المساعد الشخصي الرقمي

مشاهدة النسخة كاملة : ضعف عضلة القلب ،، ارجو الافادة


ورقــة أمــل
23-04-2011, 09:56 PM
السلام عليكم ورحمة الله،،

عندي احد اقاربي سوى تخطيط قلب عن طريق بذل مجهود في بانكوك وقالو له عندك ضعف في عضلة القلب،،

هو يعاني من تعرق شديد بمجرد القيام باي عمل وضيق في الصدر احيانا وكتمة

بغيت اعرف في دكتور شاطر في قطر ممكن اروح له وارويه التقرير على اساس يفيدني

لان اللي اتكلم عنه مستحيل يروح واعتقد خايف من الموضوع ومايي يزعج اهله ويخرعهم

ارجو المساعده اذا عندكم فكرة عن هالمشكله وطريقة علاجها،، مع العلم انه يعاني بس من هالاشياء اللي ذكرتها وماعنده مشاكل صحية ثانيه الحمدلله
for qtr
23-04-2011, 10:20 PM
الله يشفيه ولا يشوف مكروه ان شاءلله

يمكن مايسوي تمارين لياقته ضعيفه وبذل جهد مره وحده

ياليت الاخوان يفيدونج أكثر ويمكن أحدهم يعاني نفس الشئ
أسد الجزيرة
24-04-2011, 05:00 PM
المفروض يروح مستشفى حمد و يفحص عندهم السبب يمكن يكون من انسداد الشرايين و هذي مشكلة خطيرة خل يتلاحق على عمره
ورقــة أمــل
27-04-2011, 07:48 AM
المفروض يروح مستشفى حمد و يفحص عندهم السبب يمكن يكون من انسداد الشرايين و هذي مشكلة خطيرة خل يتلاحق على عمره

اخوي ماعنده انسداد اللي يسلمك مسوين له فحص ماعنده الا ضعف
ورقــة أمــل
27-04-2011, 07:49 AM
الله يشفيه ولا يشوف مكروه ان شاءلله

يمكن مايسوي تمارين لياقته ضعيفه وبذل جهد مره وحده

ياليت الاخوان يفيدونج أكثر ويمكن أحدهم يعاني نفس الشئ



هو صح مايسوي تماريين بس التقرير يقول ضعف
أسد الجزيرة
29-04-2011, 01:27 AM
ضعف عضلة القلب من ضعف التروية لعضلة القلب و تخطيط القلب ما يبين انسداد الشرايين لازم يسوي قسطرة عشان الانسداد
aljaber1
29-04-2011, 02:01 AM
ضعف عضلة القلب من ضعف التروية لعضلة القلب و تخطيط القلب ما يبين انسداد الشرايين لازم يسوي قسطرة عشان الانسداد

العضله ضعيفه كيف يقدر يسوون له قسطره !!
والي عضلة قلبه ضعيفه مايتحمل حتى البنج
الا بعد ان يخضع المريض لعلاج تقوية عضلة القلب
بواسطة فيتامينات طبيه خاصه الذالك التقويتها لان اغلب من يصاب
اما مصاب بالسكر او تدخين بافراط اومهمل حتى تدهورت حالته
يارب يشافيه ويعافيه
نصيحه هامه ..
عليه مراجعة طبيب القلب المختص لان التاخير ليس لصالح المريض.
برشلوني قطر
01-05-2011, 11:58 AM
ولدي الله يحفظه عنده تضخم ف عضلة القلب...بس مادري هل تعتبر نفس المشكله

الي عندك قريبك ..؟

ولدي عمره 8 سنوات..ومستشفى حمد اصرفو له ادويه..ومن فتره وديته المانيا

وقال الدكتور لا تعطيه ادويه الحين لان توه صغير والادويه تتعبه..لاكن لازم يبيله

متابعه وفحوصات بين فتره وفتره..

وماتشوف شر اخوي ...وربي يشفي مريضكم
عبدالمحسن
14-05-2011, 02:34 PM
السلام عليكم


الى وين وصلتوا ووش صار ؟
ورقــة أمــل
30-08-2011, 06:07 PM
والله ماصار شي للحين هو راح عيادة الشرطة وقالو له احنا مانقدر نسويلك تخطيط دقيق مثل اللي في بانكوك

وهو معيي يروح مستشفى حمد عشان مايبي يقعد يفكر ويحاتي في الموضوع ويخرع اهله
الأسبانية للمصاعد
07-09-2011, 10:03 PM
اخوي انصحك ارسل التقرير للأردن لاحد الدكاترة بأرسلك عنوانه لأني أخذت الوالد له بعد معاناة سنتين عند ربعنا ولله الحمد شفي على يده .
اسمه نايف الدبس ومن افضل 3 اطباء قلب في الأردن والعالم العربي

بخصوص المريض ، اهم شي نفسيته أتكون طيبة والا ما يمشي اي علاج معاه

بالسلامة
أوراق
07-09-2011, 10:17 PM
حالة ضعف القلب أظن اما يركب بطارية تساعد على ضخ الدم او زراعة قلب
هذا والله اعلم

الله يشفيييه ويعافيييه ويطول بعمره ويبارك له فيه