مشروعات المونديال 157 مليار [الأرشيف] - منتديات شبكة الأسهم القطرية

الواعد

22-04-2011, 10:37 AM

السلام عليكم

http://img156.imageshack.us/img156/6011/38064988.jpg

• الدوحة - قنا: أصدر حضرة صاحب السمو الشيخ حمد
بن خليفة آل ثاني أمير البلاد المفدى أمس القرار الأميري
. رقم 27 لسنة 2011 بإنشاء اللجنة العليا لقطر 2022
وأصدر سمو أمير البلاد المفدى أمس القرار الأميري رقم
28 لسنة 2011 بتشكيل مجلس إدارة اللجنة العليا لقطر
2022 . ونص القرار على أن يشكل مجلس إدارة اللجنة
العليا لقطر 2022 من سمو الشيخ تميم بن حمد آل ثاني
ولي العهد رئيساً، وسمو الشيخ جاسم بن حمد آل ثاني
الممثل الشخصي لسمو الأمير نائباً للرئيس، وعضوية
معالي الشيخ حمد بن جاسم بن جبر آل ثاني رئيس
مجلس الوزراء وزير الخارجية. كما ضم التشكيل كلا من:
سعادة السيد يوسف حسين كمال وزير الاقتصاد والمالية
عضواً. وسعادة الشيخ عبد الرحمن بن خليفة بن عبد
العزيز آل ثاني وزير البلدية والتخطيط العمراني عضواً.
وسعادة الشيخ محمد بن حمد بن خليفة آل ثاني عضواً.
وسعادة الشيخ حمد بن جبر بن جاسم آل ثاني المدير
العام للأمانة العامة للتخطيط التنموي عضواً. كما
أصدر سمو الأمير المفدى أمس القرار الأميري رقم 29 لسنة
2011 بتعيين السيد حسن عبدالله الذوادي أميناً عاماً
للجنة العليا لقطر 2022 . وتهدف اللجنة لتحقيق أفضل
الظروف الملائمة لتنظيم وإنجاز كأس العالم 2022 وترفع
اللجنة تقريراً سنوياً إلى سمو الأمير عن أوجه نشاطها
ومشروعاتها وسير العمل فيها، وتخطط قطر لإنفاق
نحو 100 مليار دولار على مشروعات البنية التحتية.

المصدر // جريدة الشرق

متفااائل

22-04-2011, 10:39 AM

ماهو العائد على الفرد والمجتمع القطري ! مقابل هذا المبلغ !

هبوب الكوس

22-04-2011, 10:42 AM

ماهو العائد على الفرد والمجتمع القطري ! مقابل هذا المبلغ !

مشاهدة مباريات كاس العالم

:)

الأصيلة

22-04-2011, 10:44 AM

ماهو العائد على الفرد والمجتمع القطري ! مقابل هذا المبلغ !

اعتقد العائد مانقدر احنا نقّدره
له ناس يقدرونه ويحسبون حسابه
وكفاية البنية التحتيه بتخلص والقطارات والمطار بيجهز كل شي قبل موعده...

الجوكر90

22-04-2011, 10:53 AM

ماهو العائد على الفرد والمجتمع القطري ! مقابل هذا المبلغ !

ان الي عليهم ديون لين 2022 راح يطالبون باسقاط الديون

وان المواطنين لين 2022 رواتبهم نفس ماهي ماتغيرت الا شوي

وحش قطر

22-04-2011, 10:55 AM

اعتقد العائد مانقدر احنا نقّدره
له ناس يقدرونه ويحسبون حسابه
وكفاية البنية التحتيه بتخلص والقطارات والمطار بيجهز كل شي قبل موعده...

انتي بالذات ما كنت متوقع منك هذا الرد

على العموم لوكانت هناك اشياء مخفيه وهي ايجابيه ليش مايطلع شخص مسئول ويتكلم بكل شفافيه ويحط النقاط على الحروف

الجسراوي

22-04-2011, 11:04 AM

ماهو العائد على الفرد والمجتمع القطري ! مقابل هذا المبلغ !

