين هو عنده ديون من 10 سنين متراكمه ما يصفا الا اقل من نص الراتب ، خله يدور رزقه ،،الدولة الخليجيه قريبة وايد وهو بس كل حلمه يسكر دينه بس على حد قوله
بس والله ياخوفي يحلا له الراتب هناك وياخذ زوجته وعياله بعد لان الدولة اللي متجه لها تدور الكفاءات ومستعده تعطيه الجواز لو يبي بعد

شدعوه اخوي تتوقع حد بينسى قطر علشان لفلوس ؟؟؟ اسمحلي ما يستاهل يكون قطري اللي معاش بينسيه الارض اللي تربى وعاش فيها .. معقوله يفكر بهالاسلوب المادي البحت ... بغض النظر عن حاجته الماسه للمال ... بس معقوله ما عنده اي انتماء لبلده ؟؟

هل هو من الجدد ؟؟ اذا من الجدد ممكن اصدق ان العشره تهون عليه لانه ما تم فيها وايد .. لكن اذا اجداده كانوا مولودين في قطر اقدر اقول انه فشلهم في قبورهم بطريقة التفكير هذي ..

[wadha-qa]

الله يكون بعوونه ..

بخصوص اللي يهاجون الرجال !! هو قال سنتين و يرجع يعدل وضعه يعني ما قال بيهاجر للابد

صراحه ما ينلامون خاصه الديون كسرت ظهوور الناس يا يشوف له طريقه يقضي فيها دينه ولا بينسجن فالافضل له يتغرب كم سنه عادي اللي بينا وبينهم حذفة حصاه هذي دوله خليجيه مب امريكا باخر الدنيا ؟؟

[سهم احمر]

الهندي أعز من القطري في الوقت الحالي

ليش - ومن متى - ولين متى =:court::court::court:

[basma222]

وصلنا هالدرجة القطري ولد البلد يتغرب علشان رزقه ..
لا حول ولا قوة الا بالله العلي العظيم

القطري اليوم خير بلاده مو له

اليوم في وطني الحبيب متصل رجل من لندن يقول وقفوا العلاج عن امه المريضه وقالوا له ارجعوا قطر

وحتى الجرعه اللى تاخذ امها وقفوها عنها من اسبوعين وامه تعبانه

ليبيا يتم علاجهم والقطريه يوقفون عنها العلاج

الله المستعان

[برق لمع]

شدعوه اخوي تتوقع حد بينسى قطر علشان لفلوس ؟؟؟ اسمحلي ما يستاهل يكون قطري اللي معاش بينسيه الارض اللي تربى وعاش فيها .. معقوله يفكر بهالاسلوب المادي البحت ... بغض النظر عن حاجته الماسه للمال ... بس معقوله ما عنده اي انتماء لبلده ؟؟

هل هو من الجدد ؟؟ اذا من الجدد ممكن اصدق ان العشره تهون عليه لانه ما تم فيها وايد .. لكن اذا اجداده كانوا مولودين في قطر اقدر اقول انه فشلهم في قبورهم بطريقة التفكير هذي ..

اخوي dawn الرجال قطري ابا عن جد
وين المشكله اذا راح يشتغل بدولة خليجية ثانية بهدف تسديد دينه ؟؟
شدخله بالوطنية او غيرها ؟
تراه يحب بلاده مثلك واكثر وخلنا بعيد شوي عن المثاليات لو سمحت ولا تحكم على الناس وانت ما تعرف ظروفهم !!
ترا اجدادنا اللي تتكلم عنهم في قبورهم سافروا فارس والهند على شان تجارتهم والمكسب الحلال وهم عرب لا هو حرام ولا عيب
العيب انك تشكك في وطنيته وحبه لبلاده
ولو لقا الخير في بلاده ( ام الخير) اللي خيرها حق لبنان وليبيا وامريكا كان ما رضت على ولد الدوحة مجرد يفكر هالتفكير واعتقد ان ردود الاخوان او بعضهم فكر نفس التفكير في انه يسافر دولة خليجيه اخرى لتعديل وضعه
( قال شحادك على المر قال اللي امر منه)

[برق لمع]

الله يكون بعوونه ..

