( مواعيد مستشفى حمد .. ملينا الانتظار )

[حراير قطر]

السلام عليكم ورحمة الله وبركاته

عندي ولدي يشتكي من رأسه وعقب تحويل من عيادة الشرطة

رحت العيادة الخارجية بمستشفى حمد وشافه الدكتور

وعطاني كذا احتمال من الم اللي برأسه وقالي انه راح يأثر على

اسنانه ويتغير لونهم وانا شفت تغير لون اسنانه ولثته الى لون الاسود :(

وقالي الدكتور الموعد عقب اسبوعين من التصوير

التصوير كان في 19/4 والموعد اللي حصلته عقب شهر واشوي

بتاريخ 29/5 المهم قالولي كلمي الدكتور وعقب ما كلمته قالي تعالي بدايه

شهر 5 يعني عقب اسبوعين من التصوير معقوله انه تقرير التصوير المقطعي

يطلع عقب اسبوعين ليكون هالتقرير بيجي من اخر الدنيا :(

وقالي الدكتور اجي من نفسي وبدون ولدي يوم الاحد الساعه 7 الصبح

يعني قبل ما يدخلون عليه المرضى اللي عندهم مواعيد ...

وولدي كل يوم رأسي ورأسي ولون اسنانه تغيرت لين متى بنتظر هالموعد

قلت اخذ بالعياده المسائية عشان افتك من الزحمه وطلع نفس الشيء

ليش ما يسون مستشفى خاص بالقطريين ملينا والله

دعواتكم لولدي وان شاء الله ما يطلع اللي فيه شيء خطير

اختكم

حراير قطر

[عزيزوف]

الله يشفيه انشاءالله

[بوخالد911]

خطاكم الشر

[@شيخة@]

الله يشفيه ...

اي والله نبي شئ خاااص لنا لقطريين ليش ما يسون مستشفى خاص بالقطريين ملينا والله حالنا من حال الاجانب ولا بعد اهم احسن منا باشياء واااجد على قولتهم (خيرنا لغيرنا)

...

[قطريه ماركه]

الله يشفيه ..

ياليت يحقوون طلب الأقلية القطرية ببناء مستشفى خااااص بنا !!

[المزن الرياني]

الله يشفيه ويعافيه
اختي عليج بالرقيه الشرعيه والصدقه
والله عن تجربه

[حراير قطر]

الله يشفي جميع مرضى المسلمين

والشر ما يجيكم ...

والله يا شيخة لو اتشوفين المستشفى كلهم اجانب

والقطريين ينعدون على الاصابع اتقولين في بلادهم

مو كنا بقطر وطبعا لا حياة لمن تنادي :(

[حراير قطر]

الله يشفيه ويعافيه
اختي عليج بالرقيه الشرعيه والصدقه
والله عن تجربه

اللهم امين

وانا الحمدلله في كل طلعه اتصدق ...

[روح الاطلس]

اي اختي حراير الرنين المغناطيسي يكون التقرير بعد عشر ايام او اسبوعين من التصوير

لان ياخذون وقت على مايكتبونه ويطرشونه للملف

وانا اشوف اسبوعين وقت حلو

بالاهلي بنفس اليوم الا لو فيه شي ممكن تنطرين اكثر من يوم

بس حمد الضغــــــط عليه وايد

وكان ممكن تروحين تسوين الرنين بالخور اسرع لان الزحمه اقل

وقولي الحمدلله بعد اسبوعين :)

انا انطر لي اربع شهور عشان موعد والموعد مافيه شي غير كلمتين مع الطبيب وبس

طرشوا لي مسج ان الدكتور طالع اجازته والغي كل المواعيد لين يرجع :( ومالنا الا الصبر

[حراير قطر]

اي اختي حراير الرنين المغناطيسي يكون التقرير بعد عشر ايام او اسبوعين من التصوير

لان ياخذون وقت على مايكتبونه ويطرشونه للملف

وانا اشوف اسبوعين وقت حلو

بالاهلي بنفس اليوم الا لو فيه شي ممكن تنطرين اكثر من يوم

بس حمد الضغــــــط عليه وايد

وكان ممكن تروحين تسوين الرنين بالخور اسرع لان الزحمه اقل

وقولي الحمدلله بعد اسبوعين :)

انا انطر لي اربع شهور عشان موعد والموعد مافيه شي غير كلمتين مع الطبيب وبس

طرشوا لي مسج ان الدكتور طالع اجازته والغي كل المواعيد لين يرجع :( ومالنا الا الصبر

الله يشفيج اختي

التصوير مقطعي مو الرنين المغناطيسي

المفروض يكون في بديل للدكتور لو فيه حالات مهمه

والله يكون بالعون :( ...