فله حق المسيره :secret:

هبة ريح

22-04-2011, 11:07 AM

الله يمد باعمارنا ونشوف دولتنا قطر ب 2022
:)

مستجدة

22-04-2011, 11:13 AM

ياسهل الدفع
في هالامور يهون الريال اقصد الدولار

لكن اذا تعلق الامر في زيادة ولا اسقاط ديون ولا تحسين وضع ارامل ومطلقات ولا متقاعدين
شفت المنتدى كله يحبون قطر والامير واللي مطالبين ماعندهم وطنيه ومايحبون الامير شفت العالم تتكلم عن تقشف وتبذير واجيال قادمه وعن بذخ المواطن واسرافه ومرات يتشفون ويضحكون على ابتلاءات خوانهم واهل بلدهم !!!!
سبحان الله اتحس القلوب مليانه حسد وحقد

انا كنت من المعارضين لاستضافة المنديال لان ماحب الكوره واشوف انه فيه امور اهم منها
لكن عند ماشفت سمو الامير وهتمامه وترقبه دعيت من قلبي انه قطر اتفوز عشان بس فرحة ابو مشعل

اللي نتمناه هو الاهتمام في اهل قطر مثل الاهتمام في الرياضه

رجل مثالي

22-04-2011, 11:28 AM

أذا كان مردود الفائدة من المونديال على زيادة دخل المواطن 100% أوكي فهذا

المشروع جيد أما أذا راتب الموظفين والمتقاعدين نفس الشىء 000000

simsim1963

22-04-2011, 11:32 AM

ماشاء البلطجيه وايد في المنتدى ... يطبلون لكل شئ .

الأصيلة

22-04-2011, 11:34 AM

انتي بالذات ما كنت متوقع منك هذا الرد

على العموم لوكانت هناك اشياء مخفيه وهي ايجابيه ليش مايطلع شخص مسئول ويتكلم بكل شفافيه ويحط النقاط على الحروف

ليش اش صاير ,,, واشفيه ردي..
ماتعديت على أحد ولا تكلمت بما لا يليق...
واعتقد باقي وقت طويل حتى يتكلمون في الأمور الإيجابية...
والمونديال بيصير بيصير...ومن اول إعلان النتيجة
والناس تتكلم وتنتقد وترد ومنهم الموافق ومنهم الرافض..
وهذا حال الدنيا...
هذي قطر يا أخوي ياوحش قطر
حلوة على قلوبنا مهما صار وكان...
بلدنا الطيبة اللي مانرضى لها بديل...
وحبنا لها غير مشروط بأي شرط
فهو مطلق وغير مقيد...

مستجدة

22-04-2011, 11:46 AM

مواطن قطري يصفى له من راتبه اللي مايتجاووز ال 9000 ريال سوا 4700 بيته على التشطيب بعده ماستلم المفتاح بداء بنك التنميه بخصم 3700 ريال والان مايصفى له ولعياله عتبار من هالشهر الا 1000 ريال
كيف راح يعيش كيف راح يثث بيته كيف راح يصرف على زوجته وعياله واللي يزيد ماساة هالشخص انه وحيد
لا اب ولا خوان يعني لاسند ولاعوين

وتبون المواطن يستانس وهو يقراء تكلفه المنديال !!!!!!!!!!!
ومايطالب بالزياده والنظر في اوضاعه المترديه اللي وصلت للقمة عياله .. ؟

الله المستعان الله يفرجها لاهل قطر

nadeemy

22-04-2011, 11:46 AM

ماشاء البلطجيه وايد في المنتدى ... يطبلون لكل شئ .

صدقت
وفي سوريا يسمونهم الشبيحه :)

قطر دزاين

22-04-2011, 12:28 PM

احسن ما فيه انه بيصير عندنا بنيه تحتيه ومواصلات قطارات هذي هي الفايده الوحيد وهذا شي جيد الصراحة

Charisma

22-04-2011, 12:33 PM

ماهو العائد على الفرد والمجتمع القطري ! مقابل هذا المبلغ !

1- بنيه تحتيه متطورة
2- تقدم ونهضه
3- انتعاش القطاع السياحي
4- بيئة متقدمه للاجيال القادمه
5- علو اسم قطـــــر

لو بنفكر بنفسنا وليش ماتنصرف هالمبالغ علينا .. شخلينا للي بعدنا ؟ البترول ماراح يدوم .. ولا الغاز .. وانا اعتقد ان هالمبالغ في محلها لانها باذن الله بتعود بالفائده على قطر واهل قطر وحتى لو مب فهالفتره ..

