ضياع بنت عمرها سنتين في الشمال وفزعة أهل قطر كفو عليهم [الأرشيف]

الحجاجي

24-04-2011, 10:00 AM

السلام عليكم ورحمه الله وبركاته ..

كعادتنا في نهاية الأسبوع ..
نجتمع مع الأخوان في الشمال ..
سوالف ،، وضحك وجو يوسع الصدر ..

وأحنا جالسين يوم الجمعـــة 22/4/2011

نسولف تقريبا الساعة 10 ونص في الليل ..

ألا يوصل مسج برودكاست

على بلاك بيري أحد الأخوان

يطلب فزعـة أهل قطر وأهل الشمال خاصــة

" لضياع بنت عمرها سنتين قريب الجديع "

وعلى طول تحركنا

ولين قربنا من المكان ..

ما شاء الله .. اللي شفته بصراحه شيء يوسع الخاطر
على كثر ما كنا متكدرين على موضوع البنت الضايعة

على ما حسينا بالوناسة والفخر

من كثرة السيارات اللي جت تفزع

ما شاء الله

سيارات كثيرة والكل يدور بين العواسج
والحفور ..

ويساعــد سيارات الشرطــة ..

واللي يمشي على رجولــه ..

ومن هنا حبيت أقــدم كل الشــكر والفخر

لأخواني أهل قطر .. وأهل الشمال خاصــة

وبالذات المقانيص ..

راعيين الفزعـة ..

اللي ما شاء الله رفعو الرأس ..

وساعدو اخوانهم الشرطـة ولخويا ..

اللي ساهمو في العثور على البنت المسكينــة الضايعــة

الساعة 4 الفجر .. تقريباً ..

والشكر موصول للي يستخدم البلاك بيري في الخير ..

وحياكم الله ..

ملاحظة :
لحد يسألني اشلون ضاعت لاني ماعرفهم
ولا هامني تفاصيل الموضوع كثر ما همني
فزعـة اخواني ومساعدتهم ..
أخوكم
الحجاجي

ازغوىAAA

24-04-2011, 10:04 AM

بصراحه موضوع يدل انه قطر بخير ويعطيكم العافيه

R 7 A L

24-04-2011, 10:05 AM

من عصر جدي وأهل قطر معروفين بالفزعة ومساعدة المحتاج

أشكر كل من ساهم لعمل الخير في السعي والبحث عن المفقودة

كما أشكرك اخوي الحجاجي على هذه اللفتة الطيبة

حراير قطر

24-04-2011, 10:08 AM

وصلني هالخبر وفرحت يوم وصلني بأنه لقوها

وبدون اي اضرار لها ...

بس اشلون طلعت وامها وين عنها

انقهرت وانقهرت وانقهرت من هالاهمال

بنت بهالعمر اشلون اخليها :(

والحمدلله على سلامتها

boamir

24-04-2011, 10:11 AM

مب غريبه على شباب قطر وقت الفزعه ماشاء الله عليهم
اخبر نفس الشي مره جانا خبر إسعاف مضيع في سيلين ومغرز و الشباب على طول دورو عليه وطلعوه من التغريزه ووصلوه للحادث

عزيزوف

24-04-2011, 10:12 AM

الحمدلله زين لقوها ..

بس انا هالمواضع اطنشها يوم توصلني لان الاغلب ينشر اشاعات ..

كل اسبوع يوصلني مسج طفل ضايع وطفله ضايعه الله اعلم صج ولاكذب ما ادري ...!!

الحجاجي

24-04-2011, 10:13 AM

بصراحه موضوع يدل انه قطر بخير ويعطيكم العافيه

أكيد اخوي مابه شـــك ..
الكلام ما يعبر ساعات ..

لكن لو شفت بعينك اللي صار
فعلاً شيء يشرح الصدر ..

من عصر جدي وأهل قطر معروفين بالفزعة ومساعدة المحتاج

أشكر كل من ساهم لعمل الخير في السعي والبحث عن المفقودة

كما أشكرك اخوي الحجاجي على هذه اللفتة الطيبة

الشكر موصول لهم ولك اخوي ..
يستاهلون أكبر من هاللفته على فزعتهم ..

بوخالد911

24-04-2011, 10:15 AM

صحيح

اليوم تكلموا بوطني الحبيب وقال المتصل لقووها 4 فجرا

الحمد لله للفزعة

تحياتي قبل انقطاع فزعااتي

الحجاجي

24-04-2011, 10:20 AM

وصلني هالخبر وفرحت يوم وصلني بأنه لقوها

وبدون اي اضرار لها ...

بس اشلون طلعت وامها وين عنها

انقهرت وانقهرت وانقهرت من هالاهمال

بنت بهالعمر اشلون اخليها :(

والحمدلله على سلامتها

أختي حراير ..

الحمدلله على سلامتها ..

كلنا انقهرنا .. وكدرنا الموضوع
وضايقنا وكل ما كنا نحس بالتعب واحنا ندور
نتذكر وضع اهلها وحالتهم ..

والحمدلله .. الله لطف بها وبهم ..

الحجاجي

24-04-2011, 10:24 AM

مب غريبه على شباب قطر وقت الفزعه ماشاء الله عليهم
اخبر نفس الشي مره جانا خبر إسعاف مضيع في سيلين ومغرز و الشباب على طول دورو عليه وطلعوه من التغريزه ووصلوه للحادث

شباب فيهم الخير ..
الله يحرسهم ويحفظهم ..