[حراير قطر]

الله يشفيه ..

ياليت يحقوون طلب الأقلية القطرية ببناء مستشفى خااااص بنا !!

جزاج الله خير

واتمنى انه يشوفون لنا حل ...

[ام السعف]

الله يعينج :(

[حراير قطر]

الله يعينج :(

ويعينج اختي :( ...

[Miss Merna]

الله يشفية وانشالله ماعلية شر

[بنت الريان]

مايشوف شر إن شاء الله والله يخليه لك

[بن مسلم]

مشكلته ولدج انه قطري لو كان ليبي كان موضعه خالص واتحصلينه في احسن المستشفيات في اليونان او غيره .

والسؤال ليش هالتقصير يادولتنا الحبيبه مدينه طيبيه علي اعلي مستوي راح يتم انشائها في اليمن وفي قطر حاطت ايدنا نفس المستشفيات لا وصرنا انعالج الليبين وهل قطر مب محصلين مواعيد الصراحه عيب

[حراير قطر]

مشكلته ولدج انه قطري لو كان ليبي كان موضعه خالص واتحصلينه في احسن المستشفيات في اليونان او غيره .

والسؤال ليش هالتقصير يادولتنا الحبيبه مدينه طيبيه علي اعلي مستوي راح يتم انشائها في اليمن وفي قطر حاطت ايدنا نفس المستشفيات لا وصرنا انعالج الليبين وهل قطر مب محصلين مواعيد الصراحه عيب

الشر ما يجيكم ان شاء الله

اتهقى اروح اغير جوازه :telephone:

ما ادري لين وين بيوصل فينا الحال

ما انقول الا الله يكون بالعون ...

[tawareq]

عندي تحويل من المركز الصحي الى العيادة الخارجية للاسنان

التحويل شهر ثلاثة ( مارس ) قالت لي الموظفة الموعد شهر خمسة او ستة ( مايو او يونيو ) في الويتنغ ( الانتظار)


شرايكم

والخوف ان اكثر الدكاترة في فترة الصيف في اجازات يعني روح مركز خاص احسن لك وادفع

[رجل الجزيرة]

مشكلته ولدج انه قطري لو كان ليبي كان موضعه خالص واتحصلينه في احسن المستشفيات في اليونان او غيره .

والسؤال ليش هالتقصير يادولتنا الحبيبه مدينه طيبيه علي اعلي مستوي راح يتم انشائها في اليمن وفي قطر حاطت ايدنا نفس المستشفيات لا وصرنا انعالج الليبين وهل قطر مب محصلين مواعيد الصراحه عيب

إتق الله جزاك الله خير، الله يهداك بس‘ إنشد شيبانك ما أحد يساعد أهل قطر إلا الليبيين خاصة في بريطانيا وصار لي مرة موقف ومرة مع والدي - الله يحفظه - أقسم بالله إنهم رجال.

[OREO]

إتق الله جزاك الله خير، الله يهداك بس‘ إنشد شيبانك ما أحد يساعد أهل قطر إلا الليبيين خاصة في بريطانيا وصار لي مرة موقف ومرة مع والدي - الله يحفظه - أقسم بالله إنهم رجال.

إتق الله و لا تمحور الموضوع ،،، الحكومه مقصره في حق مواطنيها و انت تقول ان ليبي اخدمك في بريطانيا ؟؟

يعني لو ليبي او الف ليبي و الا مليون ليبي اخدموك في بريطانيا !!!! ،، هذا لا يعني حكوتنا ترد الواجب على حساب مواطنيها !!


ياخي اتق الله في نفسك و تكلم كلمة حق ولو مره ،،،

[ahsees]

السلام عليكم

الله يشفيه ان شاءالله ... ويحفظه لج ليش ما تودينه مستشفى الخور الاشعه المقطعيه الموعد ثاني يوم وتقرير بعد يخلص بسرعه لانه لاشعه المقطعيه ما عليه ضغط واذا حالته نستعجله خذيه الطوارئ في نفس اليوم الاشعه وتقرير بعد ...