بخصوص اللي يهاجون الرجال !! هو قال سنتين و يرجع يعدل وضعه يعني ما قال بيهاجر للابد

صراحه ما ينلامون خاصه الديون كسرت ظهوور الناس يا يشوف له طريقه يقضي فيها دينه ولا بينسجن فالافضل له يتغرب كم سنه عادي اللي بينا وبينهم حذفة حصاه هذي دوله خليجيه مب امريكا باخر الدنيا ؟؟

صح لسانك يا خوي
والله انا لو مكانه اروح امريكا وابعد بس احسن من ظروفي بدل ما اعيش في بلادي التي ابت علي الكرامة والمعزة

[qatarboy14]

لا حول ولا قوة الا بالله .... اللهم أني أعوذ بك من غلبة الدين وقهر الرجال

ربي أعوذبك من قهر الرجال ربي أعوذ بك من قهر الرجال ربي أعوذبك من قهر الرجال ربي أعوذ بك من قهر الرجال ربي أعوذبك من قهر الرجال ربي أعوذ بك من قهر الرجال ربي أعوذبك من قهر الرجال ربي أعوذ بك من قهر الرجال ربي أعوذبك من قهر الرجال ربي أعوذ بك من قهر الرجالربي أعوذبك من قهر الرجال ربي أعوذ بك من قهر الرجال ربي أعوذبك من قهر الرجال ربي أعوذ بك من قهر الرجال

أميييييييييييييييييييييين يارب أنك سميع الدعاء

[فابريغاس]

شدعوه اخوي تتوقع حد بينسى قطر علشان لفلوس ؟؟؟ اسمحلي ما يستاهل يكون قطري اللي معاش بينسيه الارض اللي تربى وعاش فيها .. معقوله يفكر بهالاسلوب المادي البحت ... بغض النظر عن حاجته الماسه للمال ... بس معقوله ما عنده اي انتماء لبلده ؟؟

هل هو من الجدد ؟؟ اذا من الجدد ممكن اصدق ان العشره تهون عليه لانه ما تم فيها وايد .. لكن اذا اجداده كانوا مولودين في قطر اقدر اقول انه فشلهم في قبورهم بطريقة التفكير هذي ..


شدخل الانتماء اللحين !!

الرجال بيروح يدور رزقه ماحذف الجواز عشان تدخل سالفة الانتماء

ولاتبي وطنيته تخليه يغرق بالديون ويوروثونها عياله وهو فبلاده وخيره للاجنبي !!

انا مادري الصراحه اذا انت قريت الموضوع ولا لا

الرجال بيروح يدور رزقه وبيسدد ديونه وبيرجع

اي والله مايستاهل يكون قطري ههههههه

اغرقوا بديونكم ياجماعه ولحد يدور رزقه عشان ماتفقدون انتمائكم للوطن

[أخت الغالي]

بالعكس شي طيب أنه فكر يروح للخارج ويكون له مدخول حلوو ولايتم حاط ايدة على خده وينتظر الوظيفه ولاحياه لمن تنادي والديون تتراكم فكر بنقطه ايجابيه لحياته

اذا بينظر الوظيفه بقطر الله يعينه

يامكثر القطريين متخرجين من اميركا وبريطانيا وكندا ومهوب لاقيين وظايف ....

[تاجر]

لو اتيحت لي نفس الفرصه .. لاتخذت قرار الذهاب والعمل .. في دولة خليجية فقط ..
فلله الحمد دول الخليج تعتبر دولة واحده .. وكأني بين اهلي ..

نعم يدمي القلب اني لا اجد وظيفه في بلدي وانا بهذه الشهادات .. ولكن رب ضارة نافعه

[قطريه ماركه]

حسبي الله و نعم الوكييل بالسهولة يفرطوون في هالكفاءات القطرية ......

[m7dmrta77]

الله كريم ..........

