هل تحتاج السيدة القطرية لنادي

[maskalrose]

أسافر واسمع واشاهد

هذا احدث الاندية نادي سيدات ابوظبي

http://www.alittihad.ae/assets/images/Economy/2011/04/20/320x240/99a-na-41428.jpg

نادي سيدات الشارقة

http://www.slc.ae/


نادي سيدات دبي

http://www.dubailadiesclub.com/en/


هل تحتاج سيدات قطر لنادي خاص ممثل من قبل الدولة تمارس فيه جميع الانشطة الثقافية والرياضية والاجتماعية بحرية

سالت الكثير من صديقاتي وهذه النتيجة

نحتاج مكان لخصوصيتنا حتي بعض دول اوربا لها نوادي سيدات خاص وبالنسبة للقطاع الخاص اشوف انه ما ينفع لابد من وجود مسؤولية مشتركة مع الحكومة ولابد كذلك من تراسه من قبل احدي بنات الامير حفظه الله

اترك لكم حرية المشاركة

[بنت امي]

اكيد نبي :)

كل ما امر صوب نادي الدانه اجوف ملعب التنس يدخل في خااااااااااااااطري ههههه

اشكرك عالموضوع

[الأصيلة]

نعم تحتاج المرأة القطرية إلى نادي محترم له قوانينه الخاصة به
وليس نادي للجميع دون استثناء ..
من شروطه يكون للمرأة لا للمجموعات المستهترة
من البنات صاحبات الشلل المعروفة...
بعيدا عن التجمعات الخاصة والسلوكيات الشاذه..
نادي تمارس فيه المراة كل الأنشطة الرياضية والإجتماعية...
تقام فيه المعارض الصغيرة ...والفعاليات الخاصة..
والإحتفالات بالمناسبات..وتشرف عليه كوادر معروفة في البلد
وليس كل هب ودب...

[wadha-qa]

اي والله تحتاج و بقووه بدال هالملل اللي عايشين فيه

المفروض كل منطقه فيها نادي للنساء ليش يعني بس النادي للشباب ؟

[بوحمد111]

انا معاكم يا بنات قطر والله انكم تستاهلون نادي خاص بكم ويكون مدعوم من الحكومه وبعيد عن الغرض التجاري وذلك لخصوصيتكم

والله يوفقكم يا بنات بلادي قطر

[الـراسي]

اي والله تحتاج و بقووه بدال هالملل اللي عايشين فيه

المفروض كل منطقه فيها نادي للنساء ليش يعني بس النادي للشباب ؟

اكيد ملل دام ما فيه لا شغلة ولا مشغلة الله يرحم حريم اول

الله يخلي هالخدامه

[missperfect]

نعم نحتااج بس من بيسمع لنا :(

[wadha-qa]

الراسي ليش ليكون عايش ويانا وانا مادري ؟
والله بيتنا ما فيه خدامه جيب لي خدامه سنعه تجي تخلص مدتها وتلتزم بالعقد ؟ شهرين و تذلف

[هدى ورحمه]

شغل البيت واجب اذا مافي خدامه ولكن لا يتعبر ترفيه ويفيد النفس ويرفه عنها ..

مثلما يستمتع الشباب بالرياضه وباجسام قويه ..تحتاج البنات وهم احوج للرياضه والاجسام القويه اكثر الشباب ..الشاب مايحمل ولا يولد ولا يشتغل فالبيت..المراه كل هالامور تاخذ من صحتها وفي اغلب العوائل وبسبب ظروف الحياه صارت بعد مطالبه تشتغل وتلتزم بدوام وتجيب فلوس ..والله المستعان

الرجل وهو رجل تلوع جبده ومايطيق يرتب غرفته الا اذا كان عسكري ودابغينه في العمل لين عرف النظام واستعدل ..
اما البنت من صغرها تتربى عالنظافه والنظام يعني منظمه من سن مبكر ماعندها مشكله ومش عيب ولا حرام ولا انتقاص من قدرها ولا قدر اهلها انها تمارس الرياضه لتتمتع بصحه جيده

