مشروع كوفي شوب

[بوعبدالعزيز999]

السلام عليكم

واحد من الشباب بيفتح كوفي شوب

ويبي يشوف اراء الزبائن

في كل شي

لان الزبون هو مرآة المشروع

وياريت كل واحد يدخل الموضوع

يجاوب على الاسئلة لكي تعم الفايده للجميع

:)

كم مره اتروح الكوفي شوب في الاسبوع ؟

ما الشي اللي يجذبك في كوفي معين دون غيره ؟

كم الوقت اللي تقضيه في الكوفي ؟

مالمأكولات والمشروبات اللي تطلبها عادة من الكوفي ؟

مالجنسية المفضلة لك في مقدمي الخدمه ( الويتر ) ؟

مالموقع المقترح ؟

كم المبلغ اللي مستعد تدفعه ؟

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟

وفي الختام اشكركم على حسن تعاونكم

[انتر ميلان]

كم مره اتروح الكوفي شوب في الاسبوع ؟
في الويكند بعد إزالة العنن :(

ما الشي اللي يجذبك في كوفي معين دون غيره ؟
الهدوء والخدمة

كم الوقت اللي تقضيه في الكوفي ؟
يتراوح بين الساعة والساعتين

مالمأكولات والمشروبات اللي تطلبها عادة من الكوفي ؟
كل مرة طلب جديد

مالجنسية المفظلة لك في مقدمي الخدمه ( الويتر ) ؟
ماتهم الجنسية كثر ماتهمني الخدمة

كم المبلغ اللي مستعد تدفعه ؟
الأسعار تكون معقولة

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟
وجود القنوات الرياضية ..
وفي فكرة مقتبسة من أحد الكافيهات وهي تأجير لاب توب للزبائن لاستعمال الانترنت ،، وعجبتني هالفكرة

والله يوفقك ويرزقك

[بوعبدالعزيز999]

مشكور اخوي انترميلان على مرورك وتنويرك للموضوع

وعلى اجاباتك

[بوعبدالعزيز999]

يرجى من الاداره نقل الموضوع الى النقاش الاقتصادي

[ابو جمال]

كم مره اتروح الكوفي شوب في الاسبوع ؟
في الويكند بعد إزالة العنن :(

ما الشي اللي يجذبك في كوفي معين دون غيره ؟
الهدوء والخدمة

كم الوقت اللي تقضيه في الكوفي ؟
يتراوح بين الساعة والساعتين

مالمأكولات والمشروبات اللي تطلبها عادة من الكوفي ؟
كل مرة طلب جديد

مالجنسية المفظلة لك في مقدمي الخدمه ( الويتر ) ؟
ماتهم الجنسية كثر ماتهمني الخدمة

كم المبلغ اللي مستعد تدفعه ؟
الأسعار تكون معقولة

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟
وجود القنوات الرياضية ..
وفي فكرة مقتبسة من أحد الكافيهات وهي تأجير لاب توب للزبائن لاستعمال الانترنت ،، وعجبتني هالفكرة

والله يوفقك ويرزقك

تكملة لكلام اخي العزيز الكراسي او اماكن الجلوس والمقصود الراحه في الجلسة والكراسي من وجهة نظري كل ما ارتحت في جلوسي كل مازاد وقت الجلوس في الكوفي وبالتالي زادت الطلبات

[الدانـه]

كم مره اتروح الكوفي شوب في الاسبوع ؟ مره في اسبوع

ما الشي اللي يجذبك في كوفي معين دون غيره ؟ اممم ديكور, خدمه, نظام ,نظافه ومذاق اللذيذ

كم الوقت اللي تقضيه في الكوفي ؟ تتراوح مابين 40 او 60 دقيقه

مالمأكولات والمشروبات اللي تطلبها عادة من الكوفي ؟ قهوه ساخنه او بارده وكرسون او سانويج

مالجنسية المفضلة لك في مقدمي الخدمه ( الويتر ) ؟ ماعندي مشكله بس اهم شئ يكون عنده لغات

مالموقع المقترح ؟ الاماكن المفتوحه او بالمجمع لان نسبه الناس كثيره

كم المبلغ اللي مستعد تدفعه ؟ امممم 50 وطالع يعني بالمعقول

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟ طلب بواسطه ايباد وهاي حركه جديده وحلوه ^^ بس يبيلها متخصص

[أم مريومه]

انا حابه بس توصل له الاقتراحات هذي:
الاسعار تكون مناسبه وثابته .. مب بعض الكوفيهات كل مره سعر مع الاسهم الظاهر-.-
يكثر من طاولات الي صوب الزوايات يعني الي تصلح حق النساء والعوايل
يغيير شوي بالمينو يسوي فيه شغلات تجذب الغير عن المعتاد,مثلا مينو الكتروني

شفت مره كوفي بتركيا اكوابهم وايد غريبة وفي منهم مني حق اليهال كانت اشكالهم وايد تجذب

والله يوفقه انشالله ويسر عليه ويرزقه :)

[QaTaR MaFia]

من أهم الأشياء أخوي هي :-

- أول شي الأسم وشعار الكوفي شوب يكون مميز جداً عشان يجذب الناس

- ديكور المحل يكون راقي وهادي

- الخدمه والمكان المناسب طبعاً

[بنت امي]

1_ موقع الكوفي

2_ الديكور

3_ مذاق المشروبات والكلات

[بوعبدالعزيز999]

مشكورين اخواني على مروركم وتنويركم واقتراحاتكم البنائه

[راعي المها]

اضافة على الي اثكروة الاعضاء من اقتراحات 1-تجهيز صاله لي محبي الشطرنج تكون في طابق ثاني بعيد عن الازعاج 2- تاخير في موعد الاغلاق في الويكند لين الساعة 2 والصراحة هاذي المشاكل الي اتصادفنه كل جمعة نقعد سبع اشخاص ونلعب شطرنج من 9 لين 11 ويجيلك الموظف ويقلك لاست اوردر ويجيبلك الفاتورة يعني طردة ذربة او الاسعار غالية في بعض الاماكن وبعض الاحيان انسوي بطولة ويكون في اكثر من 15 شخص وننحرج من الخدمه او توقت الاغلاق

[بوعبدالعزيز999]

مشكورين على مروركم

والمحل كوفي شوب مب بليارد

[قطر love]

كم مره اتروح الكوفي شوب في الاسبوع ؟


مره وحده



ما الشي اللي يجذبك في كوفي معين دون غيره ؟


الاشياء النادره الي عنده , المكان , الجو المناسب , الخدمه , النظافه , الاحترام


كم الوقت اللي تقضيه في الكوفي ؟

على حسب اذا مع الربع ساعه واكثر واذا بروحي اخذ واحرك

مالمأكولات والمشروبات اللي تطلبها عادة من الكوفي ؟

فرابتشينو كراميل او كابتشينو والسلطات


مالجنسية المفضلة لك في مقدمي الخدمه ( الويتر ) ؟
مايهم اهم شي السرعه الاحترام ويفهم اللغات مب بالاشاره

مالموقع المقترح ؟
المجمعات التجاريه , او مكان عام , او ممشى


كم المبلغ اللي مستعد تدفعه ؟

ما يهم دام المكان هادي ومحترم الواحد يدفع حق راحته

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟
الهدوء

احترام الموظفين قبل الزوار


النظافه

منع التدخين والشيش


السرعه في الخدمه

التفاهم


ارضاء الزبون


واهم شي الاسعار


واخر شي الله يوفقكم


بي مافي خصم :tease: ههههه بالتوفيق يارب :nice:

[شعشوع]

كم مره اتروح الكوفي شوب في الاسبوع ؟
على حسب اذا عندي ضيوف اروح كل يوم ولا ف اليوم مرتين معاهم اذا كانوا ضيوف من برع .. ولا اذا ابي اركلس مع ام العيال الله يحفظها ..

ما الشي اللي يجذبك في كوفي معين دون غيره ؟
ممم الديكور طبعا .. الاكواب وأدوات التقديم .. مكان الكوفي يكون يطل على مكان حلو ولا مكان عامر بالحركه والناس .. لاهب زحمه ولا ميت محدن يطبه

كم الوقت اللي تقضيه في الكوفي ؟
من نص ساعه اللى ساعه بالكثير

مالمأكولات والمشروبات اللي تطلبها عادة من الكوفي ؟
كوفي لاتيه وكيكه صغيره ولا عصير ليمون بالنعناع .. واذا رايق حدي شاي نعناع ولا شاي خضر

مالجنسية المفضلة لك في مقدمي الخدمه ( الويتر ) ؟
الفلبين وابتعد كل البعد عن الصنف اللبناني التعبان !! :eek5:

مالموقع المقترح ؟
ممم هذا سؤال صعب ولكن ان كان في مجمع ف يجب انه يكون يطل على ممر ولا ممشى ومايكون مخشوش ورى المحلات .. وان كان كوفي بروحه يجب انه يطل على بحر ولا يطل على شارع عام ولا اشارات كبيره .. لان في كثير كوفي شوبات ماتكون ناجحه على الرغم من جمال الديكور والخدمه الزينه ولكن المكان يكون مندعس ولا مايطل على شي ..

كم المبلغ اللي مستعد تدفعه ؟
الكوفي شوب عاده لازم مايكون مبالغ في اسعاره ولكن مايزيد طلب شخصين عن 60-70 ريال

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟
حاليا مافي شي لاكن ابشر ان طرى على شي افيدك ان شاء اللـه ..

ربي يوفقكم لكل خير

[abdo222]

كم مره اتروح الكوفي شوب في الاسبوع ؟
من 3 الى 6 مرات

ما الشي اللي يجذبك في كوفي معين دون غيره ؟
الكراسي مريحه و انه مافيه ريحه دخان وسجاير، وعندهم وايرلس

كم الوقت اللي تقضيه في الكوفي ؟
20 دقيقه الى ساعه بالكثير

مالمأكولات والمشروبات اللي تطلبها عادة من الكوفي ؟
ايس كاراميل ، فربتشينو (كوفي بارد هال الستايل) مع تشيز كيك صغير،،

مالجنسية المفضلة لك في مقدمي الخدمه ( الويتر ) ؟
عادي مافي فرق

مالموقع المقترح ؟
مكان مافيه زحمه سيارات (مب رمادا، ولا النصر ولا الغرافه)

كم المبلغ اللي مستعد تدفعه ؟
من 20 - 40 كوفي ويا تشيز كيك

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟
مكان المدخنين منفصل (كليا) عن غير المدخنين ،،
خدمه سريعه
يكون فيه اكل خفيف نفس كلب ساندوتش

[الجــــــآدل]

كم مره اتروح الكوفي شوب في الاسبوع ؟
مره فالاسبوع او الاسبوعين بس الصبح عشان الهدوء:omen2:

ما الشي اللي يجذبك في كوفي معين دون غيره ؟
الهدوء . الخصوصيه < لو يكون فيه خصوصيه صدقني بيربح
يعني اماكن للنساء او العوايل

كم الوقت اللي تقضيه في الكوفي ؟
40 دقيقه الى ساعه

مالمأكولات والمشروبات اللي تطلبها عادة من الكوفي ؟
اكثر شي اطلب لاتيه وكراسون او تيراميسو

مالجنسية المفظلة لك في مقدمي الخدمه ( الويتر ) ؟
احس الفلبينيات احسن شي

كم المبلغ اللي مستعد تدفعه ؟
من 40 لحد 80 تقريبا

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟
يهتم بالمظهر الخارجي والديكور لانه مهم وضروري لكسب الزبون
يكون سعر مناسب للجميع ويفضل انه يكون اقل من الكوفيهات المعروفه
راح يكسب :victory:
والله يوفقه ان شاءالله ويغنيه بالحلال عن الحرام

[بوعبدالعزيز999]

مشكورين كلكم على اقتراحاتكم البنائه

[جود 88]