[Abo Sami]

لا اله الا الله

اللهم اقض الدين عن جميع المسلمين وارأف بحالهم

[Dawn]

اخوي dawn الرجال قطري ابا عن جد
وين المشكله اذا راح يشتغل بدولة خليجية ثانية بهدف تسديد دينه ؟؟
شدخله بالوطنية او غيرها ؟
تراه يحب بلاده مثلك واكثر وخلنا بعيد شوي عن المثاليات لو سمحت ولا تحكم على الناس وانت ما تعرف ظروفهم !!
ترا اجدادنا اللي تتكلم عنهم في قبورهم سافروا فارس والهند على شان تجارتهم والمكسب الحلال وهم عرب لا هو حرام ولا عيب
العيب انك تشكك في وطنيته وحبه لبلاده
ولو لقا الخير في بلاده ( ام الخير) اللي خيرها حق لبنان وليبيا وامريكا كان ما رضت على ولد الدوحة مجرد يفكر هالتفكير واعتقد ان ردود الاخوان او بعضهم فكر نفس التفكير في انه يسافر دولة خليجيه اخرى لتعديل وضعه
( قال شحادك على المر قال اللي امر منه)

انا كلامي عن الجزئيه اللي قلت فيها انه بياخذ زوجته وعياله للبلد اللي رايح لها ويعيش فيها خصوصا انها تجنس الكفاءات ... ولا مثاليه ولا شي اخوي انا ابعد ما اكون عن المثاليه ...
وين بيروح الامارات ؟؟؟ اول سنه يمكن يكون وضعه عادي بس عقب فتره بيسمع كلام من المواطنين اللي هناك انه خذ مكان مواطن ولا تنسى ان هناك بعد عندهم مشكلة بطاله ...
بيسمع كلام مثل الكلام اللي تقولونه الحين عن اللبنانيين والفلسطينيين والهنود ... خله يقوي قلبه ويستعد لهالاشيا .. عاد ذيك الساعه بيقولون القطري خذ رزق عيالنا .. بالتوفيق لك وله ان شا الله

[Dawn]

شدخل الانتماء اللحين !!

الرجال بيروح يدور رزقه ماحذف الجواز عشان تدخل سالفة الانتماء

ولاتبي وطنيته تخليه يغرق بالديون ويوروثونها عياله وهو فبلاده وخيره للاجنبي !!

انا مادري الصراحه اذا انت قريت الموضوع ولا لا

الرجال بيروح يدور رزقه وبيسدد ديونه وبيرجع

اي والله مايستاهل يكون قطري ههههههه

اغرقوا بديونكم ياجماعه ولحد يدور رزقه عشان ماتفقدون انتمائكم للوطن

اخوي اقرا المشاركه 47 وضحت فيها قصدي ...

[Abo Sami]

وين بيروح الامارات ؟؟؟ اول سنه يمكن يكون وضعه عادي بس عقب فتره بيسمع كلام من المواطنين اللي هناك انه خذ مكان مواطن ولا تنسى ان هناك بعد عندهم مشكلة بطاله ...
بيسمع كلام مثل الكلام اللي تقولونه الحين عن اللبنانيين والفلسطينيين والهنود ... خله يقوي قلبه ويستعد لهالاشيا .. عاد ذيك الساعه بيقولون القطري خذ رزق عيالنا .. بالتوفيق لك وله ان شا الله


اتكلم عني كمواطن خليجي ( سعودي ) ان الخليجي القطري او الاماراتي او العماني او الكويتي او البحريني
احسن وافضل من اللبناني والسوري والهندي
وبالعكس مااخذ مكان ولد البلد ولا شكل لوبي لعيال جنسيته ويطفش المواطنين من هالشغل
ورب البيت ان الاجانب مشكلين لوبيات تلاقي اللبناني مايظف الا لبنانيين ويتفننون بتطفيش السعوديين وكذلك الهنود والسوريين مثل اللبنانيين

لا وازيدك من الشعر ببيت لهم حصه الاسد من الرواتب غير السكن بالمجمعات السكنيه الخاصه وموفر لهم كل وسائل الترفيه .....

وتذاكر لهم ولعيالهم ومدارس وبونص سنوي
وشغلهم ورب البيت يقوم فيه اي مواطن لكن عندنا يااهل الخليج عقده الاجنبي واللبناني
وبالاخير ربي ينصرنا ببلدنا على من خطفوا لقمة العيش مننا وياليتهم قاسمونا كان اهون

[M!$s ĀŁ!eN]

الله يوفقه ان شاء الله ..
وربي يخليه لعياله ان شاء الله
الله يرده لاهله سالم .. وغانم ان شاء الله
لو اهو يقدر انه يوفر لزوجه الشغل معا في نفس المكان راح يكسب الاستقرار العائلي ..

[eXpert*]

السوق عرض وطلب

لو يطلبوني في الهند بروح بشررررط يكونون صج يقدرون خبراتي ومحتاجين ليّ.

