المساعد الشخصي الرقمي

مشاهدة النسخة كاملة : الفزعه تكفون



بلاميعاد
24-04-2011, 04:48 AM
السلام عليكم ياجماعه ابي فزعتكم تكفون ابي احسن دكتور مسالك في الدوحه والا دول الخليج والا اي دوله رحت للدكتور شهاب عياده الدوحه والدكتور عبالسلام المصباحي الاهلي والدكتور عبدالمنعم الشرطه ولاحد قادر يشخص حالتي بالضبط شنو قريت في المنتدى رابط قديم بنفس هالموضوع ومااستفدت منه ابي خبرات جديده ياليت تفيدوني

الـمـحـنـك
24-04-2011, 05:11 AM
اخوي اشفيك بضبط شسبب محد شخص حالتك او اعرفو سبب الي فيك,...,.,.,.,

بوسعد 55
24-04-2011, 06:44 AM
اخي العزيز اذا استشاري مسالك بوليه الدكتور احمد مصطفى في مركز علاج عند رمادا واذا جراح مسالك بوليه الدكتور عيسى امين بمستشفى ابن النفيس بمملكة البحرين

الخبير العقاري
24-04-2011, 06:51 AM
أخوي نصيحة أذهب إلى الدكتور عبدالله الأنصاري بمستشفى حمد دكتور ممتاز ويهتم بالمريض ويطلب له علاجات حتى من الخارج وتشخيصه ممتاز بس لازم تتواصل معه.

وللعلم هو رئيس قسم المسالك بمستشفى حمد


أنا اتكلم عن تجربه ناجحه مع الدكتور بعد اتعبوني دكاتره وخسروني فلوس بالهبل

U Welcome
24-04-2011, 07:06 AM
أخوي نصيحة أذهب إلى الدكتور عبدالله الأنصاري بمستشفى حمد دكتور ممتاز ويهتم بالمريض ويطلب له علاجات حتى من الخارج وتشخيصه ممتاز بس لازم تتواصل معه.

وللعلم هو رئيس قسم المسالك بمستشفى حمد


أنا اتكلم عن تجربه ناجحه مع الدكتور بعد اتعبوني دكاتره وخسروني فلوس بالهبل








اخوي انت تقصد
الدكتور عبدالله النعيمي رئيس قسم المسالك في حمد
وليس
عبدالله الانصاري

وفعلا رجل ونعم الاخلاق والعلم
وانصح فيه وبشده

GRNAS2002
24-04-2011, 07:21 AM
اختي انا انصحك انك تروحين لدكتور حمدي في عيادة الجزيره

واذا كان عندك حصاه في الكلى او الحالب اشربي الفوار الي اسمه يوري كول ينفع من بعد الله

كاروهات
24-04-2011, 07:49 AM
السلام عليكم

اخي / اختي في الله

اذا كانت المشكلة المسالك البولية .............. فالحل بإذن الله موجود ....... بس نبي نعرف شنوفيك بالضبط وما تشوفون شر

المتضرعه لله
04-05-2011, 09:06 AM
للالتهابات للمسالك البوليه عليك بعصير البقدونس ممتاز

كيفية الاعداد

كل يوم ربطه متوسطه من البقدونس الطازج تغسل جيدا بالماء وقليل من صابون الخضار ثم توضع بالخلاط ويضاف عليها زجاجه ونص ماء الحجم الصغير حتى تختفي الاوراق بالماء تصفى وتشرب تكرر العمليه ثلاث مرات باليوم ومن اول كاس راح تحس بالراحه

للحصى والرمل في الحالب او الكلى عصير الرويد او اوراق الفجل لمن يجهل الرويد نفس الطريقه لكن نزيد كمية الماء راح تتخلص من الحصى بدون عمليه

دعواتكم لي بظهر الغيب

رشدان
08-05-2011, 11:20 PM
كل الدكاتره المذكورين فيهم بركه وخاصة د..خالدالرميحي استشاري المسالك في مستشفى حمد

بلاميعاد
11-05-2011, 06:18 AM
الله يجزاكم خير بس انا ماعرف اشخص مشكلتي عشان اكتبها لكم لكن الله كريم حتى الدكاترة ماعرفو شنو سبب المشكله لاالتحاليل ولا التصوير ولا المنظار شخص حالتي لكن الرجابالله