الحمدلله زين لقوها ..

بس انا هالمواضع اطنشها يوم توصلني لان الاغلب ينشر اشاعات ..

كل اسبوع يوصلني مسج طفل ضايع وطفله ضايعه الله اعلم صج ولاكذب ما ادري ...!!

والله اخوي عزيزوف .. الحال من بعضه
بس ساعات اذا المسج من شخص معروف
نتصل ونسأل ونتاكد ..

وهالشيء الي المفروض يصير
ان محد يرسل إلا الشيء المتاكد منه ..

عشان نستفيد من هالتكنولوجيا بشكل سليم ..

حياك الله

قطريه ماركه

24-04-2011, 10:41 AM

الحمدلله على سلامتها ...

Doha Sun

24-04-2011, 10:44 AM

من كثر السوالف والكذب على البلاك بيري ماعاد الناس يثقون اذا كانت السالفة صدق ولا كذب ..
والحمد لله انهم لقوها ..
وسلمت يمناك على الموضوع

wadha-qa

24-04-2011, 10:57 AM

الحمد لله على سلامتها فديتها عاد ضايعه بالليل مسكينه والله عورت قلبي

ام السعف

24-04-2011, 11:03 AM

الحمدلله لقوها والحمدلله على سلامتها

ويسلمون الجميع على فزعتهم ،،

مستر بن

24-04-2011, 11:09 AM

اللهـ يحفظ اهل قطر ,, صج وقت الفزعة ,, مافي مثلهم ’’

الحمد لله ع سلامتهم (:

الـقـاسـي

24-04-2011, 11:10 AM

الحمد لله على سلامتها ,, وفي ذمتي أن اهل قطر معروفين بفزعتهم وطيبهم ..
جعل ربي يحفظها واهلها من كل شر ..

مستر بن

24-04-2011, 11:10 AM

رقم المشاركة : 14 يوم أمس, 06:55 PM
awfa
عضو جديد

رد: الطلفلة المفقودة في شمال قطر

--------------------------------------------------------------------------------

السلام عليكم ورحمة الله وبركاته

أنا أوفى بن غصاب العدوي

أبو البنت التي ضاعت في الجذيع يوم أمس, والتي توارد الموقع ذكرها.
أحببت أن أرد على الناس التي تقول أنه يوجد إهمال من الأهل بجملتين
الأولى أننا في عائله تحرص على أولادها بشكل كبير وأمها دائما عينها على البنت دائما.
الثانية عندما يحل القدر يعمى البصر
الله يمتحن ويبتلي والحمد لله البنت رجعت لنا سالمه

وما أنسى أذكر أهل قطر الأبطال اللذين وقفوا معنا في هذه المحنه أشكرهم وأشكر كل أفراد وإدارات الدوله التي قدمت من أجلنا, وأشكر أيضا كل من ساهم وساعد وقام البدعاء

وجزاكم الله خيرا

,,

هااي مشاركة ابووها ’’

الحجاجي

24-04-2011, 11:16 AM

صحيح

اليوم تكلموا بوطني الحبيب وقال المتصل لقووها 4 فجرا

الحمد لله للفزعة

تحياتي قبل انقطاع فزعااتي

الحمدلله رب العالمين ..

اهم شيء لا تنقطع الفزعــة ..:nice:

حياك الله بوخالد

بـــــــنت النوخـّــــذه

24-04-2011, 11:16 AM

معروفين يحبون الفزعــــــــــــــــــــــه

الحجاجي

24-04-2011, 11:18 AM

الحمدلله على سلامتها ...

الله يسلمج اختي قطريه ..
الله لطف عليهم ولقوها حيه في هالبر وهالليل ..

من كثر السوالف والكذب على البلاك بيري ماعاد الناس يثقون اذا كانت السالفة صدق ولا كذب ..
والحمد لله انهم لقوها ..
وسلمت يمناك على الموضوع

وتسلم يالطيب ..
اللي علينا نتبع المرسل ونتاكد اذا صج ولا لا ..
ماتدري سبحان الله مرات تصدق السالفه ..

تسلم يالطيب .. الله يحفظ عيالنا ..

%حورية قطر%

24-04-2011, 11:19 AM

ياقلبي عليها
الحمدلله انهم حصلوها سالمة ....
الله يحفظ اطفال المسلمين من كل سوء

الحجاجي

24-04-2011, 11:22 AM

الحمد لله على سلامتها فديتها عاد ضايعه بالليل مسكينه والله عورت قلبي

اختي وضحه كلنا أثر فينا الموضوع
عمرها وااايد صغير ..
الله ستر عليها

الحمدلله لقوها والحمدلله على سلامتها

ويسلمون الجميع على فزعتهم ،،

الحمدلله رب العالمين ..
الفزعـة واجب ..

اللهـ يحفظ اهل قطر ,, صج وقت الفزعة ,, مافي مثلهم ’’

الحمد لله ع سلامتهم (:

الحمدلله .. وكفو عليهم ما قصرو

الحمد لله على سلامتها ,, وفي ذمتي أن اهل قطر معروفين بفزعتهم وطيبهم ..
جعل ربي يحفظها واهلها من كل شر ..

مرحبا اخوي القاسي
اكيد يالغالي ..
لو تشوفنا ربعنا من اهل الشمال
والمقانيص ..
ما خلو شجره ولا حفره الا ولفو عليها ..