ترى السالفة في الاخير مش راتب وبس ،، اذا راتب عالي وبكون مركون علي جنب خل أتم في بلادي أبرك لي .

في ألخير احنا شعب واحد وخليجنا واحد .

[البيت بيتك]

يارب يفرج على كل قطري يعاني من هذا الامر

[saryalia4u]

المهم هالكلام كله ينقرى؟؟؟
ويووصل ؟؟؟

[بوناصر1]

اخوي بصراحه ومن غير زعل رفيجك الغلطان !!!!
قبل لا يروح يدرس وياخذ الشهاده
المفروض يضمن الواسطه او يتعرف له على مسئول واصل في احدى الوزارات
بلعربي شهاده من غير واسطه ماتاكل عيش

[غزلان]

لا حول و لا قوة الا بالله

[بوعبدالرحمن5]

شدعوه اخوي تتوقع حد بينسى قطر علشان لفلوس ؟؟؟ اسمحلي ما يستاهل يكون قطري اللي معاش بينسيه الارض اللي تربى وعاش فيها .. معقوله يفكر بهالاسلوب المادي البحت ... بغض النظر عن حاجته الماسه للمال ... بس معقوله ما عنده اي انتماء لبلده ؟؟

هل هو من الجدد ؟؟ اذا من الجدد ممكن اصدق ان العشره تهون عليه لانه ما تم فيها وايد .. لكن اذا اجداده كانوا مولودين في قطر اقدر اقول انه فشلهم في قبورهم بطريقة التفكير هذي ..

اخي الفاضل ما دخل الوطنيه والانتماء اذا هناك فرص عمل افضل في اي دوله في العالم ياخي ارض الله واسعه والواحد ما يدري اين الرزق والخير له وسبحانه موزع الأرزاق ولم يحدد الرزق في بلد محدد؟

وبعدين تحكم على الرجال انه ما يستاهل يكون قطري ونه يمكن من الجدد !! سبحان الله اذا الواحد جلس يتكلم عن رايه او اخذ يقرر في موضوع يخص مستقبله انقزو له اهل الوطنيه والأنتماء وكان لا احد عنده وطنيه غيرهم ..لا والمشكله يحددون اذا يصلح قطري او ما يصلح فعلا نقص وكل اناء بما فيه ينضح !!

والظاهر انك من الجدد بس حبيت اعلمك بشي يمكن ما تعرفه طال عمرك
هناك من اهل قظر قديما ابهات واجداد ذهبوا للعمل في الشركات البتروليه اول ما فتحت في السعوديه والدمام والثقبه منهم من جلس 10 سنوات الى 15 سنه ورجعوا ديرتهم ومحد زايد عليهم وجلس يطعن في وطنيتهم وانتمائهم .

تحياتي لك ..

[مستجدة]

الله المستعان

فيه اشياء اهم من المواطن عند الحكومه انتظروا الدور في الاولوئات واذا جا دور المواطن ابشروا بالخير

[وهم قطر]

الله يوفقه وين ماراح

بالعكس لاهو حرام ولا عيب الرجل يبي يحسن من وضعه

واكيد أنه فكر مع نفسه وعدل أموره ولا عليه خوف مادامه في دوله خليجيه

ومن شغله في قطر ماخذ اجازه بدون راتب ومب مقدم استقالته شئ جيد

ومتى ماسمع الرواتب في قطر تعدلت بيرجع على شغله

ويقدر في كل ويكند يزور أهله

صحيح القربه مره لكن الاسباب حدته

[البارع]

اللهم عليك بالخاين اخذه اخذ عزيز مقتدر وكل ظالم اخذه اخذ عزيز مقتدر
انهم لايعجزونك فعليك بهم يارب العالمين

[مستجدة]

اللهم عليك بالخاين اخذه اخذ عزيز مقتدر وكل ظالم اخذه اخذ عزيز مقتدر
انهم لايعجزونك فعليك بهم يارب العالمين


:eek5:


الا إله الله محمد رسول الله

[سعود00]

