المساعد الشخصي الرقمي

مشاهدة النسخة كاملة : ابي اغير شكل السلم كاارهته



saryalia4u
19-04-2011, 04:16 PM
السلام عليكم

لله الحمد وصلت لمرحلة التشطيبات في البيت ولكن مابلشت في الدرج
لان شكله مش عاجبني كان خاطري بشي دائري ومرتب خصوصا انه واجه البيت اول ماتدشه

هل في حد شاطر يقدر على اعادة تصميمه؟؟
او حتى فكره حلوه ومرتبه

راح احط لكم اللي ودي فيه تقريبا وهم صوره لسلم البيت
http://www13.0zz0.com/2011/04/19/13/164116555.jpg

يعطيكم الف عافيه

مهل
19-04-2011, 04:22 PM
ترى مالي في البنيان بس بتفلسف .


١- ممكن ماتغيرين فيه شي بس تشتغلين عدل على ديكورات الدرج .. يعني حطي اضاءات في العتبات و دربزين زجاجي مع خشب بيطلع شي زين

٢- ممكن انج تغيرين في الجزء الاول من الدرج .. يعني تسوينه لاف // فقط الجزء الاول .. يصير بادي من عند السنطوانه و طالع فوق بشكل دائري و بعدين يكمل عادي

saryalia4u
19-04-2011, 04:28 PM
بالنسبه للديكورات في البال وشاطره فيها
بس ابي حد شاطر يقدر يلفه ويسوي الدرج على شكل دائري
بدون مايسوي كراك في البيت بعد التعديل
تسلم ع المرور

مهل
19-04-2011, 04:47 PM
حطي في بالج انه صوره الدرج الي انتي حاطته فوق. الي لاف. صعب تصير عندج بسبب فارق التصميم بين البيتين. اهم شي تسوين تغيير يتناسب مع تصميم بيتج المبارك

saryalia4u
19-04-2011, 05:40 PM
وهذا القصد اخوي عارفه صعب يصير زيه بس دورت صوره مناسبه مالقيت

Chambray
19-04-2011, 07:19 PM
للاسف مايصير على حسب خرتبي
مافي الا تشتغلين على هذا الدرج بديكورات واضاءات
لان الدرج عبارة عن ( صبيه خرسانية + حديد ) صعب جداً يتعدل

مهل
19-04-2011, 08:12 PM
بس اعتقد ممكن تمد عتبات الدرج. اعرض من الاسفل و اقل كل ماتروح فوق. راح يكون شكله لاف

يعني مثلا اول درجه تحت يكون عرضها مترين و تبدا تقلل العرض الى ان توصل لنهايه المستوى الاول. و النص الثاني يبقى مثل ماهو

المزن الرياني
19-04-2011, 08:26 PM
مستحيل يصير ... حتى المساحه مب كافيه عندج
اذا ودج بالدائري مالج الا تزيليين الدرج الخرساني وتركبين درج من حديد او ستانلس ستيل وتفصلينه مثل ماتبين

بس التكلفه عاليه جداً

فواز1976
20-04-2011, 01:17 PM
تقدري تعدليه بس يبغاله اعاده تصميم وتكسير .... بحيث تخلي اخر الدرجات 6 تقريباً على شكل دائري مواجهه للعامود

او الحل الاسهل وكمان راح يخيلي شكل الدرج احلى هو تعديل الدرجات 3 الاخيرات ... بحيث تعرضي نهايه الدرجه الاخيره من جهه العامود وتخلي نهايتها نصف دائره وتتبعها الدرجه الي فوقها بس راح يصير نصف قطر الدائره اصغر ..... والدرابزين تخلي اخر عامود خشب كبير يقع في نصف الدائره ..... ( اذا ما وضحت الصوره علميني .... عشان احاول يا ارسمها او ادور لك على صور مشابهه)

saryalia4u
20-04-2011, 03:57 PM
يعطيكم الف عافيه
صج احبطوني بس في اقتراحات ممكن تكون مقبوله واحسن من الموجود
اخوي فواز ياليت توضح لو بصوره معليش باتعبك