بس محد توقع انها قريبه من خط القار لان مسافه ..

معروفين يحبون الفزعــــــــــــــــــــــه

هالشيء فطرة فينا ،، ودينا يحثنا على التعاون ومساعدة الغير ..

meme~qatar

24-04-2011, 11:29 AM

الحمدلله على سلامتها
كنت افكر فيها والله

رجوان

24-04-2011, 11:38 AM

وصلني هالخبر وفرحت يوم وصلني بأنه لقوها

وبدون اي اضرار لها ...

بس اشلون طلعت وامها وين عنها

انقهرت وانقهرت وانقهرت من هالاهمال

بنت بهالعمر اشلون اخليها :(

والحمدلله على سلامتها

اي والله وين امها عنها عيل ليش يجيبون عيال اذا مهملينهم حسبي الله ونعم الوكيل

basma222

24-04-2011, 11:40 AM

الحمدلله على سلامتها

بيانو

24-04-2011, 12:30 PM

جزاكم الله خير ياشباب وخصوصاً أهل الشمال والنعم فيهم

والنعم أيضاً فى كل الشباب

تونى سامع الموضوع من واحد من أهل الشمال واللى كان من طمن الناس اللى وصلت لهم الخبر وراح ودور مع الناس لحد ما تم العثور على الطفله

وفعلاً كان فى عدد كبير تجاوب فور وصل الرساله والخبر

جزاهم الله خير جميعاً

الحجاجي

24-04-2011, 12:47 PM

ياقلبي عليها
الحمدلله انهم حصلوها سالمة ....
الله يحفظ اطفال المسلمين من كل سوء

اللهم آمين

والحمدلله

شكراً لمرورك الكريم اختي حوريه

الحجاجي

24-04-2011, 12:48 PM

الحمدلله على سلامتها
كنت افكر فيها والله

الحمدلله على سلامتها
والله يحفظ عيالنا وعيال المسلمين ..

اي والله وين امها عنها عيل ليش يجيبون عيال اذا مهملينهم حسبي الله ونعم الوكيل

ما نقدر نقول شيء
إلا الله يعينهم ..

الحمدلله على سلامتها

الحمدلله رب العالمين

جزاكم الله خير ياشباب وخصوصاً أهل الشمال والنعم فيهم

والنعم أيضاً فى كل الشباب

تونى سامع الموضوع من واحد من أهل الشمال واللى كان من طمن الناس اللى وصلت لهم الخبر وراح ودور مع الناس لحد ما تم العثور على الطفله

وفعلاً كان فى عدد كبير تجاوب فور وصل الرساله والخبر

جزاهم الله خير جميعاً

فعلاً بيانو كان المكان مثل خلية نحل الله يحفظهم
وما قصروا

ابوالعز

24-04-2011, 12:53 PM

الحمدالله انهم لقو البنت
هذا اهم شي
والشكر موصول لكل من ساهم
والله يجزاهم خير

Locale

24-04-2011, 12:59 PM

الياهل بس تغفل عنه دقيقه يسوي لك مفاجأه

انا ما ألوم الأم
مو لان ضاعت منها قلنا اهمال
نحتسب لها عذر ماكنا موجودين علشان نقول اهملتها
وقدر الله وماشء فعل

ويستاهلون سلامتها*

شبح الصمت

24-04-2011, 01:03 PM

ارحم الله والديك يالحجاجي

ومهب غريب هالموقف وهالفزعـه

نفزع للبعيد ما تبي نفزع للقريب

البوررصة

24-04-2011, 01:04 PM

أهل الشمال اجاويد

ازغوىAAA

24-04-2011, 01:07 PM

معناته انه البيبي منه فوائد لو استغل استغلال طيب

ahmed_4qa

24-04-2011, 01:22 PM

الله يعطيك العافيه يا شباب قطر قدها وقدود

ابو ضمير

24-04-2011, 01:31 PM

الحمدلله وجزى الله كل خير الي ساهم بالبحث عنها

علي رشيد

24-04-2011, 01:44 PM

الله ستر !!

ماضي

24-04-2011, 02:04 PM

سهيل قطر

24-04-2011, 02:06 PM

بوحارب

24-04-2011, 02:53 PM

الحمدلله اللي حصلوها :)

ممنوع اللمس

24-04-2011, 03:44 PM

ماعندي بيبي والا كان رحت

بصمة قطرية

24-04-2011, 03:45 PM

الحمدلله اللي حصلوها وهي بخير ~
الله يحفظهم شبابنا
يعطيك العافية أخوي ~

كبريت

24-04-2011, 04:14 PM

الحمدلله

boamir

24-04-2011, 04:24 PM

الحمدلله

ززين مادهست بالسيااراات وهم مهتمين يدورون عليهاا لانه فيه شباب الله يهديهم السررعه في كل شيء عندهم شيء طبيعي

والبحث عن طفله المفروض على الاقدام مب سيارات لانه فيه خطرر انه تدهس الله يتسرر على اطفالنا من جهل بعض الشباب

والله هو الحاافظ

شااكر لك الطرح اخوي

بالعقل يعني إلي قاعد يدور عليها بالسياره يمشي 180 ولا 200
اكيد يمشي شوي شوي عشان الليت دام إنهم في البر

حتى لو سوو خير الشباب تنتقدونهم :(

tarek

24-04-2011, 04:34 PM

الحمد لله على سلامتها

الغالي!

