رحت سوق واقف... وأنصـــدمت !!!

[بنت الأجوادQ]

صــــــــار لي سنة وزيادة ما دخلت سوق واقف كنت أشوف أوقات الحفلات والفعاليات اللي ينقلونها التلفزيون وكنت أقرا بعض أنتقادات أخوانا وأخواتنا في المنتدى عن اللي يصير أهناك لين رحت اليوم صدفة مع وحدة من صديقاتي ........ اول ما دخلنا نزلنا السواق عند ممر ضيق مشينا فيه لقينا نفسنا في وسط المطاعم والقهاوي.. أنصدمنا!! لقينا نفسنا بين طاولات على الجوانب كل طاولة فيها مقيمين ومقيمات وبعضهم ملابسه غريبه وفاضحه وغير السلاسل اللي بعضهم لابسينها ماسكين الشيشة لدرجة ان لقينا نفسنا بروحنا اللي لابسين العبايات وكل يطالعنا مستغربين ايش جايبنا أهني بينهم لدرجة أني حسيت أني ضيفة في بلد غريب.. حتــى يوم مشينا شوي شفنا حريم لابسين عبايات ومعاهم شباب لابسين أفرنجني ويوم تكلموا طلع حجيهم مش قطري حتى السواح يطالعونا مستغربين.. يمكن شفت كم قطري قاعدين بروحهم بعيد وشكلهم غريب بين هالأجانب... معقــوله هاذي بلادنا وهذا سوق واقف ؟؟ هالكثــــــــــر أجانب ؟؟ وايش هالاشكال الغريبة اللي فيه؟؟ أنا أختفيت سنه وهذا شفته..الصراحــــــــــــه حرام هذا سوق واقف هــــل هذا تراثنا وهذا اللي شفته عاداتنا وتقاليدنا؟ الحكومة ما قصرت جددت لنا سوق شعبي مشهور بس مش هذا اللي تكلموا عنه أباءنا وأجدادنا .. ؟؟ الصـــراحة أنصدمت بجـــــــــــــــــــــــــــــــد !!!

[بوخالد911]

يا ما بتشووفون وبتنصدموون

[هدهد سليمان]

يا بنت الاجواد .. زمن اول تحول والله يستر من الي جاي !

[ANONYMOUS]

ونتي تسردين اللي صار لج

حسستيني انج دخلتي كوكب ثاني


لالا لازم تسوين update كل 3 شهور ع الاقل

[فيزيائية]

اللي مايبي (ينصدم) يقعد في بيته....<<<الحل الوحيد للأسف !!

[بنت الأجوادQ]

ونتي تسردين اللي صار لج

حسستيني انج دخلتي كوكب ثاني


لالا لازم تسوين update كل 3 شهور ع الاقل

كلامك صحيح أختفيت تقريبا سنتين وهذا شفته.. لازم الواحد يروح كل أسبوع عشان يتعود على المنظر الجــــــــــديد :(

[سداوي&مدريدي]

في ذمة الي سمح لهم يسرحون ويمرحون

[مضارب دوسري]

اختي لفت انتباهي في كلامج شي
انج تحسين ان الكل يطالعج

اكيد بيصير هالشي لان مب معج رجال اخو او ابو او زوج

حلاة المره لا طلعت له سوق ولا مجمع يكون معاها محرم

والرفيجات حلاتهم اذا يبون يشوفون رفيجتهم يجون عندها البيت

هاي وجهة نظري واتمنى الكل يتقبلها


اما موضوع الاجانب ف شي طبيعي القطريين يمثلون اقل من ربع السكان

[الأصيلة]

سوق واقف وبالذات بين المطاعم والقهاوي شيء غريب
من كم يوم أنا رحت وأنصدمت مثلج يابنت الأجواد
ماتخيلته بها الصورة ...
الأجانب عددهم غير طبيعي وطريقة قعدتهم والشيشة اللي عند الجميع بدون تحديد
يعني قبل كم سنة ماكنا نشوف الشيشة ولا نسمع بها إلا يمكن عند بعض القهاوي الخاصة
ونشوفها في دبي ونستغرب منها ...ماتوقعناها بتصير سهلة هينة متوفرة بهذه الطريقة...
أعتقد مازادت وانتشرت إلا بعد قدوم اللبنانيين وانتشارهم في قطر..
واحسبوها بتلقون فعلا كلامي صحيح......
الله يكفينا شرهم وشر شيشهم اللي ماسلم منها الصغير والكبير...

[قطري vip]

دام السوق صار كله مطاعم ياليت مطاعم المسمى بس مطاعم والباقي كله قهاوي وشيشه انا لو بغيت اشتري

شي ماروح سوق واقف سوق العلي اذا شي بسيط والباقي بالمولات احسن الحين الاجار رخيص والسعر غالي

على ايش

[OREO]

السوق تغير اسمه من فتره و انتوا لحين تسموونه سوق واقف ،،،،،

اسمه المتداول حالياً ( سوق العريان ) ،،،،

[بنت الأجوادQ]

سوق واقف وبالذات بين المطاعم والقهاوي شيء غريب
من كم يوم أنا رحت وأنصدمت مثلج يابنت الأجواد
ماتخيلته بها الصورة ...
الأجانب عددهم غير طبيعي وطريقة قعدتهم والشيشة اللي عند الجميع بدون تحديد
يعني قبل كم سنة ماكنا نشوف الشيشة ولا نسمع بها إلا يمكن عند بعض القهاوي الخاصة
ونشوفها في دبي ونستغرب منها ...ماتوقعناها بتصير سهلة هينة متوفرة بهذه الطريقة...
أعتقد مازادت وانتشرت إلا بعد قدوم اللبنانيين وانتشارهم في قطر..
واحسبوها بتلقون فعلا كلامي صحيح......
الله يكفينا شرهم وشر شيشهم اللي ماسلم منها الصغير والكبير...

والله نفس شعــوري يالأصيله أذا مشيتي بين القهاوي تحسين أن الكل يطالعج.. منظر غريب ما ألوم جدتي يوم وقفت تروح المباني التراثيــــــــــــة غي صوب واللي قاعدين والشيشة في يدهم في صوب مايمشون كلش مع بعـــــــــــــــــض لازم يشوفون حل هذا اللي أنشوفه مش تراث ولا تاريخ قطــــــــــــــــــــــر !

[فيزيائية]

السوق تغير اسمه من فتره و انتوا لحين تسموونه سوق واقف ،،،،،

اسمه المتداول حالياً ( سوق العريان ) ،،،،





الله يرحمك يا واقف كنت طيب :weeping:

[for qtr]

الشيخه يمكن رايحه يوم الجمعه وانتي ناسيه

لان اليوم يعتبر فاضي السوق وصباح الخير

[بنت الأجوادQ]

الشيخه يمكن رايحه يوم الجمعه وانتي ناسيه

لان اليوم يعتبر فاضي السوق وصباح الخير


لا والله رحــــــــــــــت اليوم ..حتى سألت واحد يشتغل في أحد المحلات قالي هي كــذا كل يوم

[intesar]

شوفوا لو يشيلون الشيشة بيختفون الأجانب وبالأخص هاللبنانيين اللي ماكلين جو سوق واقف ..