حفيدعمر

22-04-2011, 12:38 PM

( ربنا آتنا في الدنيا حسنة .. وفي الاخرة حسنه.. وقنا عذاب النار برحمتك يا ارحم الرحمين)

basma222

22-04-2011, 12:40 PM

لو هالمبلغ زيادة في رواتب الارامل والمطلقات والمتقاعدين ابرك من الرياضة

حسن

22-04-2011, 12:43 PM

يامكثر ماسمع بنيه تحتيه مطوره وهل الميزانيات السابقه للبنيه التحتيه في وين كانت ؟

روان قطر

22-04-2011, 12:49 PM

:eek5:157 مليااااااار:omg:

اللـــــــــــــــــه لو يعطوني منها مليون :eek2:

كان شريت لي بيت وسياره :thumbup1:

وسددت القرض الي علي :yes2: يسسس

<<<<< يحلمون يحلمون اليه فيها يفكرووون :tease:

الجوكر90

22-04-2011, 12:56 PM

الجوكر90

22-04-2011, 12:58 PM

1- خفوا من المهور
2- خفوا من الطلبات
3- خفوا من روحات الصالون
4- خفوا من كلمه "ابي"
5- التعليم متوفر للجميع حثوا عيالكم عالتعليم والتفوق والسعي بهالطريق وابشروا بالخير :nice:

جني كثرت من النقاط؟

انا اختلف معاك الشيخ
اقل عرس يصير ب100 الف من غير المهر
والتعليم مب كل واحد قادر انه يكمل تعليمه
الله خلق وفرق
والمهر شوي شوي قام يوصل 120 الف

مستجدة

22-04-2011, 01:05 PM

1- خفوا من المهور
2- خفوا من الطلبات
3- خفوا من روحات الصالون
4- خفوا من كلمه "ابي"
5- التعليم متوفر للجميع حثوا عيالكم عالتعليم والتفوق والسعي بهالطريق وابشروا بالخير :nice:

جني كثرت من النقاط؟

من قال لك انه مب خافين

مهر بناتنا اكثر شئ 60 الف مع الملاحظه انه الدنيا طايره في قطر
اغلب الحفلات في خيم وجزء من الحفلات البنت اتسافر مع اهلها وتتزوج في السعوديه عشان اتوفر على ولد عمها التكاليف في قاعة الافراح هناك احسن صاله 20 الف
تتزوج وبعد كم شهر يحصل طلاق ولاسباب مختلفه قل صرف الزوج عدم توفر سكن ملايم
عدم مسولية الشباب و و و و

لاتقطون كل شئ على راس البنات ترى فيه بنات كثير يدور الستر لكن الشباب متطلب ولا مبالي
ولا مسول عاشين حياتهم حتى يصل عمره لل 30 بعدها يفكر يتزوج بشروط ومواصفات بطلات المسلسلات التركيه ولا يبيها صغيره في العشرين او اقل :anger1:

Mili

22-04-2011, 01:06 PM

وايد مبالغين بالفلوس

لازم يعطونا تفاصيل اكثر

Charisma

22-04-2011, 01:09 PM

انا اختلف معاك الشيخ
اقل عرس يصير ب100 الف من غير المهر
والتعليم مب كل واحد قادر انه يكمل تعليمه
الله خلق وفرق
والمهر شوي شوي قام يوصل 120 الف

بالنسبه للعرس عادي .. ستايل قديم خيمه وبيت " مد ريلك على قد لحافك" ويازين البساطه..
المشكلة يالجوكر انك بزمن اذا ماعندك شهاده ماتسوا وعلى قولة الوالد .. سلاحك شهادتك
لو قدرنا نزرع هالفكره في الشباب وفي الاطفال.. بدال فكرة ثانوية وشغل عالسريع ورنج اقساط وكشخه والبوك مفضي .. عقبها ماراح تشوف ناس يشكون من حالة المعيشه وناس مب قادرين يتزوجون صحيح ان التعليم مب كل واحد قادر انه يكمله بس انا في نظري من الاولويات اللي لازم الواحد يفكر فيها وينسق لها ويرتب مستقبله على هالاساس منها رقي لفكرك ولمكانتك ومنها خدمه لوطنك والدولة مب مقصره من ناحية التعليم بعثات وامتيازات و و و و الدور علينا =)