24-04-2011, 04:56 PM

المشكله البلاك بيري سالفه صدق وعشر كذب

toomi9

24-04-2011, 05:05 PM

يعطيكم ويعطيهم العافيه

آلشقب

24-04-2011, 05:13 PM

بالعقل يعني إلي قاعد يدور عليها بالسياره يمشي 180 ولا 200
اكيد يمشي شوي شوي عشان الليت دام إنهم في البر

حتى لو سوو خير الشباب تنتقدونهم :(

" وَالْلَّهِ آَنَـكُـ صَـاجْ "

:(

(وَالْحَمْدُلِلَّهِ عَلَىَ سَلَامَةِ الْبِنْتُ )

:)

الماريّة

24-04-2011, 07:41 PM

الحمدالله على العقلان

:)

وفديتنا دومنا هل فزعه ياهل الشمال

^_^

Locale

24-04-2011, 08:17 PM

الحمد لله

بنت الريان

24-04-2011, 08:18 PM

الحمدلله على سلامتها ،، الله لطف فيها ويعطيكم العافيه وكفوا ياهل قطر

Rayane

24-04-2011, 08:29 PM

سنيتن عمرهآ..... لين 4 الفجر.... الحمدلله على سلامتها..... ولا هي كانت بين عقرب وحيه وثعل....

وجعلني والله ما اخلا من شباب قطر وأهلها..... فديت خشومهم... خشم خشم.... والله يعطيهم على قد نياتهم ويوفقهم دنيا وآخره..... ( في ذمتي انهم يستآهلون كل خير ربعنا وأهلنا )

ومشكور يالحجاجي على الموضوع والمبادره...

ضحية البورصة

24-04-2011, 09:28 PM

كفو والله

الصريحه

24-04-2011, 11:19 PM

يارب لك الحمد اولا واخيرا

منعنش للابد

25-04-2011, 06:55 AM

السلام عليك اخوي الحجاجي

انا درت معاهم بس من كملت ساعة خفت لادوسها وهي نايمه لا سمح الله

وهي بالذات في هال العمر ورجعت اخلي اهل الاختصاص يتولون الموضوع وخاصة في الليل

سالت وجاني الجواب من مركز الشرطه انها قطعت مسافة لاتقل عن 3 كيلو

وعينها شباب البحث الجنائي في مكان محد كان يتوقعه وهو

شمال زرع الشيخ خالد بن عبدالرحمن الثاني نايمه جنب تريب ( قطعت خط القار بدون محد يشوفها )

البيت بيتك

25-04-2011, 07:05 AM

الحمدالله على السلامه اهم شي انها بخير
و اهل قطر فيهم الخير

مضارب مستثمر

25-04-2011, 07:14 AM

الحمد لله عالسلامه,,,,,ربي حفظها

وماقصروا الجميع يشكرون للمجهود الطيب

الحجاجي

25-04-2011, 07:19 AM

الحمدالله انهم لقو البنت
هذا اهم شي
والشكر موصول لكل من ساهم
والله يجزاهم خير

فعلاً اخوي جزاهم الله خير ..
والله لا يروي حد مكروه ..

الياهل بس تغفل عنه دقيقه يسوي لك مفاجأه

انا ما ألوم الأم
مو لان ضاعت منها قلنا اهمال
نحتسب لها عذر ماكنا موجودين علشان نقول اهملتها
وقدر الله وماشء فعل

ويستاهلون سلامتها*

فعلاً الله يعينهم ..

ارحم الله والديك يالحجاجي

ومهب غريب هالموقف وهالفزعـه

نفزع للبعيد ما تبي نفزع للقريب

ووالديك اخوي
والفزعـة فطرة فينا ..

أهل الشمال اجاويد

والنعم في اهل الشمال واهل قطر كافه ..

معناته انه البيبي منه فوائد لو استغل استغلال طيب

شيء اكيد البلاك بيري فيه منه فوائد لو استغل بالشكل السليم ...

الله يعطيك العافيه يا شباب قطر قدها وقدود

الله يعافيك اخوي احمــد .. وعساهم على القوة شبابنا

الحمدلله وجزى الله كل خير الي ساهم بالبحث عنها

يجزاهم كل الخير تعبو تعب ... بس راح التعب لما لقو البنت

الله ستر !!

الله حافظ وساتر .. والله لطف بهم ولقوها سليمه ..

الحجاجي

25-04-2011, 07:26 AM

صدق من سمى اهل قطر الاد نفيع كل ينفع خوية ويساعده وقت الحاجة ولاهي غريبة على اهل قطر .

الحمدلله على سلامة البنت وردتها للاهلها سالمة والشكر للاخ الحجاجي على طرحه للموضوع والله يجزي خير كل من سعى في العثور على هذه الطفلة.

اكيد اخوي ماضي
يجزاهم الله خير ..
ما قصرو شبابنا وعساهم على القوة ..

الحمدلله

ززين مادهست بالسيااراات وهم مهتمين يدورون عليهاا لانه فيه شباب الله يهديهم السررعه في كل شيء عندهم شيء طبيعي

والبحث عن طفله المفروض على الاقدام مب سيارات لانه فيه خطرر انه تدهس الله يتسرر على اطفالنا من جهل بعض الشباب

والله هو الحاافظ

شااكر لك الطرح اخوي

العفو اخوي ..
فيه ناس كانو يمشون رجل ..
والدوريات كان يحطون علامات على الأماكن اللي تم تمشيطها ..
والشباب فيهم الخير يدورون بالعدال ..
الحمدلله اللي حصلوها :)

الحمدلله رب العالمين
تسلم يابوحارب

ماعندي بيبي والا كان رحت

حصل خير اخوي .. الله يرزقك ..

