جنرال كول (الريس)

[الدبلوماسي]

السلام عليكم
ياجماعه بغيت استفسر منكم لاهنتم عن مكيفات الريس ماركة(جنرال كول)
شنو وضعها هل تبريدها عدل وزينه يعني وبصراحه لانى توهقت وسويت عقد معاهم وركبت البايبات بالفيلا واستعجلت
فاتمنى ردودكم لانى احس انى جبت العيد وخاصه اني قريت كم موضوع عن المكيفات فابي المشوره منكم وهل اقدر اغير شركه ثانيه يعني لانى بس ركبت البايبات وخايف من هالسالفه والمهم
يصير انهم هم ركبولى البايبات حاليا هل اقدر اشتري المكيف نفسه من شركه ثانيه ولا لازم البايب يكون من نوعية المكيف وفيدوني لانى تخربطت وصراحه بعد ترا السعر مهم لانه خلاص مافي فلوس ترا

[ضحية البورصة]

بعد اذا ما في فلوس الله يعينك ،،،،، اتوقع هالمكيفات تجميع البحرين صح؟

[وبشرالصابرين]

اخوي البيبات تركب على اي مكيف ماعندك مشكله

[الدبلوماسي]

بعد اذا ما في فلوس الله يعينك ،،،،، اتوقع هالمكيفات تجميع البحرين صح؟

والله مدري يخوك تجميع البحرين ولا وين مدري

[الدبلوماسي]

اخوي البيبات تركب على اي مكيف ماعندك مشكله

طيب شتنصحني فيه اخوي بنوعيه حليوه وسعرها يعنى معقول والفرق مب وايد
ومشكور عالرد اخوي

[الكواري 1972]

توكل على الله

الصراحه انا مجربهم مكيفات ولا عليها كلام مركب سبيلت

[بويوسف]

عزيزي الدبلوماسي الحل بسيط .. كنسل جنرال كول لانها مب ذاك الزود .. واخذ من عند نفس الريس فوجي .. طبعا الفوجي والجنرال نفس الشي بس الاسم مختلف .. الفوجي الكمبيرسيور بيستون وهو الافضل والاقوى لجو قطر ..

[جرناس]

اخوي علييييييك ب غرييه لهم فرع في شارع الشافي جنب كاريتي والمصرف الاسلامي

[شموع قطريه]

جنرال كول لايعلى عليه احنا مركبين منهم من فتره طويله وماشاءالله تبريدهم ممتاز وماعليهم كلام .. حتى تبريدهم احسن من فوجي احنا حاطين النوعين وفيه فرق بينهم في التبريد جنرال كووول احسن منه .. ركبهم وانت مطمئن ولا تحاتي

[بويوسف]

جنرال كول لايعلى عليه احنا مركبين منهم من فتره طويله وماشاءالله تبريدهم ممتاز وماعليهم كلام .. حتى تبريدهم احسن من فوجي احنا حاطين النوعين وفيه فرق بينهم في التبريد جنرال كووول احسن منه .. ركبهم وانت مطمئن ولا تحاتي

كل شي جايز في هالزمن على الرغم من ان فوجي ياباني وجنرال كول صيني او تجميع مش عارف وين .. وعلى الرغم من ان فوجي كومبريسر واغلى بكثير من جنرال كول الا ان تجربتك تثبت عكس كل الحقائق ..

ولكن اختي الكريمة قوة التبريد ليست المعيار الوحيد .. والتبريد في الجو البارد ايضا مش معيار .. معروف عن جنرال العمادي واخوه الفوجي انه يعيش لسنوات طويلة وبقوة في حين ان البقية يبردون اول كم سنة وبعدها تظهر الجودة الحقيقية ..

[الموضوعي]

أنا مركب 16 مكيف جنرال كول من 3 سنوات وتعطل منهم 2 بس بسبب المروحة وصلحوه على الضمان والباقي شغال تمام وتبريده ممتاز وللأمانة صيانة الريس شغلهم زين وردهم سريع، انا جربت ال جي من قبل وكان اسوء تكييف جنرال كول احسن منه بألف مره باقي الأنواع مااعرف عنهم

[العنيد000]

كل شي جايز في هالزمن على الرغم من ان فوجي ياباني وجنرال كول صيني او تجميع مش عارف وين .. وعلى الرغم من ان فوجي كومبريسر واغلى بكثير من جنرال كول الا ان تجربتك تثبت عكس كل الحقائق ..

ولكن اختي الكريمة قوة التبريد ليست المعيار الوحيد .. والتبريد في الجو البارد ايضا مش معيار .. معروف عن جنرال العمادي واخوه الفوجي انه يعيش لسنوات طويلة وبقوة في حين ان البقية يبردون اول كم سنة وبعدها تظهر الجودة الحقيقية ..


صدقت اخوي

فوجي مركبينهم من 12 سنه مافيهم مشكل

جنرال كوول 6 شهور وحذفته ماينفع كله خربات

[AL_MUTAEM]

عزيزي الدبلوماسي الحل بسيط .. كنسل جنرال كول لانها مب ذاك الزود .. واخذ من عند نفس الريس فوجي .. طبعا الفوجي والجنرال نفس الشي بس الاسم مختلف .. الفوجي الكمبيرسيور بيستون وهو الافضل والاقوى لجو قطر ..


كلام سليم من اخوي بويوسف والكثير لا يهتم بموضوع الكمبريسور وطريقة تصنيعه ..

بس للعلم هناك فرق بالسعر والاخ ذكر ان الميزانيه محدوده ..

ليس تبريد المكيف باول ستة اشهر او اول سنه هو المعيار الحقيقي لصناعته ..

[abdulla889]

اخوي اذا ماتبي تدفع على المكيفات مبلغ كبير انصحك تاخذ سوبر جنرال من نفس شركة الفوجي مكيف رخيص وصيانتهم مافي احسن منها
الطنين عندهم ب 2600 ريال

[نورالهدى]

أنا جربت كل أنواع المكيفات
جنرال كول صيني وسيء
خذ جنرال الأصلي