[بوخالد911]

تحتاج نعم

:)

[مجموعة إنسان]

اتمني انة يكون عندنا نادي ويكون بسعر رمزي للكبار والصغار ويكون فية امن نسائي وقوانين صارمة تمنع فعل الخطا في هذا المكان ويكون مكان راقي ويكون تقيد في لبس معين في البرك خاصة

[: بوحمود :]

يمدحون الحوش لفتين مشي لفتين جري وشوي حركات سويديه وموضوعكم خالص :tease:

لالا امزح . . . طيب الدوحه اكثر شي فيها النوادي والنساء لهم اوقات خاصه

[بـــــــنت النوخـّــــذه]

اي عاد مهب تبسطون في النادي ترى الي تكثر الطلعه للنوادي بهدف وبدون هدف ريلها بياخذ عليهاescape

8
8
8
شكل الحريم بيهونون عن هالاقتراح :p:p ::

[ام السعف]

تحتاج نعم

:)

:eek2:

[حسن]

مافي حد من المرشحين حط في برنامجه نادي للحريم والله فكره حلوه

[..الاميرة..]

عجيب نادي سيدات الشارقه ..

احنا ما عندنا إلا الــ SPA في الفنادق بصراحه نبي نادي خاص فينا وشرط يكون على البحر ..

:telephone:

[Abdulraman]

نادي للمرأه ليش بعد
المرأه الحين في كل مكان سواءا في النادي او الشيشه او
سترك يارب

[ورقة غار]

تحتاج ...تحتاج ....تحتاج ...يمدحون السباير فيه خصوصيه وايد وانشاء الله نتطلع اللى المزيد

[saryalia4u]

اي نبي ونحتاج وياليت اللي ردوا مايخلطون الموضوع ويخربطون

[مستر بن]

يلعبوون كوورة ..؟

[أحاول]

نادي للنساء بلاضافه الى حضانه تضم اجهزة لعب لعمر منهم اطفال من اقل من سنه الى 6 سنوات ثم جزء يكون لاطفال من 7 سنوات الى 10 سنوات اطفال اولاد وبنات ويكون بعض من الالعاب خاصة بالبنات مثل السباحه يفصل البنات عن البنين وتدريب للطبخ للبنات وللنساء وكذلك العاب خاصة بالبنين مثل ملعب كرة قدم ويكون معاهم مدربين كذلك يمكن ان تكون حديقة موجودة بجانب النادي للترفية وللفعاليات التي يمكن ان تشارك بهاجمعيات المجتمع المدني واماكن للجري والمشي وياليت تكون منها في كل قريه وتكون هناك ادارات لهذة النوادي وبهذا يكونون الاطفال بعيدا عن سلوكيات السوق وما يرونه من معاكسات وسلوك قد يكتسبونه كثقافه وعادات فيما بعد ولكن النادي يوضع له ضوابط والنزام بالعادات الاسلامية الكريمه التي نتمنها لنا ولاجيالنا القادمه

[العـوا]

الكل يقول نتحتاج وانا اقول لا يحتاجون نادي خاص

[intesar]

أنا مع وجود نادي على مستوى عالي خاص بالنساء ويكون فيه اشتراك حتى مايكون لكل من هب ودب .. يزاحمونا .. محتاجين شوي خصوصية .. أهل البلد صاروا غرب ..

[هبوب الكوس]

مشكلة هذي الاماكن يكون وكر للبويات

ف خلكم في البيت ابرك العبوا جمباز في الحوش :)

[قطرية فذة]

والله اليوم كنت افكر اقول ليت فيه نادي ناخذ به راحتنا بدون حجاب ولا عبايه ( نسائي فقط )

كلاود 9

مسوي تقريبا جو صحيح ماعنده ذاك المكان لكن ياحيه احسن من لاشيئ

[الأصيلة]

مشكلة هذي الاماكن يكون وكر للبويات

ف خلكم في البيت ابرك العبوا جمباز في الحوش :)

لا طبعا مانبغي نادي حق كل من هب ودب..
النادي يكون بعضوية وبإدارة صارمة لا تسمح بالتجاوزات في كل شيء...
وهذا سهل جدا تطبيقه...