لا حول ولا قوة إلا بالله

إن شاء الله رزقه مب ضايع دام رزقه عند رب العالمين

لكن واقع مؤلم حينما يكون المسؤول القطري هو من يحارب الكفاءات القطرية

خوف وخشيه من أن ينتزعوا مكانه لأنهم أجدر منه في العلم والمعرفه والكفاءة

يجب أن تكون جهه رقابية محايدة على المسؤولين الذين يحاربون الكفاءات ومسائلتهم قانونياً

الله يوفق الجميع ويرزق كل مجتهد بالوظيفة الي تناسبه وتناسب مؤهله العلمي

[أحمد الكبيسي]

قصه غير واقعيه ---- ورجاءا لاتقلبون المنتدى الى برنامج وطني الحبيب صباح الخير واتسون قطر انها كلها مشاكل --- قطر الخير---قطر العز---قطر ضمت العالم كله معقوله ماتقدر اضمه؟ اتركوا عنكم تشويه صورة قطر بالطريقه هذي -----قطر محتاجه الى الانسان الواقعي واللي يعمل من اجل وطنه وليس للتشويش على سمعة قطر الطيبه .

[أين الحل ؟]

يا ريت يا صاحب الموضوع تدلينا الطريق حتى نعدل أوضاعنا أنا تقريبا نفس المشكله شهادة علمية وماجستير

وشغال في مجال مختلف ( مجال أخصائي نفسي ) عشان أنا طعت الزمان لما الزمان ما طاعني

وجزاك الله خير

[Not Me]

الله يوفقه

انا اعرف قطري عنده ماجستير من امريكا و يشتغل في الهند من 2008 في منصب كبير في شركة هندية!

هذا رزق...والبني ادم مايدري وين الله حاط رزقه..الواحد بس عليه يتوكل على الله ويسعى

[مستجدة]

قصه غير واقعيه ---- ورجاءا لاتقلبون المنتدى الى برنامج وطني الحبيب صباح الخير واتسون قطر انها كلها مشاكل --- قطر الخير---قطر العز---قطر ضمت العالم كله معقوله ماتقدر اضمه؟ اتركوا عنكم تشويه صورة قطر بالطريقه هذي -----قطر محتاجه الى الانسان الواقعي واللي يعمل من اجل وطنه وليس للتشويش على سمعة قطر الطيبه .


يعني هالعالم اللي يشتكون يكذبون ويبون يشهون اسم بلدهم ....؟

سبحان الله

الان الجامعيين مافيه وظائف تقبلهم واغلب الاماكن يطلبون ثانويه لتوفير المزاينيه
حق انفسهم
واصحاب الخبرات والشهادات اذا ماحصلوا واسطه تموا في البيت ولا رضوا بقل من حقهم...؟
ليه يقبلون بقل من شهاداتهم وتعبهم سنين بعضهم على حسابه لان دولته ماسهلت له الابتعاث ولا حتى دخول جامعة قطر بسبب الشروط التعجيزيه

[gt_511]

وراح أتشوق اكثر في اقتراح للمسولين ممكن اتشوفون لنا مكان بر بلادنا وانخلي لكم البلاد أرعون فيها انتوا والأجانب بس لو قدر الله لنا حرب ابي أشوف واحد ينادي هل قطر للدفاع عنها بقوله روح خلي الأجانب ينفعونك

[(بوطلال)]

يعمل في مؤسسه معروفه تابعة للدولة براتب اتوقع لا يتجاوز 17 الف ريال طبعا بعد خصم بدل السكن
واللي عرفته ان يوم كان في بريطانيا طلبوا منه العمل في احدى المستشفيات عندهم لكن لانه يحب بلده رفض ورجع للدوحة وكله اماال
والحين متندم يقول ياليتني ما رجعت قطر كنت اشتغلت براتب مغري وكملت الدكتوراه على حسابهم واخذ الجنسية بعد


اخوي الله يرضى عليك خلك واضح . طبيعة عمله شنهي؟

والدوله الخليجيه الي بيروحها كم عرضت عليه ؟



ولا اجيبها لك من الاخر . رواتب قطر على العموم مافي اي دوله في الخليج تعطيك قدها غير بوظبي وفشغلات محدده . ولو راح بوظبي بيصرف قد الي يصرفه فقطر 3مرات واسئل اهلها عن اسعار البترول والتموين والغاز والسكن. والي بيجادل ويعترض يثبت كلامه .