الحمدلله اللي حصلوها وهي بخير ~
الله يحفظهم شبابنا
يعطيك العافية أخوي ~

الحمدلله رب العالمين ..
العفو اختي وحياج الله ..

الحمدلله

الحمدلله ..

الحمد لله على سلامتها

الله يسلمك وتسلم اخوي

المشكله البلاك بيري سالفه صدق وعشر كذب

اكيد اخوي .. من كثرة اللي يرسلون بدون تاكد
لكن واجب عليك تتاكد من اللي يرسل .. ماراح تخسر شيء ..

يعطيكم ويعطيهم العافيه

الله يعافيك يارب ..

" وَالْلَّهِ آَنَـكُـ صَـاجْ "

:(

(وَالْحَمْدُلِلَّهِ عَلَىَ سَلَامَةِ الْبِنْتُ )

:)

الله يسلمك اخوي الشقب .. وعساك على القوة ..

abo saif

25-04-2011, 07:27 AM

يعطيك العافيه اخوي الحجاجي

ماشاء الله شي يثلج الصدر

،،،
ام اقول شكلك قناص جديد

بالتوفيق

moonبنتnight

25-04-2011, 07:29 AM

ماقصروا جهات الامنية وأهل قطر 00 ربي فرحهم مثل ما فرحوا أهلها 00
والله يعطيهم العافية أهل شهامة والفزعة 00

الحجاجي

25-04-2011, 07:30 AM

الحمدالله على العقلان

:)

وفديتنا دومنا هل فزعه ياهل الشمال

^_^

الحمدلله رب العالمين ..
اهل الشمال فيهم الخير واجاويد ..
عساهم على القوة ..

الحمد لله

الحمدلله رب العالمين ..

الحمدلله على سلامتها ،، الله لطف فيها ويعطيكم العافيه وكفوا ياهل قطر

الله يعافيك اختي بنت الريان ..
وكفو عليهم شبابنا ..

سنيتن عمرهآ..... لين 4 الفجر.... الحمدلله على سلامتها..... ولا هي كانت بين عقرب وحيه وثعل....

وجعلني والله ما اخلا من شباب قطر وأهلها..... فديت خشومهم... خشم خشم.... والله يعطيهم على قد نياتهم ويوفقهم دنيا وآخره..... ( في ذمتي انهم يستآهلون كل خير ربعنا وأهلنا )

ومشكور يالحجاجي على الموضوع والمبادره...

صادق اخوي .. الله ستر عليها وسلمها ..

الله يوفقهم ويستر عليهم ..

كفو والله

تسلم يالغالي ..

يارب لك الحمد اولا واخيرا

الحمدلله رب العالمين ..

السلام عليك اخوي الحجاجي

انا درت معاهم بس من كملت ساعة خفت لادوسها وهي نايمه لا سمح الله

وهي بالذات في هال العمر ورجعت اخلي اهل الاختصاص يتولون الموضوع وخاصة في الليل

سالت وجاني الجواب من مركز الشرطه انها قطعت مسافة لاتقل عن 3 كيلو

وعينها شباب البحث الجنائي في مكان محد كان يتوقعه وهو

شمال زرع الشيخ خالد بن عبدالرحمن الثاني نايمه جنب تريب ( قطعت خط القار بدون محد يشوفها )

صادق اخوي .. الله ستر عليها .. رغم ان البحث خذ وقت طويل ..
لان المنطقة كبيرة ..

الحمدالله على السلامه اهم شي انها بخير
و اهل قطر فيهم الخير

الحمدلله رب العالمين ...

الحمد لله عالسلامه,,,,,ربي حفظها

وماقصروا الجميع يشكرون للمجهود الطيب

العفو اخوي يستاهلون شبابنا كل التقدير

الحجاجي

25-04-2011, 07:32 AM

يعطيك العافيه اخوي الحجاجي

ماشاء الله شي يثلج الصدر

،،،
ام اقول شكلك قناص جديد

بالتوفيق

هلا بو سيف الله يعافيك ..
ايه قناص جديد ..

مب راقد في البيت ..
:nice:
ماقصروا جهات الامنية وأهل قطر 00 ربي فرحهم مثل ما فرحوا أهلها 00
والله يعطيهم العافية أهل شهامة والفزعة 00

اكيد اختي ما قصرو تعب الله يعينهم ..

الحجاجي

25-04-2011, 07:33 AM

اليوم الجريدة مغطــية الموضوع بالصور .. وبالتفاصيل ...

عساهم على القوة شبابنا .. ما قصروا ..

وحبيت اوضح انه عدد سيارات شباب قطر فوق 50 سيارة ...

http://www.mqanes.com/vb/uploaded/1510_1303704770.jpg

منسق قطري

25-04-2011, 07:50 AM

تباشير الفجر

25-04-2011, 08:22 AM

حراير قطر

25-04-2011, 08:24 AM

آه يا قلبي لازم التفاصيل

بنت بهالعمر اخليها :(

كم ساعه ضايعه يا ويلي ويقول ابوها مب اهمال :(

حسبي الله ونعم الوكيل ...

