المساعد الشخصي الرقمي

مشاهدة النسخة كاملة : بخصوص شركة ارامكس


r0007_QTR
23-04-2011, 02:02 AM
السلام عليكم ورحمة الله وبركاته
انا حابه يكون عندي بريد بامريكا شنو هي الاجراءات للتسجيل بشركة ارامكس
هل كل شحن 200 ريال ولا يعتمد على الوزن

اذا في شركة شحن تاخذ ارخص لانو وايد 200 ر يال على كل شحن
شكرا
mabayo11
23-04-2011, 02:07 AM
مرحبا اختي ،،،بخصوص الخدمة اسمها Shop and Ship

والخدمة تقدرين تسجلين من النت ،،،ولكن لابد من الذهاب لمكاتبهم عند دوار قطر للديكور ،،،للتوقيع على الاوراق ..اتوقع الرسوم تقريبا 25 دولار ،،

وبخصوص الشحن على حسب الوزن ،،اول نصف كيلو 39 ريال وبعدين كل نصف كيلو 31 ريال تقريبا ،،،والخدمة جيدة جدا


أتمنى اني اكون قد افدتك
شبيــه الريح
23-04-2011, 02:09 AM
واشنطن موفرز ارخص من ارامكس وكل شحنه على حسب الحجم الايباد مثلا تقريبا ب90 ريال واصل لقطر
q6r99
23-04-2011, 03:48 AM
فيه واايد

مو شرط حق Shop and Ship تروحين لهم ممكن عن طريق النت تسجلين ويعطونج بريدين في امريكا وفي وبريطنيا

فيه مواقع فالنت واايد
واسعارهم تختلف
r0007_QTR
23-04-2011, 03:59 AM
وين احصل واشنطن موفرز وكم رسوم التسجيل
وبكم نص الكيلو
Qt.1
23-04-2011, 06:12 AM
مرحبا اختي ،،،بخصوص الخدمة اسمها shop and ship

والخدمة تقدرين تسجلين من النت ،،،ولكن لابد من الذهاب لمكاتبهم عند دوار قطر للديكور ،،،للتوقيع على الاوراق ..اتوقع الرسوم تقريبا 25 دولار ،،

وبخصوص الشحن على حسب الوزن ،،اول نصف كيلو 39 ريال وبعدين كل نصف كيلو 31 ريال تقريبا ،،،والخدمة جيدة جدا


أتمنى اني اكون قد افدتك

ماقدر اضيف على كلامك كفييت ووفيت , وبخصوص واشنطن موفرز , انا قريت كا موضوع انهم لاعبين لعبتهم ولتهو خلق الله معاهم , ناس اغراضها غبرت وللحين ماوصلت على حسب ماسمعت لكني ماجربتهم
Al-Kuwari
23-04-2011, 07:06 AM
نصيحه ..

شركة ارامكس افضل من واشنطن موفرز وبكثير

انا استخدمت الشركتين

فالسابق واشنطن موفيرز كانت ممتازه ولكن بعدها بفتره نزل مستوى الخدمه كثير وصارت الطرود تتأخر وااااايد

ارامكس افضل شركة حالياً
@north_star@
23-04-2011, 08:08 AM
واشنطن موفرز ارخص من ارامكس وكل شحنه على حسب الحجم الايباد مثلا تقريبا ب90 ريال واصل لقطر

بالاضافة انه التسجيل عن طريق التلفون ومجاني وانا مجربهم بثلاث طلبيات والحمد لله الى الان اوكيه وبالنسبه للارامكس ما انصحج لانه تعاملهم مع الجمهور مب حلو واسعارهم غاليه
شبيــه الريح
23-04-2011, 08:19 AM
نعم هبط مستواها لانها كانت تشحن عن طريق الطيران السعودي بس رجع الحين لانه عن طريق القطريه

والتسجيل مجاني بدون رسوم ويوصلون لين البيت بعد وانا ماعانيت بالشحنات الحين بالعكس احسن

