المساعد الشخصي الرقمي

مشاهدة النسخة كاملة : مدرسة اوفاز الدولية استفسارات ارجوا الاجابة عليها



أم حمد
19-04-2011, 09:03 AM
السلام عليكم ورحمة الله وبركاته

الاباء والامهات

اللي عندهم عيال في هالدرسة

ممكن تعطوني نبذه عنها

كيف دراسة اللغه العربية والتربية الاسلاميه وكم عدد الحصص بالنسبة للتربية الاسلاميه وهل هي يوميا ولا ثلاث حصص بالاسبوع مثل اغلب المدارس ؟!

ايش المنهج المدرس عندهم وفيها لغه اضافيه غير اللغه الانجليزيه !

فيها فصل بين الجنسين ومن اي مرحلة ؟!

والحمامات تكرمون فيها مشرفات ولالا ؟

وساعات الدراسة بالنسبه ل كي جي 1 و المرحلة الابتدائية لين الساعه كم ؟

والتسجيل متى وهل لازال مستمر للسنه الجايه ولالا لان اتصل مايردون علي !

وكم الرسوم بالنسبه للروضه والمرحلة الابتدائية !

واذا فيه اضافات لاهنتوا ممكن تضيفونها هنا استفيد وغيري يستفيد


لاهنتتتتوا

المرسى الأخير
19-04-2011, 11:10 AM
هلا اختي

انا زرت المدرسة من شهر ونص تقريبا بشكل عام شكلها زين مديرها مسلم و مدرسات الصف انجليز و عندهم مساعدات و عندهم مدرسات للعربي والدين

منهج المدرسة انجليزي و العربي منهج لغتي فرحي معتمد من المجلس الاعلى و يدرسون لغة فرنسيه بعد الي تدرسهم مدرسة عراقيه الجنسيه بس تتواصل معاهم بالفرنسية 100%

يركزون عاللانجليزي والعربي والدين بشكل متوازن تقريبا حصص الشرعيه مرتين او 3 مرات فالاسبوع والعربي عندهم تقريبا 5 او 4 حصص اسبوعيا ( مش متذكره بالضبط)

مبنى الروضه بمراحلها الثلاث منفصل عن مبنى الابتدائي وعندهم ملعب كرة قدم و منطقة لعب داخليه وخارجيه والحمامات للاولاد غير عن البنات و صغيره تناسب اطوالهم

اسعارها فالمتوسط تقريبا بس نسيت كم تحديدا واوقات الدوام يبدون تقريبا 7 و يخلصون 1 بس افضل تأكدي منهم لان مش متأكده بالضبط

من خلال الي اقراه فالمنتدى ومنتديات اخرى كثير اهالي مرتاحين منها و مستويات عيالهم تحسنت للافضل

وانصحج تروحين لهم و تشوفين المبنى لان انا يوم رحت كان للحين التسجيل مستمر للسنه الجايه و قال المدير بنسكر التسجيل اذا وصلنا مستوى الاكتفاء في صفوف السنه الجايه

الله يوفقج اختي

سهم احمر
19-04-2011, 11:59 AM
ما عندي كلام أزيده على المرسى الاخير

بس الصراحة المدرسة ممتازة وماعطين كل شي حقه في الدراسة والنظام ممتاز بالأضافة إلى الترتيب والهيكل الدراسي المعتمد والمعمول به.

المرسى الأخير
19-04-2011, 12:04 PM
ننتظر مزيد من الاراء عن المدرسة

و هل طريقة التدريس فيها مماثلة لاسلوب مدرسة الحياة العالمية ؟

أم حمد
20-04-2011, 07:17 AM
المرسى الاخير

سهم احمر


لاهنتوا وللأمانه من شفت المبنى وهيئة التدريس ترددت

وانا توكلت على الله وعندي اليوم مقابله في مدرسة الحياه العالمية

لان فيها مقاييس كثيره خلتني افضلها عن اوفاز

أسال الله التوفيق لنا ولكم

لاهنتوا مره ثانيه

um-bader
20-04-2011, 11:03 AM
أختي أم حمد شتقصدين لما شفتي مبنى وهيئة التدريس في مدرسة أوفاز ترددتي؟؟؟في شي ما عجبج
لاني قاعدة ادور معلومات عن المدرسة علشان اسجل ولدي فيها
ومدرسة الحياه تقصدين اللي صاحبها ابراهيم الخليفي اللي قريب حياة بلازا؟؟؟

المرسى الأخير
22-04-2011, 10:05 AM
هلا اختي ام حمد

معاج حق اوافقج الرأي انا ترددت اني اسجلهم للسنه الجايه

قلت خلني انتظر سنه افضل عشان نسمع من اولياء الامور اكثر وعشان نعرف عن ادارة المدرسة اذا هي جيدة او لا

و بالنسبة للمبنى بشكل عام كمبنى لمدرسة توها جديده ولانه اصلا مش مبنى مدرسة من أساس زين بس لي شخصيا انا تخوفت من الدرج الي موجود في مبنى صفوف مرحلة الروضة لانه حسيته ابدا غير امن

و اهم شي اسلوب التدريس و مخرجاتهم