الحجاجي

25-04-2011, 09:50 AM

اعتقد السيارات الي شاركت في البحث أكثر من 500 سيارة والصحفي ركز على سيارات الشرطة فقط
انا شاركت في البحث من الساعة 12:30 الى 4 الفجر وعندها كلمنا الشرطي وقال لقوها على خط الشمال.
والبير الي في الصورة تم شفط الماء منه لان الجميع اعتقد ان البنت طاحت فيه ولكن الحمدلله لم يتم العثور عليها في البير فاستمرت عملية البحث إلى 4 الفجر.

منسق قطري ..

جزاك الله خير في ميزان حسناتك ..

كنا ندور من بعيد ما دخلنا صوبهم لما يشفطون الماي ..
لان هذا شغلهم ..
وما نبي نتفرج ..

تمينا ندور لين صدعنا من التركيز ..

وتصدق .. اخوي بوجاسم اللي كان يسوق
قال انا اتوقع تكون راحت صوب الشارع ..

لان البنت في الظلام شافت ليتات خط الشمال
فاكيد بتتحرك صوبه ..

واحنا قلنا له ما نعتقد هالشيء المسافة بعيدة

وسبحان الله طلع تحليله هو الصح ..

حياك الله اخوي
وفي ميزان حسناتك

الحجاجي

25-04-2011, 09:52 AM

الحمدلله الحمدلله رب العالمين
بصراحه ما تخيل شعور امها في الوقت الي كانوا يبحثون فيه اكيد انهيار حااد اليهال بهالسن المفروض العين ماتغفل عنهم ونحطهم جدامنا 24 ساعه
حمدلله على كل حال وهذا العشم فيكم يا شباب بلادي الله يخليكم لنا ذخر ياااارب

أكيد هالشيء اختي تباشير

قدر الله وما شاء فعل

اللي فهمته ان الحريم كانو في مكان بعيد شوي
وصاد عن مكان جلسة الرجال ..

وهي تبي تروح لحد منهم ..

وما فقدوها إلا لين جو يبون يردون البيت

وكل جهه تفكر انها عند الثانية ..

عالعموم مقدر ومكتوب ..

الله لطف عليها وعلى اهلها

جزاك الله خير

الحجاجي

25-04-2011, 09:54 AM

آه يا قلبي لازم التفاصيل

بنت بهالعمر اخليها :(

كم ساعه ضايعه يا ويلي ويقول ابوها مب اهمال :(

حسبي الله ونعم الوكيل ...

اختي حراير
سلامة قلبك ..

أكيد أهمال

على الأقل ما يخلونها تروح بروحها

لازم كان حـد يكون ملازم معاها على طول

او يتاكدون بنفس الوقت انها عند الحريم ..

awfa

25-04-2011, 11:53 PM

اختي حراير
سلامة قلبك ..

أكيد أهمال

على الأقل ما يخلونها تروح بروحها

لازم كان حـد يكون ملازم معاها على طول

او يتاكدون بنفس الوقت انها عند الحريم ..

السلام عليكم ورحمة الله وبركاته
أنأ أوفى بن غصاب العدوي (أبو لميس)

أشكر كل الإخوه وكل من شارك في البحث أو قام بالتضرع لله في مكان الواقعة أو بيته، حزاهم الله كل الخير.
إخواني الأعزاء تنويه بسيط جدا ، أنا أعرف انه أول ما يخطر على بال الواحد منك أن السبب هو الإهمال ، ولكن ...... عمركم ما صار لكم اي موقف أو حادث رغم الإنتباه وأخذ الحيطة والحذر.
وهذا ما صار معنا ، فأمها لم تغب عن عينها طيلة السنتين وتسع أشهر ، تتفقدهم دائم في جميع أحوالهم وخاصة في مثل هذه اللحظات وتنبه عليهم وتكلمهم وتوصيهم وتحرصهم قبل ما ننزل من السيارة وأثناء ذهابنا للبر، وعند الوصول ما تعتمد على أحد أنه ياخذ دور المتابع لتحركات طفليها الوحيدين.
وأيضا على صعيد أولاد إخواني ما أحد منهم يبتعد عن المكان اللذي قاعدين فيه في الكشتات ابدا ، حتى لو في أعمار أكبر من عمر لميس .
ومع هذا كله تكون فاجعة الضياع للبنت أقسى وأشد.
لذلك الرجاء عدم القول إنه يوجد إهمال
من فضلكم
أحب ألفت إنتباه الجميع لعدم ذكر قضية الإهمال والتعويل عليها وأخذها وكأنها السبب الأول والأخير. والله يفعل ما يشاء ويريد ويمتحن عباده ، والله يعينا ويعينكم على الصبر في السراء والضراء وجزاكم الله خيرا.