من ارامكس
شبيــه الريح
23-04-2011, 08:22 AM
ماقدر اضيف على كلامك كفييت ووفيت , وبخصوص واشنطن موفرز , انا قريت كا موضوع انهم لاعبين لعبتهم ولتهو خلق الله معاهم , ناس اغراضها غبرت وللحين ماوصلت على حسب ماسمعت لكني ماجربتهم

بالعكس اخوي انا اعرف اللي صار هم يوم بطلو كانو سريعين وبعدين تعاملو مع الطيران السعودي وصارت الشحنات تتاخر بس الحين رجعو للقطريه والشحنات مافيها تاخير بالعكس
والله اسعارهم رخيصه واقدر اجيب اكثر من غرض بنفس الوقت وبعدين فيه توصيل للبيت
وفتح صندوق بريدي ابلاش عكس ارامكس وارخص حتى بالنص كيلو ويفتحون من 8 الصبح
لين 6 المغرب بس عيبهم شي واحد مافيه صندوق بريدي لبريطانيا وانا ماسالت يمكن الحين
سو مادري عنهم
Qt.1
23-04-2011, 09:19 AM
بالعكس اخوي انا اعرف اللي صار هم يوم بطلو كانو سريعين وبعدين تعاملو مع الطيران السعودي وصارت الشحنات تتاخر بس الحين رجعو للقطريه والشحنات مافيها تاخير بالعكس
والله اسعارهم رخيصه واقدر اجيب اكثر من غرض بنفس الوقت وبعدين فيه توصيل للبيت
وفتح صندوق بريدي ابلاش عكس ارامكس وارخص حتى بالنص كيلو ويفتحون من 8 الصبح
لين 6 المغرب بس عيبهم شي واحد مافيه صندوق بريدي لبريطانيا وانا ماسالت يمكن الحين
سو مادري عنهم

بيض الله وجهك
BuFaisal
23-04-2011, 03:25 PM
وبالنسبه للارامكس ما انصحج لانه تعاملهم مع الجمهور مب حلو واسعارهم غاليه

انا اتعامل مع ارامكس وما اشوف مشكلة بتعاملهم ابد
وش شفت منهم ؟
Qtrstyle
23-04-2011, 03:44 PM
واشنطن موفرز ماجربتها .. لكن قارنت الاسعار
ارخص بوايد

اما ارامكسس نصابين
والطلبات تتأخر !!
BuFaisal
23-04-2011, 03:55 PM
اما ارامكسس نصابين
والطلبات تتأخر !!

تصدق اخوي .. شكلي بادافع عنهم كانها شركتي :weeping:

انا طالب منهم اكثر من مره .. من استلام الشحنة بنيويوك لين توصلك الدوحه حول 3 الى 4 ايام
تبي اسرع من الوقت هذا ؟

مثال :
انا من ساعه او اكثر شوي جبت طلبيتين من عندهم ..
في نيويورك وحده استملوها بتاريخ 19 والثانية بتاريخ 20 واليوم تاريخ 23 وصلتني الشحنتين
ولا تنسى ان الويك اند ما اعتقد يشتغلون
اعتقد انه توقيت ممتاز
شبيــه الريح
23-04-2011, 05:01 PM
بيض الله وجهك

ووجهك اخوي بوعبدالله
بولينجر
23-04-2011, 05:27 PM
للأمانة انا وضحت في موضوعي عن واشنطن موفرز ان الاغراض المفقودة من احد الشحنات كانت بسبب خطأ من البائع وليس من واشنطن موفرز.... هذا الذي حدث لي....

اما بالنسبة للسعر.... واشنطن موفرز لازالت الارخص والخيار الافضل بالنسبة لي....

اما السرعة.... ارامكس اسرع نسبيا من واشنطن موفرز... ولكن واشنطن يوصلون الاغراض بسرعة مقبولة نسبيا تقريبا خلال 10 ايام من وصولها الى العنوان الامريكي....

حاليا لا اشحن على ارامكس غير الصندوق البريطاني.... اما اي شي من امريكا اشحنه حاليا على واشنطن موفرز.....

