المساعد الشخصي الرقمي

مشاهدة النسخة كاملة : فوين يشتكي الواحد على المستأجر اللي ما يدفع الأيجار ؟؟؟؟


بوحارب
19-04-2011, 11:25 PM
السلام عليكم

ولد عمي مأجر فيلا على واحد وصارله 4 شهور وللحين مادفع له ولا ريال !!!!!!!


يتصله مايرد

يطرش له مسج مايرد

المكتب يتصله مايرد

انا اتصله مايرد


ولد عمي قرر يشتكي عليه

ممكن تدلونا فوين يشتكي ؟؟

للعلم ولد عمي عليه ديون وقاعد يدفع من جيبة والناس تطالبه فلوس

يعني مافيه مجال للصبر !
هبوب الكوس
19-04-2011, 11:51 PM
المستأجر اكيد موقع على شيكات

يودي الشيكات العاصمة وبدورهم يتصلون له ويقومون بلازم
المهاجر
19-04-2011, 11:51 PM
هلا بوحارب

يرفع عليه دعوى بالحكمه المدنيه يطلب فيها فسخ العقد واخلاء
المنزل لعدم دفع الاجره والمطالبه بدفع مبلغ الايجار حسب الاتفاق المنصوص
عليه بالعقد مع الزامه بالمصاريف ويقدر يطلب التعويض عن الضرر بسبب عدم الدفع

والمحكمه بتقرر الحكم المناسب

والافضل قبل رفع الدعوى انه يوجه له اخطار مسجل بعلم الوصول يطلب فيه سداد قيمة الاجره
والا سوف ترفع ضده الدعوى ويحدد له مده معينه للسداد يعني مدة اسبوع او عشرة ايام من تاريخ استلام الاخطار
ذكي جدااا
20-04-2011, 12:10 AM
بو حااارب اذا ولد عمك ما خذ عليه شيكااات اوكييه يشتكي عليه بالععاصمه والنيابه اما اذا ما عنده الله يعينه لازم يروح فض المنازعات عند المنتزة وبتقعد القضيه شهووور وعقب يحولونهاااا للمحكمة للتنفييذ يعني يا ليل مااطووولك وخله يستشير محااامي بس اقل شي يبي لها سنه ولا زم يلحق بسرعه يروح فض المنازعاات لانهم يسكرون بالصييف اجازة ويفتحوون شهر اكتوبر ويالييييل مااطووولك يمكن تقعد سنتين القضيه اذا ما لحقت الحين وبالتوفيييق
بوحارب
20-04-2011, 12:27 AM
مشكورين الله يجزاكم

توه ولد عمي معاي على الخط وقريت له ردودكم كلها:)

وقرر يروح العاصمة ويودي معاه الشيكات والعقد

والله يعينه

:)
المهاجر
20-04-2011, 12:33 AM
بوحارب قبل لايروح العاصمه لازم يقدم الشيكات للبنك ويختمونها
بعدم وجود رصيد بالحساب
وبعدها يوديها للعاصمه يقدم الشكوى
ولازم ما يكون مر شهر من تاريخ ختم البنك عشان تقبل الشكوى
ANONYMOUS
21-04-2011, 10:45 AM
بوحارب والله اعلم لازم يكون العقد موثق في الجهه اللي تبع البلديه اللي ياخذون رسوم مادري شسمها

سمعت اذا مش موثق.. ماتقدر او مالك حق تشتكي في هالامور حق فض المنازعات العقاريه

مش متأكد.. اسأل عن هالنقطه

اكره ريال مدريد :p
بوحارب
21-04-2011, 04:54 PM
بوحارب قبل لايروح العاصمه لازم يقدم الشيكات للبنك ويختمونها
بعدم وجود رصيد بالحساب
وبعدها يوديها للعاصمه يقدم الشكوى
ولازم ما يكون مر شهر من تاريخ ختم البنك عشان تقبل الشكوى


مرحبا المهاجر

اسمع السالفة

بعد مانزلت الموضوع هذا طرشت رسالة للمستأجر وقلت له بالحرف الواحد الوعد بكرة في النيابة العامة

ويتصلي على طوووووووول هههههه

وعطاني وعد انه يدفع الأيجار يوم الأحد


وخبرت ولد عمي بالموضوع وقال بينتظر لين يوم الأحد

ما شاء الله عليك خبره في هالأمور :victory:



بوحارب والله اعلم لازم يكون العقد موثق في الجهه اللي تبع البلديه اللي ياخذون رسوم مادري شسمها

سمعت اذا مش موثق.. ماتقدر او مالك حق تشتكي في هالامور حق فض المنازعات العقاريه

مش متأكد.. اسأل عن هالنقطه

اكره ريال مدريد :p

ههههههههههههههه

خلك يالبرشلوني

بيغيرون ام ناديكم من برشلونه الى بهدلونا

ومشكوؤر على الرد:shy: