طبيب روماتيزم وعظام في مؤسسة حمد الطبية

[بنت سلمان]

السلام عليكم ورحمة الله وبركاته

ياليت لو تنصحوني بأفضل طبيب روماتيزم و عظام في مستشفى حمد
وهل في أحد تعالج عند الدكتور غانم السليطي ؟

جزاكم الله كل الخير
في انتظار ردودكم

[36R]

فيه الدكتور (( محمد الشعراني )) في الصحه المدرسيه يمدحونه
وبعد الدكتور (( الخيارين )) بعد يمدحونه

الله يشفي مريضكم ويبعد عنكم كل سوء

[الامير]

اذا عظااااام وايهمك امره ما في الى المانيا لاتخلينهم يلعبون به هنا

[علي رشيد]

لو سمحت ممكن تتصل على رقم العياده المسائيه بمؤسسة حمد الطبيه و تاخذ موعد مع
د.صلاح مهدي (جيد جداً)
د.عبدالرحيم صيام (ممتاز)
الرقم 44392402

و بالسلامه إن شاءالله

[ثرية]

دكتور فااااااااارس

[h_qatar]

اذا عظااااام وايهمك امره ما في الى المانيا لاتخلينهم يلعبون به هنا

هذا اللي خرب الناس! يروحون يتعالجون في المانيا و غيرها و بعدين يرجعون أسوأ من ذي قبل و تعالوا يا دكاترة صلحوا...!!

ما ادري متى الناس بيقدرون و يحترمون الكوادر الموجودة هنا..!! يعني اذا الدكتور اسمه جون و لا ماث شغله ما عليه كلام..!!

فيه دكاترة عندنا من أروع ما يكون بس بسبب استحقارنا لهم و انهم يشتغلون في المستشفى الفلاني فخلاص طاحوا من عينا...!!

مرة سألت دكتور ليه أغلب مرضاك أجانب؟ قالي الأجانب يقدرون أي شي تسويه لهم، و ما يعارضونك على كل صغيرة و كبيرة،، أما القطريين يجيك الواحد نافخ نفسه و كأن الدكتور يشتغل عنده،، و من البداية حاط ف راسه يبي يتسفر برى، حتى لو الشي ما يسوى..!

[المتضرعه لله]

حموووده مؤسسة حمد الطبيه

[q6r2009]

دكتور عزت خنجر للروماتيزم