امتحان القدرات "gre" !!!

[الرايــق]

السلام عليكم

حد عنده فكرة عن امتحان gre الخاص بقياس قدرات الشخص العلمية ..

طبعا الامتحان مطلوب وشرط اساسي لدراسة الماجستير في الخارج ..

سؤالي هو : وين في مراكز تطرح مثل هالاختبارات و متى ؟؟

[STAR]

ان شاء الله حد يفيدك.. انا ماعرف غير اختبار iq ^_^

[ع.م]

http://www.qatarshares.com/vb/showthread.php?t=338724

[تحداني]

GRE® Graduate Record Examination

يقيس هذا الامتحان الاستنتاج اللفظي والكمي والتفكير النقدي ومهارات الكتابة التحليلية التي تم اكتسابها خلال فترة طويلة من الزمن و ليس لها علاقة بأي مجال دراسي محدد. إن كافة الطلبة الذين يرغبون في الالتحاق ببرامج الدراسات العليا في أي تخصص (باستثناء إدارة الأعمال) عليهم التقدم لهذا الامتحان.



يمكنك اخي الفاضل زياره هذا الموقع
www.ets.org
وستجد تاريخ ومكان عقد الاختبارات


وهو امتحان عالمي .. وتحتاج له بالتحديد للدراسه في الولايات المتحده الامريكيه


اماكن الدورات
في سكور بلاس هو المكان الوحيد الذي يعطي دورات عن طريق كادر هندي



بالتوفيق يارب
وجملك الله برضى الرحمن

[koketa]

اللي قدموا للامتحان ممكن تفيدونا عن طبيعه الامتحان

[doha_star]

السلام عليكم

طبعا هالامتحان مطلوب بس فجامعات امريكا وللمجاستير فالتخصصات العلميه هندسه وعلوم الخ..

انا قدمت الامتحان وكنت ادرس من كتاب شريته من جرير طبعا الامتحان ينقسم لقسمين اللي هو ماث+لوجك و انجليزي

الماث سهل وبدراسه بسيطه انشالله تجيب درجه زينه لكن الانجلش الله يعينك وااااااايد صعب يحتاج تكون من النوع اللي يقرى كتب باالانجليزي وصج متمكن يعني حتى الامريكان صعب عليهم

عالعموم اغلب الجامعات ما تحط درجه معينه حق هالامتحان نفس التوفل والايلتز هم يستخدمونه لتحديد مستواك وغلبا بيراعون ان لغتك الاولى مش انجليزي فانت قدم وانشالله موفق وهم يهتمون بشغلات ثانيه نفس الGPA وال personal statment

[بوخالد911]

هلا

اول مررة اسمع به

[doha_star]

وبالنسبه حق المراكز اللي تطرح الامتحان في مركز بس التسجيل من موقع ال ets وبالنسبه حق الوقت انت تختار الوقت اللي تبيه تقريبا يوميا ينطرح

[ام حمادي]

طيب مع ان ماله خص فالموضوع

ولكن هل فيه امتحان تحديد مستوى اللي مثلا ما كمل مدرسه طلع وحب يرجع ومايبي يرجع للصف اللي طلع منه ؟