والتسجيل سهل في واشنطن موفرز... مجرد تعطينهم ايميلج بالتليفون وبيرسلون لج على الايميل وش اللي يبونه من البيانات وترسلين لهم بياناتج مع صورة من البطاقة الشخصية..... ووبيرسلون لج عنوانج الامريكي... والتسجيل مجاني....

اما ارامكس تقدرين تسجلين عن طريق موقعهم وسعر التسجيل 35 دولار تدفعينها بالفيزا عن طريق موقعهم وبيرسلون لج كل بياناتج لما ينتهي التسجيل والدفع....
@north_star@
23-04-2011, 06:04 PM
انا اتعامل مع ارامكس وما اشوف مشكلة بتعاملهم ابد
وش شفت منهم ؟

انا تعاملت معاهم لفترة اخوي
وللاسف مرة صار غلط من صوبهم بالنسبه لحساب الوزن
وتعرف شنو كان الرد من مسؤوله عندهم ؟؟؟ كان الرد take it or leave it
يعني يا تدفع اللي نبغيه والا خل الشحنة.. بالله عليك هل هذا اسلوب حضاري بالتعامل ؟؟؟ على الاقل المفروض يتحملوا غلطتهم لانه تكررت بالمسج وبالايميل وبالتراكينج
وكنسلت حسابي بهالسبه من عندهم وصدقني لو انهم ارخص شركه بقطر بعد هالاسلوب مستحيل افتح حساب عندهم
Um Sultan
23-04-2011, 06:13 PM
ارامكس حرااميه صار الباوند ب 41 ريال مرات اشياء خفيفه توصلني ب 200 و 300

لما سجلت في واشنطن موفرز حسيت بالفرق اللي كان يوصلني في ارامكس ب 300 في موفرز ب 150

نصيحه واشنطن موفرز احسن وارخص من ارامكس وخدمتهم احلى

وماشوف انهم يتاخرون بالعكس نفس ارامكس ومرات توصل قبل ..
غلا الريان
23-04-2011, 07:41 PM
بالنسبة لفتح صندوق بريد في الشركتين
يتطلب رسوم شهري ولا مع كلة طلبية ياخذون علي
لاني ماطلب الا نادر
@north_star@
23-04-2011, 07:49 PM
بالنسبة لفتح صندوق بريد في الشركتين
يتطلب رسوم شهري ولا مع كلة طلبية ياخذون علي
لاني ماطلب الا نادر

فتح الحساب بالواشنطن موفرز بدون اي رسوم ومجاني وتدفع بس على الوزن ومافي اي رسوم شهريه

وارامكس ياخذون 120ريال تقريبا لفتح الحساب وهالقيمة مرة وحده بدون اي رسوم شهريه وطبعا يحاسبونك على الوزن
غلا الريان
23-04-2011, 07:56 PM
اها.. اشكرك اخوي
طيب اختلفت الاراء
اللي جربو الاثنين .. شتنصحوني فيه
انا يهمني في المقام لاول سرعة وصول الطلب
BuFaisal
23-04-2011, 11:40 PM
انا اليوم سجلت مع واشنطن موفرز بالنت
بس ما جاني شي بخصوص الباسورد واللوج ان نيم بالبريد

والغريب بالتسجيل اني لازم احط اسم ولاية امريكية مع اني حطيت دولة قطر وبدونها ما يقبلون التسجيل !!
بولينجر
24-04-2011, 04:13 AM
انا اليوم سجلت مع واشنطن موفرز بالنت
بس ما جاني شي بخصوص الباسورد واللوج ان نيم بالبريد

والغريب بالتسجيل اني لازم احط اسم ولاية امريكية مع اني حطيت دولة قطر وبدونها ما يقبلون التسجيل !!
اخوي بوفيصل.... الله يسلمك كلمهم بالتليفون وعطهم ايميلك..... رقمهم 44169944
BuFaisal
24-04-2011, 09:45 AM
اخوي بوفيصل.... الله يسلمك كلمهم بالتليفون وعطهم ايميلك..... رقمهم 44169944

