كلية المجتمع والقرار الي صدم العالم !!

[ميسي الريان]

السلام عليكم ورحمة الله


تم تأكيد الخبر بعد مرور سنه على افتتاح كلية المجتمع على انها كليه منفصله الشباب في صوب والبنات في صوب تم التوقيع على اتفاقيات سريه بدون علم الطلبه على ان تكون الكليه مختلطه .....


شرايكم في حركتهم ؟؟ زين الشباب ماعليهم منهم ...


اهلنا الي في الكليه بعضهم خلاص متخصصين كم شهر من الكد عشان يتخصصون واخرتها يطلعون لهم بهذا القرار !!!!


وماعطوهم خبر في ذمتكم مب شي يقهر !! كلية المجتمع في السعوديه بعد وما تجرأو انهم يقلبونها اختلاط


استدرجو الناس في البدايه عشان يسجلون في الكليه بأنهم يحولون الساعات على جامعه قطر !! واخرتها اطلعو بهذا القرار !!!! هذا خبث منهم


انا ارجو هذا الموضوع ينرفع للجهات العليا ويوقفون الخربطه الي صايره مثل ماهم في السعوديه فاصلين البنات عن الاولاد اهنا يحترمون نفسهم غصب ويتمون على هذا النضام احنا عرب ومسلمين قبل كل شي ولنا عادات وتقاليد !

لو انهم من البدايه قالو الكليه اختلاط معليش بنسمح لهم بس يجون من النص ويقلبونها على خلق الله هذا لا ولا راح نسمح له وارجو التدخل في الموضوع فوراً لأن بيضيع مستقبل الناس الي فيها

والله اني احترم السعوديه وشعبها شوفو نضامهم ولا جامعه اجنبيه اتجرأ تسوي اختلاط في السعوديه وللعم ان كليه المجتمع في السعوديه ومفصوله البنات في صوب والاولاد في صوب
ولكن قطر عندها كل شي فري قولو لي شنهي الجامعه الي تمت بدون اختلاط وين انودي بناتنا مافيه الا جامعه قطر ومايبون حد يدش فيها ياناس والحل !!!!

وقفوهم عند حدهم مايصير هالخربطه الي صايره كل شي معليه الا التعليم مانتهاون فيه شطاري عليهم !!! يقلبون بلادنا احنا مسلمين قبل لا انكون عرب واحنا عرب ولنا تقاليد وعادات في ذمتكم متى صار الولد ويا البنت !!! ترضونها على عيالكم وبناتكم ترضونها بالله عليكم !!!؟

حسبي الله عليهم ونعم الوكيل والله قهر

يانااس هذي بلادنا لااازم يووقفونهم عند حدهم حسبي الله عليهم ناس متخصصين فيها وين يروحون !!!!؟

الخبر صحيح 100% والي شاك يسألهم

[SonOfQatar]

لا حول و لا قوة إلا بالله ... إن شاء الله يتراجعون و كثر ما الناس بتشتكي بيتراجعون إن شاء الله

[ميسي الريان]

الله يجزاك خير ياخوي
حسبي الله على من كان له يد في هذا الموضوع حسبي الله عليهم

[!..فيونكه..!]

اخـوي انت قصـدك الدراسـه مختلـطه في الصفـوف ولا في المبانـي ؟

في موقـع المجلـس الاعلـى للتعليـم كاتبيـن ان ( الدراسه في مبانـي منفصلـه ) شلـون الحيـن يغيـرون رايـهم ؟؟

هل الدراسة في “كلية المجتمع في قطر” مختلطة؟
سوف يدرس البنين والبنات في مباني منفصلة.

علـى هذا الرابـط:





http://www.education.gov.qa/section/sec/_community_college

[بنت امي]

افااااااا ثم افااااااا كلية المجمع هذي ما ارتحت لها كلش

اخبر الي يعلن عن شي يكون واثق من الاعلان هم اعلنو عن تاريخ التسجيل ورحنا وقالوا الشهر الجاي وكله الشهر الجاي ( لازم يكون في تاكيد ) ... كل شي متخربط عندهم لا نظام ولا دقه ولا شي

[تباشير الفجر]

اسمحلي اخوي انا سمعت عن هالخبر ورحت سألتهم قالوا لي بس كورس الصيفي بيدمجون البنات مع الشباب عشان بيسون صيانه بمبنى الشباب واكدوا لي ان مافي اختلاط وهالخبر غير صحيح مايندرا عنهم !!!

[ذوق]

الله يكون في العون ، مع اني في كليه مختلطه لكن المفروض ان الي بدايه شرط نهايته نور ، ومعاك حق

[لمعة الالماس]

ممكن المصدر ؟

ومن اللي قال هالكلام

[صوت الضمير]

قهر
نتمنى التوضيح اكثر

لاتسكتون عن حقكم

ابداع

[ميسي الريان]

اخـوي انت قصـدك الدراسـه مختلـطه في الصفـوف ولا في المبانـي ؟

في موقـع المجلـس الاعلـى للتعليـم كاتبيـن ان ( الدراسه في مبانـي منفصلـه ) شلـون الحيـن يغيـرون رايـهم ؟؟

هل الدراسة في “كلية المجتمع في قطر” مختلطة؟
سوف يدرس البنين والبنات في مباني منفصلة.