الديكور النظافة السرعة في الطلب

مكان مخصص للنساء اتمنى ذلك كل الكوفيات مافيها مكان مخصص ليه مدري كلها مكشوفة

طيب انا فرضا بدي ارفع الغطوة واتنهى بشرب الكوفي وش اسوي حزتها


والاسعار اتمنى تكون مرة مناسبة وشوي تراعينا

ابتكار مشروبات جديدة تقدم السويت من حلا من بسكويت حلو

الاسم يكون عربي اذا انت ياصاحب المشروع

تحطون دفتر لاقتراحات والتواقيع سوا مشاهير ام زوار

شكلي بقولك افكاري الخاصة لاني ناوية افتح مشروع بس بالمستقبل ان شاء الله ههههههههاي

بالتوفيق ان شاء الله واهم شي اذا جا حزت الصلاة بليز قفلو الموسيقى

واتمنى مساحة التدخين ماتحطون

وشكرا

[meandme]

كم مره اتروح الكوفي شوب في الاسبوع ؟
كل يوم
ما الشي اللي يجذبك في كوفي معين دون غيره ؟
الخدمه والكراسي المريحه..وأنصحك ان الديكور تسلمه لشركه او تجيب فكرة جاهزه من بره...لان الإضاءة والألوان هيه اللي تجمل المكان وتخليه مريح للعين بحيث انك تحب ترجعله وهذا علم بحد ذاته يدرسونه يعني لاتستهين فيه..والشيشه مهمه جدا للمدخنين
كم الوقت اللي تقضيه في الكوفي ؟
ساعة الى ساعتين..
مالمأكولات والمشروبات اللي تطلبها عادة من الكوفي ؟
قهوة عصاير سندويشات برجر او جاج فاهيتا
مالجنسية المفضلة لك في مقدمي الخدمه ( الويتر ) ؟
الفلبين اكيد
مالموقع المقترح ؟
عندك المضياف الي حذا لاسيجال ممكن تسويه شي حلو لكن اجاره غالي...والبيتيت كافيه مكتسح الحين روح وشوفه الي بنفس الشارع
كم المبلغ اللي مستعد تدفعه ؟
والله في قطر الحمدلله الشعب بخير ...بالنسبة لي ماتفرق ..المهم انه يكون سعره فيه ويستاهله
اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟ فكرة تأجير لابتوب فكره جيده بعد...اما اللي يقلك مينو الكتروني فهذا مكلف وغير عملي مع انها موجوده بره مينيو أي باد ..لو تسوي خدمة تعطيهم كرت الفاليه ويجيبونلك السياره قبل لا تطلع ...عشان ماتنطر بره 10 دقايق خصوصا بالصيف... و زر الكتروني على كل طاوله للي يبي يطلب شي بتكون فكره مريحه بدل مانقعد اندور الويتر اذا ماكانو الويترز متواجدين في كل وقت

[بوعلي-Qtr]

كم مره اتروح الكوفي شوب في الاسبوع ؟

مره كل شهر او شهرين

ما الشي اللي يجذبك في كوفي معين دون غيره ؟

الهدوء .. وراحه القعده .. درجة الحراره .. الاضاءه والديكور .. اشكال الاكواب والوانها وطريقة التقديم
والمذاق المميز اكيد وطريقة تزيين الأطباق

كم الوقت اللي تقضيه في الكوفي ؟

نص ساعه الى ساعه وربع

مالمأكولات والمشروبات اللي تطلبها عادة من الكوفي ؟

تركش .. كويتيه .. هوت جوكلت .. موكا .. جاي بأنواعه .. حليب " على حسب المطعم او الكوفي "

مالجنسية المفضلة لك في مقدمي الخدمه ( الويتر ) ؟

اي شي .. بس الارتب اشوف بوفلبن نظاف ويعرفون شغلهم

مالموقع المقترح ؟

اي مكان .. واذا في مجال قريب الكورنيش فهذا شي ممتاز

كم المبلغ اللي مستعد تدفعه ؟

حسب جودة المطعم والأكل .. في محلات انت تدفع لأسم المحل مش لطعم المشروب .. عندك ستاربكس الله يعز النعمه ويديمها قهوتهم زباله مع احترامي للجميع والله يعزكم ويعز السامع والقاري .. الخيام احلى منه بمليون مره ..