كلمتهم وقالوا انهم بيرسلون الدعوة بالايميل
جزاك الله خير اخوي بولينجر

للعلم سالتهم عن سعر شحنة بوزن 27 باوند من امريكا لقطر قالوا حول 720 ريال
امس انا مستلم نفس الشحنة والوزن من ارامكس بقيمة 855 ريال تقريبا :)
بولينجر
24-04-2011, 09:52 AM
كلمتهم وقالوا انهم بيرسلون الدعوة بالايميل
جزاك الله خير اخوي بولينجر

للعلم سالتهم عن سعر شحنة بوزن 27 باوند من امريكا لقطر قالوا حول 720 ريال
امس انا مستلم نفس الشحنة والوزن من ارامكس بقيمة 855 ريال تقريبا :)
اي هم ارخص من ارامكس وكلما زاد الوزن يبين الفرق.... ويجزاك الله ويانا كل خير......

واذا ما ارسلوا لك الدعوة كلمهم مرة ثانية....
غلا الريان
24-04-2011, 02:34 PM
اخوي بو فيصل شلون اسجل عن طريق النت
اي ولاية اختار ؟!!
احط صندوق بريدي ؟؟
BuFaisal
24-04-2011, 06:12 PM
اخوي بو فيصل شلون اسجل عن طريق النت
اي ولاية اختار ؟!!
احط صندوق بريدي ؟؟

التسجيل بالنت ما يضبط مع شركة واشنطن موفرز اذا كنت بقطر
اتصل بهم وبيرسلونك بالبريد مثل ما قال الاخ بولينجر
انا اليوم بعثت لهم معلومات طلبوها وصورة البطاقة الشخصية
ووصلتني رسالة بها رقم حسابي وكامل المعلومات التي وضعوها لي
al saad
24-04-2011, 06:24 PM
انا اتعامل مع ارمكس الخدمه جيده بس الاسعار غاليه
وانا ناوي احول على شركه www.myus.com سمعت انه جيده واتجمع الشحنات في شحنه وحده وترسلها حسب طلبك يعني الاغراض اتم في الصندوق لين تعطي امر الشحن
اعتقد انها فكره حلوه بس في حد جربها
غلا الريان
24-04-2011, 09:33 PM
اها تسلم اخوي
حمودي2
24-04-2011, 09:53 PM
بالتوفيق
r0007_QTR
30-04-2011, 07:12 PM
طيب انا محتاره بين شركة واشنطن موفرز وبين الي تفضل بيه اخوي السد انو تجمع الطلبات بعدين تشحنها
ممكن معلومات اكثر عن الشركه

وبالنسبه لشركة موفرز ممكن الرابط ما اعرف الرابط
ومشكورييين ماقصرتوا وبيض الله وجيهكم
بولينجر
30-04-2011, 07:31 PM
طيب انا محتاره بين شركة واشنطن موفرز وبين الي تفضل بيه اخوي السد انو تجمع الطلبات بعدين تشحنها
ممكن معلومات اكثر عن الشركه

وبالنسبه لشركة موفرز ممكن الرابط ما اعرف الرابط
ومشكورييين ماقصرتوا وبيض الله وجيهكم
اختي الكريمة روح قطر رقم واشنطن موفرز هو 44169944 كلميهم وبيسوون لج صندوق بريد امريكي مجانا..... طبعا كلميهم بكره مب الحين لأنهم مب فاتحين مساء السبت....