علـى هذا الرابـط:





http://www.education.gov.qa/section/sec/_community_college

هذا كلام زمان عشان يستدرجون الطلبه والمصدر موثوق والي عنده حد يدرس هناك يروح يسألهم هذا الي شاك في الموضوع ...

[ميسي الريان]

ممكن المصدر ؟

ومن اللي قال هالكلام

انا الي قايل الكلام وسئلت مسؤله عندهم في الكليه وهذا كلامها اختلاط وموقعين وخالصين والي شاك يسألهم

[ميسي الريان]

اسمحلي اخوي انا سمعت عن هالخبر ورحت سألتهم قالوا لي بس كورس الصيفي بيدمجون البنات مع الشباب عشان بيسون صيانه بمبنى الشباب واكدوا لي ان مافي اختلاط وهالخبر غير صحيح مايندرا عنهم !!!

هذي خطه منهم بس عشان اولياء الامور مايقومون عليهم عشان بعدين يصدمونهم بالخبر المسأله كلها تدريجيه بس الشي صار ....لازم يوقفونهم عند حدهم

[القرنفل]

حسبنا الله ونعم الوكيل
هم شاطرين يسحب البساط من تحت ارجلنا شوي شوي
حتى يطبقون اللي يبونه الله لا يبلغهم (اللهم ااامين)

[Al-Kuwari]

انا طالب فالكلية

ونعم قالوا لنا الصيفي بيكون فمبنى الدائري الثالث لكن بتكون الصفوف غير مختلطه والاختلاط فالممرات فقط

بعد الصيفي مادري اذا بيرجعونا الدفنه ولا بنتم فالدائري الثالث

[Master_qtr]

ياجماااعه شصاير في البلد؟ اللي يحط قرارت على كيفه ويغير متى مايبي؟

[ميسي الريان]

انا طالب فالكلية

ونعم قالوا لنا الصيفي بيكون فمبنى الدائري الثالث لكن بتكون الصفوف غير مختلطه والاختلاط فالممرات فقط

بعد الصيفي مادري اذا بيرجعونا الدفنه ولا بنتم فالدائري الثالث

للأسف ياخوي انا قالو لي الصفوف مافيها اختلاط بس شالفايده والكليه بكبرها مختلطه في الممرات والكافتيريا !!!؟ في ذمتك شنو الفرق !!

وسالفه انها في الصيفي بس هذا مجرد استدراج لطلبه واولياء الامور بس عشان يتكيفون للوضع بأنه مؤقت وللأسف هم يمهدون السالفه

[ميسي الريان]

ياجماااعه شصاير في البلد؟ اللي يحط قرارت على كيفه ويغير متى مايبي؟

كليه المجتمع كل القرارات الي تصدر من المجلس الاعلى وكل المشاكل الي صايره في التعليم من المجلس الاعلى الله يزولهم ياربي

لا لهم رقيب ولا مسؤول والي يشتكي سيده اقرب زباله الله يكرمكم المواطن ماله حق كلش في اليوم الواحد اتيهم شكاوي ولكن محد يدري عن اولياء الامور....


هم يبون يمهدون سالفه الاختلاط في جميع الكليات حتى المدارس والله واعلم بعد جامعه قطر يمكن يقلبونها فا ياناس احنا لازم نحط لهم حد والله لازم نوقفهم عند حدهم

[Qatar-Qa]

السلام عليكم ورحمة الله


تم تأكيد الخبر بعد مرور سنه على افتتاح كلية المجتمع على انها كليه منفصله الشباب في صوب والبنات في صوب تم التوقيع على اتفاقيات سريه بدون علم الطلبه على ان تكون الكليه مختلطه .....


معليش اخوي
بس وين مصدرك على هالكلام ؟؟؟

[Um-Dana]

لاحول ولا قوة الا بالله حسبي الله ونعم الوكيل

الله يسترمن الجاي

[زلامسي]

الله المستعان

[intesar]

هذا الكلام غلط ١٠٠٪ لأني أنا صاحبة الكافتيريا هناك .. كلية البنات صوب الهلال .. والأولاد بالدفنة ..
وعن الٌشاعات قبل التأكد منه ..
دمتم بود ..

[Qatar-Qa]

هذا الكلام غلط ١٠٠٪ لأني أنا صاحبة الكافتيريا هناك .. كلية البنات صوب الهلال .. والأولاد بالدفنة ..
وعن الٌشاعات قبل التأكد منه ..
دمتم بود ..

اشكرج اختي على ردج وتوضيحج
انه بصراحه اي كلام ينقال بدون مصدر
ماعترف فيه

[danh]

الاختلاط صار اجباري تبون ولا شوفوا لكم مكان

ولا من يصدق ان بيوم بنشوف بلدية الريان اختلاط :(

[ابن البيطار]

وين المصر اخوي في شي رسمي ؟

الطلاب في الكليه ينكرون كلامك

[Dawn]

هو يمكن ماصار للحين بس بيصير لان جامعة قطرحاليا عندهم هالنوع من الخلط في الساعات المكتبيه وفي بعض المواد ،، ممكن البنات يروحون لمبنى البنين والعكس بس عالاقل الناس بيطلعون منها ببكالوريوس ،،، مب بدبلوم بروحها الشهاده ما تشجع بعد يسوونها خلط ... التعليم في قطر شيء يدعو الى السخريه صراحه ..