صوت الضمير

26-04-2011, 12:51 AM

الحمدلله على سلامتها استانست يوم دريت انهم لقوها

موب غريبه على شباب بلادي الفزعه

أبداع

كاشف الغطاء

26-04-2011, 02:11 AM

شباب قطر الله يعطيهم العافية معروفين بالفزعة

بس يوم وصلني البرودكاست قلت يمكن اشاعة لانه دوم توصلنا هالاشيه

ريان

26-04-2011, 02:28 AM

السلام عليكم ورحمة الله وبركاته
أنأ أوفى بن غصاب العدوي (أبو لميس)

أشكر كل الإخوه وكل من شارك في البحث أو قام بالتضرع لله في مكان الواقعة أو بيته، حزاهم الله كل الخير.
إخواني الأعزاء تنويه بسيط جدا ، أنا أعرف انه أول ما يخطر على بال الواحد منك أن السبب هو الإهمال ، ولكن ...... عمركم ما صار لكم اي موقف أو حادث رغم الإنتباه وأخذ الحيطة والحذر.
وهذا ما صار معنا ، فأمها لم تغب عن عينها طيلة السنتين وتسع أشهر ، تتفقدهم دائم في جميع أحوالهم وخاصة في مثل هذه اللحظات وتنبه عليهم وتكلمهم وتوصيهم وتحرصهم قبل ما ننزل من السيارة وأثناء ذهابنا للبر، وعند الوصول ما تعتمد على أحد أنه ياخذ دور المتابع لتحركات طفليها الوحيدين.
وأيضا على صعيد أولاد إخواني ما أحد منهم يبتعد عن المكان اللذي قاعدين فيه في الكشتات ابدا ، حتى لو في أعمار أكبر من عمر لميس .
ومع هذا كله تكون فاجعة الضياع للبنت أقسى وأشد.
لذلك الرجاء عدم القول إنه يوجد إهمال
من فضلكم
أحب ألفت إنتباه الجميع لعدم ذكر قضية الإهمال والتعويل عليها وأخذها وكأنها السبب الأول والأخير. والله يفعل ما يشاء ويريد ويمتحن عباده ، والله يعينا ويعينكم على الصبر في السراء والضراء وجزاكم الله خيرا.

وعليكم السلام ورحمة الله وبركاته

اخوي - اوفى ..الحمدلله على سلامة لميس

و ذكر الاهمال عند الاخوان والاخوات ناتج عن اللحظات التي عاشها اعضاء المنتدى

في ترغب الاخبار عن البنت وسلامتها .

وليست القصد منه الاسائه لاحد ابدا .

الحجاجي

26-04-2011, 07:30 AM

السلام عليكم ورحمة الله وبركاته
أنأ أوفى بن غصاب العدوي (أبو لميس)

أشكر كل الإخوه وكل من شارك في البحث أو قام بالتضرع لله في مكان الواقعة أو بيته، حزاهم الله كل الخير.
إخواني الأعزاء تنويه بسيط جدا ، أنا أعرف انه أول ما يخطر على بال الواحد منك أن السبب هو الإهمال ، ولكن ...... عمركم ما صار لكم اي موقف أو حادث رغم الإنتباه وأخذ الحيطة والحذر.
وهذا ما صار معنا ، فأمها لم تغب عن عينها طيلة السنتين وتسع أشهر ، تتفقدهم دائم في جميع أحوالهم وخاصة في مثل هذه اللحظات وتنبه عليهم وتكلمهم وتوصيهم وتحرصهم قبل ما ننزل من السيارة وأثناء ذهابنا للبر، وعند الوصول ما تعتمد على أحد أنه ياخذ دور المتابع لتحركات طفليها الوحيدين.
وأيضا على صعيد أولاد إخواني ما أحد منهم يبتعد عن المكان اللذي قاعدين فيه في الكشتات ابدا ، حتى لو في أعمار أكبر من عمر لميس .
ومع هذا كله تكون فاجعة الضياع للبنت أقسى وأشد.
لذلك الرجاء عدم القول إنه يوجد إهمال
من فضلكم
أحب ألفت إنتباه الجميع لعدم ذكر قضية الإهمال والتعويل عليها وأخذها وكأنها السبب الأول والأخير. والله يفعل ما يشاء ويريد ويمتحن عباده ، والله يعينا ويعينكم على الصبر في السراء والضراء وجزاكم الله خيرا.

السلام عليكم اخوي ابو لميس

اول شيء أحيي فيك أهتمامك ومتابعتك للموضوع
ثاني شيء الحمدلله على سلامه لميس قرت عينك وعين امها بها

قدر الله وما شاء الله فعل ..

اخوي احنا ذكرنا الأهمال من باب أن اللوم الأول والأخير يقع على الأب والأم
هم المسؤولين عن ابنائهم في كل مكان سواء داخل البيت أو خارجــه ..

بغض النظر عن الحكمه الألهية وقدرت الله والمكتوب .
لكن الأنسان يتبع الأسباب .

في الأخير الله لطف بكم
والحمدلله رب العالمين بفضله ومنته أن بنتكم في خير

واعذرني كلامي عفوي وفطري من باب أحساسي
اللي حسيته في اللحظة اللي كنا ندور على البنت
في الظلام وبين الحفور والعواسج

الحجاجي

26-04-2011, 07:32 AM

الحمدلله على سلامتها استانست يوم دريت انهم لقوها

موب غريبه على شباب بلادي الفزعه

أبداع

الله يسلمك
شيء اكيد شبابنا فيهم الخير والبركه ..
الله لا يرويهم مكروه ..

شباب قطر الله يعطيهم العافية معروفين بالفزعة

بس يوم وصلني البرودكاست قلت يمكن اشاعة لانه دوم توصلنا هالاشيه

صحيح اخوي ..
في مثل هالأمور نحاول نسال حد قريب من المنطقة المذكورة
لعل وعسى يكون الموضوع صحيح ..