[السامـي]

المهم هالكلام كله ينقرى؟؟؟
ويووصل ؟؟؟

يعني ما يدرون؟!!!!
يدرون وراضين.!!!

[fmmja]

* يا شباب الموضوع هذا يخص اصحاب الشهادات الجامعيه !!

* اصحاب الشهاده الثانويه ما عليهم شر انشالله لأن معروف سلمهم الوظيفي وتدرجاته فهم بعيد عن منافسة الأجانب مشكلتهم في الواسطه , ولايمكن ان قطاع حكومي او قطاع خاص يوظف اجنبي بشهاده ثانويه !!

* يجب تزويد جميع القطاعات وخصوصا " الخاص " لأن به الكثير من التهميش للقطرين اصحاب الكفائات بدفعه من الكوادر القطريه ذات الكفائات العاليه لتحقيق التوازن بين الشرائح العامله في هذا البلد الكريم .

انتهى .

[وهم قطر]

اخوي الله يرضى عليك خلك واضح . طبيعة عمله شنهي؟

والدوله الخليجيه الي بيروحها كم عرضت عليه ؟



ولا اجيبها لك من الاخر . رواتب قطر على العموم مافي اي دوله في الخليج تعطيك قدها غير بوظبي وفشغلات محدده . ولو راح بوظبي بيصرف قد الي يصرفه فقطر 3مرات واسئل اهلها عن اسعار البترول والتموين والغاز والسكن. والي بيجادل ويعترض يثبت كلامه .

تصدق انه لوتقول حق أي شخص غير قطري واماراتي

تبي تعيش في قطر براتب 20،000 الف أو

في الامارات براتب 40،000 الف بقولك أبي في قطر لأنه فاهم المعيشه صح

والاخوان سندرونابالامارات ورواتبهم عاليه

من كثر مانعرف شباب الامارات عرفنا طبيعه معيشتهم وغلاها وبلسانهم

يشتكون من الغلا ويتمنون بعدم زياده الرواتب مقابل نزول البضائع نفسنا

[!..فيونكه..!]

واللـه شيء مؤلـم وصلنـا الى هـذا الحـال !!

يتغربـون القطريين اصحاب الكفائات ويبتعـدون عن أهلـهم ويبقــى الاجنبـي في البـلاد معـزز ومكـرم .. الــى متـــــــــى ؟؟؟

[(بوطلال)]

تصدق انه لوتقول حق أي شخص غير قطري واماراتي

تبي تعيش في قطر براتب 20،000 الف أو

في الامارات براتب 40،000 الف بقولك أبي في قطر لأنه فاهم المعيشه صح

والاخوان سندرونابالامارات ورواتبهم عاليه

من كثر مانعرف شباب الامارات عرفنا طبيعه معيشتهم وغلاها وبلسانهم

يشتكون من الغلا ويتمنون بعدم زياده الرواتب مقابل نزول البضائع نفسنا



عاد من تفهم , للاسف البعض شغل اسطوانه ومارضى يسكرها

[الأصيلة]

تصدق انه لوتقول حق أي شخص غير قطري واماراتي

تبي تعيش في قطر براتب 20،000 الف أو

في الامارات براتب 40،000 الف بقولك أبي في قطر لأنه فاهم المعيشه صح

والاخوان سندرونابالامارات ورواتبهم عاليه

من كثر مانعرف شباب الامارات عرفنا طبيعه معيشتهم وغلاها وبلسانهم

يشتكون من الغلا ويتمنون بعدم زياده الرواتب مقابل نزول البضائع نفسنا


الإمارات بس بوظبي ودبي
وإلا الباقي حالتهم حاله...

[Dawn]

اخي الفاضل ما دخل الوطنيه والانتماء اذا هناك فرص عمل افضل في اي دوله في العالم ياخي ارض الله واسعه والواحد ما يدري اين الرزق والخير له وسبحانه موزع الأرزاق ولم يحدد الرزق في بلد محدد؟

وبعدين تحكم على الرجال انه ما يستاهل يكون قطري ونه يمكن من الجدد !! سبحان الله اذا الواحد جلس يتكلم عن رايه او اخذ يقرر في موضوع يخص مستقبله انقزو له اهل الوطنيه والأنتماء وكان لا احد عنده وطنيه غيرهم ..لا والمشكله يحددون اذا يصلح قطري او ما يصلح فعلا نقص وكل اناء بما فيه ينضح !!