[الكونغرس]

حسبي الله عليهم ونعم الوكيل

نصيحه الي يبي يدخل بناته ولا خواته يروح السعوديه ويحطهم في سكن الطالبات

ولا الي يصير هني من الي يسوي كل هاذا اذا امريكا قامو يفصلون الجامعات

اذا نظام الدراسه في المدارس المستقله فاااااشل وتطبق ومايبون يقولون فاشل والدول الي طبقته الخليجيه ردو على النظام القديم

مالكم الا الدعاااااء والله يجيب الخير والله كريم.

[simsim1963]

الله يجزاك خير ياخوي
حسبي الله على من كان له يد في هذا الموضوع حسبي الله عليهم . وبعدين ويا هالعلمانيين في البلد ؟؟؟؟؟ ثرى يبيلهم طق صج اذا ما يهدون سوالفهم وخرابيطهم

[@شيخة@]

حسبي الله عليهم ونعم الوكيل

[الصريحه]

حسبي الله عليهم ونعم الوكيل والله قهر

[chillis]

توهم قالوا انها منفصله امداهم يخلطونهم شسالفتهم

[باسكن روبنز]

وأنا بعد سمعت من مصادر موثوقه أنها بتصير خلط ،

الله يستر على بنات الناس ،

[out]

السلام عليكم ورحمة الله


تم تأكيد الخبر بعد مرور سنه على افتتاح كلية المجتمع على انها كليه منفصله الشباب في صوب والبنات في صوب تم التوقيع على اتفاقيات سريه بدون علم الطلبه على ان تكون الكليه مختلطه .....


شرايكم في حركتهم ؟؟ زين الشباب ماعليهم منهم ...


اهلنا الي في الكليه بعضهم خلاص متخصصين كم شهر من الكد عشان يتخصصون واخرتها يطلعون لهم بهذا القرار !!!!


وماعطوهم خبر في ذمتكم مب شي يقهر !! كلية المجتمع في السعوديه بعد وما تجرأو انهم يقلبونها اختلاط


استدرجو الناس في البدايه عشان يسجلون في الكليه بأنهم يحولون الساعات على جامعه قطر !! واخرتها اطلعو بهذا القرار !!!! هذا خبث منهم


انا ارجو هذا الموضوع ينرفع للجهات العليا ويوقفون الخربطه الي صايره مثل ماهم في السعوديه فاصلين البنات عن الاولاد اهنا يحترمون نفسهم غصب ويتمون على هذا النضام احنا عرب ومسلمين قبل كل شي ولنا عادات وتقاليد !

لو انهم من البدايه قالو الكليه اختلاط معليش بنسمح لهم بس يجون من النص ويقلبونها على خلق الله هذا لا ولا راح نسمح له وارجو التدخل في الموضوع فوراً لأن بيضيع مستقبل الناس الي فيها

والله اني احترم السعوديه وشعبها شوفو نضامهم ولا جامعه اجنبيه اتجرأ تسوي اختلاط في السعوديه وللعم ان كليه المجتمع في السعوديه ومفصوله البنات في صوب والاولاد في صوب
ولكن قطر عندها كل شي فري قولو لي شنهي الجامعه الي تمت بدون اختلاط وين انودي بناتنا مافيه الا جامعه قطر ومايبون حد يدش فيها ياناس والحل !!!!

وقفوهم عند حدهم مايصير هالخربطه الي صايره كل شي معليه الا التعليم مانتهاون فيه شطاري عليهم !!! يقلبون بلادنا احنا مسلمين قبل لا انكون عرب واحنا عرب ولنا تقاليد وعادات في ذمتكم متى صار الولد ويا البنت !!! ترضونها على عيالكم وبناتكم ترضونها بالله عليكم !!!؟

حسبي الله عليهم ونعم الوكيل والله قهر

يانااس هذي بلادنا لااازم يووقفونهم عند حدهم حسبي الله عليهم ناس متخصصين فيها وين يروحون !!!!؟

الخبر صحيح 100% والي شاك يسألهم


اول شي الله يهديهم لو كان القرار صحيح
وثاني شي اخوي مانبي انا سمعت نبي مصدرك وقرار رسمي موقع لو كنت تقدر تحط لنا مصدرك :nice:

[بنـ ابوها ـت]

انا من يومين مقدمة اختبار تحديد مستوى ومحد عطانا خبر اذا خلط يسمح امرهم شهاللعبة

[بومحمد911]

احس هذه الكلية مهجنه

ماادري قصدهم التوفير على حساب الاخلاق

[شيط ويط]

اللي اعرفه انه في مبنى للبنين فقط في الدفنه قريب مدرسة جوعان والبيان .... وفي مبنى آخر للبنات بس ماعرف اي صوب