وسلامته ما يشوف شر

[حراير قطر]

عندي تحويل من المركز الصحي الى العيادة الخارجية للاسنان

التحويل شهر ثلاثة ( مارس ) قالت لي الموظفة الموعد شهر خمسة او ستة ( مايو او يونيو ) في الويتنغ ( الانتظار)


شرايكم

والخوف ان اكثر الدكاترة في فترة الصيف في اجازات يعني روح مركز خاص احسن لك وادفع

الله يكون بالعون ...

[حراير قطر]

إتق الله جزاك الله خير، الله يهداك بس‘ إنشد شيبانك ما أحد يساعد أهل قطر إلا الليبيين خاصة في بريطانيا وصار لي مرة موقف ومرة مع والدي - الله يحفظه - أقسم بالله إنهم رجال.

يعني اخوي هم اولى بالعلاج من اهل البلد :rolleyes2:

وحتى لو ساعدونا بس احنا اولى منهم وفي بلادنا بعد :(

[حراير قطر]

السلام عليكم

الله يشفيه ان شاءالله ... ويحفظه لج ليش ما تودينه مستشفى الخور الاشعه المقطعيه الموعد ثاني يوم وتقرير بعد يخلص بسرعه لانه لاشعه المقطعيه ما عليه ضغط واذا حالته نستعجله خذيه الطوارئ في نفس اليوم الاشعه وتقرير بعد ...


وسلامته ما يشوف شر

وعليكم السلام ورحمة الله وبركاته

اللهم امين ويخلي غالينج

والله اختي صعبه اروح الخور بعيده علي :(

ما لنا الا الصبر ...

[حراير قطر]

إتق الله و لا تمحور الموضوع ،،، الحكومه مقصره في حق مواطنيها و انت تقول ان ليبي اخدمك في بريطانيا ؟؟

يعني لو ليبي او الف ليبي و الا مليون ليبي اخدموك في بريطانيا !!!! ،، هذا لا يعني حكوتنا ترد الواجب على حساب مواطنيها !!


ياخي اتق الله في نفسك و تكلم كلمة حق ولو مره ،،،

هدي اعصابك اخوي :(

[رجل الجزيرة]

على العموم جزاكم الله خير.

[باسكن روبنز]

ماعليه شـر آن شالله ،

[موضي قطر]

ماعليه الجماعة لاهين بأمور اهم منا

[Rider]

اختي مع احترامي الكامل لج بدل لا تقعدين تكتبين موضوع عن مستشفى حمد والمواعيد وطالعين الردود
أخذي ولدج حق مستشفى خاص الأهلي او العمادي ليش تنطرين لا قدر الله الولد يصير فيه شي بعدين تتحسفين

للعلم مستشفيات قطر فاشله بدرجه إمتياز

[حراير قطر]

اختي مع احترامي الكامل لج بدل لا تقعدين تكتبين موضوع عن مستشفى حمد والمواعيد وطالعين الردود
أخذي ولدج حق مستشفى خاص الأهلي او العمادي ليش تنطرين لا قدر الله الولد يصير فيه شي بعدين تتحسفين

للعلم مستشفيات قطر فاشله بدرجه إمتياز

اخوي ومع احترامي الكامل لك

اذا على حسابك بكره من الصبح وقبل ما يفتح الاهلي

انا بكون هناك واقفه مع ولدي :secret:

لعلمك بس انا مقاطعه المراكز الصحيه ومستشفى حمد

اكثر من 6 سنوات بس الظروف ما تسمح لي حاليا اني اوديه خاص :(

والشر ما يجيكم ان شاء الله ...

[vtc_4.8]

اوافق الاخت روح الاطلس

خذي موعد في مستشفى الخور

مافي انتظار كلش والمواعيد على اسبوع او اكثر بشوي

[المخباط]

كل مواعيد عيالي بالعيادة المسائية
بس لاحظت المواعيد كل مالها وتبعد
قبل سنة حدنا اسبوع
الحين اذا انت مستعجل 45 يوم لا وتدفع فلوس
حتى في العيادات الخاصة مالك مؤطى قدم متروسة بأهل التأمين الصحي
ماعاد بقى لنا الا مستشفى الخور والحين بيدلونه الجماعة وبيسابقونكم علية
الله المستعان :(

[علي رشيد]

السلام عليكم ..