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟

اقترح يكون في وجبات ومشروبات لكل الفئات العمريه .. يعني مثلا في مشروبات للأطفال مثل الحليب .. او حليب فراوله وكاكاو ويقدم لهم بطريقه حلوه وبأكواب مميزه
يكون في قسم للنساء فقط وقسم للعوايل وقسم عام
التدخين يكون ممنوع
يكون في نظام عميل مميز او مثل كوبونات مجانيه كل 10 زيارات او كل مبلغ معين هذا شي جدا ممتاز لكسب الزباين وتشجيعهم
يتم تخصيص منيو للريوق والغدا والعشا
تكون ملم بجميع المشروبات مثل القهاوي الفرنسيه والامريكيه والعربيه والاسبانيه والتركيه والمغربيه والصينيه والخ .. هالشي بيلم لك كل الاذواق فالمحل ..
يكون في جلسات خارجيه اذا كانت القهوه تطل على الشارع

وعندي فكره اتمنى انها تتطبق .. وهو تقديم القهوه العربيه للزباين اول مايدخلون .. شي مميز وماشفته في اي قهوه

[قطرية فذة]

كم مره اتروح الكوفي شوب في الاسبوع ؟

على حسب العمل / مرات كل اسبوع ومرات كل 10 ايام

ما الشي اللي يجذبك في كوفي معين دون غيره ؟

المساحه / الهدوء / الخصوصيه / الاهتمام بكل شيئ حتى نوع الطعام

كم الوقت اللي تقضيه في الكوفي ؟

احياناً من ساعتين الى 4 اذا ماكانت اكثر واحياناً ساعه

مالمأكولات والمشروبات اللي تطلبها عادة من الكوفي ؟

اممم ماء او قهوه او قطعه كيك او اذا كان الوقت بالليل ومعي حباني اطلب عشى طبعاً عشاهم يكون خفيف

مالجنسية المفضلة لك في مقدمي الخدمه ( الويتر ) ؟
الفلبينيه

مالموقع المقترح ؟
بالنسبه لي يحبذ مايكون داخل مجمع ولا سوق

كم المبلغ اللي مستعد تدفعه ؟

على حسب ؛ انا من النوع اللي اشوف الشي مايستاهل مادفع يعني بالمعقول

اذا عندك مقترحات ودك اتضيفها مب موجوده في الكوفي شوب اللي تقعد فيه وودك اتشوفها في المستقبل ؟

قاعه خاصه حق العمل مرات احتاج اجهزه والقاعه تناسبني عشان قروب العمل مايصير ضجه بالمكان

وممكن تخليها قاعه وفيها كراسي بتناسبك حق المناسبات
الاجانب ينتهزون مثل هذه القاعات حق اعراسهم ومرات حق حفلات عيد الميلاد

ايضا ممكن اتسوي ركن بالكوفي في صناعه الفخار
وفر طاولات وطين وفرن
بتجيك عروض من المدارس بيجيبون الطلاب عندك
وهكذا بيكون محلك ماشي سوقه حتى السياح بيجونك لانه تراثي

اذا مب عاجبك الطين ممكن اتسوي عندك حق صندوق المبيت

تكون فيه صناديق جاهزه وخرايط معينه حق تصميم الشكل الخارجي للصندوق

طبعاً لاتحط مسامير بتسمع الدق على صندوق الخشب حط دبابيس ذهبيه
ووفر القطع المعدنيه فيه نوع منها خفيف ممكن استخدامه
انت بس جهز الاشياء مقطعه وماعليهم الا يسونه عندك وياخذونه معهم

طبعاً كل صندوق عليه سعره ولونه

اممم اتكفي هذه الفكرتين

تبي ثالثه؟

كم تدفع ؟

خذها مني مشروعك ناجح بإقتراحي


عسى الله يوفقك يارب

[بوعبدالعزيز999]

الله يبيض وجوهكم كلكم

وماتقصرون