[sepasteyn]

سؤال محيرني - ليه دائما النظر للاختلاط بأنه سلبي جدا ؟ وليه التوقعات دائما سلبية في الاختلاط ؟ وكيف يكون الاختلاط او التشكيلة السلبيه فيه ؟

[MaRuKoO]

ويه:omg:
حسبي الله عليهم الي يقهر انهم كاتبين بالخط العريض على مبناهم الي فالسلطة (كلية المجتمع بنااات ):anger1:

[MaRuKoO]

ويه:omg:
حسبي الله عليهم الي يقهر انهم كاتبين بالخط العريض على مبناهم الي فالسلطة (كلية المجتمع بنااات ):anger1:

أنا موب معارضه عالاختلاط نفسه بسمعترضه على حركة الخساااس موب الكل يرضى اهله يدشون اماكن مختلطه هالبنات الي بيطلعونهم اهلهم وش ذنبهم مساكين يضيع تعبهم الي فات

[دااانة قطر]

اذا الخبر صحيح فأنا انتظر وقفه جااده من أهاالي قطر
لأن المصخره زاادت عن حدها
جاامعة قطر والدرااسه منفصله ومو مقصرين
يكفي اللي اشوفه من مدرسة بنتي لا نزلتها ولا لارحت اخذها
الله يستر شلون يكون الوضع لين توصل سن الجاامعه
صرنا نخااف على عياالنا من التفكير العقيم من الجهاات المسؤؤله
ايش يبوون بالضبط؟؟

[@شيخة@]

اذا الخبر صحيح فأنا انتظر وقفه جااده من أهاالي قطر
لأن المصخره زاادت عن حدها
جاامعة قطر والدرااسه منفصله ومو مقصرين
يكفي اللي اشوفه من مدرسة بنتي لا نزلتها ولا لارحت اخذها
الله يستر شلون يكون الوضع لين توصل سن الجاامعه
صرنا نخااف على عياالنا من التفكير العقيم من الجهاات المسؤؤله
ايش يبوون بالضبط؟؟



انشهد ان كلامج صج ..................................... اهم ايش يبون بضبط ؟؟؟؟

[جوهرة قطر]

الاختلاط راح يكون بس فى الصيفى اللى يبتدي من شهر 5 لين 7

والاختلاط راح يكون بس فى الممرات اما الكلاسات والكفتريا والاصنصيرات

وراح يحاولون قد ما يقدرون انهم يفصلونهاا

[بوجاسم 2009]

الدكتور النعيمي تكلم و قال في برنامج الدار بأن ما راح بيكون الاختلاط في كلية المجتمع و انا شفت البرنامج.

[@شيخة@]

الدكتور النعيمي تكلم و قال في برنامج الدار بأن ما راح بيكون الاختلاط في كلية المجتمع و انا شفت البرنامج.



الله يسمع منك :(

[خزامئ]

الله ينتقم من كل من اراد بلمسلمين شر
من اي نوع

[Dawn]

سؤال محيرني - ليه دائما النظر للاختلاط بأنه سلبي جدا ؟ وليه التوقعات دائما سلبية في الاختلاط ؟ وكيف يكون الاختلاط او التشكيلة السلبيه فيه ؟

اسأل عن كليه النورث وبتعرف سبب التشاؤم من الاختلاط

[بحرقطر]

انا طالب في كلية المجتمع ، اجتمعو فينا من فترة وتكلمنا في هالموضوع ، وقالو احتمال طلاب المسائي يخلطونهم لان عددهم قليل وعندهم نقص في المدرسين. والاكيد الصيفي حق المسائي خلط. وبالنسبه للفتره الصباحيه يقولون نحاول قد ما نقدر ان ما نخلطكم. وسمعت من الشباب وما ادري اذا هذا الكلام اكيد ان البنات الي دشوو التخصص هالسنه شوي يعني كم بنت والشباب بعد شوي فحتمال يخلطونهم التخصص بس لكن الكورس الجاي عدد البنات والشباب بيكون كبير فبيفصلونهم . والي يقول ما في شي رسمي صحيح انا عن نفسي ما شفت اوراق رسميه بخصوص هالموضوع ، لانهم يجتمعون فينا ويبلغونا اي شي جديد.
وان شاءالله ما يصير الخلط.

[مريومة]

لا تعجبني طريقة النعامة في التعاطي مع بعض الأمور .. لا تدفنون راسكم في الرمل اللي معترض يروح جامعة قطر و يشوف البويات شلون لاعبين ببنات الناس لعبة
لا تخافون من الاختلاط الواضح وضوح النهار ... خافوا من أشباه الرجال و كونوا على قدر من الشجاعة و اعترفوا بما يدور في جامعة قطر من ستاربكس العلوم للحمامات أجلكم الله .

البنت المتربية ما ترافج بوية

فالمؤمن على دين خليله ..

[ميسي الريان]

هذا الكلام غلط ١٠٠٪ لأني أنا صاحبة الكافتيريا هناك .. كلية البنات صوب الهلال .. والأولاد بالدفنة ..
وعن الٌشاعات قبل التأكد منه ..
دمتم بود ..