[Store]

انا قاطعت سوق واقف

اكثر من سنه اليهال يبون بلالييط وانا اقولهم لاااااااااااااااااااااا

[الأمبراطور]

لارضاء خاطركم
1 - تمنع الشيشه؟؟؟ليش مادري بس انتوا مب عاجبكم..انتوا ماتشيشون كيفكم..لكن بفهم شي واحد شلكم في النااااااس؟؟؟؟؟؟
2 - منع دخول الاجانب...خبرنا لي كثروا السياح>>يدل ان الدوله طيبه...وناسها اطيب؟؟؟؟لكن انتوا مهب عاجبكم حد ؟؟؟؟؟؟الناس تمدح في الدولة الفلانيه فيها اماكن حلوها وشعبها حلو...بس انتوا ماتبون ليش مادري؟؟؟؟
3 - صاحبة الموضوع الكريمه...كملي امتار معدوده صوب محلات الحريم بتشوفين البطوله والعيوز والشيبه والقدو ..والايراني راعي الكباب والاسكافي..ورعيان الطيور والامور كلها بخير لكن طليتي على المطاعم والشيشه وجيتي تنتقدين السوق بكبره !!!!!
>>السوق يرضي جميع الاذواق بس في ناس مهب عارفه تعيش مع العالم تبي الناس نفسها
الا على الطاري البناني يجيبلكم الحكه ولا شسالفه محد مقصر تحقرون فيهم ليل مع نهار وفي كل موضوع وبسبه ومن غير سبه... ..مادري هم باقوا بلادكم ولا ماكلين غداكم:tease:

[نظرة شجاع]

اختي لفت انتباهي في كلامج شي
انج تحسين ان الكل يطالعج

اكيد بيصير هالشي لان مب معج رجال اخو او ابو او زوج

حلاة المره لا طلعت له سوق ولا مجمع يكون معاها محرم

والرفيجات حلاتهم اذا يبون يشوفون رفيجتهم يجون عندها البيت

هاي وجهة نظري واتمنى الكل يتقبلها


اما موضوع الاجانب ف شي طبيعي القطريين يمثلون اقل من ربع السكان

كفييت ووفييت يا شهم ،،،
للاسف بعض الرجال الغيره والمرجله عنده صفر يرضا لاهله ان يخالطون الرجال وهو زي (البهيمه) وتكرم عليه بعد

[qatari 111]

اكيد لازم يستغربون
لان اول مره يشوفون ثنتين حريم قطريات في وسط العالم ومن غير محرم وكالعاده متعودين يشوفون حريم قطر مع محارمهم ... انا عن نفسي راح استغرب اذا شفت هالمنظر قبل اللبنانيين اللي تقولين عنهم .......

وانا اشوف سوق واقف له عدة الوان وسوق سياحي ومثل ماتفضل بعض الاخوان لو تعمقتي داخل السوق راح تغييرين نظرتج للسوق واقف

[AL_MUTAEM]

سوق واقف بعد ماتم ترميمه وتكشيخه لغرض السياحه انتهى زمنه القديم ..

بالسابق كنا نروح لسوق واقف ونتشرى باقل الاسعار والحين انقلبت الايه فاسعار سوق واقف اكثر من اي مول .. مع ان الايجار حسب ماعلمت انه رخيص ..

اتمنى اما منع الشيش بالمنطاعم او تغيير مكانهم الحالي ..

اخوي الامبراطور صحيا هل تقبل ان تتناول عشائك والطاوله اللي جنبك فيها اربعه يشيشون ( بغض النظر عن الجنسيه ) ؟؟

اصلا جميع دول العالم المحترمه يمنع التدخين بالمطاعم فما بالك بالشيشه وهالقانون موجود بقطر بس يستثنى سوق واقف ؟؟

[المهـندي]

الصراحة سوق واقف اخترب من عششو فيه اللبنانيين والسوريين والمغاربة

[@السفير@]

لارضاء خاطركم
1 - تمنع الشيشه؟؟؟ليش مادري بس انتوا مب عاجبكم..انتوا ماتشيشون كيفكم..لكن بفهم شي واحد شلكم في النااااااس؟؟؟؟؟؟
2 - منع دخول الاجانب...خبرنا لي كثروا السياح>>يدل ان الدوله طيبه...وناسها اطيب؟؟؟؟لكن انتوا مهب عاجبكم حد ؟؟؟؟؟؟الناس تمدح في الدولة الفلانيه فيها اماكن حلوها وشعبها حلو...بس انتوا ماتبون ليش مادري؟؟؟؟
3 - صاحبة الموضوع الكريمه...كملي امتار معدوده صوب محلات الحريم بتشوفين البطوله والعيوز والشيبه والقدو ..والايراني راعي الكباب والاسكافي..ورعيان الطيور والامور كلها بخير لكن طليتي على المطاعم والشيشه وجيتي تنتقدين السوق بكبره !!!!!
>>السوق يرضي جميع الاذواق بس في ناس مهب عارفه تعيش مع العالم تبي الناس نفسها
الا على الطاري البناني يجيبلكم الحكه ولا شسالفه محد مقصر تحقرون فيهم ليل مع نهار وفي كل موضوع وبسبه ومن غير سبه... ..مادري هم باقوا بلادكم ولا ماكلين غداكم:tease:

ماشاء الله عليك محامي ممتاز :omg:

[بوحارب]

من حقج تنصدمين أختي والكل مصدوم ترى

[قطر الحب]

أول مرة أعرف إن إسم السوق تغير

على كل حال أختي هذا السوق صار ( للسياحة ) فقط

وليس ( للتراث ) يلبس ثوب التراث خارجيا أما داخليا لجلب السواح

[مهره]

هذى واجهة قطر اليوم كل دول العالم اول مكان مرشح الهم سوق واقف وهذا المطلوب رضا الاجانب فى المقام الاول

[wadha-qa]

اصلا المكان اللي فيه المطاعم صعبه بنات يروحون هناك بروحهم لان كله شباب بس باقي السوق اوكي الوضع طبيعي

نصيحه اذا تبين تروحين المطاعم و تاخذين راحتج روحي السبت الصبح ^_^

[ALRAYYAN]

اذا انتي تخبرين السوق من سنه ماكان جذي

عيل انا اخبر من كم سنه بعد ماكانا نشوف بنات يطلعون بروحهم
ويروحون يتمشون ويخالطون الرجال في اماكن مثل سوق وغيره

خصوصا بنات الاجواد

خلف الله بس

[الصريحه]

الله المستعان

[الـراسي]

للاسف سوق واقف اسم على غير مسماه حاليا

اول صدق سوق واقف سوق بمعنى الكلمه

والحين المفروض يسمونه سوق......................

[انتر ميلان]

واحنا الشباب ننصدم اذا نشوف بنات يتمشون مع صديقاتهم في الاسواق والمجمعات

[ام السعف]

الحريم او البنات الكبار من زامن يطلعون يتسوقون مع بعض
الأمر هذا مب حديث اليوم ،، الوحدة تطلع مع اختها مع جارتها
مع عمتها يعني الأمر هذا مب مستهجن في مجتمعنا ،،


البنت تتكلم عن تواجدها في وسط المنطقة المتروسة مشيشن

واللي يقول لأنهم دخلوا من غير رجال ( والبنت تقول هناك اللي لابسين شيلة وعباية)
بس من لهجتهم مب قطريات ( يعني الشيلة والعباية موجودة في هالمنطقة )

بالنسبة انهم يطالعونج ( اصلا هذي هي سياسة الشيش والمقاهي المفتوحة )
ناس فاضيين وما عندهم شغله يقزون اللي رايح واللي ياي ،، سواء كنت بروحج
او مع جيش من المحارم ،،

والا بذمتج عالم قاعدين على كراسي وشيشون هل ممكن يكونون مشغولين في امور
مهمة ؟

ناس فاضين لولا الفضاوى كان ما اقعدوا على هالشيش ،،

اما بخصوص انتشارها في ذمة اللي حول هالسوق البريء الى مكان وصخ
حتى مافيه رادع للي يتسكعون فيه وتصرفاتهم سخيفة :(

[فلور]

والله الصراحه ماشفتي شي اي مكان تروحين تشفوفين شي غريب وعجيب ماكنج في بلادج
وين ماتروحين الأجانب موجودين قبلج والله ياالقطرين ينعدون على الاصابع الاماكن كله لهم

[باسكن روبنز]

هههههههه سوق واقف؟ ،

خلاص بـــــــح ،:shy:

[فلور]

واحنا الشباب ننصدم اذا نشوف بنات يتمشون مع صديقاتهم في الاسواق والمجمعات

ليش اخوي تنصدم والله إلي محتشمه ومحترمه نفسها محد بغلط عليها
واذا الوحده ماعندها حد يروح معها ؟ عادي تروح مع اهلها او حد صديقتها
واعتقد المحتشمه محد بقرب سوبها
ياما ناس تطلع مع المحرم بكامل مكياجها وشعر اخر حلاوه كانها رايحه عرس
وين المحرم عنها

[الامتياز]

تفهمنا ان الاغلبية اجانب
هذا واقع ونعيشه ولا حول ولا قوة الا بالله
لكن حتى الاجانب انواع: فيه المحتشمين وفيه المتوسطين وفيه اللي مسخينها كلش
والمشكلة انه معظم اللي في سوق واقف للاسف من النوع الاخير
الله المستعان

[tawareq]

وين زمان سوق واقف ، كان اسم على مسمى
والحين صار سوق قاعد ، كله مطاعم وطاولات وشيشة وياريت تحصل مكان تمشي فيه كله طاولات وممر ضيق
الواحد يمشي داخل السوق بين المحلات افضل من انه يمشي ما بين المطاعم من الزحمة لانه بيوصل اسرع:nice:

[راسي براسك]

سوق واقف صار وللأسف واجهه غير مشرفه !
صارت مطاعم ومكان سهرات للشيشة وقهاوي ..

