المساعد الشخصي الرقمي

مشاهدة النسخة كاملة : بناء حدائق كبيره


كاسبر
24-04-2011, 06:18 AM
السلام عليكم ورحمة الله وبركاته




عندي تنبيه عن كبار السن من شيبان وعيايز ان مالهم نصيب في قطر شي غير العجزه

حطولهم حدائق كبيره وسعو صدورهم .. ولكم الفايده دنيا واخره من دعاويهم

مافي في اللسنتهم غير الاستغفار والدعاء .. خلوهم يدعون لكم

ابنولهم حديقه كبيره ماتشوف في عينها الا الخضار على مد البصر

ونحن نعرف اميرنا الكريم يسعى لعمل الخير ... وخير اميرنا في كل دوله وفي كل مكان

ونحن ننبه في مراعات كبار السن والشباب .. في الحاله النفسيه ..

وشكرا
wadha-qa
24-04-2011, 07:36 AM
صراحه ادارة الحدائق فاااشله بكل المقايس
فيه حدائق مسكرينها من سنين و فيه في كل حي سكني ارض فضاء مخصصه في الخرايط على انها حديقه و هي على ارض الواقع صحراء قاحله *_*
مادري شينطرون و الدوله تخصص ميزانيه كبيره لهذي الاداره مادري شيسوون نايمين الاخوان هناك
المخباط
24-04-2011, 08:35 AM
صراحه ادارة الحدائق فاااشله بكل المقايس
فيه حدائق مسكرينها من سنين و فيه في كل حي سكني ارض فضاء مخصصه في الخرايط على انها حديقه و هي على ارض الواقع صحراء قاحله *_*
مادري شينطرون و الدوله تخصص ميزانيه كبيره لهذي الاداره مادري شيسوون نايمين الاخوان هناك
مشكلتهم المشاريع الفجائية (تقولين فقع)
ياريت من الحين يحطون لنا قواعد المترو والقطارات والمدارس والجمعيات والمستشفيات
حتى لو ما سووها الحين بس كل أدارة تعرف ايش اللي لها وعليها
عشان ادارة الحدائق تشتغل بنفس وما تخاف على زروعها من الفقع
وتراهم ما قصروا في حديقة اسباير احلى مشروع في قطر بكبرها
@شيخة@
24-04-2011, 09:13 AM
وليش عجزه وحدائق

ليش وين عيالهم عنهم

لاحول ولاقوة الا بالله من هالوقت ...

:"(
كاسبر
24-04-2011, 01:40 PM
وليش عجزه وحدائق

ليش وين عيالهم عنهم

لاحول ولاقوة الا بالله من هالوقت ...

:"(

مرحبا شيخه

انا اقصد توعية الشباب في هشي .. في بر الوالدين وصطحابهم في نزهه

وحدائق الفرجان الصراحه تعتبر شوي هليهم ومحد يروح مع هله

لاكن لو تشوفون سبير انشهرت .. دام ان في اقبال عليها وفرو احلا منها

فالشمال واكبر ...
شموخ دائم
24-04-2011, 02:30 PM
,

,


مرحبا


الله يعطيك العافيه على الموضوع

اخوي الكريم

هناك 50 مناقصه لعمل حدائق في قطر

انطرح منها 15 مناقصه للحدائق

من شمال قطر الى جنوبها

مدينه الشمال و مدينه الكعبان ولذخيره ومدينه الخور ( المنتزه سابقا )

وام صلال و الخريطيات

ومناطق مختلفه متنوعه

وهناك مناطق تم العمل فيها بالفعل مثل مدينه الكعبان والخور

والذخيره انتهت الاعمال فيها

ان شاء الله ال 50 حديقه راح تكون متنفس كما تفضلت

وهي ليست مجرد ورق

ولكن المناقصه مطروحه بالفعل في ( اشغال ) وتسطيع الشركات الحصول
على المستندات والخرائط للتسعير وكل سنه يتم تنفيذ عدد معين

اتمنى تكون متنفس لكبار السن ولجميع الناس ان شاء الله

,

,



اخوك


شموخ دائم
مستر بن
24-04-2011, 02:37 PM
الحمد لله ,,

امس ودييت جدتي اللؤلؤة ’’ ودورتها ع الكورنيش وانا رااجع ,,
for qtr
24-04-2011, 02:42 PM
نتمنى ذلك وبلاخص في وسط المناطق السكنيه

مع العلم الي في وسط المناطق اعتقد البعض يرفض وجودها

لكثره مشاكلها ويأتي لها اشخاص من خارج المنطقه لغرض لعب كره القدم

وماشابه لذلك يتم تغيرها لاراضي سكنيه
abdo222
24-04-2011, 03:22 PM
حديقه يديده قاعدين يسوونها في الرميله ،، والخط الجاي من دوار الرميله لين الكورنيش بيتسكر وبيكون حديقه في المستقبل القريب ان شاءالله ،،
كاسبر
24-04-2011, 05:02 PM
على العموم انا حطيت موضوعي وقلت اللي عندي من افكار

لوان في حد قابل فكرتي وفاهم انا شقصد من الموضوع

فكرتي فيها اشياء وايد مفيده حق قطر .. وانا اقصد

ان قطر تتفوق على كل دول العالم بابداعاتها وفي جمالها

وفي فنها ... ولو بدل الخمسين حديقه حديقة وحده على مد البصر

تسوى مليون حديقه .. والله