المساعد الشخصي الرقمي

مشاهدة النسخة كاملة : سؤال عن العازل والمخفي ؟؟؟


seeyou55
23-04-2011, 02:05 PM
يالربع ناوي اركب مخفي على كروزري

فقلت بركب المخفي العادي الرخيص

رحت الغرافة عند محلات الزينه ... يقولون الجامة الامامية لازم ثلاث قطع !!!

فما اعرف اللي الاعضاء اللي يقولون المخفي البحريني زين هل ييقصدون هالمخفي

لانه مب شي ثلاث قطع ...

ووين ارخص مكان اركب فيه عازل حراري ؟؟ الصراحة انا ابي اركب مخفي او عازل عشان شكل الموتر ... وبس
mazag
23-04-2011, 02:13 PM
مر شارع السد التجاري
عدي الاصمخ مول وانت رايح على يدك اليسار بتشوف محل اسمه الغشام
احسن من مخفي التتانيوم والفلم الشفاف الموتر كامل ب400 ريال
يفتح الساعه 5 العصر
seeyou55
23-04-2011, 03:06 PM
عندهم لون عسلي او بني ؟؟
Alpinestars
23-04-2011, 09:26 PM
عندهم اسود 10%و 20% و 30% و50% و 70%

والجامه الاماميه قطعه واحــــــــــــــــــــــده
abdulla4u
23-04-2011, 10:45 PM
اسعارهم للصالون 330 ريال
والمواتر الكبيره على الحجم تبدا من 450 ريال
طبعا غشام عن تجربه مركب عنده 3 سيارت واموري تمام تمام
عزل ومنها مخفي وزره احسن من العازل .. وعنده كذا لون اخوي
بس انصحك لو تروح بدري قبل 5 بربع ساعه او الصبح ...
بالتوفيق..
seeyou55
24-04-2011, 06:50 PM
والله رحت عنده اليوم وشغلة اوكي

ناوي اركب الجوانب وورى 20 % عاكس

وجدام 10 % عاكس

واحد قالي العاكس والعشرين بالمية مب مسموح شرايكم ؟؟؟؟؟
تحداني
01-05-2011, 09:45 AM
مر شارع السد التجاري
عدي الاصمخ مول وانت رايح على يدك اليسار بتشوف محل اسمه الغشام
احسن من مخفي التتانيوم والفلم الشفاف الموتر كامل ب400 ريال
يفتح الساعه 5 العصر




بالفهل مخفي التتانيوم تحسفت اني ركبته وايد غالي
سياره نص فور ويل ما اعرف شيسمونها ركبتها بــ 1800 وما يسوي
وماهو ذاك المخفي الصح .. " الغشام سمعت انه وايد زين "


بس يا اخوي تأكد من النسبه المسموحه
ما يسوى تركب شي وبنسبه ممنوعه وتالي اتشيله



جملك الله برضى الرحمن