&& رسوم دخول الكهرباء للبيت للإيجار : 22 ألف ريال !! &&

[خليفـة]

معقوله يا جماعة الخير !!

الحين لما المواطن يفكر يبني ويساهم في إعمار الوطن
ولما يفكر يساهم في خفض الإيجارات
ولما يفكر يساهم في التنمية
ولما يفكر يحسن من دخله شوي ويعتمد على نفسه بشكل أكبر

ينصدم برسوم الخدمات !!

اليوم في كهرماء الفرع الرئيسي قالوا لي :
رسوم إدخال الكهرباء للبيت الجديد 22000 ريال في حال التأجير للغير
والرسوم في حال السكن من قِبل المالك 2000 ريال

كلمة أوجهها لكل مسؤول :

راعوا ظروف المواطن قدر الاستطاعة .. وسهلوا عليه الأمور قدر الإمكان

والله المستعان


خليفـة

[La Bella]

عسى ما شرررر
مصخووووها

[خليفـة]

عسى ما شرررر
مصخووووها

النفس ضاقت
خليها على الله

[مرتبش]

وايد الصراحة
مافي شي يبرر الفرق الكبير..نفس الخدمة

بس بيطلعون بتبرير ..عادي تعودنا يمكن يقولون ال 2000 سعر مدعوم والتكلفة الحقيقية 21500 وال 700 للورق

[بو الجوري]

الله يعينك صج إنه مبلغ كبير :.. خاصةً للي توه مخلص من البنيان :.. :(

خاطري أعرف شنهي الحكمه من الرسوم هذي :..
يعني لو اللي بيسكن مابيدفع كل شهر على الإستخدام بنقول معليه :..

لا حول و لاقوة إلا بالله :.. الله يعينك ياخوي :..




أقوووول ما حطيت لنا آخر الصور فالموضوع ذاك :.. ننتظر التحديث :.. :)

[خليفـة]

وايد الصراحة
مافي شي يبرر الفرق الكبير..نفس الخدمة

بس بيطلعون بتبرير ..عادي تعودنا يمكن يقولون ال 2000 سعر مدعوم والتكلفة الحقيقية 21500 وال 700 للورق

والله انك صاج ياخوي
اعذارهم كثيرة وجاهزة
الله يهديهم ان شاء الله ويعيدون النظر في هالرسوم الي تكسر الظهر



اخوي خليفه يعني لو حبيت استأجر بيت وانا قطري بعد لازم ادفع رسوم ولا بس للأجانب
زواجي باقي له 7شهور وحرام ياخذون كل هالفلوس واااااايد صراحه
لا يالغالي تطمن
المستأجر ماعليه شي ان شاء الله
الرسوم هذي على مالك العقار يدفعها لكهرماء حتى يوصلون له الخدمة
وبعدها تنتقل مسألة الفواتير الشهرية على المستأجر لو كان غير قطري


والله يطول بعمر شيخنا ابو مشعل
ماي وكرهب بلاش لو كان قطري
:)

الله يعينك صج إنه مبلغ كبير :.. خاصةً للي توه مخلص من البنيان :.. :(

خاطري أعرف شنهي الحكمه من الرسوم هذي :..
يعني لو اللي بيسكن مابيدفع كل شهر على الإستخدام بنقول معليه :..

لا حول و لاقوة إلا بالله :.. الله يعينك ياخوي :..