[راسي براسك]

الحريم او البنات الكبار من زامن يطلعون يتسوقون مع بعض
الأمر هذا مب حديث اليوم ،، الوحدة تطلع مع اختها مع جارتها
مع عمتها يعني الأمر هذا مب مستهجن في مجتمعنا ،،


البنت تتكلم عن تواجدها في وسط المنطقة المتروسة مشيشن

واللي يقول لأنهم دخلوا من غير رجال ( والبنت تقول هناك اللي لابسين شيلة وعباية)
بس من لهجتهم مب قطريات ( يعني الشيلة والعباية موجودة في هالمنطقة )

بالنسبة انهم يطالعونج ( اصلا هذي هي سياسة الشيش والمقاهي المفتوحة )
ناس فاضيين وما عندهم شغله يقزون اللي رايح واللي ياي ،، سواء كنت بروحج
او مع جيش من المحارم ،،

والا بذمتج عالم قاعدين على كراسي وشيشون هل ممكن يكونون مشغولين في امور
مهمة ؟

ناس فاضين لولا الفضاوى كان ما اقعدوا على هالشيش ،،

اما بخصوص انتشارها في ذمة اللي حول هالسوق البريء الى مكان وصخ
حتى مافيه رادع للي يتسكعون فيه وتصرفاتهم سخيفة :(



أنا معاج بكل كلمة قلتيها :nice:

[سهم احمر]

في ذمة الي سمح لهم يسرحون ويمرحون

أي والله صدقت

[هبوب الكوس]

اي يازمن ايام مطعم بسم الله :weeping:

http://sooqwaqif.net/mjlah/albumsm/9.jpg


ولحين شيش وخربطة

http://files2.fatakat.com/2010/12/12924191462937.jpg

[R 7 A L]

المشكلة
ان المقاهي المحترمة المعروفة من سنوات سمعنا انه سوف يتم منع تجديد رخصها في السنوات المقبلة


وفي المقابل راح تزيد المقاهي الساذجة التي على شاكلة مقاهي سوق واقف

[الـقـاسـي]

انا رحت سوق واقف امس واخر مره جيته كان في بداية سنه 2010 انصدمت من الوضع متغير واجد مب نفس قبل مع انه قبل مب من زينه لكن انصدمت من ووضع البنات خصوصا القطريات وضع مزري للاسف هذا غير الاجانب اللي يسرحون ويمرحون على كيفهم لااحترام للبلد ولا لعاداته

[Rider]

الي يبغي يريح نفسها لا يروح سوق واقف

[بوخالد2]

و ياما حتشوفي يابنت

[ام السعف]

الي يبغي يريح نفسها لا يروح سوق واقف

امممم
لنا حاجات في سوق واقف .............> نروح لحاجاتنا بس ما نقرب صوب المصخرة :(

[هتـان قطر]

صادقه والله يا بنت الاجواد..راحت هيبة سوق واقف وانهد حيله وقعد

من البلاوي اللي تصير فيه !!!!


شوفي سوق واقف من قدام لنا ... ومن ورا للاجانب وشيشهم وفسادهم

:(

[هبوب الكوس]

امممم
لنا حاجات في سوق واقف .............> نروح لحاجاتنا بس ما نقرب صوب المصخرة :(

اكيد حق البهارات المجبوس :nice:

[الوثيقة]

اصلا سوق واقف صار مكان تجمع الاجانب
والله يستر علينا منهم

[ام السعف]

اكيد حق البهارات المجبوس :nice:

اليقط + حبة الخضرة + حلويات زمان اول + الرهش + لحية الشايب
خد العيوز ،، العاب قديمة :weeping:

البهارات + العطار

مختار مالي غنى عنه ..............> هلا حاجي ،، اهوال شما جتاري ،،

[cavok]

واللة زمان يا عالم

[بـــــــنت النوخـّــــذه]

ايـــــــــــــــــــــــــــــــــــــــــــــــ

[ضوى]

وايد احبه سوق واقف ، بس ماروح صوب المطاعم ابداااااااااااااااااااا ، هي مرة وبغيت اختنق من ريحة الشيشة ، والا السوق بشكل عام وايد ونيس وحلو نروح مع العيال نتمشى فيه ونتقضى خاصة صوب سوق الحريم

[ام السعف]

وايد احبه سوق واقف ، بس ماروح صوب المطاعم ابداااااااااااااااااااا ، هي مرة وبغيت اختنق من ريحة الشيشة ، والا السوق بشكل عام وايد ونيس وحلو نروح مع العيال نتمشى فيه ونتقضى خاصة صوب سوق الحريم

للامانة رحت مرة يوم دخلوا الوالدة العمليات وكنا يواعة ،، اعزموني 2 من اخواني الصبح على مطعم بيروت ،، اول مرة ادخل هالمكان ،، واحنا طالعين من المطعم لفتت نظري مروحة سودة كبيرة كانت اتهف هواء مشبع بالماي ،،طلبت من اخوي اني امر صوبها واجربها ،، قال لي تعالي ومرينا من صوب المروحة ( الحمدلله والشكر ) ،،

اذكر اني قلت حق اخوي المكان هادي على عكس ما يتكلمون عنه
قال لي تعالي حزة الزحمة تكرهين نفسج انج في قطر :( ،،

[تركي الشهراني]

اختي لفت انتباهي في كلامج شي
انج تحسين ان الكل يطالعج

اكيد بيصير هالشي لان مب معج رجال اخو او ابو او زوج

حلاة المره لا طلعت له سوق ولا مجمع يكون معاها محرم

والرفيجات حلاتهم اذا يبون يشوفون رفيجتهم يجون عندها البيت

هاي وجهة نظري واتمنى الكل يتقبلها


اما موضوع الاجانب ف شي طبيعي القطريين يمثلون اقل من ربع السكان




جعل شيبانك في الجنه هذا هو الكلام الصحيح

[ضوى]

للامانة رحت مرة يوم دخلوا الوالدة العمليات وكنا يواعة ،، اعزموني 2 من اخواني الصبح على مطعم بيروت ،، اول مرة ادخل هالمكان ،، واحنا طالعين من المطعم لفتت نظري مروحة سودة كبيرة كانت اتهف هواء مشبع بالماي ،،طلبت من اخوي اني امر صوبها واجربها ،، قال لي تعالي ومرينا من صوب المروحة ( الحمدلله والشكر ) ،،

اذكر اني قلت حق اخوي المكان هادي على عكس ما يتكلمون عنه
قال لي تعالي حزة الزحمة تكرهين نفسج انج في قطر :( ،،

يحليلج يام السعف ، هالتقنية في الكويت من سنة التسعين شفتها بتكنولجيا متطورة اكثر في المدينى الترفيهية :shy: عشان جذي مالفتت انتباهي وايد

وفعلا يقولون الصبح مافي زحمة وايد عكس المسا ذبحة وعالم ( اتذكر المرة الوحيدة اللي رحت فيها شفت وزير الداخلية مع رئيس الاركان ) استانست واقول حق ريلي يحليهم يطلعون مثلنا ويتمشون بدون حرس ولا هم يحزنون :shy:

[مستر بن]

,,

اصلا ,, صدق اللي حط ف توقيعه ’’

,, قطر فقط لغير القطرين ’’

[مبرمج QA]

لا حول ولا قوة الا بالله

[شبح الصمت]

سواق واقف يا زيـنه

فديت سوق واقف يوم ابوي الله يرحمه ويغفر له يوديني مطعم بسم الله ويأكلني كيما وسفن اب الغرشه القديمه

لازم يكون في اختلاط حتى لو ما في شيش أولا لأنه معلم من معالم قطر هذه أول نقطة

ثاني نقطه اختي تسمحين لي انا اروح مع اهلي نوقف صوب الحريم الي يبيعون من جبله المواقف الغربية

ننزل ونشوف أهل قطر العجيز ودفاف سودده لي قبل تنبط عيونج !!