بالنسبة للموضوع عنهم في هذا الرابط:

http://www.qatarshares.com/vb/showthread.php?t=271711
r0007_QTR
01-05-2011, 02:08 PM
مشكوووور وماقصرت
sara.qtr
01-05-2011, 04:59 PM
بالتوووفيق
d.romance
03-05-2011, 09:17 AM
بالنسبة لشركة ارامكس الاشتراك مدى الحياة 128 واول باوند 41 ريال وكل باوند بعد تقريبا 35 ريال ومكان الشركة قريب من السوق المركزي
مبتدئة
03-05-2011, 01:33 PM
واشنطن موفرز لالالالاعت جبدي وانا اتصل لهم ولا حدّ يرد

رحت لهم على الوصف الموجود في الموقع

مكانهم يخرع!:eek5:

مكسر وخرايب

وصلت لين الباب و رديت ريوس . . خفت أدخل:secret:

لو يفتحون لهم في المجمعات مثل دي أتش إل واااااايد زين:discuss:
بولينجر
03-05-2011, 02:25 PM
واشنطن موفرز لالالالاعت جبدي وانا اتصل لهم ولا حدّ يرد

رحت لهم على الوصف الموجود في الموقع

مكانهم يخرع!:eek5:

مكسر وخرايب

وصلت لين الباب و رديت ريوس . . خفت أدخل:secret:

لو يفتحون لهم في المجمعات مثل دي أتش إل واااااايد زين:discuss:
ما ادري ليش ما يردون بسرعة... عادة يردون.... اتصلي الحين وجربي 44169944
رشدان
03-05-2011, 02:49 PM
توني مكلم واشنطن موفرز دق مرتين وردوا
واعتقد عملاء بنك قطرالوطني يسجلون مجاني لفتح حساب عندهم لصندوق في امريكا وبريطانيا وخصم على الطلبية وهالعرض جاني مسج على الجوال من البنك واسم الخدمه اشتر واشحن وينتهي العرض في نص شهر 9 \2011
وللاطلاع على الخدمه ادخل على وب سايت الوطني واختر خريطة الموقع وبتجيك خدمات كثيره اختر عروض اخرى ومنها تسويق يجيك العرض بالتفاصيل
المعنى88
08-05-2011, 12:59 PM
الشكر للجميع على التوضيح .......... لكن حبيت أوضح واضيف الفرق
الأرامكس التسجيل سواء عندهم ولا بالنت 135 ريال .........
حساب الشحنة لازم نعرف الفرق في الوزن بين الباوند والكيلو غرام
عند الأرامكس حسلب الوزن أول نص كيلو 41 ريال .... أي نص كيلو أضافي 33 ريال
مثال : لو عندك شحنة 10 كيلو غرام ... أول نص كيلو منها 41 ريال ....
يبقى حساب الباقي 9,5 كيلو غرام = 9,5 ×2×33 = 627 ريال ...........
المجموع = 41 + 627 = 668 ريال .............
بس انتبهوا لما تطلبون السلعة من النت عليكم تعرفون وزنها للحسبة ... لازم الفرق
اذا كلامي صحيح ولا لا ..... تفرقون بين الباوند والكيلو غرام >>> lbs و K.G
انتظر ردكم للتوضيح أ نا اشوف الموضوع لازم يكون مفهوم من أرامكس
لكن شركة واشنطن موفرز حبيت اعرف الحسبة للوزن ولو مثال قريب لكني قريت
الردود ومافهمت حسبة الوزن للطلبية من عندهم لكني راح أتعامل معاهم لأي شحنة
من أمريكا اذا كان شحنهم أرخص من ارامكس ... وانا قاعد ادور بين شركات الشحن
كيفية الشراء من النت والحصول على عنوان بريدي في امريكا وبريطانيا .
المعنى88
08-05-2011, 01:19 PM
السلام عليكم ............ للنوضيح لشركة واشنطن موفرز للشحن من امريكا
انا اتصلت عليهم وسجلت عن طريق الأيميل ... وسألتهم عن حسبة الوزن ..
عندهم الوزن بالباوند والحسبة تكون :
1 - أول باوند 36 ريال .
2 - من 2 باوند الى 46 باوند 26 ريال .
3 - من 47 باوند الى ... باوند 16 ريال .
4 - نسيت كم باوند .
يعني كل ماكانت الشحنة أكبر صار الوزن أرخص .
ينفع حق نقل الأثاث والسيارة ...... للتوضيح بس .