أقوووول ما حطيت لنا آخر الصور فالموضوع ذاك :.. ننتظر التحديث :.. :)

هلا اخوي بالجوري
وصدقت بكلامك اخوي .. خلها على الله
وبخصوص الصور
روح لموضوعي الحين وبتعين صور من الي تطيب الخاطر
:)

[هبوب الكوس]

يمكن مخليها تجارية وليس سكنية

[hamoor4ever]

مدري اخوي بس انت البيت اللي مسويه اخوي بغرض التجاره يعني الحمدلله امورك طيبه وماعندك مشاكل ولين جيت بتأجر مابتقول هاذه مواطن او هاذه اجنبي بتشوف اعلى سعر بالسوق وراح اتحطه هاذه اذا ماجبت شركه ويطلع لك الاجار اكثر واكثر ، مافيها شي اذا انت تدفع مبلغ وقدره 22 الف انا اشوفه شي مناسب خاصه وانك تقول اجار واسمح لي اخوي دام انك باني بيت هاذه اقل شي حاط راس مال مع الارض مايقارب المليونين ريال فعادي اذا جات على 20 الف ، وخاصه انك في خلال شهرين راح اتطلع قيمه هالمبلغ ، اشوف المبلغ عادي جدا لكن اللي مب عادي ان مواطن يدفع 2000 ريال حق بيت لسكنه الخاص وهاذه في بلاده ويمكن ماعنده فلوس ، انا اشوف ان المستثمرين والتجار لازم الدوله تشاركهم جزء من ارباحهم اسمح لي لان بصراحه كل يوم مغليين السعر على المواطنين فالمفروض انهم يشاركونكم في الارباح دام ارباحكم زايده زايده من غير شي

[حسين بن عاقول]

يا ريال انا حاس فيك والله ان قوة البيت الي مسوي فولت 110
صار لي نفس الشي رحت ادفع قالو لي 24000
ليش يهديك يصلح اشلون
يقول لي الفولت ب200 وقوة بيتكم 120
يعني 24 الف تدفع غضبن عنك
للعلم قبل كان الفولت ب100 الحين خلو ب200
ياخي خلة 120 او 130 او 140 ولا تزعل بس مب 200 مرة وحدة
ماقول غير الله يعينك....

[خليفـة]

يمكن مخليها تجارية وليس سكنية
اي نعم اخوي
انا بانيها للتجارة والاستثمار وليس للسكن


مدري اخوي بس انت البيت اللي مسويه اخوي بغرض التجاره يعني الحمدلله امورك طيبه وماعندك مشاكل ولين جيت بتأجر مابتقول هاذه مواطن او هاذه اجنبي بتشوف اعلى سعر بالسوق وراح اتحطه هاذه اذا ماجبت شركه ويطلع لك الاجار اكثر واكثر ، مافيها شي اذا انت تدفع مبلغ وقدره 22 الف انا اشوفه شي مناسب خاصه وانك تقول اجار واسمح لي اخوي دام انك باني بيت هاذه اقل شي حاط راس مال مع الارض مايقارب المليونين ريال فعادي اذا جات على 20 الف ، وخاصه انك في خلال شهرين راح اتطلع قيمه هالمبلغ ، اشوف المبلغ عادي جدا لكن اللي مب عادي ان مواطن يدفع 2000 ريال حق بيت لسكنه الخاص وهاذه في بلاده ويمكن ماعنده فلوس ، انا اشوف ان المستثمرين والتجار لازم الدوله تشاركهم جزء من ارباحهم اسمح لي لان بصراحه كل يوم مغليين السعر على المواطنين فالمفروض انهم يشاركونكم في الارباح دام ارباحكم زايده زايده من غير شي
هذا رايك وانا احترمه
وعلى العين والراس
الحمدلله رب العالمين .. انا قادر ادفع رسوم ضعف المبلغ الي ذكرته
ولكن .. انا الي قصدته من مشاركتي
وين الدور الي لازم تلعبه مثل هالمؤسسة في تشجيع المواطن على الاستثمار والمساهمة في اعمار البلاد وتحيرك عجلة الاقتصاد داخلها ؟؟
انت تقول من حق الدولة ان تشاركني في ربحي !
وانا اقول من حقها ان تفرض عليك رسوم في استهلاكك الخاص
لما انا أبني وأجر .. وغيري يبني ويأجر .. وغيري وغيري
بيكون المعروض في السوق حجم كبير .. وبالتالي بتنزل الأسعار
وفي النهاية انت يالمستأجر المستفيد الأكبر
على كل حال .. انت لا تشوف الموضوع بعين ان انا عندي وانت ما عندك
شوف الموضوع بعين تشجيع المواطن على الأعتماد على نفسه
والابتعاد عن البنوك والقروض والمشاريع الفاشلة والخاسرة