الف شكر جميع ماقصرتوا

متفااائل
20-04-2011, 07:41 PM
أنا حولت الدرج دائري عند نفس المصمم بس القطر عندي أوسع ... أعتقد مب صعبة لكن المشكلة عندك حوائط البيت مستطيلة الشكل ... ماعتقد بيضبط معك الدائري

فواز1976
20-04-2011, 09:49 PM
عندي صورتين ممكن تقرب لك الفكره بس للاسف ماني قادر اضيفهم..... في احد يقدر يفيدني؟

انا اضغط على الزر الي فوق (ادراج صوره) لكن يطلب عنوان موقع في الانترنت بينما انا الصور عندي على الجهاز .... ارجوا الافاده
وشكراً

saryalia4u
20-04-2011, 10:39 PM
اضغط على ارفاق مشاركه من الوضع المتقدم
وراح تتحمل للموقع
الف شكر ع المرور

بن غنيّم
20-04-2011, 11:41 PM
اعتقد مايصير لان السلم الدائري ياخذ مساحه وياكلها وانتي توزيعج للبيت ويمكن ياثر عليه فصعبه وحتى اذا صار اعتقد راح يكلف شي وشويات في الاول والاخير رجعي للاستشاري

مهل
21-04-2011, 12:17 AM
في الكلام صحب الواحد يعبر عن الفكره

اعتقد اكثر الي دخلو كانو يقصدون نفس الفكره الي هي تمدين العتباد من اول وحده تحت في الارض و تقليلين طول العتبات و انتي رايحه فوق
بنفس اتجاه العتبه الي عو من الطوفه الي على اليمين لين السنطوانه الي على اليسار

سويت صوره اتمنى تكون معبره ،،،، اعتبري الاسهم هي امتداد العتبه الجديد

http://www.m5zn.com/uploads/2011/4/20/photo/042011140434ht1rnrr1dgfur4.jpg


فيه فكره ثانيه وهي ممكنه التطبيق ايضا و انتي اختاري

ممكن تمدين العتبات ولكن بزاويه .. يعني الدرج بوضعه العادي.. شفتي مكان الدربزين من هالمكان تمدين العتبه ولكن بزاويه (يعني الامتجاد الجديد يكون بزاويه بتجاه الصاله الي باينه في الصوره على اليسار) يعني بالعربي ممكن السلم تركبينه من المكان الي انتي ملتقطه فيه الصوره الاولى و ايضا ممكن تركبينه من ورى السنطوانه . يكون للدرج زاويتين زاويه اعرض الي هي موجوده حاليه و زاويه اقل الي انتي بتمدينها

شوفي هالصوره

http://www.m5zn.com/uploads/2011/4/20/photo/0420111404347u0xnh9xmflfp4j.jpg

السد
21-04-2011, 11:37 AM
الصور مب طالعة اخوي

بن رومي
21-04-2011, 12:59 PM
اذا بيزيد عرض السلم

لابد من وجود بادئ السلم في الاساس

لان السلم يحمل على البادئ و الاستراحه العلويه ( نهايت الدرج الاول )

(( توزيع الاناره (( الطبيعيه و الصناعيه )) للدرج بتحليه ))
مع درابزين و ديكورات

لا نكره شي في المنزل حتى نعيش بسعاده و راحة بال


بن رومي*

مهل
21-04-2011, 01:58 PM
مرفقه

saryalia4u
21-04-2011, 02:28 PM
اخوي مهل ..
يعطيك الف عافيه
عطيتني فكره مفيده واحتاج استشاره الاستشاري فيها

تسلم على تعبك

saryalia4u
21-04-2011, 02:30 PM
تسلمون اخواني على المرور والتعليق

الف شكر

مهل
21-04-2011, 02:34 PM
اخوي مهل ..
يعطيك الف عافيه
عطيتني فكره مفيده واحتاج استشاره الاستشاري فيها

تسلم على تعبك

العفو العفو .. نعين و نعاون و هذا تدريب لي على ما انا مقبل عليه ان شاءالله

اسئل الله التوفيق للجميع

مستر بن
21-04-2011, 02:39 PM
صورة السلم الحالي ,, طريقتة نفس بيتنا الجديد ’’ خخخخ