[فيزيائية]

مادري ليش انحذف ردي
مع اني ماقلت شي يجرح او يخدش الحياة او خارج عن الدين !!!




شكرا لسعة صدوركم .

[هبوب الكوس]

لا طبعا مانبغي نادي حق كل من هب ودب..
النادي يكون بعضوية وبإدارة صارمة لا تسمح بالتجاوزات في كل شيء...
وهذا سهل جدا تطبيقه...

ما اعتقد يتطبق ان حصل :)

[هبوب الكوس]

مادري ليش انحذف ردي
مع اني ماقلت شي يجرح او يخدش الحياة او خارج عن الدين !!!

شكرا لسعة صدوركم .

حصل خير خلج سبورت :)

[الأصيلة]

الأصيلة أنا تعجبني آرائج بس ترى الشروط اللي قلتيها صعب تطبيقها إذا مب مستحيل.. يمكن في دول ثانية إي بس في قطر لا للأسف..

أنا امرأة وأقول ما أبي نادي نسائي.. طول عمرنا عايشين بدونه وعادي يعني مانحس بالنقص ولا شي.. الحمد لله مستانسين ومرتاحين.. الملل من صنع الإنسان (مقولة أمي).. أنا أقول اقبضوا أرضكم أحسن :) نسأل الله الستر والعافية :)

عزيزتي النادي المحترم لازم يكون رواده محترمات...
بالعكس النادي الصحي ضروري جدا هذه الأيام بالذات..
ـ يساعد المرأة على الحركة ويحببها في الرياضة والسباحة
وبالذات مع الأكل الغير صحي والجلسة في البيت بدون حركة
مما يساعد على تراكم الدهون وبالتالي الأمراض الكثيرة...
ـ تغير جو وخاصة للمرأة التي لاتتمكن من السفر في الصيف...
ـ عمل قاعة صغيرة للمعارض يسهل لصاحبات المهن
لـ عرض منتجاتهم كـ العطور والبخور والعبايات بين حين وآخر...
ـ الإلتقاء مع الصديقات في أي وقت وخاصة إذا كان فيه
مطعم وكافيه بدلا من الإجتماع في الأسواق و المجمعات...
ـ تكون فيه قاعة للمحاضرات التربوية والصحية
والعلاجية واستضافة متخصصين..
حتى تتعرف المرأة على مقومات الصحة والشباب والجمال...
والكثير الكثير من الفوائج التي ستجنيها المرأة من هذا النادي...

[الأصيلة]

ما اعتقد يتطبق ان حصل :)

ليش التشاؤم...

[ع.م]

الأصيلة.. يعجبني تفاؤلج..

يصير يعينونج مديرة النادي؟ إذا أي أوكي نبي نادي :)

[حسن]

اتمنى من الدوله تخصص ارض لبناء نادي نسائى متكامل مع حضانه وتطرحه مشروع تجاري

[الصاعق الحارق]

اتمنى من الدوله تخصص ارض لبناء نادي نسائى متكامل مع حضانه وتطرحه مشروع تجاري

عين الصواب
تسلم يا حسن

[ابوخالد السل]

فلتقم كل سيدة قطرية ناديها في بيتها ذلك افضل واحفظ لها

[الأصيلة]

الأصيلة.. يعجبني تفاؤلج..

يصير يعينونج مديرة النادي؟ إذا أي أوكي نبي نادي :)

أكيد يصير...وكان عندي فكرة إنشائه وتمنيت لو يتوفر لي المكان المناسب
لكن مايكون بيت او فلة عادية بحيث المبنى يكون مخصص للنادي...