روان قطر

22-04-2011, 01:14 PM

لو عطوج مليونين مارح تشترين كل ذي

خلهم يعطوني بالاول:pardon:

واذا عطوني يصير خير موب لازم بيت بمعنى البيت عادي بيت عجزه شفيه يهبل ويمكن يكون اقل من مليون:no:

والسياره مابي فخمه وجديده بشتري تك تك بضللها وبتفي بالغرض :victory:

واذا مرو علي الاجانب فوق رنج ولا بورش ولا لكزس ولا بي ام ولا ولا ولا ... ماراح ازعل:weeping:

بقول الحمدالله وبتخيل ان سيارتي بوغاتي فايرون ولا مايباخ :dance

شفت ان المليون بتشتري كل الي ابيه :tease:

Store

22-04-2011, 01:19 PM

ان شاء الله راح تعم الفايدة لكل القطرين

رجل مثالي

22-04-2011, 01:20 PM

أذا عطوني منه 5 مليون اول شىء ابني مسجد في بلد محتاج الى المساجد وبكمل بناء البيت

واشتري منه عقارات لسكن المحتاجين للاسكان قليل الايجار للمحتاجين والباقي استثمار

تجاري

العـوا

22-04-2011, 01:41 PM

مافي اخبار عن ازالة بعض المناطق السكنيه

(بوطلال)

22-04-2011, 02:24 PM

الحمدلله ان التفاصيل وضحت ان المبلغ الاكبر راح يكون للبنيه التحتيه وتطوير البلد

وفقط 4مليار للملاعب وتخص البطوله .

الى الامام ياقطر رغم الحاسدين

الموضوعي

22-04-2011, 03:48 PM

يعني 571 مليار ريال قطري

ahmed jasim

22-04-2011, 03:53 PM

ليش الميزانية بالدولار؟

رجل مثالي

22-04-2011, 04:55 PM

ولكن هذه الملاعب حسب ما سمعنا ما نستفيد منها ستفكك وتقدم للدول الفقيرة

على شكل معونات خساير وبناء وستفكك هبات

شموخ دائم

22-04-2011, 05:16 PM

,

,

مرحبا

مافي شي راح يتفكك وكل شي بيتم في قطر تطمنوا

:)

الي بيتفكك جزء من الكراسي ( الزايده) عن الحاجه

اما الاستاذ باقي مكانه

المبلغ هذا مخصص منه فقط 5 مليار ملاعب

اما باقي المبلغ فهو عباره عن

شبكات طرق

جسور

انفاق

قطارات

فنادق

توسعه في شبكات الكهرباء

توسعه شبكات الماء

حدائق في كل مناطق البلد

خدمات البنيه التحته والمجاري

وكل هذه الامور تصب في مصلحه البلد وتطورها

كان هناك بطوله كاس العالم ام لم يكن

على شكل مشاريع سنويه ولما نجمع

ميزانيه كل سنه لهذه المشاريع المختلفه والمتنوعه

ونجمع سنوات ال 12 الباقيه يطلع هذا المبلغ

اتمنى دائما نكون فاهمين ماذا تعني هذا الميزانيه

او على الاقل نستفسر حتى نفهم ماذا تعني

يعني 5 مليار للملاعب

وباقي الميزانيه للبلد ولتطورها

الي ما يحب الرياضه والملاعب يقدر يناقش ( ليه نصرف 5 مليار للرياضه ) !!

اما الميزانيه الضخمه الباقيه فهي ( للغاليه قطر )

ان شاء الله نشوفها عروس

:)

,

,

اخوكم

شموخ دائم

نمر بن عدوان

22-04-2011, 07:23 PM

متفااائل

22-04-2011, 08:32 PM

1- بنيه تحتيه متطورة
2- تقدم ونهضه
3- انتعاش القطاع السياحي
4- بيئة متقدمه للاجيال القادمه
5- علو اسم قطـــــر

لو بنفكر بنفسنا وليش ماتنصرف هالمبالغ علينا .. شخلينا للي بعدنا ؟ البترول ماراح يدوم .. ولا الغاز .. وانا اعتقد ان هالمبالغ في محلها لانها باذن الله بتعود بالفائده على قطر واهل قطر وحتى لو مب فهالفتره ..