وانا مالي ف هالسوالف ,,

naklan
26-04-2011, 12:27 AM
http://www14.0zz0.com/2011/04/25/21/759671496.jpg (http://www.0zz0.com)


تقدرين تغيرين شكل الاربع درجات الي تحت فقط
ويصير نفس هالصوره اول السلم فقط

او يهدم الجزء السفلي فقط من السلم ويصب من جديد
بشكل دأري بس في حاله بيتك لو صب الجزء السفلي بشكل دائري
بيصير السلم بدايته تحت الجزء العلوي من السلم وبيكون
منضره مش حلو لذالك قد يكون تغيير الاربع درجات
الاولى هو الحل الامثل

موفقه اختي الكريمه
اخوك/naklan

ريان
26-04-2011, 01:33 AM
اخوي naklan

لو تم سحب الدرج كم عتبه ورفع الدرج في كل عتبه حتى تتساوى العتبتين قبل الاستراحه مع العتبات

رقم 2او3 من الدرج الطلع ونزرع بينهم اسياخ حديد وخرسانه ويكون ياخذ شكل شبه دائري .

ممكن تصير او لا ؟؟

مهل
26-04-2011, 09:29 AM
نكلان. بصراحه صوره السلم الي حطيتها رهيبه

naklan
26-04-2011, 01:38 PM
اخوي naklan

لو تم سحب الدرج كم عتبه ورفع الدرج في كل عتبه حتى تتساوى العتبتين قبل الاستراحه مع العتبات

رقم 2او3 من الدرج الطلع ونزرع بينهم اسياخ حديد وخرسانه ويكون ياخذ شكل شبه دائري .

ممكن تصير او لا ؟؟

هلا باخوي ريان واسمحلي يالغالي مافهمت سولك عدل وباجاوب على مافهمت منه
اي سلم يعمل له درجه واحد قبل بدايته سيرفع لك جميع الدرجات من 13 الى15 سنتي
ارتفاع واذا كان شغلك الي تتكلم عنه فوق الحصيره الي عليها الدرجات فامورك طيبه
وتقدر تغير بالحدود الذكوره خلاف ذالك اي تغيير للدرج يتم بدراسه هندسيه قد يكون
في بالك اشياء ولكن مخالفه هندسياً مثلا السلم الارتفاع فوقه لا يسمح او
اي مشكله اخرى فلا تستطيع تطبيقها
تحياتي اخي الكريم


نكلان. بصراحه صوره السلم الي حطيتها رهيبه

هلا بخوي الغالي مهل

ادري بك تنوي على بنيان ومن الحين تجمع افكار ان شاء الله
بنزل موضوع اعمل على اعداده عن انواع الحديد المشغول وفيه اشكال السلالم
مع الدربزين وابواب الحديد والالمنيوم المشغول وبعدها طب وتخير يالغالي

تحياتي اخي الكريم
:)

saryalia4u
27-04-2011, 09:18 PM
يعطيك الف عافيه اخوي

وربي فرحتني بالصوره مع ملاحظاتك المهمه


الف شكر قليله بحقك


وتسلمون جميع من رد واهتم

حفظت الصوره وراح اعرضها على الاستشاري

وفي انتظار التقرير الجديد

لاني راح ابتدي قريب في الابواب والشبابيك والحديد المشغول

الفففف شكر

naklan
28-04-2011, 04:38 PM
يعطيك الف عافيه اخوي

وربي فرحتني بالصوره مع ملاحظاتك المهمه


الف شكر قليله بحقك


وتسلمون جميع من رد واهتم

حفظت الصوره وراح اعرضها على الاستشاري

وفي انتظار التقرير الجديد

لاني راح ابتدي قريب في الابواب والشبابيك والحديد المشغول

الفففف شكر


مرحبا اختي الكريمه saryalia4u

والله يعافيك اختي والشكر لله واسعدني فرحك وان شاء الله دوم
وبالنسبه لموضوع الحديد والالمنيوم المشغول دعواتكم لنا
بالتساهيل الموضوع كبير ومازلت في مرحله الاعداد
والله كريم واتمنى ان تساعدني الضروف

موفقه اختي الكريمه

اخوك /naklan
:)