ما هو المبرر لارتفاع اسعار الاراضــــــــــــــــــــــــــــــــي ؟

[الكاسر007]

السلام عليكم
كنت اسولف مع شريطي (اللي هم سبب كل الارتفاعات) وقال لي ان كاس العالم هو اللي رفع الاسعار شدخل مدري

ارض في الشمال ليش يرتفع سعرها مع ان المكان لايوحي باي شي لكاس العالم

خلال شهرين اوثلاثة يرتفع سعر الارض 60 ريال او اكثر


ارائكم ياجماعة .

[الزعيم50]

والله ياخوي صار طمع بشكل غريب وكل شوي يزودون في سعر الفوت

[الزعيم50]

والله صدقت وانا امس اكلم اشريطي قال لي نفس الكلام لا وازيدك بعد قال لي راح يزودن رواتبكم 60 بالمئة واشدخل ذي فذي. لازم تكون لجنة من الدولة اتابع هذا الامور ممعناتة (مرررررراقبة) على الشريطية.

[الكاسر007]

والله ياخوي صار طمع بشكل غريب وكل شوي يزودون في سعر الفوت
كلامك صحيح والطمع قل ما جمع ومشكور على المرور بالزعيم

والله صدقت وانا امس اكلم اشريطي قال لي نفس الكلام لا وازيدك بعد قال لي راح يزودن رواتبكم 60 بالمئة واشدخل ذي فذي. لازم تكون لجنة من الدولة اتابع هذا الامور ممعناتة (مرررررراقبة) على الشريطية.

الله المستعان

[BoAzozz]

صراحه الكل مشترك في الارتفاع الغير منطقي

التجار -- اكيد عشان تزيد الارباح
الدلال -- اكيد العموله بتزيد

المواطن -- مجبور اذا كان محتد ومستعجل

ولكن
الدوله -- وين دورها في هذي الازمه, طبعا ازمه بالنسبه للناس الي تشتري ارض

استبشرنا خير عندما شفنا مشروع الوسيل ولكن طلع يخدم شريحه عن سواها

اذا كاس العالم هو السبب هذي كذبه كبيره

الحين لو الاسعار تواصلت بالارتفاع الى 2022 كم بتوصل الاسعار؟؟؟

الزبده
ارتفاع الاسعار مقصووووود .. ودور على المستفيد:secret:

تحياتي

[تاجر قطرى]

صراحه الكل مشترك في الارتفاع الغير منطقي

التجار -- اكيد عشان تزيد الارباح
الدلال -- اكيد العموله بتزيد

المواطن -- مجبور اذا كان محتد ومستعجل

ولكن
الدوله -- وين دورها في هذي الازمه, طبعا ازمه بالنسبه للناس الي تشتري ارض

الجشع الزايد على بالهم كل اقطرى عندنا بير نفط تحت بيتها

[ahmed jasim]

الإرتفاع له علاقة
1)بالإستقرار فى البلد و كثرة المشاريع
2)السيولة لدى الناس اللى تخلى الواحد يبيع بربح ويرد يشترى
3)تسهيلات البنوك اللى تخلى الشخص يصبر ومايبيع بخسارة

[mohamed.qa]

المالك شارى منذ فترة بسعر عالى ويبى يعوض وكل اللى عنده ارض يبى يبعها بمليون الفوت واللى يبى يشترى يشترى بريالين والله المستعان

[ضحية البورصة]

الدلالين لهم دور كبير ،،،،،

[simsim1963]

لابد من تدخل الدوله وتفرض اسعار معينه لكل منطقه حسب اهميتها . والي يبيع بسعر اكثر من المقرر تتم مصادره الارض منه وترجع للدوله ويتم تحليف البائع والمشتري على القرآن . لأن اسعار العقار هي من خلق كل هذه المشاكل والفوضى والغلاء والمطاليه بزياده الرواتب وجميع حالات الطلاق .

[الوثيقة]

الدلال له دور كبير في رفع الاسعار

[الكاسر007]

وش الحل مع الدلالين ؟

[الزعيم50]

حنا ما نقول البايع مايستفيد خله يستفيد لكن اشدعوه ماشتري شي مثلا بسته ابيعه بستة الاااااااف اشدعوه المسلم يراعي اخوه المسلم وخاصه حنا في دوله اسلاميه

[brWaz]

المحتاج يشتري عشان يسكن الله يكون في عونة
والي يشتري عشان يبني ويأجر الله يكون في عونة ويحصل مستأجر

الأسهم للاستثمار طويل الأمد وأخذ الأرباح السنويه بعائد لا يقل عن خمسة في المئة هو افضل استثمار في الوقت الحالي حتى الانتهاء من البنية التحتية للدولة في رأي الشخصي

ما طار طير ورتفع الأ كما طار وقع

المعروض كثير والمطلوب قليل
مايصح الا الصحيح