اختي انتي شكلج ادافعين عنهم دامج انتي مسؤوله هناك روحي اسأليهم بنفسج ولا تغطين عليهم وخل الناس كلها تدري بخططهم .....والي شاك بكلامي يروح يسأل لا تقعدون تكذبون الناس

[بوعلي2]

لاحول الله

[ميسي الريان]

انا مادري ياهل قطر ليه مستسلمين لهذي الدرجه !!؟ هذا مستقبل اعيالكم وبناتكم ترضونها يعني !!

اذا السالفه ابتدت من المدارس والجامعات خلط بتقلونهم بعدين في الفناادق والمراقص !!! لحد يسهين في هذا الشي نبي وقفتكم مثل ماقالت الاخت الله يجزاها خير والله الي فيه رجوله ولا يرضاها على اهله والله مايسكت في الاخير هذا مستقبل عيالكم وان سكتو على سالفه الاختلاط الي حتى صايره في المدارس سلمو على عيالكم وبناتكم راحو ..

بعدين في فئه قليله من الناس في قطر تشجع هذا الشي انا ماعرف اذا اهم صدق مسلمين وعرب ولا ايش يعني !؟ والله العضيم ان ذنبهم كبيييييييير مايعلم به الا ربي وحسبي الله عليهم على كل من ساعدهم وعلى صاحب القرار يالله ياربي مايلاقي خير لا في الدنيا ولا في الاخره انا كنت ابي وقفتكم معي وان احنا نحط حد لهذي المشكله الي صايره بس من الي ردو علي عاجبتهم السالفه ......

ماقول الا والله الي راحو فيها عيالكم

[toomi9]

لما لما سجلت حق شهر ٩ - ٢٠١٠
على اساس مختلط وداريه وعارفه
لكن فالاورينتيشن قالوا خلاص المبنى مش مختلط
رحنا المبنى الجديد الي كان حق البنات
وجاتنا العميده وسالتها شخصيا قلت لها بيكون خلط ؟؟
قالت ايه بيكون خلط ابتدائا من الصيفي ( مب بس الصيفي الي خلط ،، من الصيفي وطالع )
قلنا لها انزين والسبب ؟؟؟
قالت اولا عدد الصبيان شوي
ثانيا الافضل حق المدرسين لان يوم هني ويوم هناك وتعب عليهم
وثالثا الي هو الاهم ان المبنى الجديد الي حاليا للبنات متوافره فيه كل شي مثل الابات الساينز الي الصبيان ماعندهم اياه فـ عشان جي قرروا يدمجونا مع بعض
ورابعا ان مبنانا الي هو مبنى البنات كبير ويسع الكل

انا مادافع ولاني مع الخلط لكن اقول
عن الي سجلوا من البداايه اول مافتحت الكليه كانت خلط واستاذ ابراهيم قال وصرح فـ برنامج الدار اول مره انها مختلطه وقبل بداية التسجيل يعني بعد ماصرح والناس عندهم خبر العرب راحوا سجلوا << يعني عندهم خبر انها مختلطه
لكن بعديين بعد التسجيل القرار جا فـ النهايه انها مب مختلطه

والقرار جى من الوزير
والبنات شفتهم يكلمون استاذ ابراهيم النعيمي وقالوا له البنات راح يطلعون من الكليه لو اخلطوها
قال اذا طلعوا في غيرهم بيجون :)

والنقطه الاخيره
على كلام العميده الي انا بنفسي سالتها راح يكون في مبنى فـ قطر فونديشن ( المدينه التعليميه )
قالت احنا حاليا ندور لنا مبنى وان شاء الله نحصل مادري حصلنا وننطره يجهز << ترطن انقلش وانا فصلت
المهم انهم يحاولون ينقلون المبنى فـ قطر فونديشن
ومعروووووف معروف ان مافي ولا جامعه فقطر فونديشن منفصله كلهم خلط
لو فصلوا كلية المجتمع كل طلبة باقي الجامعات بيطلبون الفصل بينهم بعد

[الدووحة]

العميدة وضحت أسباب نقل البنين الى المبنى الأكبر في السلطة و بالتحديد مبنى البنات الحالي ............. هل ممكن من الاخوة و الاخوات المعترضين أن يذكروا أسباب الاعتراض ؟

[toomi9]

الدكتور النعيمي تكلم و قال في برنامج الدار بأن ما راح بيكون الاختلاط في كلية المجتمع و انا شفت البرنامج.