وبخصوص الأجار اخوي .. نعم .. انا وقعت العقد وأجرت البيت على شركة عملاقة
وبأجار يطيب الخاطر وينسيني تعب البنيان كله

ولكن هذا لا يعني اني لازم أشرك كهرماء بأرباحي مثل ما تفضلت
:)

شكرا لمرورك يالطيب


يا ريال انا حاس فيك والله ان قوة البيت الي مسوي فولت 110
صار لي نفس الشي رحت ادفع قالو لي 24000
ليش يهديك يصلح اشلون
يقول لي الفولت ب200 وقوة بيتكم 120
يعني 24 الف تدفع غضبن عنك
للعلم قبل كان الفولت ب100 الحين خلو ب200
ياخي خلة 120 او 130 او 140 ولا تزعل بس مب 200 مرة وحدة
ماقول غير الله يعينك....

الله المستعان يا بن عاقول
شنسوي بعد
حكم القوي على الضعيف
والله لو توصل الرسوم 100.000 ريال

في النهاية انا دافع دافع

شكرا لمرورك الحلوا
:)

[هبوب الكوس]

قصدي تجارية ان تكون لعيادة او صالون يكون الكهرباء سعر غير

لكن سكنية للأفراد سعر اقل :)

[خليفـة]

قصدي تجارية ان تكون لعيادة او صالون يكون الكهرباء سعر غير

لكن سكنية للأفراد سعر اقل :)

اخوي السعر الي انا ذكرته .. للأسف في حال الاستئجار العادي لعائلة او لأفراد
وليس لصالون او عيادة

[بوحارب]

الله يعينك والله مبلغ مبالغ فيه وماله اي داعي كلش !!!!

[حسين بن عاقول]

اخوي اقول لك سكنية مثل ما قلت الفولت كان 100 حاليا خلو ب200
تخيل ............ ما قالو 120 لا مرة وحدة لازم ندبل المستثمر
المستثمر من قال لة يستثمر من سمح لة يستثمر
ياخذ فلوسة ويحطهم تحت البلاط....................

[شموخ دائم]

,

,


مرحبا


الله يعطيك العافيه اخوي خليفه

منزل مبروك ان شاء الله

بصراحه المبلغ كبير وهذا ما يشجع على الاستثمار العقاري

اعتقد 10 الاف للبيوت الاستثماريه مناسب لها

لسه مسوي خرائط

شكلي بعيد النظر في الحسابات

:)

اتمنى اعاده النظر في هذه الرسوم


,

,



اخوك


شموخ دائم

[حسين بن عاقول]

اخوي شموخ عيد في حساباتك
اذا فيلا لا تزيد قوة البيت عن 80 عشان يطلع لك ب16000
اذا خليت 150 يطلع لك 30000 حاسب
فولت 80 وايد اوكي للفيلا

[خليفـة]

الله يعينك والله مبلغ مبالغ فيه وماله اي داعي كلش !!!!
على قولة واحد من الربع صوب الشرقية
رسوم مال لأمها داعي والله
الله يعين


اخوي اقول لك سكنية مثل ما قلت الفولت كان 100 حاليا خلو ب200
تخيل ............ ما قالو 120 لا مرة وحدة لازم ندبل المستثمر
المستثمر من قال لة يستثمر من سمح لة يستثمر
ياخذ فلوسة ويحطهم تحت البلاط....................
الله يستر
انا 150
يعني فوق ال 20.000 وانا اضحك