طيب بخصوص البنية التحتية ... هل هي تخدم المواطن ؟؟؟

قولي بتركب القطارات رايح راد ؟ والسياحة هل هناك شركات مساهمة سياحية ولا كله شخص خاص

اللي يقول البنية التحتية والله مايدري ماهي احتياجات الدولة من البنية التحتية ... عطوني هذا المبلغ وانا استثمر في العقول القطرية والعائد مشروع وطني قومي

باختصار لا يوجد عائد على عموم المواطنين ... توجد هناك مصالح لأفراد فقط

kitmat

23-04-2011, 01:04 AM

يتم صرف الكثير من الاموال على الشوارع والبنية التحتيه في قطر والصحيح نحن لا نرى الا الدمار في كل مكان اين البنية التحتية منذ زمان السنا دولة غنية الانملك الكثير من الاموال حتى نكون دوله مرتبة في شوارعها معقولة مطار دولة قطر سيجهز في 2022 شوي والله ليكون بيسونه في المريخ ؟ والله الذي قرأته شي يفشل بالنسبة لدولة المفروض انها تكون متقدمة ليش بس يبون يطورون التعليم ركضه في ركضة مايشوفون الشوارع اللي تفشل في الدوله شوارعنا يابت لنا الضغط وكسرت سياراتنا اللي مانقدر نشتري غيرها والله تمللنا وحنا نتكلم نتكلم في ايش ولا ايش لاعت جببببببببببببببببببببببببببببببودنا محد يسمع ولا في الصباح الباكر ماعندهم السلطة يوقعون على قرار منع خروج الشاحنات اثناء دوام الطلاب احنا الدوله الوحيدة اللي شوارعها في الصباح الباكر تمر فيه جميع انواع الشاحنات من كبيرة و وصغيرة مانقول غير الله يصلح الجميع بما فيه الخير للوطن وابنائة

هارودز

23-04-2011, 11:51 AM

الى الامام ياقطر و بالتوفيق انشاءالله

كاتم الاسرار

23-04-2011, 12:05 PM

يامكثر ماسمع بنيه تحتيه مطوره وهل الميزانيات السابقه للبنيه التحتيه في وين كانت ؟

صدقت في كلامك والله وين راااااااااااااااااااااااااحت لين انشووووف
يعطيك العافيه

غايه الطواش

23-04-2011, 12:15 PM

الله يطول في اعمارنا ونشوف بلادنا شلون تطورت
كفايه دهنا في مكبتنا ...
متشوقه اشوف قطر شلون بتكون ......

بس ياريت يحاربون التضخم والي متأكده انه بيرتفع بسرعه البرق وبتأثر فيه هل قطر وسكان قطر.....

لكن لقت انتباهي 14 مليار ميزانيه مطار جديد ؟؟؟ المطار الي الحين ينبي ماخلصنا من تكاليفه ؟؟؟؟
او هي تكلفه مطار جديد غيره ؟؟
ياريت حد يوضع لي هالنقطه

simsim1963

23-04-2011, 12:17 PM

بني آدم طماع وما يملى عينه الا تراب .

شموخ دائم

23-04-2011, 01:17 PM

,

,

مرحبا

المطار الجديد ان شاء الله بيتم افتتاحه رسميا في شهر فبراير 2012
اقل من سنه وراح يفتتح النصف من المطار كمرحله

وفيه 41 بوابه من اصل 81 موقف للطائرات تكون جاهزه بنهايه المشروع

المطار فيه 175 مكتب لتخليص المسافرين

ويستوعب المطار 50 مليون مسافر سنويا

الا ان مرحله الافتتاح راح يخدم 25 مليون مسافر سنويا

وهناك نيه الان لافتتاحه في 18\12\2011 في اليوم الوطني

ولكن هذا الكلام غير مؤكد

:)

يعني مو هذا الصيف الصيف القادم كلكم ان شاء الله تسافرون من خلاله

اما المبلغ الاظافي فهو لقريه الشحن وتوسعه الشارع المحيط بالمطار

ولمحطه القطارات القريبه من المطار

,

,

اخوكم

شموخ دائم