والظاهر انك من الجدد بس حبيت اعلمك بشي يمكن ما تعرفه طال عمرك
هناك من اهل قظر قديما ابهات واجداد ذهبوا للعمل في الشركات البتروليه اول ما فتحت في السعوديه والدمام والثقبه منهم من جلس 10 سنوات الى 15 سنه ورجعوا ديرتهم ومحد زايد عليهم وجلس يطعن في وطنيتهم وانتمائهم .

تحياتي لك ..

هههههههاي انا من الجدد ؟ يحليلك ... احلف عاد
وفيه بعد لهوله اللي راحوا ايران ويوم جا الخير ارجعوا للخليج صح ؟

اقرا المشاركه رقم 47 وضحت قصدي مابي اعيد كلامي 100 مره
تتطنزون على البوفلص وصرتوا مثلهم .. لا المشكله الود ودكم يروحون من البلد لان مضيقين عليكم .. يا سبحان الله على الازدواجيه في الشخصيه

[Emarati]

الحين شدخل الامارات لووووول

لا حول

[.Q a T a R.]

موظف قطري ضاق ذرعا من وظيفته ومن الظلم الذي يواجهه في العمل
عانى وتعب وحاول وصبر وفي الاخير اتخذ قرار خطير !!!
قرر أن يشتغل في دولة خليجية اخرى تطلب خبراته وبراتب ثلاث اضعاف راتبه في قطر وقد يترك اهله واولاده في قطر نتيجة لارتباط زوجته بالعمل واولاده بالمدرسه من اجل تحسين وضعه وتسديد ديونه فتره سنة او سنتين وسيعود مرة اخرى ، لان انقطاعه عن العمل في قطر سيكون بلا راتب ؟
هل وصل بنا الحال في بلدنا العزيزة قطر الى هذه المرحلة ،،،، ؟
ووالله ان هذا الرجل لديه شهادة ماجستير من بريطانيا بتخصص علمي لم يحصل عليه الا قلة في مجال تخصصه ان لم يكن هو الوحيد .
فقط اريد تعليق على هذا الموضوع وبكل امانة


يئسفني اني اقولك قطر قبل كانت عزيزه

وخير بلادك حق الاجانب

[برق لمع]

اللي يقولون قطر فيها خير وارض الخير وهالكلام الفاضي ووطنية وما وطنيه
اقولكم كلمة وحدة بس
يالله خل تضمه قطر اوتعزه وترزه قبل لا يروح دولة خليجيه ثانية
انا من ناحيتي اكتفيت

[صوت الضمير]

اجل وين 60 مليون اللي اصرفوها على المعرض المهني

ليه سوا دراسة لسوق العمل....

ليه ماحاولوا يعدلون من وضع القطري بالعمل..

قهر قسم بالله

تدرون مفكرين نقدم تقارير علاج للاخوي المعاق لاحدى الدول الخليجية

لن اللجنه رفضت اعلاج اخوي المعاق بالخارج

أبداع

[مرحوم قطر]

لا تروح بعيد


ما تخبرون القطريه الي اتصلت تشتكي في وطني الحبيب صباح الخير عن هلموضوع

ان عندها شهادات عليا و دورات قويه و عندها شهادات خبره عاليه و مب محصه وظيفه

و قدمة في بلدان خليجيه على وضيفه


انا اعرف اخوان هلبنت و ترطني ابهلعيله علاقه قويه و اعرف البنت شخصيا

و انا كنت حاضر معاهم المشكله كانت تشتغل في وضيفه و لعوزوها الاجانب و ما قدرت تتحمل

لان وصلت المضايقات لمرحلة الاهانه و صار تلاعب في عقدها


دارة و تعبت ولا لقة وضيفه و حاولت وايد تدور مالقة شي

لين قدمة على وضيفه و كانت بتتوضف في البحرين ((((((( البحــــــــــــــــــريــــــــــــــــــــن ))))))))

الي اهلها يشتكون من قلة الوضايف بس وافقو عليها حق شهاداتها


و بعدين يوم اشتكت و تكلمت و طلعت على وطني الحبيب و سوة كل ذي طلعولها وضيفه

[ام جابر 1]

لاحول ولا قوة الا بالله

[الجوكر90]