,

,


مرحبا


الله يعطيك العافيه اخوي خليفه

منزل مبروك ان شاء الله

بصراحه المبلغ كبير وهذا ما يشجع على الاستثمار العقاري

اعتقد 10 الاف للبيوت الاستثماريه مناسب لها

لسه مسوي خرائط

شكلي بعيد النظر في الحسابات

:)

اتمنى اعاده النظر في هذه الرسوم


,

,



اخوك


شموخ دائم
الله يبارك فيك اخوي شموخ
والله يوفقك ان شاء الله في مشروعك الجديد
عيد النظر .. وخطط لهم صح
الله المستعان



اخوي شموخ عيد في حساباتك
اذا فيلا لا تزيد قوة البيت عن 80 عشان يطلع لك ب16000
اذا خليت 150 يطلع لك 30000 حاسب
فولت 80 وايد اوكي للفيلا

:omg:
يا ويلي
انا 150
قررت اكسر البيت خلاص
ههههههه

[سوق واقف]

أخوي خليفة أنا كنت أبي أنزل الموضوع الصراحه صدقت شيء من الخيال

تعرف لو عنندك عماره تدفع حول المليون ريال أدخال كهرباء


مبالغ هائلة ....أنا طول عمري كنت ضد المؤجر ولكن الحين مسكين المؤجر بكم يأجر عشان يقدر يسدد الي خسره وعلى كم سنة . . . . .


وأبشرك أخوي خليفة لو دخلت الكهرباء أنك تبي تسكن وعقب أجرته تدفع مبلغ وقدره غرامة ترى :secret:

[خليفـة]

أخوي خليفة أنا كنت أبي أنزل الموضوع الصراحه صدقت شيء من الخيال

تعرف لو عنندك عماره تدفع حول المليون ريال أدخال كهرباء


مبالغ هائلة ....أنا طول عمري كنت ضد المؤجر ولكن الحين مسكين المؤجر بكم يأجر عشان يقدر يسدد الي خسره وعلى كم سنة . . . . .


وأبشرك أخوي خليفة لو دخلت الكهرباء أنك تبي تسكن وعقب أجرته تدفع مبلغ وقدره غرامة ترى :secret:

يا هلا بك اخوي سوق واقف
للأسف .. الرسوم مبالغ فيها بشكل كبير
والمصيبة محد من المسؤولين مهتم

مثل ما تفضلت يالغالي
رسوم العمارة أكبر وأعلى
ورسوم المجمع التجاري أعلى واكبر
وكأن حال المسؤولين يقول : لا تتملك .. ولا تبني .. ولا تحسن وضعك المادي

اما بالنسبة لمسألة ادخال الكهرباء على اساس اني باسكن وأجرها بعدين
فهذا قبل كل شيء حرااااااااام شرعاااااااااً
ولا يجوز
فيجب على كل شخص ان يتقي الله ويخافة قبل ان يخاف القانون
كل الشكر لك سوق واقف

اذا كان صاحب العقار مب مرتاح
والمستأجر مب مرتاح
فمن الشخص المركلس ؟؟؟
ههههههه
كان الله في عوننا جميع

[مستر قطر]

من شهرين دفعة 10 الف وقلبي يعورني لان البيت مردي بسكن فيه بس الحاجه أجبرتني اجره
ماقول غير الله يعينكم

[مستر قطر]