لو المشكله ما زالت موجوده .... الرجاء ارسال الرقم الطبي عـ الخاص

و ابشري ..

[مضاربه]

ويليت من عقب الانتظار نلاقي دكتور عدل انا الله يسلمكم يدي اليمين تخدر علي خذت موعد مع دكتور حسن الهيل من عقب انتظار شهرين وشي طبيعي اني باخذ موعد مع دكتور عصب اول ماشافني قال المفروض تروحين دكتور عظام شدخل العظام اليد تنمل وتخدر عقب قال عيل لازم نسوي لج تخطيط وكتب لي ورقه وبس حتى الدكتوره الي في المركز الصحي احسن منه مسكينه فحصتني وشافت اليد الاحساس فيها اقل من الثانيه وكتبت لي حبوب وابر فيتامين بي والحمدالله خف التنميل ولين الحين انطر موعد التخطيط في مستشفى حمد

[وحيد-الشوق]

الليبين يجيبونهم اهنيه يزاحمونا والحالات الصعبة ينزلونهم اليونان والحكومة تدفع

وامي مبهدلينها 5 سنين ورافضين تكمل علاجها برا

عجبي والله ما اقول غير الله المستعان قسم بالله تعبنا من هالمستشفى الخايس

آه ياقطر :(

[امـ حمد]

الله يشفيه ويعافيه

[فتى الجود]

ماتشوفون شر
والله يشافيكم ويعافييكم


وبالنسبة لمواعيد مستشفى حمد
دام انه الاجانب مشاركينا في المواعيد

فلن يتغير الحال

لا

والأدهى والأمر ان بعض الجنسيات اذا له علاقة بالممرضة يدخل بدون موعد
وانت يالقطرى لو قربت عند باب غرفة الدكتور نادولك الامن وأطردوك

لازم يكون لهم وقفه المسؤلين بستشفى حمد

ويخففون عدد الاجانب والمواعيد والعلاج الاولية للقطري

مثل الامارات مستشفيات المواطنين وعياداتهم ابروحهم

نسأل الله ان يرحم الجالية القطرية المتواجده بقطر

[حراير قطر]

ويليت من عقب الانتظار نلاقي دكتور عدل انا الله يسلمكم يدي اليمين تخدر علي خذت موعد مع دكتور حسن الهيل من عقب انتظار شهرين وشي طبيعي اني باخذ موعد مع دكتور عصب اول ماشافني قال المفروض تروحين دكتور عظام شدخل العظام اليد تنمل وتخدر عقب قال عيل لازم نسوي لج تخطيط وكتب لي ورقه وبس حتى الدكتوره الي في المركز الصحي احسن منه مسكينه فحصتني وشافت اليد الاحساس فيها اقل من الثانيه وكتبت لي حبوب وابر فيتامين بي والحمدالله خف التنميل ولين الحين انطر موعد التخطيط في مستشفى حمد

اختي ما اتشوفين شر

ومثل ما قالج تخصص طبيب عظام

انا عندي ريلي اتنمل وفيها عرق اخضر واضح

وحولني على طبيب العام عقب ما شافني الجراح

وعلى كلامه جلطه خفيفه وما منها خوف

يا ليت اتروحين لطبيب العظام وسلامتج اختي

ولي رجعه مره ثانيه للردود ...

[P!nk@P!nk]

ما يشوف شر ولدج

اختي حاولي تدخلين على الدكتور يوقع لج على كرت الولد و يعطيج موعد من عنده تدخلين بدون ما يتسجل في الكمبيوتر بس اهم شي التقارير تكون معاج علشان يشوفها لان وقت ما تدخلين عليه ما راح يكون الملف موجود لان الموعد مو مسجل في الكبيوتر .. انا دوم اسوي جذي في العياده المسائيه اذا طاف موعدي و الدكتور متعاون ما شاء الله الله يوفقه ..

و ان شاء الله تبشرينا عن ولدج قريب

[1HAMAD1]

اخواني اتمنى كل واحد منكم يلاحظ اذا جيتو العيادات شوفو الرقم الاول ما تلاقونه لانهم يخشونه لربعهم خخخخ