مدري صراحة كلامكم غريب عجيب لازم يكون في جنسيات أخرى ولازم يكون في زيارات ولا تنسون ترى في فندق اهناك يعني سوائـح يجونه من كل مكان !!

المفروض في مطاعم بس الشيش تنقلع من جذورها لانها تمرض وتجيب المرض !!


الي يبي يدخل سوق واقف يدخل من المواقف

الشرقيه وإلا الشمالية وإلا الغربية

عشان ما يدش من صوب الشيش ويعور راسه ويشوف الاخضر والاحمر والاصفر !!

ومع الســلامه

[ام السعف]

يحليلج يام السعف ، هالتقنية في الكويت من سنة التسعين شفتها بتكنولجيا متطورة اكثر في المدينى الترفيهية :shy: عشان جذي مالفتت انتباهي وايد

وفعلا يقولون الصبح مافي زحمة وايد عكس المسا ذبحة وعالم ( اتذكر المرة الوحيدة اللي رحت فيها شفت وزير الداخلية مع رئيس الاركان ) استانست واقول حق ريلي يحليهم يطلعون مثلنا ويتمشون بدون حرس ولا هم يحزنون :shy:

هاهاها
حلو الموسبر ........> عاد انا شفت الأمير مرتين ومن غير حرس :shy:

شفت مثلها في مطار دبي واحنا طالعين من صوب المخرج الخاص بالخطوط الإماراتية
بس قلت لهم ويه عندنا في قطر وفي سوق واقف بعد :rolleyes2:

[Abdulraman]

وين ايام سوق واقف ومطعم بسم الله والايس كريم اللي كان عنده عجيب
الله يستر بالجايات

[دااانة قطر]

انا قاطعت سوق واقف

اكثر من سنه اليهال يبون بلالييط وانا اقولهم لاااااااااااااااااااااا


شدعوه ماتسوونه في البيت كلش :eek5::eek5::eek5:؟؟!!

[دااانة قطر]

اليقط + حبة الخضرة + حلويات زمان اول + الرهش + لحية الشايب
خد العيوز ،، العاب قديمة :weeping:

البهارات + العطار

مختار مالي غنى عنه ..............> هلا حاجي ،، اهوال شما جتاري ،،




هيه والله خوش بزاار عندهم

[Rashid554]

مايعجبهم سوق واقف + مايعجبهم المجلس الاعلى + ماتعجبهم جامعه قطر + ماتعجبهم كليه المجتمع + مايعجبهم التوظيف + ماتعجبهم كروه + ماتعجبهم كيوتل + ماتعجبهم فودافون + ماتعجبهم تذاكر المصارعه + ماتعجبهم مسرحيات موسمية + مايعجبهم كاس العالم 2022 .. الخ الصراحه اوفر شهالعقد :rolleyes2:

[العـوا]

سوق واقف معلم سياحي من تبون يزوره؟؟؟

[الأصيلة]

سوق واقف معلم سياحي من تبون يزوره؟؟؟

يزورونه حياهم الله بس بـ الطابع القطري الأصيل
لا بطابع السولدير...

[so style]

الشكوى لغير الله مذله الله يسامح الي اتخذ قرار وحط هالقهاوي والمصخرة
اختي الكريمة صاحبة الموضوع انا معاج في ان صار الوضع في سوق واقف صوب القهاوي..
منظر يشمئز الواحد يشوفه منظر منفر والله العظيم شيشه وريحه خايسه وصياعه وتجمع ناس (بيئة) اسمحولي على الكلمة .. لا والصراحه ناس جايه تستعرض لبس غيرمحتشم ليش؟؟ نرضى يصير جذي في بلادنا ونسكت اوكي نبي سياحه وتطور والكل يعرف بلادنا لكن ليس بهذه الطريقه اجذبوا السياحه لكن حطولهم مكان بروحهم يحكرون نفسهم فيه بالشيشه اعزلوهم عن الناس الطبيعيه سولهم قهاوي مخصصه لاتحطونهم في سوق تراثي الشعب كله يزوره كبار وعيايز وصغار وشباب .

[Abdulraman]

سوق واقف معلم سياحي من تبون يزوره؟؟؟

صحيح معلم سياحي وفيه مصخره وعيالنا مفتلين
الله يستر على عيالنا

[سر الرمز]

من يوم شلو مقبرة سوق واقف صرت أقول إن هذا المكان فقد حرمته الله يستر من اللي بيصير في هذا السوق بس محد صدقني وقالوا لي إن كلامك ما له دليل من الصحة .

[loraa]

انا بحب سوق واقف واستغربت من ردود اهل البلد معلش انا مقيمه بس في بلدنا بنحب نروح الاماكن السياحيه وقت ما بكونو فيها الاجانب والسياح اكثر من الاوقات الثانيه
بحترم رئيك كل واحد حر برئية

[الأصيلة]

انا بحب سوق واقف واستغربت من ردود اهل البلد معلش انا مقيمه بس في بلدنا بنحب نروح الاماكن السياحيه وقت ما بيكونوا فيها الاجانب والسياح اكثر من الاوقات الثانيه
بحترم رأيك كل واحد حر برأيه

ياهلا فيج أختي المقيمة loraa
كل شخص يعيش بحسب عادات وتقاليد بلده وبحسب تعاليم دينه...
وقليل من يتنصل من الدين وهذه العادات والتقاليد ويحاول يقلد الغير...
فنحن في قطر تعودنا على الحشمة لا على الإختلاط مع الرجال..
المراة المتحجبة المتسترة المحتشمة يكن لها وقارها وقيمتها وقدرها عند جميع أفراد المجتمع من رجال ونساء...
تعودنا على احترام تعاليم ديينا ونتسابق لـ تنفيذ الأوامر الربانية ونشعر بالسعاده في ذلك...
فـ لذلك لو خرجنا لـ سوق واقف بالذات جهة المطاعم والكافيهات نجد الممرات الضيقة وتزاحم
الرجال ورائحة الشيشة بكل أنواعها واختلاط الأشكال والألوان من الناس...
وهذا ما يتنافى مع ماتعودناه من عاداتنا وتقاليدنا وتعاليم ديننا
فأبدا لا نسعد بتواجدنا هناك مع هؤلاء السواح
والأجانب الذين يعيشون بطابع بلدهم في بلادنا.....
أم الأماكن الأخرى فـ السواح إذا كان تواجدهم
باحترام دون سلوكيات وتصرفات مخلة بأعراف البلد وتقاليدها..
فأهلا بهم ويسعدنا رؤيتهم ...
وأتفق معك كل واحد حر برأيه الشخصي...

[بصمة قطرية]

سوق واقف من أشهر المعالم السياحية في البلد ..
وصار وجهة أغلب السياح ..
بالذات الأجانب ..
لهالسبب عطوهم حريتهم ووفروا لهم كل شي ..
وضاعت الهوية القطرية للأسف ..!!!!

والله صرنا ما نروح سوق واقف الا للشديد القوي ..
والسبب انه صار مكان ما يصلح لنا وضد عاداتنا وتقاليدنا
كشعب خليجي مسلم محافظ ..
آخر مرة دخلته من سنه ..

[كاتم الاسرار]

سوق اول مش الحين يالغاليه كله مطاعم وعيوووووون الزرق بزياده حتى التراث اختفى في سوق واقف

[tarek]

هذا والله اعلم ضريبة العولمه والانفتاح ولكن يجب ان يكون بضوابط تحكمها عادات وتقاليد واعراف البلد وللاسف شيء مخجل ومناظر مخجله وان كان ولابد (من اجل السياحه) ان تكون داخل المحل وليس على قارعة الطريق
(واين اياكم والجلوس في الطرقات ؟؟؟؟؟؟؟؟؟؟
وسلامي لسوق واقف واذا في حد من الاخوة يذكر لنا سبب التسميه وكم عمر هذا السوق
وتقبلو وجهة نظرنا بصدر رحب
والسلام

[امـ حمد]

لاحول ولا قوة الا بالله

[البارع]

انا شفت يوم السبت تاريخ23/4/2011المغرب واحد يقبل وحده اجانب طبعا
من هل العيون الزرق ..حسبي الله ونعم الوكيل على من رضى بهالشي
وجابه عندنا ..................