مدري اخوي بس انت البيت اللي مسويه اخوي بغرض التجاره يعني الحمدلله امورك طيبه وماعندك مشاكل ولين جيت بتأجر مابتقول هاذه مواطن او هاذه اجنبي بتشوف اعلى سعر بالسوق وراح اتحطه هاذه اذا ماجبت شركه ويطلع لك الاجار اكثر واكثر ، مافيها شي اذا انت تدفع مبلغ وقدره 22 الف انا اشوفه شي مناسب خاصه وانك تقول اجار واسمح لي اخوي دام انك باني بيت هاذه اقل شي حاط راس مال مع الارض مايقارب المليونين ريال فعادي اذا جات على 20 الف ، وخاصه انك في خلال شهرين راح اتطلع قيمه هالمبلغ ، اشوف المبلغ عادي جدا لكن اللي مب عادي ان مواطن يدفع 2000 ريال حق بيت لسكنه الخاص وهاذه في بلاده ويمكن ماعنده فلوس ، انا اشوف ان المستثمرين والتجار لازم الدوله تشاركهم جزء من ارباحهم اسمح لي لان بصراحه كل يوم مغليين السعر على المواطنين فالمفروض انهم يشاركونكم في الارباح دام ارباحكم زايده زايده من غير شي



يالشيخ مب كل من اجر بيته معناته اموره طيبه بالعكس
شوف القطريين الي شارين بيوت عن طريق بنك التنميه أغلبيتهم ماجرين بيوتهم والسبه الديون الي على ظهرهم

[R 7 A L]

مع احترامي الشديد

من الصاحي الى بيقول لهم اني بأجر البيت !!!


2000 معقولة جداً جداً جداً

[الكواري 1972]

الله يعينكم

الله يعوض عليك

[خليفـة]

من شهرين دفعة 10 الف وقلبي يعورني لان البيت مردي بسكن فيه بس الحاجه أجبرتني اجره
ماقول غير الله يعينكم

10 ولا 22 يالغالي
معوض اخوي ان شاء الله
والله يجعله بيت عامر بأهله



مع احترامي الشديد

من الصاحي الى بيقول لهم اني بأجر البيت !!!


2000 معقولة جداً جداً جداً

الصاحي الي بيقول لهم أجار لان يبي الحلال اخوي اولاً
وثانيا : المسألة مب لعبه .. لما يعرفون ان أجرت وانت قايل لهم بتسكن
بتكون عليك غرامة أضعاف هذا المبلغ
يعني بالعربي اذا انت ذكي هم أذكى منك
:)


الله يعينكم

الله يعوض عليك
رحم الله والديك اخوي
وان شاء الله خير

:)

[R 7 A L]

10 ولا 22 يالغالي
معوض اخوي ان شاء الله
والله يجعله بيت عامر بأهله




الصاحي الي بيقول لهم أجار لان يبي الحلال اخوي اولاً
وثانيا : المسألة مب لعبه .. لما يعرفون ان أجرت وانت قايل لهم بتسكن
بتكون عليك غرامة أضعاف هذا المبلغ
يعني بالعربي اذا انت ذكي هم أذكى منك
:)

رحم الله والديك اخوي
وان شاء الله خير

:)




جبتها :victory:
أحييك

غابت عنــــي

[صــوت قطــر]

الله يعينك والله .. واحنا عندنا سكن عمال تقريبا 160 غرفه وشكلنا من شماليك بعد .. :omen2:

الله يعينا وندفع بعد:rolleyes2:

[بوخالد911]

عجيييييب

[الموضوعي]

ومن يدفع مصاريف نبيه بري وجنبلاط خلكم واقعيين

[مالي ومال الناس]

,

هذي جبايه على المواطنين

ولا تنسون فيه دول للحين تحتاج مساعدات , اذا دول العالم كلهم استغنوا وامورهم طيبه ابشروا بالخير

[saryalia4u]

قهرررررررررررررررر ليش جي يتعاملون معانه اشدعوه احنا هل قطر
مب غرب .... بدال ما يزيدون في رواتبنا يضيقون علينا
حسبنا الله ونعم الوكيل:anger1:

[مخطط قطري]

هل طلع كلام رسمي بهالشي؟؟؟؟؟

[مضاد]

,

هذي جبايه على المواطنين

ولا تنسون فيه دول للحين تحتاج مساعدات , اذا دول العالم كلهم استغنوا وامورهم طيبه ابشروا بالخير



ورنا خط :(

___________


خليفـة ,,,

الله يعوضك خير .