شكله الحين زعلان حسب ماوصلني لان خلوه يصرح انها مب مختلطه والحين اخلطوها :secret::secret:

[الدووحة]

اذا الخبر صحيح فأنا انتظر وقفه جااده من أهاالي قطر
لأن المصخره زاادت عن حدها
جاامعة قطر والدرااسه منفصله ومو مقصرين
يكفي اللي اشوفه من مدرسة بنتي لا نزلتها ولا لارحت اخذها
الله يستر شلون يكون الوضع لين توصل سن الجاامعه
صرنا نخااف على عياالنا من التفكير العقيم من الجهاات المسؤؤله
ايش يبوون بالضبط؟؟

وقفة جادة !! ضد من؟؟ ضد الناس اللي بذلت جهد لتؤمن لأبنائنا و بناتنا فرص تعليم أفضل في حين فشلهم في تحقيق شروط القبول في الجامعات الاخرى ؟
و قفة ضد الميزانية الضخمة اللي تدفعها الدولة لكلية هيوستن مقابل استهتار ابنائنا و بناتنا و حصولهم على نسب متدنيه جعلتهم مرفوضين من الجامعات الأخرى ؟
كثير من القرارات قابلة و في اي مؤسسة لإعادة النظر بحسب ما تستدعي الحاجة و لا أرى عيباً في تعديل استراتيجي في الكلية لصالح أبنائنا و بناتنا .
عجباً كم يجحد كثير من القطريين ما تقدمه قطر .

[toomi9]

وقفة جادة !! ضد من؟؟ ضد الناس اللي بذلت جهد لتؤمن لأبنائنا و بناتنا فرص تعليم أفضل في حين فشلهم في تحقيق شروط القبول في الجامعات الاخرى ؟
و قفة ضد الميزانية الضخمة اللي تدفعها الدولة لكلية هيوستن مقابل استهتار ابنائنا و بناتنا و حصولهم على نسب متدنيه جعلتهم مرفوضين من الجامعات الأخرى ؟
كثير من القرارات قابلة و في اي مؤسسة لإعادة النظر بحسب ما تستدعي الحاجة و لا أرى عيباً في تعديل استراتيجي في الكلية لصالح أبنائنا و بناتنا .
عجباً كم يجحد كثير من القطريين ما تقدمه قطر .
:nice:

[toomi9]

هذا الكلام غلط ١٠٠٪ لأني أنا صاحبة الكافتيريا هناك .. كلية البنات صوب الهلال .. والأولاد بالدفنة ..
وعن الٌشاعات قبل التأكد منه ..
دمتم بود ..

انتي صاحبه الكفتيريا لا اكثر ولا اقل
ماعتقد صاحبه الكليه بكبرها عشان تقولين اشاعات وتهجمين

مع احترامي شكلج ماتدرين عن شي حتى عن كفتيريتج
الناس ماتت لاعت جبودهم من الاكل ولا سويتي شي وشكلج ماتدري العرب يتشكون من الاكل بتدرين عن قرارات نفس هاذي !!

[موضي قطر]

وقفة جادة !! ضد من؟؟ ضد الناس اللي بذلت جهد لتؤمن لأبنائنا و بناتنا فرص تعليم أفضل في حين فشلهم في تحقيق شروط القبول في الجامعات الاخرى ؟
و قفة ضد الميزانية الضخمة اللي تدفعها الدولة لكلية هيوستن مقابل استهتار ابنائنا و بناتنا و حصولهم على نسب متدنيه جعلتهم مرفوضين من الجامعات الأخرى ؟
كثير من القرارات قابلة و في اي مؤسسة لإعادة النظر بحسب ما تستدعي الحاجة و لا أرى عيباً في تعديل استراتيجي في الكلية لصالح أبنائنا و بناتنا .
عجباً كم يجحد كثير من القطريين ما تقدمه قطر .



من حق الناس تعترض من وابسط حقوقهم اخوي والطلاب مب فاشلين مثل ماتفضلت على فكره فيه كثير من الجامعات العريقة ماتشترط نسبه كبيرة للالتحاق فيها يمكن في بعض التخصصات بس .. وعندنا كل الأبواب موصده امامهم لاكمال تعليمهم والفاشل عمره مايحب يطور نفسه ولا يدرس مب ملاحظ الكم الهائل من العقبات وهم يبون يكملون :(

[intesar]

اختي انتي شكلج ادافعين عنهم دامج انتي مسؤوله هناك روحي اسأليهم بنفسج ولا تغطين عليهم وخل الناس كلها تدري بخططهم .....والي شاك بكلامي يروح يسأل لا تقعدون تكذبون الناس

نعم شاكة بكلامج لأني ماسكة الكافتيريا هناك وسألوني أمسك الكافتيريا تبع الأولاد .. يعني هم يستعبطون على عمرهم مادري بصراحة ..

[intesar]

كلية المجتمع تابعة للمجلس الأعلى ..

[toomi9]

نعم شاكة بكلامج لأني ماسكة الكافتيريا هناك وسألوني أمسك الكافتيريا تبع الأولاد .. يعني هم يستعبطون على عمرهم مادري بصراحة ..

