اسرع خدمه للمواطن القطري ....؟

[حمد بن سعد]

بسم الله الرحمن الرحيم



اليوم الساعه 4 العصر كنت رايح مطار الدوحه الدولي وكنت مودي خالتي الله يحفظها ويطول في عمرها طبعا اهي اكبيره في السن وعلى كرسي متحرك وقفة السياره عند نزول الركاب ونزلة عشان اخلص اجراء الجواز والتذكره .

الغريب والعجيب اني والله العظيم مايمديني ادخل ووقف على كونتر القطريه يعني بالكثير دقتيتين ونص والله ماكثرة وصلني مسج مخالفه من مطراش اشوف التاريخ ال تاريخ اليوم قلة معقلوله امداهم يخالفوني ويطرشون لي مسج المهم خلص كل شي 8 دقايق لا اكثر والله على مااقول شهيد طلعة برى لقية الشرطي ماسك مكينه مثل مكاين الدفع الي في المحلات التجاريه
وطايح مخالفات في الناس وسالته قتله متى خالفتني الشيخ توه جايني مسج طالعني وهو يضحك ايقولي ليش زعلان قتله لا زعلان ولا شي ان اعترف اني مخالف وغصبن عني لان معاي خالتي اكبيره في السن ونزلة اخلص اجراء سفرها واناي ماخذت 8 دقايق شكرته وقتله بيض الله ويهك ومشية عنه .


الحين يا ادارة المرور عشان اتجموعون افلوس من الناس اجيبون احدث الاجهزه والشوارع محفره صار لها سنين محد يدري عنها ادري في حد بيقول اشدخل ادارة المرور في الحفر بكل بساطه دامه ايدور ويدور الي ايخالفه وهو في طريقه ايبلغ المسئولين في المرور ويتواصلون مع اشغال في البلاغ عن االحفر الي كسرة سيارتنا .

وسمحولي على الاطاله .

ومنتظر تعليقاتكم

[qatari 111]

لو انك استأذنت من شرطي المرور وشرحت موضوع خالتك فما اظن انه راح يردك ؟
والله يخليها ويحفظها لكم

[الوثيقة]

لو انك استأذنت من شرطي المرور وشرحت موضوع خالتك فما اظن انه راح يردك ؟

الغالي انا صار لي تقريبا نفس الموقف

والشرطي قالي مدام تحررت المخالفة ما اقدر اشيلها

[.Q a T a R.]

تطوروا المرور

مخلفاتهم صارت اون لاين

[qatari 111]

الغالي انا صار لي تقريبا نفس الموقف

والشرطي قالي مدام تحررت المخالفة ما اقدر اشيلها

انا اتكلم قبل لا يصف السياره وينزل مب بعد ما حررله المخالفه

[intesar]

نعم مدام تحررت لا مجال
الظاهر قاصرة عليهم بيزات فقالوا خلينا نزود المخالفات

[حمد بن سعد]

لو انك استأذنت من شرطي المرور وشرحت موضوع خالتك فما اظن انه راح يردك ؟
والله يخليها ويحفظها لكم



لو كان شفته كان كلمته قبل لا اصف السياره اتوقع طلع من تحت الارض ههههههههههههه

تسلم على مرورك

[حمد بن سعد]

نعم مدام تحررت لا مجال
الظاهر قاصرة عليهم بيزات فقالوا خلينا نزود المخالفات

دام ايخالفك بالاسلكي اكيد قاصره هههههههههههه

تسلم على مرورك الغالي

[qatari 111]

لو كان شفته كان كلمته قبل لا اصف السياره اتوقع طلع من تحت الارض ههههههههههههه

تسلم على مرورك


الصراحه معاك حق باللي قلته :nice:

[وحيد-الشوق]

تطوروا المرور

مخلفاتهم صارت اون لاين


ههههههههه من الفلوس الي يطلعونها

اخخخخخخ ياكثر القهررر الي فيني عليهم :weeping:

جيبوا لي دولة في العالم مخالفة الحزام فيها 500 ريال :weeping:

[بويوسف]

القانون قانون ولكن كنت اتمنى ولو انه حلم بعيد المنال ان يكون لنا سلطة مخالفة امور كثيرة تتعطل وتأثر على حياتنا .. توقيف علاواتنا وبدلاتنا .. التخبط الاداري في اداراتنا الحكومية .. القرارات اللي تصدر وما تتنفذ .. التضخم اللي أثر على شعب قطر كله ... هل القانون يطبق على المسكين واللي مايملك سلطة فقط ؟ سؤال على الهواء ..

[وهم قطر]

للعلم جميع المخالفات الي قد تحررت تقدر تشيلها أي أن كانت



ماعدى قطع الاشارة الضوئيه

وذلك عن طريق مدير المرور أو سكرتيره ولا أحد منكم يستصعب المسأله

[عيون الدوحة]

أسرع تحصيل للفلوس قصدك
بسنا فلوس ياحسين بسنا

[ANONYMOUS]

ههههههههههههههههههههه

انا اقول شسالفه


وصل لي مسج.. اشيك الوقت من عشر دقايق.. ويعه..

قلت اكيد اللي شافني مب لابس حزام " لواء ركن جنرال ميجور قائم مقام " في الشرطه :p

[السندان]

في هذي الامور ازهلهم .. ولا توصي حريص

مايقصرون مع المواطن ولا دقيقه

صج اسرع خدمه للمواطن

[نورهان88]

يالربع أنا أشوف كل اللي يخالفون ومنتشرين ياما سوداني أو سوري

ويالله يخالف وينخش.. حتى يجمع كذا مخالفة ويترقى ويزادد راتبة ههههههههه

[مضاد]

http://3.bp.blogspot.com/_QkGAUOX2NV8/TQgHUxGjFUI/AAAAAAAAB8k/PFd70ucBljM/s1600/Qatar_FIFA_World_Cup_2022.jpg

[g2006]

الشيخ ممكن تنلغي المخالفة لو رحت المرور وشرحت لهم عن وضع خالتك بالمطار

[بوخالد911]

الله يعيينك



بليييز : لازم تميز بين التاء ( ت ) والتاء المربوطة


اخطائك كثيرة مثل


وقفة - المفروض : وقفت

نزلة - الصح هو : نزلت

[hnoof-qtr]

خدمة جيدة وانا متاكدة لولا هالمخالفات كانوا الشباب سكروا الشوارع ، لان شبابنا ما يحب يصف الا جدام المحل اللي رايح له .
كان بامكانك تنزل الخالة وتصف سيارتك وتدخل تخلص معاملتها .

[بو راشد 1]

انا سمعت ان اذا ما تركت مسافه 3 متر بينك و بين السياره اللي قدامك بيخالفونك، و تلقى الشرطي واقف قبل الدوار و في يدة دفتر المخالفات، ممكن حد يأكد لنا الخبر، اتمنى ان تكون اشاعه.

[الرادار]

الله يحفظ لك خالتك و يعوضك خير

[ANONYMOUS]

انا سمعت ان اذا ما تركت مسافه 3 متر بينك و بين السياره اللي قدامك بيخالفونك، و تلقى الشرطي واقف قبل الدوار و في يدة دفتر المخالفات، ممكن حد يأكد لنا الخبر، اتمنى ان تكون اشاعه.


مال اول دفتر

الحين عنده جهاز .. يطق رقم سيارتك ويعطيك شتي مخالفه


--


مع انه ذاك اليوم ماحد عطاني شتي .. عطوني مسج بس :p

[£عبدالعزيز£]

اخوي اسمحلي بس دامنك صاف في مكان ممنوع الوقوف فيه المخالفة بتجيك مهما كانت الظروف

كنت تقدر تصف في المواقف .. والمواقف قريبة من المبنى

عموما دفعة بلاء ان شاء الله .. والله يحفظ خالتك