التنظيم بنا دي قطر للمصارعه فــاشـــل !!

[قطري vip]

بصراحه التنظيم للمصارعه بنا دي قطر كان فاشل البوابات مزحومه مع العلم واصل 6 ونص

واشوف الزحمه وماقدرت ادش الا مع بداية العرض وباخر بوابه وبعدين ماتقدر توصل للكراسي

مع العلم اني دافع للتذاكرالvip يعني على الفاضي والمنظمين مايعرفون اي شي ولا يقدرون

يسون لك شي بس يعرفون الاتجاهات والناس ورى بعض بالكراسي ويوقفون على الكراسي

وماتقدر اتشوف شي والماي مخلص برع مافي ماي كلش وحتى برجر كنج وابل بيز مخلص

منهم الماي اليوم لين ماحصلت الماي بالكافيه بين ابل بيز وبرجر كنغ ودفعت 46 للماي

غرشتين كبار من المطعم بس ليش هالغلا لانه الماي ايطالي وبغراش مب بلاستك

ويوم شريت جيت ابدخل قال لي السكيورتي ماتقدر لانها اغراش ودخلتها عن طريقه شخص

فلبيني يعرف فلبيني ولا ماكنت اقدر اجيب لرفيجي الماي وهذا غيض من فيض

اتمنى اللي راح يقول رايه با لتنظيم السيء وللعلم اللي ماخذ في اي بي انحشر مع اللي ماخذين

تذاكر عاديه يعني مامنه فايده للي دافع 1000 للتذكره

[انا حره]

الي جو من هناك بعد انصدمو من التنظيم قعدو يدورون كراسيه مو مرتبه الصفوف

والتي شيرتات الي يبيعونهم غلا على الفاضي

ولا في فرق بين الي دافع الف و250 بالعكس امكن الي دفعو 250 شافو عدل لانهم مدرج مو الي تحت حاطينهم بكراسي عاديه

[ممنوع اللمس]

والله توني ادري في حلبة مصارعه بقطر

[Thamer_Qat]

كانت امسية جميلة بصراحه والمصارعين جيدين وامتعوا الجمهور

ولدي طاير من الفرحه وعارف المصارعين واحد واحد من كثر مايتابعهم في القنوات الفضائيه

التنظيم مب شي وفعلا اللي دافع اقل سعر استمتع وشاف افضل من اللي دفع 500 و750

التوقيت كان متأخر لأن معظم الجمهور كانوا طلاب مدارس وخلصوا بعد الساعه 10 بالليل وكان المفروض يبتدون 6 مثلا مب 7 ونص

وبصراحه اللي ماراح مع عياله وخاصه الأولاد منهم فاته شي حلو مايصير الا مره كل عشر سنوات يمكن.

[فني صيانة مكيفات]

السلام عليكم بصراحه انا اعشق شي اسمه مصارعه حره ولا اذكر من سنين ان فاتتني حلقه
ومع الاسف لم استطع الحضور لظروف قاهره ممكن يا اخواني ولا عليكم امر تحطوا صور الحفل ولكم الشكر مقدما

[رجل مثالي]

كانت امسية جميلة والمصارعين جيدين وامتعوا الجمهور

وأبني أستمتع و هو عارف المصارعين وأخذ معاه صور المصارعين من النت

وسوى منه لافتات على اوراق الوسيلة لصور المصارعين وهو يبغي عروض أخرى

للمصارعة في بلادنا

وبخصوص التنظيم مستوى جيد ولكن توجد ملاحظات ممكن العمل على تعديلها في

العروض القادمة ان شاءالله

[انا حره]

والله هم استمتعوا بس المشكله بالتنظيم

[AL_MUTAEM]

مصارعه وبنادي قطر ..!!

بصراحه توني ادري ..

صح مسافر بس اقرا الجرايد كل يوم من النت وماشفت اي اعلان ..

[كبريت]

كانت امسيه جميله حيث فزت في لعبة بلاك اوبز ووصلت للرتبه 41 وشربت عصير ببلاش بعد :nice:

[khalid969]

للذكرى تاريخ فيديو سنتر هي افلام ودعايات

للمره الثانيه في نادي قطر الاولى كانت في استاد الدوحة

[jeep-srt8]

من وين نجيب الصور ؟!!!!!!!ولا في شي في جروب كيوتل عالفيس بوك

وغير كذا جانا تلفونات تعالو الدخول ببلاش ومارضينا

مشكلة الي دفع الفي اي بي ...الله يعوضكم

[Hamood512]

العرض كان روعة بس التنظيم افشل تنظيم شفتهفي حياتي إحنا شاريين ثلاث تذاكرvvip ولما رحنا نقعد مالقينا غير كرسين ولما كلمنا المنظمين واحد قال اقعدوا أنتو الثلاثه في كرسيين والي قال ارجع واقعد في المدرج او اقعد على الارض الصراحه هاذا افشل تنظيم شفته في حياتي

[دهــن العود]

صحيح التنظيم كان فاااااشل

واصلا الي المفروض ينظمون محتاجين حد ينظمهم

بس اهم شي العياال استانسوا ولو انهم رجعوا متاخر

:)

[شبيــه الريح]

الامسيه رائعه بس اللي فاتته فاته جو من الاكشن حلوو بصراحه نتمنى انهم يجيبونهم مره ثانيه بس يكون

تنظيم افضل

[ALRAYYAN]

مالي خص

[الأستاذ]

وللناس فيما يعشقون .. مذاهبُ

[الرويـس]

وللناس فيما يعشقون .. مذاهبُ

نوون
:(

[بو الجوري]

أنا مارحت و ما شفت لهم إعلان :..
لكن مبين من كلامكــم إن التنظيــم فـاشـل من قــــلـــــب :..:nop:

و الأسعار اللي تقولون عنها مُبالغ فيها :.. شدعوه !!!!

[: بوحمود :]

التنظيم فعلا كان فاشل وخرابيييييط

حتى اني دشيت ومعاي واحد من الربع بدون تذاكر ومحد كلمنا . . .

بس كان العرض ناجح . . .
وانشاء الله انزل الصور في الاستراحه

[بوخالد911]

مستحيل أدفع ريال عشان أشووف مصارعة
أحسها كلها تمثيل × تمثيل


تحياتي قبل دقع ريالاتي

[عيون الدوحة]

لو مسوينه في التنس والأسكواش أحسن لهم

[باسكن روبنز]

والله توني ادري في حلبة مصارعه بقطر

me 2 !! ،:rolleyes2:

[انا حره]

ازيدكم من الشعر بيت

اقول حق مال التذاكر بفيلاجيو اكلم على الخط الساخن ابي استفسر مايردون

قال اي احنا فاصلين الفيشه

اجل ليه تعبون نفسكم وتحطونه

[Hamad-7]

تنظيييم فاشل

عرض حلو وممتع

تذاكر الفي اي بي 750 و 1000 ع الفاضي هههههههه

تذاكر الـ 250 احسن بواايد وواضح

[البعد الخامس]

هل في عرض ثاني اليوم

[الرويـس]

معاهم اندر تيكر
:(
؟

[شيط ويط]

انا حضرت (بالصدفه) جزء من (العرض الخاص) اللي كان يوم الجمعه ;)

بس عرض امس كنت مشغول وبالنسبة للتذاكر اسعارهم كانت تتراوح من

150 ريال لين 3500 ريال :)