شنهي الكفتريا ؟؟؟

[منابر خالده]

سؤال محيرني - ليه دائما النظر للاختلاط بأنه سلبي جدا ؟ وليه التوقعات دائما سلبية في الاختلاط ؟ وكيف يكون الاختلاط او التشكيلة السلبيه فيه ؟

شكلك تبيها من الله

:eek5:

توقيعك يبين لي هالشي

[كروشيه]

اولا الدوله مب عيزانه اتوفر مبنى ثاني للبنين فيه كل الامكانيات المتحاه ، ثانيا المبنى الحالي الجديد ، صفوفه مب كبيره لدرجه تسمح بالخلط ، ثالثا شي والاهم بنات الصباحي - البعض - منهم والتي تشكل غالبيه ينخاف عليهم من الخلط ، احنا طالبات مسائي وننصدم من طريقة لبسهم وكلامهم وسفورهم ، الله المستعان ، بس اللي طموننا فيه ان الصفوف راح تكون منفصله مب مختلطه ، والله يعين الجميع على التفكير المنفتح على مصرعيه ، وما في اي خطوط حمراء لها مرجعيه دينيه او أخلاقيه او تراثيه في قاموسه ، الله المستعان وأن شاء الله ما يكون خلط ، لانه راح تضر كثير من مستقبل الناس اللي دخلوا على اساس انه مب خلط وجابوا معدلات مرتفعه على امل انهم يأخذون الشهاده

[نظرة شجاع]

اذا علقنا بالصراحة حذف التعليق ،،،

واكون صريح معكم شوي اهل قطر مهما حصل في البلد من انحطاط ماراح يتغير شي لانه حكم القوي على الضعيف ،،،

واحنا شعب مغلوب على امره والي يتكلم بالحق او ينصر الدين يحارب من تحت لتحت ومع الايام راح يحارب علني

[سالم بن]

تعالوا نسأل أنفسنا بحق بعيد عن المجاملة ؟
هل من يتم وتم أختيارهم لكي يديروا عملية التعليم في دولتنا من الشخوص الذي يشار لهم من بين الشخوص الكفو ؟
وزير التعليم وجميع موظفي المجلس التعليم
مديرة جامعة قطر
مدير جامعة المجتمع
مدير المدينة التعليمية
اعتقد من غير شك بذلك انهم شخوص عقولهم هشة وفارقة من كل شي يختص بالتعليم او خوف من الله !!

[na7ees]

السوال ...اذا صارت خلط لاسمح الله .....شبتكونىردة الفعل ...وشنهي الققرارات المترتبة على ذالك ؟؟؟

[بوعبدالرحمن5]

مثل هالقرارات ما تطلع بشكل رسمي لا احد يسأل عن المصدر ويتعب نفسه

يتم التطبيق وانتهى ..

[بحرقطر]

(( صوت المقاعد )) اسم فيلم قصير على اليوتيوب يعرض
تقرير امريكي يوضح اهمية فصل الجنسين في المدارس ، وسلبيات التدريس المختلط.
العلماء في امريكا اكتشفو اخطاء مهمه تسبب تدني مستوى الطلاب في التدريس المختلط، ويسعون للتصحيح والتقرير يثبت هالكلام.

[الجوكر90]

اسأل عن كليه النورث وبتعرف سبب التشاؤم من الاختلاط

السلام عليكم
فديت خشمك الشيخ تبي اقولك ليش النورث صار فيها جي
لان شباب وبنات قطر مب شايفين خير ماصدقوا انهم يدرسون مع بعض فسمعتها وصلت الارض

بس
بقولك شي
انا ادرس هناك صدقني في الزين ووايد
وفي الشين هم وايد
المشكله اذا وحده تمت تتكلم مع شباب عن الماده والدراسه عبالهم انها تبي تتعرف او قاطه نفسها
والقهر ان شباب مراهقين بس اعمارهم 20 مادري اشلون ان كل تفكيرهم بنات
اشلون يضبط بنيه
تحصله يحضر من الصبح ويحفظ جدول البنيه عشان بس يلفت انتباهه

ترى انا ضد الخلط وماكان ودي ادرس خلط بس ماقدرت

ومعلومه ثانيه ترى كل شي فالنورث يسمح للطالب انه يدرس دراسه سنعه

بس انت تفهم عقول فارغه تفكيرهم بنات وبس

( البعض مب الكل )

[قطر الحب]

السلام عليكم ورحمة الله وبركاته

الله يجزاه خير اللي يعطينا كلام ورد شافي

تعبنا من كثرة الأقاويل

إذا فيه طالبة أو طالب بكلية المجتمع

وعنده معلومة أكيدة عن خلط الطلاب

يقولها لنا ، وشكرا لطارح الموضوع

[حيهور]

خلاص الاختلاط صار عادي

الحين الي موعادي

ليش مدارسنا موب مختلطة ؟ :rolleyes2:

[بو منيرة]

يقول الشاعر:


لا تخرجن على الأمام محاربا ولو أنه رجل من الحبشان

ومتى أمرت ببدعة أو زلة فاهرب بدينك آخر البلدان



الدين رأس المال فاستمسك به فضياعه من أعظم الخسران

لا تخل بامرأة لديك بريبة لو كنت في النساك مثل بنان



إن الرجال الناظرين إلى النسا مثل الكلاب تطوف باللحمان

إن لم تصن تلك اللحوم أسودها أكلت بلا عوض ولا أثمان



لا تقبلن من النساء مودة فقلوبهن سريعة الميلان

لا تتركن أحدا بأهلك خاليا فعلى النساء تقاتل الأخوان



واغضض جفونك عن ملاحظة النسا ومحاسن الأحداث والصبيان

لا تجعلن طلاق أهلك عرضة إن الطلاق لأخبث الأيمان

[الـراسي]

كيف ما يبونها خلط اذا كان اكثر المئؤلين في الكلية اجانب

والقطريين ما لهم اي كلهم في بلادهم

وما اضن ان فيه قطري او عربي غيور على اهله انه يرضى بالهشي

لا حول ولا قوة الا بالله

[الأستاذ]

سؤال محيرني - ليه دائما النظر للاختلاط بأنه سلبي جدا ؟ وليه التوقعات دائما سلبية في الاختلاط ؟ وكيف يكون الاختلاط او التشكيلة السلبيه فيه ؟

حتى أنا كان محيرني هالسؤال ...
ليش الناس دائما ينظرون للإختلاط على انه سلبي ...
وليش يتوقعون أنه يؤدي دائماً إلى أمور سلبية !!!
ايش هالعقول .. واشلون الناس تفكر هالشكل ..
بس بعدما قرأت أسمك .. وشفت توقيعك ..
أظنني وجدت الإجابة ..

[بوخالد911]

الله المستعاان

:(

[ابو ضمير]

دق الله رقابهم قولوا امين

[Dawn]

السلام عليكم
فديت خشمك الشيخ تبي اقولك ليش النورث صار فيها جي
لان شباب وبنات قطر مب شايفين خير ماصدقوا انهم يدرسون مع بعض فسمعتها وصلت الارض

بس
بقولك شي
انا ادرس هناك صدقني في الزين ووايد
وفي الشين هم وايد
المشكله اذا وحده تمت تتكلم مع شباب عن الماده والدراسه عبالهم انها تبي تتعرف او قاطه نفسها
والقهر ان شباب مراهقين بس اعمارهم 20 مادري اشلون ان كل تفكيرهم بنات
اشلون يضبط بنيه
تحصله يحضر من الصبح ويحفظ جدول البنيه عشان بس يلفت انتباهه

ترى انا ضد الخلط وماكان ودي ادرس خلط بس ماقدرت

ومعلومه ثانيه ترى كل شي فالنورث يسمح للطالب انه يدرس دراسه سنعه

بس انت تفهم عقول فارغه تفكيرهم بنات وبس

( البعض مب الكل )


بصراحه البنت اللي بتخلي زميلاتها وبتكلم الطلاب عن المواد اسمحلي يعني تستاهل نظرة الناس لها .. وحتى لو بتكلم زملائها من الطلاب للضروره تبين سبحان الله البنت الملتزمه الجاده من البنت اللي كل شوي ناطه تبي تخالط الرجال .. ترا الناس تحس وتفرق وتميز ولا دخان من غير نار ..
ونفس الشي الطالب المفروض انه ما يتعدى حدود الادب في التعامل وما يتعدى التعامل الرسمي بدون ضحك ولا سوالف جانبيه ولا مصخره وانتو لكم دور في ضبط هالمشاكل عن طريق النصح وذم الافعال الشينه اللي يسوونها علموهم السنع .. اللي يفشل ان مدرسينكم كنديين يعني يشوفون هالافعال ويضحكون وينطنزون على المسلمين لانهم عارفين ان ديننا دين حياء وحشمه وطبعا لما يشوفون هالسوالف متوقع انهم بينظرون الى الدين نظره سيئه .. وهالشي في ذمة البلشتيه اللي ما شافوا خير ولا يعرفون السنع والادب .. ولا عرفوا يمثلون دينهم وثقافتهم وبلدهم بالشكل الصحيح ..

الله يعين الزين ويهدي الشين .. ويوفقك ويوفق الجميع ان شا الله

[بحرقطر]

اليوم الصبح سمعنا خبر ان المسؤولين في الكليه الغووو فكرة الخلط
لان المعارضين لفكرة الخلط وايد.
ننتظر القرار الرسمي.

[النجلا]

اليوم الصبح سمعنا خبر ان المسؤولين في الكليه الغووو فكرة الخلط
لان المعارضين لفكرة الخلط وايد.
ننتظر القرار الرسمي.

نتمنى ذلك وإلا بيقعدونا في البيت مرة ثانية والله قهرر :weeping:

[بحرقطر]

ابشركم استلمنا الجداول والحمدلله مافي خلط

[toomi9]

اليووم قالوا خلاص مافي اختلاط فالصيفي
لكن شهر ٩ يااا اما يقسمون المبنى
اوو ننخلط فيه
والله المستعان

[ام السعف]

اليووم قالوا خلاص مافي اختلاط فالصيفي
لكن شهر ٩ يااا اما يقسمون المبنى
اوو ننخلط فيه
والله المستعان

اهم شي ما يكون فيه خلط علشان ما يصير فيه
you know me
I saw you
:shy:

[toomi9]

اهم شي ما يكون فيه خلط علشان ما يصير فيه
you know me
i saw you
:shy:

الحمدالله اليوم كلمتهم عشان هـ السبب
منعآ للأحراج

[ام السعف]

الحمدالله اليوم كلمتهم عشان هـ السبب
منعآ للأحراج

تعجبيني :shy:

[مستر بن]

حسبي الله ونعم الوكيل ’’