باركيه

[سهم سهم]

السلام عليكم

كيف حالكم ؟

الحمد لله وصل بيتي لتركيب بلاط البيت .. انا مبتعد تماما عن الرخام وكنت ابي افرش البيت كامل .. لكن الاهل يفكروون بالباركيه :rolleyes2:

اللي جرب الباركيه يا ليت يعطيني مميزاته وعيوبه ..
وهل محل رافكو من احسن المحلات اللي تبيع الباركيه ؟؟

[شموخ دائم]

,

,


مرحبا


الله يعطيك العافيه ومنزل مبروك ان شاء الله

رافكوا من احسن الشركات في الباركيه والشغل معاهم ممتاز سبق وتعاملت معاهم

وكانوا ملتزمين بالوقت والشغل ممتاز

الباركيه شكله حلو جدا ويخدم الديكور ويطلع المكان اكثر جمال من السجاد

مشكلته الكبيره هو ( سهل الخدش ) خاصه اللون البني الغامق هذا مشكلته كبيره بعد كم شهر بتلاقي بكل ناحيه صار

خدش لونه ابيض خاصه اذا في اطفال بالمكان

اما اذا بينحط في مكان الاستخدام خفيف عليه مافي مشكله

والاحسن تركبه اخر شي وممنوع دخول العمال بعد تركيب الباركيه

وللعلم اخوي الباركيه فيه

خشب اصلي

وفيه

قشره الخشب


وفيه

مواد صناعيه لونها خشبي

وكل نوع له سعر وله جوده وله عيوب واحسنهم الخشب

وخاصه الصناعه ( الالماني )


بالنسبه لي انا افضل الرخام اكثر من الباركيه


والناس فيما يعشقون مذاهب

:)


والاسعار الصيني 70 الى 90

والانواع الجيده من 120 الى 200

والفاخر جدا من 200 الى 700


,

,


اخوك


شموخ دائم

[فواز1976]

انت تقدر تنوع بالبيت على حسب الاستخدام ..... يعني الصالون العائلي انا ما انصح انه يكون باركيه .. عشان الازعاج وما يستحمل الماء اذا انسكب عليه من الاولاد

غرف نوم الاطفال تقدر تحطل فينيل شكل باركيه ... يجي مرره حلوه وهادي وادفى ويستحمل انا حاط منه المتر الطولي ب 180 ريال

غرفه النوم الرئيسيه تقدر تخلط رخام مع فرش ..... طبعاً هذا على حسب التصميم . بحيث يصير مدخل الغرفه مع الملابس والحمام رخام والغرفه لوحدها فرش بس حط من النوع الزين بيطلع مرره حلوه وبترتاح نفسياً فيه

[khaldoon]

الباركيه مب زين مع الرطوبه
ما تقدر تشطف البيت و تعتمد على مسحه اكثر

[خالد32]

انا مركب من سنتين نوع صيني خذته من رافكو و ركبه واحد من الحراج
للحين و لله الحمد ما صار لي مشكله الا النعله تبطلت من بعض الاماكن - سلكون و لزق و انحلت المشكله

رفيجي خذ من السوق الصيني دبي و بعد كم شهر يقول الغرفه عنده صارت كنها شوارع الدوحة من المطبات
اعتقد انه خذ نوعية رخيصه

التنظيف سهل
كلك ماي مع شوية ديتول و مساحة ارض الي تجي خيوط قطن مرتين في الاسبوع
اذا انكت ماي امسحه على طول

اما الخدوش للحين ما شفت و اذا صار خذ لك ورنيش نفس اللون و امسحهم بقطنه

و الله يبارك لك في بيتك

[الســـهم]

طبعا محد يختلف على شركة رافكو , من أقدم الشركات العاملة بالسوق , وعنده أفضل النوعيات الموجودة بالسوق , وشغلهم محترف لايعلى عليه ..

بس سمعت عن شركة اسمها آل نوح موجودة بطريق سلوى , يمدحون نوعية الباركية اللي عنده وحتى التركيب امدحوه لي , وعنده تشكيلات كبيرة والاسعار من 100 وانت طالع , مب خسران لو مريت وخذت فكره , محلهم موجود بعد شركة حسين فكري وجنب معرض بلاتينيوم للسيارات ..

[مهره]

مرحبا اخوي انا مركبة باركية من نابينا من فترة 3 سنوات وللحين الحمدلله ممتاز بس للاسف يوم حبيت اركب بعد منة قالو ان نابينا وقفو من هالنوع مايبيعون باركية فرحت رافكو بالفعل ممتاز ومواعيدهم مضبوطة بس غالى بصراحة وانا من راي ان البراكية ماينفع للدور الارضي تماما فاذا بتركب ركب فى الدور الثاني لان الحرارة والرطوبة تكون اقل وبالتوفيق اخوي ومنزل مبروك ان شاء الله

[سهم سهم]

اشكركم جزيل الشكر على الردوود ..

:)

[بعيد النظر]

عندك كاربت لاند .. ف طريق سلوى
بعد وكالة المرسدس !

عنده نفس النوعية الي يبيعها رافكو " الالماني "
وارخص منه بـ 25 ريال فـ المتر !



بعد عندك ف شارع النصر
وين عيادة الدوحة في اشارة هناك
اذا انت جاي من هارديز الي فـ بداية الشارع خذ الاشارة يسار
بتحصل محل عقب 200 متر تقريبا" ناسي اسمه
بس عنده تشكيلات حلوة سويسرية


وموفق

[بحرالعيون]

الله يوفقك وتسكن بيتك من غير ديون :)

شوف يالغالي أنا ركبت من رافكو بسعر 94 تقريباً اللون البني المحروق شغلهم زين بس الباركيه حقهم يبين فيه الغبار والشموخ

وركبت في غرفة عيالي وفي الصالة تحت وفي بيت الشعر باركيه من محل اسمه روبرت آلن على خط سلوى جنب محل الشعلة ... الصراحه الباركيه عندهم ممتاز ولونه حلو ولا يغبر ولا يتشمخ وسعره 65 للمتر وشغلهم ممتاز ... واليهال الله يحفظهم يوم كاتين عصير ويوم ماي بس مش وانت رايح عادي

مر عليه وشوفه وإن شاء الله بتدعيلي وارخص من رافكو

[قطرية فذة]

شكراً للإفادة

[السلفي]

فيه شركة جديدة في السوق بس عندهم أرقى التوكيلات وأرخص الأسعار
ارخص بكثير من رافكو وينافسه بالجودة

متخصصين في الأرضيات وورق الجدران

اسمها شركة الإهتدء للديكور