[برق لمع]

سياسة الانفتاح والتحرر والتشجيع على ترك التراث ولغيه من حياتنا
نعم لتغيير اللباس القطري واستبداله بالجينز واللغنز وفل الشعر هذا هو المطلوب
عشان تحسين انج بقطر
لا حسيب ولا رقيب ولا خوف من الله
اذا من حقكم تخالفونا في الشارع وتاخذون نص رواتبنا عشان خالفنا السير احنا نطالب بمخالفات للتعري وتشويه المنظر العام

[بنت الريان]

سوق واقف للي حب يروح المطاعم اللى اهناك يفضل من بدري وخاص للبنات حتى لو بتروحون لاتمرون من ذاك الصوب الزحمة تحاشوها قد ماتقدرون ،، وتقريبا قريت كل التعليقات بخصووص اللي يقول انه يستغرب ان البنت تطلع من غير محرم وماشوف فيها شي اذا اطلعت مع اهلها عماتها خالاتها صديقاتها وهاي صار شي طبيعي يعني نقعد في البيت علشان واحد من اخوانا يفضى لو نقعد طول السنه ماراح يفضى الاخوان الله يحفهم مب فاضين الا لربعم وبعدين محد له بارض للسواق اكثرهم يتضايقون من نزلت السوق اذا الزوج مب فاضي لعياله وياما نشووف في المجمعات الحريم اللي نازلة مع عيالها والشغاله والادريول منزلها وين محرمها ؟؟ واكثرر من الف وحده نشوف هالشي احنا نستغرب وين المحرم طبعا مب فاضي ،، وتسلمين اختي على طرح الموضوع وياما بتشوفين اشكال غريبه وعجيبه والله يستر علينا

[نمر بن عدوان]

مايعجبهم سوق واقف + مايعجبهم المجلس الاعلى + ماتعجبهم جامعه قطر + ماتعجبهم كليه المجتمع + مايعجبهم التوظيف + ماتعجبهم كروه + ماتعجبهم كيوتل + ماتعجبهم فودافون + ماتعجبهم تذاكر المصارعه + ماتعجبهم مسرحيات موسمية + مايعجبهم كاس العالم 2022 .. الخ الصراحه اوفر شهالعقد :rolleyes2:


كلامك صحيح اخوي والسبب ان اغلب اعضاء المنتدى جيل الثمانينات والتسعينات متعودين على الحياه في ذيك الفتره وصعب يتقبلون التغيير عكس الجيل الجديد والقادم. العولمه والانفتاح والتعامل مع الاخر شر وخير في نفس الوقت وله ميزاته ومساؤه والوقت تغير وتغيرت الحياه .

[الأصيلة]

كلامك صحيح اخوي والسبب ان اغلب اعضاء المنتدى جيل الثمانينات والتسعينات متعودين على الحياه في ذيك الفتره وصعب يتقبلون التغيير عكس الجيل الجديد والقادم. العولمه والانفتاح والتعامل مع الاخر شر وخير في نفس الوقت وله ميزاته ومساؤه والوقت تغير وتغيرت الحياه .

التغير مطلوب ونريده سواء كنا جيل الثمانينات وإلا السبعينات
ولكن نريده للأفضل لا للأسوأ
تغير يفيد ولا يضر
تغير بطابعنا القطري الأصيل لا بالطابع الأجنبي الدخيل...

[نمر بن عدوان]

التغير مطلوب ونريده سواء كنا جيل الثمانينات وإلا السبعينات
ولكن نريده للأفضل لا للأسوأ
تغير يفيد ولا يضر
تغير بطابعنا القطري الأصيل لا بالطابع الأجنبي الدخيل...

وين هالكلام الي تقولينه مطبق في اي بلاد ؟

رحتي دبي رحتي بوظبي رحتي البحرين رحتي الكويت رحتي ورحتي ورحتي ؟

الي في قطر موجود في هالبلاد ويمكن هناك اخس . الطبع القطري والعادات مايغيرها غير اهلها اما فرض الامر على الغير فامستحيل . فهذي عوايدهم ونحن من اتى بهم ولم يدخلوا البلد تهريب .والحل الابتعاد عن هالاماكن لمن لايريد ان يشاهد التغيير او اختيار الوقت المناسب .

[ضيف الدولة]

يا اخوانا ايش حكاية محرم محرم هذه في اي شي ؟؟؟

الحكم الشرعي المحرم يطلب في السفر والسفر هو ما تقصر فيه الصلاة أما الواحدة طالعة السوق او رائحة تصل رحمها من الدوحة إلى الريان أو من اللقطة إلى الغرافة يقال لها لابد من محرم والله لا الله قال هذا ولا رسوله صلى الله عليه وسلم

احيانا الاحكام الشرعية تشوه بسبب حماس وغيرة من لا ينزلها منازلها أو لا يفهمها كما أراد الشارع الحكيم

[الأصيلة]

وين هالكلام الي تقولينه مطبق في اي بلاد ؟

رحتي دبي رحتي بوظبي رحتي البحرين رحتي
الكويت رحتي ورحتي ورحتي ؟

الي في قطر موجود في هالبلاد ويمكن هناك اخس . الطبع القطري والعادات مايغيرها غير اهلها
اما فرض الامر على الغير فامستحيل . فهذي عوايدهم ونحن من اتى بهم ولم يدخلوا البلد تهريب .والحل الابتعاد عن هالاماكن لمن لايريد ان يشاهد التغيير او اختيار الوقت المناسب .

لايا أخوي قطر مالها شبيه لاتقول السعودية ولادبي ولا غيرها..
كل بلد ولها ظروفها...
هل التغير يتطلب تواجد الأجانب بهذه الصورة الغير طبيعية
دبي مجرد إمارة طغى عليها الطابع الأجنبي بسبب التجارة ..
لكن قطر غير ...التغير اللي صاير وبالذات في سوق واقف ( رمز التراث القطري ) تغيير سيء جدا
بحيث لايستمتع به إلا الغريب..
الشيشة مب من طبايع أهل قطر ولا من سلومهم
وهي أصلا للعجم واللبنانيين والمصريين ونادرا ماكان القطري يدخنها..
فجأة صارت للجميع دون استثناء نساء ورجال شباب وشياب...
يعني تدخل سوق واقف تنسى إنك في قطر من كثرت الأجانب...
وفعلا القطري الأصيل مايغيره أي زمن ...
لكن كثر الدق يفج اللحام ...
ولو ابتعدت عن ها الأماكن
غيري مارح يبتعد ورح يتأثر وتضيع هويته...

[سهام]

الله يعينج يابنت على بعض العقليات مايسوى عليج هالموضوع ولا يبط المراره الا الي يقول محرم .. وين المحرم اصلا فيه محارم الحين ؟ اذا قالوا لكم ودونا تعذرتوا باعذار كل عذر اقبح من ذنب ولا بروح مع الربع !! وخليتوهم يطقون براسهم بالطوفه .. الي يقول محرم يكون قد الكلام ولا مجرد فشخره وسوالف .. وانا احلف ان الي قالوا محرم ، مايودون اهلهم اي مكان واعتماد الاهل على السواقين ، واذا الله عانه وبيوديهم مابرد خاطرهم اما اجل الطلعه ليوم ثاني ولا وداهم وتم يحن يبي يردهم ، روحوا بس بلا محرم بلا هم على هم

[بنت الأجوادQ]

لايا أخوي قطر مالها شبيه لاتقول السعودية ولادبي ولا غيرها..
كل بلد ولها ظروفها...
هل التغير يتطلب تواجد الأجانب بهذه الصورة الغير طبيعية
دبي مجرد إمارة طغى عليها الطابع الأجنبي بسبب التجارة ..
لكن قطر غير ...التغير اللي صاير وبالذات في سوق واقف ( رمز التراث القطري ) تغيير سيء جدا
بحيث لايستمتع به إلا الغريب..
الشيشة مب من طبايع أهل قطر ولا من سلومهم
وهي أصلا للعجم واللبنانيين والمصريين ونادرا ماكان القطري يدخنها..
فجأة صارت للجميع دون استثناء نساء ورجال شباب وشياب...
يعني تدخل سوق واقف تنسى إنك في قطر من كثرت الأجانب...
وفعلا القطري الأصيل مايغيره أي زمن ...
لكن كثر الدق يفج اللحام ...
ولو ابتعدت عن ها الأماكن
غيري مارح يبتعد ورح يتأثر وتضيع هويته...