السلام عليكم
الشيخ قول حق رفيجك خشمك
احسن شي سواه
احسن من كل واحد يقعد يتحندى ويشتكي
ع الاقل حصل شغل بنفس تخصصه والراتب الي يبيه
ويقدر يسدد دينه
وبعدها يجمع فلوس ويرجع
والي يقول يتغرب شالمشكله
وشو الفرق بين انه يتغرب 4 سنين دراسه او 4 سنين شغل
مرده راح يتعرف ع ناس عادي يطلعون نفس هله وربعه واحسن

انا لو ماحصلت وظيفه ع طول راح اقدم ع دول ثانيه فالخليج احسن من احط ايدي ع خدي وانطر الشغل وادلع واقول لا مابي اهد هلي


وصدقني بعد فتره الشركات الي فالدوحه راح ادوره وبتعرض عليه ضعف الي ياخذه هناك
قوله روح والقلب داعيلك ومالك شغل فالكلام فالوطنيه والانتماء
ترى حتى البدون عندهم وطنيه وانتماء بدون جواز
وصدقني اول واحد يشرد وقت الجد الي دوم يتكلم عن هالسوالف
واول ناس راح يوقفون مع اهل قطر العيم <<< لان انا واحد منهم اما جي اتغشمر
المهم ارض الله واسعه خله يروح ويشتغل لين مايشبع خبره وفلوس وبعدين يوم يرجع يقولهم خلوا الاجانب ينفعونكم

وبالتوفيق ان شاء الله

[@شيخة@]

خيرنا لغيرنا.... الله كريييييم...

[بوعبدالرحمن5]

هههههههاي انا من الجدد ؟ يحليلك ... احلف عاد
وفيه بعد لهوله اللي راحوا ايران ويوم جا الخير ارجعوا للخليج صح ؟

اقرا المشاركه رقم 47 وضحت قصدي مابي اعيد كلامي 100 مره
تتطنزون على البوفلص وصرتوا مثلهم .. لا المشكله الود ودكم يروحون من البلد لان مضيقين عليكم .. يا سبحان الله على الازدواجيه في الشخصيه

والله انا على بالي اسولف مع واحد فاهم ( ياحليلك ..احلف عاد ) زين قول والله :nice:

اقول (سلاما):nice:

[@شيخة@]

لا حول ولا قوه ...

الله كريم ...

[qtrose]

يمكن خير له ،،، الله يوفقه .

[Gentleman]

إذا تخصص أخونا هندسي وينفع حق شركات البترول طرش لي السي في أو تفاصيل عن مؤهلاته وخبرته- جزاك الله خير.
الله يوفقه وبيارك فيه.

[الصريحه]

القطريين امانه في ايدي المسؤولين وربي بحاسبهم على تضيق المعيشه عليهم

[برق لمع]

السلام عليكم
الشيخ قول حق رفيجك خشمك
احسن شي سواه
احسن من كل واحد يقعد يتحندى ويشتكي
ع الاقل حصل شغل بنفس تخصصه والراتب الي يبيه
ويقدر يسدد دينه
وبعدها يجمع فلوس ويرجع
والي يقول يتغرب شالمشكله
وشو الفرق بين انه يتغرب 4 سنين دراسه او 4 سنين شغل
مرده راح يتعرف ع ناس عادي يطلعون نفس هله وربعه واحسن

انا لو ماحصلت وظيفه ع طول راح اقدم ع دول ثانيه فالخليج احسن من احط ايدي ع خدي وانطر الشغل وادلع واقول لا مابي اهد هلي


وصدقني بعد فتره الشركات الي فالدوحه راح ادوره وبتعرض عليه ضعف الي ياخذه هناك
قوله روح والقلب داعيلك ومالك شغل فالكلام فالوطنيه والانتماء
ترى حتى البدون عندهم وطنيه وانتماء بدون جواز
وصدقني اول واحد يشرد وقت الجد الي دوم يتكلم عن هالسوالف
واول ناس راح يوقفون مع اهل قطر العيم <<< لان انا واحد منهم اما جي اتغشمر
المهم ارض الله واسعه خله يروح ويشتغل لين مايشبع خبره وفلوس وبعدين يوم يرجع يقولهم خلوا الاجانب ينفعونكم

وبالتوفيق ان شاء الله

صح الله لسانك
يا زين كلمة الحق