[هدهد سليمان]

فلتقم كل سيدة قطرية ناديها في بيتها ذلك افضل واحفظ لها

احسنت بارك الله بك .. نعم ليست فقط القطريه وايضا غير القطريه .. والتواصل بين جيرانك شي طيب ومحمود .. شللي راح تستفيده من النادي غير مضيعه وقت ومال !

[تغلبية]

مشكلة هذي الاماكن يكون وكر للبويات

ف خلكم في البيت ابرك العبوا جمباز في الحوش :)



في نادي اسباير للسيدات ..

نادي راقي وعلى مستوى وصارمين جداً ... ما عندهم كيري ميري ..
يا تلعب فيه العضوة وهي محترمة مثل الناس والا النادي يتعذرها
ومافي مجال للبويات ولا لغيرهم من الشواذ ..

فعلاً فعلاً نادي اسباير متنفس .. لكن عيبه الوحيد إنه موب متكامل .. هو نادي رياضي وبس


أحيانا نبي نادي .. نسولف فيه .. نستجم كبار وصغار (ولا جنس ذكر فيه أكبر من 4 سنوات) ..
نلعب ألعاب حرة .. تنس .. ريشة .. مو بس لياقة وجيم

نحتاج لنادي محترم وبقوووووووة

[ع.م]

أكيد يصير...وكان عندي فكرة إنشائه وتمنيت لو يتوفر لي المكان المناسب
لكن مايكون بيت او فلة عادية بحيث المبنى يكون مخصص للنادي...


تدرين أقنعتيني..

ومب أقنعتيني وبس..

إلا شطيتيني على هالنادي..

يقوللج عقب الرياضة يكون المخ استيعابه أكبر.. يعني ممكن رياضة عقب شاور عقب درس تحفيظ بيكون الحفظ واو :nice:

[ع.م]

أحس إذا كان في مجمع نسائي بهالحجم.. بنغير وايد في الجيل الجاي.. بيصير في توجه عام نحو الأشياء المفيدة في الحياة..

تغلبية هلا بج :)

[طواش]

كان منتزه السيدات يقوم بدور قريب من هذا الدور، فلو أعيد تأهيله وتطوير منافعه وأضيف

عليه منتزه العائلات وأصبح تابعا لمؤسسة حكومية أو شبه حكومية ترعى نشاطاته وتوفر له

كادر وظيفي قطري 100% فإن الموضوع ليس ببعيد عن التحقيق .

الله يوفقكم يا بنات بلادي للصلاح والفلاح ويستر عليكم دنيا وآخرة .

والفكرة نظريا لا غبار عليها المهم التطبيق ولنكن من المتفائلين خيرا والظانين بغيرنا ظن

الخير .

لسنا ملائكة وغيرنا ليسوا شياطين .

ولا ننسى أننا - أولا وأخيرا - تربية إمرأة .

وأن للنساء حق علينا فرفقا بالقوارير

[تغلبية]

أحس إذا كان في مجمع نسائي بهالحجم.. بنغير وايد في الجيل الجاي.. بيصير في توجه عام نحو الأشياء المفيدة في الحياة..

تغلبية هلا بج :)



بالمهلي يالغلا ... :)

شفتك هناك ;).. موضوعج خطيييييييييير .. ولج سلطة خاصة لعيونج بس خلني اجهز الكاميرا والمزاج :pic:

[ع.م]

فإن الموضوع ليس ببعيد عن التحقيق .

الله يوفقكم يا بنات بلادي للصلاح والفلاح ويستر عليكم دنيا وآخرة .

والفكرة نظريا لا غبار عليها المهم التطبيق ولنكن من المتفائلين خيرا والظانين بغيرنا ظن

الخير .

لسنا ملائكة وغيرنا ليسوا شياطين .

ولا ننسى أننا - أولا وأخيرا - تربية إمرأة .

وأن للنساء حق علينا فرفقا بالقوارير



رد مقنع جداً جداً..

تغلبية .. نحن في الإنتظار..