نعــــــــــــــم كلامج صحيح 100% يالأصيلـــــــــــــــة أنا يوم رحت سوق واقف رحت لأن مثل ما قلتي هو رمـــــز التراث القطري وكنا نضـــــــــرب المثل في بلادنا أن أحنا غير دبي ولين الحين متمسكين في عاداتنا وتقاليدنا مش من عاداتنا نشوف شباب وبنات قاعدين في قهاوي وماسكين الشيشة وأنصدمت بالأول من كثرة اللي يشيشون على القهاوي لدرجة أن أختنقنا وأحنا نمشي ..أنا أختفيت تقريبا سنتين وهذا اللي صدمني عقب ما رحت... ومثــــــــــل ما قلتي يا الأصيلة القطري الأصيل ما يغيرة أي زمن..

[أخت الكل]

المشكلة مو بالاجانب المشكلة فينا احنا
شوفوا لبس بنات قطر هالحين وبعدين تكلموا عن الاجانب
كيف نطلب منهم يحترمون دينا عاداتنا وتقاليدنا وحنا ما احترمناها

اول كنا من نشوف وحده مخالفه لللبس كنا نشتكي ويطلعونها وهالحين ما لنا وجه خلاص

[مضارب دوسري]

يا اخوانا ايش حكاية محرم محرم هذه في اي شي ؟؟؟

الحكم الشرعي المحرم يطلب في السفر والسفر هو ما تقصر فيه الصلاة أما الواحدة طالعة السوق او رائحة تصل رحمها من الدوحة إلى الريان أو من اللقطة إلى الغرافة يقال لها لابد من محرم والله لا الله قال هذا ولا رسوله صلى الله عليه وسلم

احيانا الاحكام الشرعية تشوه بسبب حماس وغيرة من لا ينزلها منازلها أو لا يفهمها كما أراد الشارع الحكيم

والله عاااااااال
ليكون لا رحتي تزورين احد تروحين مع هندي يوصلج ؟
هل هذا حلال بالنسبه لج ؟

وهل هو يعتبر محرم لج ؟

لا اختي الدين ماقال المحرم فالسفر فقط
الحياه تغيرت
والدين نفسه اللي تتكلمين عنه ما اجاز انج تطلعين في اسواق تخالطين فيها الرجال بدون رجل يكون معاج
وتكونين محط انظار الشباب والرجال

[أخت الكل]

يا اخوانا ايش حكاية محرم محرم هذه في اي شي ؟؟؟

الحكم الشرعي المحرم يطلب في السفر والسفر هو ما تقصر فيه الصلاة أما الواحدة طالعة السوق او رائحة تصل رحمها من الدوحة إلى الريان أو من اللقطة إلى الغرافة يقال لها لابد من محرم والله لا الله قال هذا ولا رسوله صلى الله عليه وسلم

احيانا الاحكام الشرعية تشوه بسبب حماس وغيرة من لا ينزلها منازلها أو لا يفهمها كما أراد الشارع الحكيم

لا اخوي المحرم مو بالسفر وبس ... البنت في تنقلاتها لازم يكون معها محرم اذا كانت بروحها او اذا مافيه محرم يكون معها صحبه آمنه زي خواتها وامها او صديقاتها يعنى مجموعه هذا هو المقصد

[qatari 111]

الله يعينج يابنت على بعض العقليات مايسوى عليج هالموضوع ولا يبط المراره الا الي يقول محرم .. وين المحرم اصلا فيه محارم الحين ؟ اذا قالوا لكم ودونا تعذرتوا باعذار كل عذر اقبح من ذنب ولا بروح مع الربع !! وخليتوهم يطقون براسهم بالطوفه .. الي يقول محرم يكون قد الكلام ولا مجرد فشخره وسوالف .. وانا احلف ان الي قالوا محرم ، مايودون اهلهم اي مكان واعتماد الاهل على السواقين ، واذا الله عانه وبيوديهم مابرد خاطرهم اما اجل الطلعه ليوم ثاني ولا وداهم وتم يحن يبي يردهم ، روحوا بس بلا محرم بلا هم على هم

والله اذا زوجج من هالنوع فالله يعينج
وانا واعوذ بالله من كلمة انا ولله الحمد رجلي على رجل ام الاعيال وين ما تبي تروح اوديها واخليها تتمشى وانا معاها ونتغدى ونتعشى مع بعض واشتريلها اللي بخاطرها ليين ما تقول خلاص شبعت ابي ارد البيت وغير السفرات .....

والحمدلله ما عندنا دريوال لاني قد مسولية البيت

اللهم لا حسد :nice:

[مضارب دوسري]

لايا أخوي قطر مالها شبيه لاتقول السعودية ولادبي ولا غيرها..
كل بلد ولها ظروفها...
هل التغير يتطلب تواجد الأجانب بهذه الصورة الغير طبيعية
دبي مجرد إمارة طغى عليها الطابع الأجنبي بسبب التجارة ..
لكن قطر غير ...التغير اللي صاير وبالذات في سوق واقف ( رمز التراث القطري ) تغيير سيء جدا
بحيث لايستمتع به إلا الغريب..
الشيشة مب من طبايع أهل قطر ولا من سلومهم
وهي أصلا للعجم واللبنانيين والمصريين ونادرا ماكان القطري يدخنها..
فجأة صارت للجميع دون استثناء نساء ورجال شباب وشياب...
يعني تدخل سوق واقف تنسى إنك في قطر من كثرت الأجانب...
وفعلا القطري الأصيل مايغيره أي زمن ...
لكن كثر الدق يفج اللحام ...
ولو ابتعدت عن ها الأماكن
غيري مارح يبتعد ورح يتأثر وتضيع هويته...

اي صح الشيشه مب من طبايع اهل قطر

من طبايع اهل قطر واجدادنا القدو:victory:

[qatari 111]

انا بحب سوق واقف واستغربت من ردود اهل البلد معلش انا مقيمه بس في بلدنا بنحب نروح الاماكن السياحيه وقت ما بكونو فيها الاجانب والسياح اكثر من الاوقات الثانيه
بحترم رئيك كل واحد حر برئية

يا أخت لورا حياج في بلدك الثاني ودام انج انتي محترمه وتحترمي الغير فأخذي راحتج فسوق واقف وزوريه يوميا دام أنج مرتاحه فيه وعاجبج

[ابوخالد السل]

لكل زمان اسواق وقهاوي يا ابو مجبل جابل مطبخك !

[دلة الرسلان]

كلامك صحيح اخوي والسبب ان اغلب اعضاء المنتدى جيل الثمانينات والتسعينات متعودين على الحياه في ذيك الفتره وصعب يتقبلون التغيير عكس الجيل الجديد والقادم. العولمه والانفتاح والتعامل مع الاخر شر وخير في نفس الوقت وله ميزاته ومساؤه والوقت تغير وتغيرت الحياه .

جيل التسعينات للحين في المرحلة الاعدادية والابتدائية :)

بالنسبة لسوق واقف ما يعجبني البته لأنه صار شداخة للسياح فقط لذلك أذا احتجت البزار

أو بغيت اتطبب في حد مريت من ذاك الصوب على مختار واللي حوله ، وعندكم سليم للعطور

والعود بعد من اول السوق يعني ما فيه أي عذر للمرور على منطقة الحمراااان واعطائهم

فرصة للتفرس في السكان المحليين النادريين .