[jeep-srt8]

الكل مصخوها واحنا السبب

شعبنا طيب

بسنا طيبة :d

[هدى ورحمه]

الحين الله يهديك جاي تتشكى من رسوم كهرماء ال22 الف ريال وتبيهم يعذرنك وحاط صورة التوقيع زرق وحمر؟؟

انا لو مسؤول في كهرماء وشفت توقيعك بقول بصوت عالي :


زيــــــــــــــــــــــــــدووه

[خليفـة]

الله يعينك والله .. واحنا عندنا سكن عمال تقريبا 160 غرفه وشكلنا من شماليك بعد .. :omen2:

الله يعينا وندفع بعد:rolleyes2:
الله يعينا جميع يالغالي
شاكر لك مرورك الحلوا
:)


عجيييييب
مرورك الجميل هو الأعجب
:)


ومن يدفع مصاريف نبيه بري وجنبلاط خلكم واقعيين
هههه
انا ماليش دعوة
:nice:


,

هذي جبايه على المواطنين

ولا تنسون فيه دول للحين تحتاج مساعدات , اذا دول العالم كلهم استغنوا وامورهم طيبه ابشروا بالخير
والله شي يقهر
بس شنسوي .. ما بيدنا غير نقول : الله يصلح الحال
شكرا لمرورك اخوي
:)



قهرررررررررررررررر ليش جي يتعاملون معانه اشدعوه احنا هل قطر
مب غرب .... بدال ما يزيدون في رواتبنا يضيقون علينا
حسبنا الله ونعم الوكيل:anger1:

لا اله الا الله


هل طلع كلام رسمي بهالشي؟؟؟؟؟
روح لكهرماء فرع الهلال واسأل بنفسك اخوي
بتطلع من هناك وانت مُحبط بهالقرار
:)


ورنا خط :(

___________


خليفـة ,,,

الله يعوضك خير .
امين اخوي وياك ان شاء الله
:)


الكل مصخوها واحنا السبب

شعبنا طيب

بسنا طيبة :d
الأضل غلاب وانا اخوك
والطيبة تسري في عروقنا
:)


الحين الله يهديك جاي تتشكى من رسوم كهرماء ال22 الف ريال وتبيهم يعذرنك وحاط صورة التوقيع زرق وحمر؟؟

انا لو مسؤول في كهرماء وشفت توقيعك بقول بصوت عالي :


زيــــــــــــــــــــــــــدووه

صج انج شريرة
لاتنسين ان من حق الشباب ان يستثمر ويشغل مخه ويحسن من وضعه المادي
طالما ان الأمكانيات ( من المفترض ) ان تكون متاحة أمامة
لاننا . . هرمنا .. هرمنا
من أجل هذه اللحظة التاريخية

شكرا لمرورج الجميل
:)

[هدهد سليمان]

http://up.3ros.net/get-9-2010-vwi23rla.jpg

اكيد شايفين توقيعك !

[abn qatar]

العذر موجود ارتفاع سعر البترول

[قناص الخليج]

مبلغ كبير جدا

شيسوي الى عنده مجمع كم بيدفع مليون

[خليفـة]

http://up.3ros.net/get-9-2010-vwi23rla.jpg

اكيد شايفين توقيعك !
ههههههه
هالكلام ينطبق على الجميع يا الغالي
على الفقير قبل الغني


العذر موجود ارتفاع سعر البترول
صدقت والله
الجماعة اعذارهم وتبريراتهم جاهزة داخل درج المكتب
الله المستعان


مبلغ كبير جدا

شيسوي الى عنده مجمع كم بيدفع مليون

ليش لا اخوي
ممكن توصل للملايين
بس للعلم اخوي .. الي بيسوي له مجمع كبير
له علاقات وناس تدبر اموله واحواله في مثل هالظروف
وكلك نظر
:)