وعليكم السلام ورحمة الله وبركاته

اخوي - اوفى ..الحمدلله على سلامة لميس

و ذكر الاهمال عند الاخوان والاخوات ناتج عن اللحظات التي عاشها اعضاء المنتدى

في ترغب الاخبار عن البنت وسلامتها .

وليست القصد منه الاسائه لاحد ابدا .

اخوي ريان صبحك الله بالنور
أشكر لك اخوي توضيحك ..
جزاك الله خير

بوسلمان 2010

26-04-2011, 08:26 AM

الحمدالله على سلامت البنت وما قصرو هل قطر الله يبيض الله وجوهم والقوات المشتركه وعلى راسهم وزير الداخليه الشيخ / عبدالله بن ناصر ال ثاني والله ومليون نعم يستاهل بوناصر

رذاذ

26-04-2011, 08:32 AM

والله يوم اروح الشمال احس بفخر واحترام ..
شلون

كل ما تمر على واحد يمر يسلم يرفع يده

بعكس الى يصير عندنا بشارع السد ولا النصر ولا

وتحس انه يرحب بك من قلبه ..

عسا ربي يوفقهم ويحميهم من كل شر

بومحمد911

26-04-2011, 08:56 AM

الحمدلله ان ما صابها مكروه

وشكرا لرجال قطر

ALHAJAJI

26-04-2011, 09:01 AM

الحمد لله على سلامتها وجعلها قرة اعين والديها

ولشباب قطر اقول

كفووووووووو

الشاااهين

26-04-2011, 09:06 AM

السلام عليكم ورحمة الله وبركاته
أنأ أوفى بن غصاب العدوي (أبو لميس)

أشكر كل الإخوه وكل من شارك في البحث أو قام بالتضرع لله في مكان الواقعة أو بيته، حزاهم الله كل الخير.
إخواني الأعزاء تنويه بسيط جدا ، أنا أعرف انه أول ما يخطر على بال الواحد منك أن السبب هو الإهمال ، ولكن ...... عمركم ما صار لكم اي موقف أو حادث رغم الإنتباه وأخذ الحيطة والحذر.
وهذا ما صار معنا ، فأمها لم تغب عن عينها طيلة السنتين وتسع أشهر ، تتفقدهم دائم في جميع أحوالهم وخاصة في مثل هذه اللحظات وتنبه عليهم وتكلمهم وتوصيهم وتحرصهم قبل ما ننزل من السيارة وأثناء ذهابنا للبر، وعند الوصول ما تعتمد على أحد أنه ياخذ دور المتابع لتحركات طفليها الوحيدين.
وأيضا على صعيد أولاد إخواني ما أحد منهم يبتعد عن المكان اللذي قاعدين فيه في الكشتات ابدا ، حتى لو في أعمار أكبر من عمر لميس .
ومع هذا كله تكون فاجعة الضياع للبنت أقسى وأشد.
لذلك الرجاء عدم القول إنه يوجد إهمال
من فضلكم
أحب ألفت إنتباه الجميع لعدم ذكر قضية الإهمال والتعويل عليها وأخذها وكأنها السبب الأول والأخير. والله يفعل ما يشاء ويريد ويمتحن عباده ، والله يعينا ويعينكم على الصبر في السراء والضراء وجزاكم الله خيرا.

اخوي الحمدلله على سلامتها وقرت عيونكم والله يحفظها لكم
كــــــــــــــــــــــــــــــــــــــفو كــــــــــــــــــــــــــــفو كــــــــــــــــــــــــــفو كـــــــــــــــــــــــــــــــفو
ياهـــــــــــــــــــــــــــــــــــــــــــــــ ــــــــــــــــــل قــــــــــــــــــــــــــــــــــــــــــــــطر
الله يجــــــــــــــــــــــــــــــــزاكم الـــــــــــــــــــــــــــــــــــــف خـــــــــــــــــــــــــــــــير

G0LD

26-04-2011, 09:07 AM

أهل قطر أهل الكرم والخير والفزعه ومنذ القدم

والحمدلله على سلامتها

والبركه في كل من ساهم من وزارة الداخليه والدفاع المدني وكثير من الجهات

وشباب قطر والله يعطيكم الف الف عافيه

شكرا اخي الحجاجي

CiTy

26-04-2011, 11:13 PM

السلام عليكم ،،
أنا في تصوري الي زاد وطول الوقت حتى حين العثور عليها هم فزعة الناس الي تجمهرو في المنطقة ،، المشكلة ان احنا انفكر بقلبنا وليس عقلنا ،، والبعض منا يب يتطمش ومنهم بحسن نيه ،، ولكن هذا كان شيء سلبي وليس اجابي على البنت ،،،، أنا في تصوري لو ترك الأمر للجهات المختصة دون تدخل الجمهور كان حصولها في نصف ساعة لكن تجمهر الناس اخفا معالم وأثر البنت هذا غير انهم كانو ممكن يعرضون حياتها للخطر بسبب كثرة دوس السيارات في المنطقة وكان ممكن حد يدهسها بالخطأ ،،، أنا اقولكم اتركو الأمر للجهات المختصة وعن التجمهر والي في الغالب راح يكون بدون تنسيق وفي الغالب هو رد فعل عاطفي بدون ترتيب او يكون منسق بالعمل الجماعي ،، كل واحد كان يلف من كل جهة كانهم يدورن فقع ،، في المره القادمة عن اللقافة

^_*
انا مالي خص