[ابوسعود]

الله يرحمنا برحمته

اصبحنا من بين الاجانب اقليه وفي بلادنا

عادات غريبه دخلت علينا الله يستر مانوصل الى ماوصلت اليه

بعض الشعوب اللي تعاني من الاجانب وتاثير الاجانب

[باسكن روبنز]

بخصوص سالفة المحرم ،






مع أحترامي لبعض الردود بس أتمنى لحد يعمم ألي يصير له في بيته ع الناس ويحسب محد يودي أهله ويجيبهم بس لآن أزواجهم وأخوانهم مب متفرغين لهم!! ،

وأخيراً صــح لســآنك ياولد الدواســر ،:nice:

[مريومة]

بخصوص سالفة المحرم ،






مع أحترامي لبعض الردود بس أتمنى لحد يعمم ألي يصير له في بيته ع الناس ويحسب محد يودي أهله ويجيبهم بس لآن أزواجهم وأخوانهم مب متفرغين لهم!! ،

وأخيراً صــح لســآنك ياولد الدواســر ،:nice:


اخوانهم بيتفرغون حق خواتهم والا امهاتهم والا زوجاتهم والا عيالهم

مب اخو ذيه .. سوبر مان

حدث العاقل بما يعقل

[باسكن روبنز]

اخوانهم بيتفرغون حق خواتهم والا امهاتهم والا زوجاتهم والا عيالهم

مب اخو ذيه .. سوبر مان

حدث العاقل بما يعقل

انا رجـال وأقولج أخذيها كلمة ثقـه ،

لو الواحد يبي يتفـرغ حق أهله بيتفرغ لهم حتي لو كثرهم جيــش بالبيـت ،;)

بس (البــآرض) يلعب دور بمزاج بعض الشباب ،:rolleyes2:

بس الحمدلله الأغلبيه فيهم خيــر وبركــه ،

[مريومة]

انا رجـال وأقولج أخذيها كلمة ثقـه ،

لو الواحد يبي يتفـرغ حق أهله بيتفرغ لهم حتي لو كثرهم جيــش بالبيـت ،;)

بس (البــآرض) يلعب دور بمزاج بعض الشباب ،:rolleyes2:

بس الحمدلله الأغلبيه فيهم خيــر وبركــه ،

الله يكثر من امثالك

[بويعقوب]

قرار من الرئاسة :منع تدخين الشيشه وبيعها والتعامل بها في السوق , لتاثيرة السلبي على المنظر العام وعلى صحة رواد السوق من كبار سن واشخاص يعانون من مشاكل صحيه

وبعد هالقرار بتشوفون سوق واقف شلون بيصير !!! ومن اللي بيروح السوق !!!

انا من زمااان مامريت ولا افكر امر السوق بسبب الشيشه والاشكال الغير مرغوب فيها

(( مقترح اعادة التسميه الى حين وضع قوانين في صالح الوطن والمواطن ))

" مقهى سوق واقف "

[interista]

راح اشطح شوي عن الموضوع للاسف الي صاير نسبة الاجانب في قطر اكثر منا نحن القطريين يعني عددنا فوق المليون ونسبة القطريين ماتعدي 250 الف او 260 الف وهالعدد للجميع من يحمل الجنسيه والبطاقه الشخصيه سواء كان قطري اصل او لا بالعربي النسبه من 20 الى 25 % فالمئه بس وبسبب هالشي زادو الاجانب وزاحمونا في كل شي في بلادنا بس هذا كله يهون الطامه الكبرى ماهي في الاجانب الطامه هي بعض التصرفات الي نشوفها في بعض البنات في المجمعات وغيره لايجيني حد ويدش عرض قلت البعض وليس الكل خصيت وما عميت للأسف فيه نوعيه فاصخه الحيا والمستحا موليه

[واحد دوت كوم]

في ذمة الي سمح لهم يسرحون ويمرحون



صح الله اللسانك

[سالم بن]

سوق واقف أصبح اليوم لا ينتمي لهل قطر لا من غريب ولا من بعيد !
وفي الحقيقة هو مكان خاص حق ناس معينين , خاصه من يبحث عن !!!!!!!!!!!!!
لكن انقول الله يستر علينا من اصحاب العقول الذي نست الله حتى ترضي اصحاب النفوس المريضة إلي تبحث عن ارضى الغريب الاجنبي حتى يقولون عنا متحضرين مثل الغرب !!

[ام السعف]

قرار من الرئاسة :منع تدخين الشيشه وبيعها والتعامل بها في السوق , لتاثيرة السلبي على المنظر العام وعلى صحة رواد السوق من كبار سن واشخاص يعانون من مشاكل صحيه

وبعد هالقرار بتشوفون سوق واقف شلون بيصير !!! ومن اللي بيروح السوق !!!

انا من زمااان مامريت ولا افكر امر السوق بسبب الشيشه والاشكال الغير مرغوب فيها

(( مقترح اعادة التسميه الى حين وضع قوانين في صالح الوطن والمواطن ))

" مقهى سوق واقف "

:omg::omg::omg:

[fmmja]

عندي الحل اللي يرضي جميع الأطراف وهو منصف

جميع الشيش اللي فالسوق تكون داخل المقهى او المطعم تكون in door لأن اهل المقاهي تمادوا بطريقه وقحه بوضع الطاولات خارج المحلات ويتنافسون بينهم البين الى ان صارت الممرات ضيقه

ملاحظه : وين المنظمين ادارة السوق وينهم والله اقولها وانا منقهر لأن تماديهم الوقح على المكشوف ظاهر , انتوا عطيتوهم محلات يترزقون منها يروحون يترسون الممر طاولات ويضيقون على الناس ليش وكلهم يقلدون بعض , مارس تجارتك داخل محلك واللي يبيك يجيك

[Abdulraman]

انا شفت يوم السبت تاريخ23/4/2011المغرب واحد يقبل وحده اجانب طبعا
من هل العيون الزرق ..حسبي الله ونعم الوكيل على من رضى بهالشي
وجابه عندنا ..................

:omg:

[Xx QATARI xX]

اذا انتي تخبرين السوق من سنه ماكان جذي

عيل انا اخبر من كم سنه بعد ماكانا نشوف بنات يطلعون بروحهم
ويروحون يتمشون ويخالطون الرجال في اماكن مثل سوق وغيره

خصوصا بنات الاجواد

خلف الله بس


من حط نفسه سبوس إلعبت به الدياي
يحشرون اعمارهم في الزحمه ويقولون الناس يطالعونا

[gamal503]

"سوق واقف" من أشهر أسواق الدوحة وأقدمها، ليس في قطر وحدها، بل على مستوى الخليج العربي وله شهرة كبيرة لدى أبناء المنطقة من المواطنين والمقيمين والسائحين، حيث يعتبر أحد روافد الدوحة وملتقى التجار العرب القادمين إلى البلاد لعرض بضائعهم المختلفة لبيعها أو شراء البضائع المعروضة.
ويعج سوق واقف بالحركة والنشاط وتنبعث منه روائح العطور الزكية كاللبان والبخور والعطور العربية والبهارات النادرة والقهوة الممزوجة بعبق حب الهيل النفاذ، وشذى الأعشاب الطبية الشعبية، كما تتوافر به منتجات الحرف اليدوية كالحلي الفضية والذهبية والدلال والأواني النحاسية والسيوف والخناجر بالإضافة إلى المنسوجات المطرزة والملابس النسائية المخيطة كالدراعة والثوب والبخنق والعباءة والملابس الرجالية كالبشوت والقحفية والأحذية. وقد تم تنظيم هذا السوق مؤخراً بصورة حديثة مع مراعاة المحافظة على طابعه التقليدي.
الترميمات والتجديدات والتغييرات التي أجريت على سوق واقف جعلته يحتفظ بعبق الماضي وأصالته وحتى يكون أثراً شاهداً على حضارة المجتمع القطري حافظاً لتاريخه ومتمسكاً بأيام الزمن الجميل وذكريات الماضي ومعاصرة الحاضر المشرق. لهذا جاء قرار حضرة صاحب السمو الشيخ حمد بن خليفة آل ثاني أمير دولة قطر بتجديد سوق واقف واضفاء روح التراث القطري القديم منذ حقبة الثلاثينيات.
ولسوق واقف تسمية أخرى قديمة حيث كان يطلق عليه "سوق المقبرة" وترجع هذه التسمية القديمة إلى وقوعه بجوار مقبرة كبيرة كانت أمام السوق، لكنها أزيلت لتقام مكانها مواقف سيارات زوار السوق، وبمرور الأيام والسنين توارت تلك التسمية، وبدأ الجميع يطلق عليه سوق واقف.
وبينما أنت تتجول داخل أروقة وأزقة السوق الذي تزين وتجمل من جديد مرتديا ثوب الأصالة محافظاً على التراث القطري القديم، تجد نفسك قد عاد بك الزمن إلى الوراء سنوات طويلة وعادت إليك ذكريات الماضي الجميل، وتشعر من الوهلة الأولى ان السوق قد تغير كليا عن السابق، فقد أصبح ذا طابع تراثي قديم، مرتباً ومنظماً عن ذي قبل ويشعر الجميع أثناء تجوالهم في السوق انهم يعيشون في الأجواء القديمة التي كانت حقيقة من قبل.
وعلى جانب آخر من السوق ترى أحد أبرز المعالم وهو مطعم وفندق "بسم الله" الذي يعتبر اول فندق في الدوحة وأشهرها وذلك لكثرة رواده من التجار الذين يأتون إلى السوق. ويحتوي الفندق على خمس عشرة غرفة فقط ومن تحت الفندق يوجد مطعم تقدم فيه الأطعمة المختلفة والمشروبات. فقد اشتهر هذا الفندق بدرجة كبيرة حتى أصبح أحد معالم سوق واقف والدوحة عامة.
أما القهوة الشعبية ذات الطابقين تسمى قهوة عشيرج بديكوراتها القديمة، تحتوي على جلسة في الطابق الثاني على الهواء الطلق حيث تقدم للزوار الشيشة والمأكولات الشعبية بأنواعها مثل الهريس واللقيمات ومرقوقة وباجلا وغيرها من الأكلات الشعبية التي يقبل الزوار عليها بشكل كبير. وما يميز القهوة الشعبية جلسات الطرب التي تقدم أنواع متعددة من الفن الشعبي الذي يجذب العديد من السياح الأجانب حيث تشاهدهم يستمتعون بالأجواء الموجودة في القهوة.
كما أنك تشاهد خلال تجوالك داخل السوق النساء البدويات اللاتي يمتلكن حرفة المنسوجات التراثية بأنواعها يعملن بكل نشاط وقوة ويشرحن للزوار طريقة عملهن وكيف يصنعن الأشكال التراثية من المنسوجات
وهناك أيضا المحال التي تبيع التحف والمشغولات المعدنية والدلال القديمة وغيرها من المشغولات التراثية كالبشوت وصناعة بيوت الشعر والمجالس العربية ومحال أخرى لصناعة وبيع المجسمات التراثية لدولة قطر بأنواعها المختلفة التي تصنع من مادة الجبس.
أما "ساحة الحمام" بسوق واقف فتجمع أعداد كبيرة من أجمل أنواع الحمام، يهبط إليها يلتقط منها الحبوب المتناثرة في كل مكان، والتي يقوم بعض تجار السوق بنثر الحبوب على أرض تلك الساحة، وبمرور الوقت أصبحت تلك الساحة أشبه بميدان الحمام في لندن والمعروف ب" ترفلغر سكوير" يفترش السماء والأرض ويملؤها جمالا، حتى أصبحت تلك الساحة مزاراً.
أعداد كبيرة من النساء والأطفال من كافة الجنسيات يستمتعون بجمال المكان وينثرون "الشعير" فيلتف الحمام عند اقدامهم وفوق رؤوسهم ويلتقطون معهم اجمل الصور. وما يلفت الأنظار أيضاً رجال الشرطة وهم يرتدون ملابس الشرطة بشكلها القديم "الغترة والعقال" وهم يلوحون للسيارات لتوجيهها كما يعملون على حراسة السوق للحفاظ على الأمن

[حراير قطر]

انا شفت يوم السبت تاريخ23/4/2011المغرب واحد يقبل وحده اجانب طبعا
من هل العيون الزرق ..حسبي الله ونعم الوكيل على من رضى بهالشي
وجابه عندنا ..................

انت شفت هالاشكال بسوق واقف انا شفتهم بالستي سنتر :rolleyes2:

وهم طالعين من محل ناين ويست :secret:

وانا صرت :omg::omg::omg:

[حليتان*]

شمعنى انا محد يطالعني :(

[مضارب دوسري]

شمعنى انا محد يطالعني :(

انت بس خلك فالمشربيه

وينك ماتنشاف هناك :telephone:

[Qatarianes]

هذا هو تراثنا الي مجهزينه للسياح
شيشه خلط هههههههه

[الأصيلة]

اي صح الشيشه مب من طبايع اهل قطر

من طبايع اهل قطر واجدادنا القدو:victory:

لا قدو ولاغيره... أهلنا وأجدادنا اعرفوه...
كان البعض يعرف التتن من الشباب اللي يخالطون الأجانب ..
والقدو كانوا ينقدون على اللي يقلد العجم ويدخنه...

[قطرية فذة]

الحياه القديمه واللي كانت محمله بالمبادئ والمعاني طويت في ظرفها المعتق

والحياه المقبله حياه لانعلم بما يكون منها من تنوع الثقافات فيها

نحن نعيش للأمام مع توظيف الدين بأخلاقنا والتعامل بها على ارض الواقع

اما الروتين اللي عشناه لحياتنا الجميله سابقاً هذا خلاص ماضي ولا راح يعود

[حسن]

الصراحه انا يوم السبت وديت اعيالي فيلاجو تهولت كني من كوكب اخر جاي بل هل كثر اجانب وينه ذي اللى حاط توقيعه قطر لغير القطرين دلوني عليه

[وضحى قطر]

لاحول ولاقوة الا بالله

[aster2011]

لا شيء يستحق
أن تغضب حد الثـورة
أن تثور حد الاشتعال
وان تشتعل حد الاحتراق
وان تحترق حد الألم
وأن تتألم حد البكاء
وأن تبكي حد الانكسار
وأن يتحول بياضك الى سواد
وأفراحك الى حداد
وابتسامتك الى دموع
وتفاؤلك الى تشـاؤم

[صوت الضمير]

بصراحه عكروا الجو بسوق واقف

بذا القهاوي

الله يستر من الجاي

لا شكلهم مسوين مسرح في التكمله اللي يبنونها :)

افلحنا

أبداع

[بنت الأجوادQ]

بصراحه عكروا الجو بسوق واقف

بذا القهاوي

الله يستر من الجاي

لا شكلهم مسوين مسرح في التكمله اللي يبنونها :)

افلحنا

أبداع

أي مسرح اللي بيسوونه ؟؟؟؟؟؟ ليــــــــــــــكون عشان يسوون لنا نفس حفلات الربيع والرقص والمسخرة لين آخر الليل ! شوفوا ايش قاعد يصير حوالينــــــــا مافي بلد عربي مستقر كل مكان نسمع عن قتلى وشهداء هذا الظاهر آخر الزمن وربعنا لين الحين يفكرون في مسارح وحفلات !

[كاشف الغطاء]

هههههههه والله تضحكون من يقول في سياح في قطر

يجون قطر سياحة ليش من كثر اماكننا السياحية ولا من حلاة جونا

هذيلا ماكلين شاربين قاعدين على حسابنا

[بوسلمان 2010]

جان زين على سوق واقف بس اختي شوفي المطاعم الفخمه والقهاوي vib من فيها واذا شفتي القطري كانه غريب في وسطهم الله المستعان

[ام السعف]

لا شيء يستحق
أن تغضب حد الثـورة
أن تثور حد الاشتعال
وان تشتعل حد الاحتراق
وان تحترق حد الألم
وأن تتألم حد البكاء
وأن تبكي حد الانكسار
وأن يتحول بياضك الى سواد
وأفراحك الى حداد
وابتسامتك الى دموع
وتفاؤلك الى تشـاؤم

بالفعل لا شي يستحق
:(

الحمدلله والصلاة والسلام على خير البشرية محمد بن عبدالله وعلى اله وصحبه اجمعين

[ام السعف]

هههههههه والله تضحكون من يقول في سياح في قطر

يجون قطر سياحة ليش من كثر اماكننا السياحية ولا من حلاة جونا

هذيلا ماكلين شاربين قاعدين على حسابنا

لفتة نظر تستحق الوقوف عندها :(

[مضارب دوسري]

جان زين على سوق واقف بس اختي شوفي المطاعم الفخمه والقهاوي vib من فيها واذا شفتي القطري كانه غريب في وسطهم الله المستعان

ياخي ماتعرف انجليزي لي تكتب:(
لازم تحرج نفسك ياخي
اسمها vip:tease:


امزح معاك لحد يزعل:secret:

[الخاتم]

في ذمة الي سمح لهم يسرحون ويمرحون

ول ول ول