[رجل مثالي]

يجب أن يكون ساعات وجود البنت أو المرأة في النادي في أوقات لا يتعارض

مع أوقات مسؤوليتها الاسرية وواجباتها من جميع النواحي فلا مانع من أنشاء نادي خاص

لأخواتنا حسب التعاليم الاسلامية من جميع النواحي ووضع تعاليم خاصة لاوقات

النادي وأعضاءه مع وجود تعاليم خاصة للنادي لجميع مرافقه وبأن يكون

جميع الموظفين في النادي من النساء فقط لخدمة النادي ومرافقه

وبالتوفيق للنادي النسائي القطري

[تغلبية]

.. شللي راح تستفيده من النادي غير مضيعه وقت ومال !


أنا أقولك شاللي بتستفيده المرأة .. والرجال بعد بيستفيد !

أول شي راح يخف عن المراة ربة البيت الضغط النفسي والفكري من مسؤولية عيال وتدريس .. وود وجيب من مدارس وحل واجبات ووفر مستلزمات مدارس ... الخ المتطلبات

تلهى شوي عنها زوجها وعيوبه وروحاته وجياته .. ويخف التصادم أوالفتور الحاصل بين الأزواج هالايام ..

تقضي وقت خاص فيها (يطّيب خاطرها من نفسها) اما بصحبة طيبة .. أو ممارسة هواية مفيدة .. او جو عائلي مع بناتها بدون شد أعصاب أو مسؤوليات

تتغير نفسية المراة للأحسن .. تكون ايجابية أكثر .. تهتم بصحتها ولياقتها أكثر..

خل المراة تشاهد منظرة طوالية وتشوف تضاريس جسمها من فوق لي تحت ..
يمكن اتخرع شوي من نفسها !!
يعني بصراحة أنا في أحيان كثيرة أتعزز لحالكم يالرجاجيل .. الله يعينكم على كتل الشحم المتناثر اللي تشوفونها:rolleyes2: ..
لي زاغت عيونكم على الممشوقات الله يلوم اللي يلومكم !

خلها تروح النادي وتشوف الناس الرشيقة تلعب رياضة بانواعها .. خلها تلهى بوقتها لنفسها .. تتسلى وتوسع سدرها .. لاهو بعيب ولا حرام .. خلها تفك عنك يالرجال شوي .. وانت فلها ويا ربعك بدون حنة .. وينك وينك ؟:telephone:

يمكن عقبها تصير المراة مودرن وستايل .. لي صارت رشيقة ..
بتراعي شكلها وهندامها .. واسلوبها وتصرفاتها .. وأهم شي يكون لبيتها وزوجها .. موب للناس بس ،،

[ع.م]

صااادقة والله يابنت تغلب..

أنا لما قريت رد الأصيلة إن مب كل وحدة يحصل لها تسافر ومن هالكلام.. اكتشفت إن احنا فعلاً نحتاج هالنادي.. أنا كنت أقيس الموضوع على نفسي.. والحين أشوفه بعيون بعض الحريم اللي يعانون من مسئوليات البيت والعيال، وروحتها للنادي يوم أو يومين فالاسبوع ساعة أو ساعتين بدال وقت السوق.. راح تخفف كثير من الضغط النفسي.. وراح تخليها تبدع أكثر مع بيتها وعيالها.. ولاتقولون لي أمهاتنا أول ماكان عندهم هالسوالف.. أمهاتنا عانوا وايد..أكثرهم راحوا فريسة أمراض عدم اللياقة (الضغط والسكر)، وماكان بالهم طويل على عيالهم (دعاوي وتكفخ) .. المرأة إنسان في النهاية وتحتاج تغير جو .. شوي بس مب وايد.. ماطلبنا المستحيل وماقلنا لهم هيتوا في الشوارع.. هم من الحين هايتين في الاسواق يعني شي أحسن من شي.. ومافي مقارنة أصلاً.. بس للتقريب..

[تغلبية]

صااادقة والله يابنت تغلب..

أنا لما قريت رد الأصيلة إن مب كل وحدة يحصل لها تسافر ومن هالكلام.. اكتشفت إن احنا فعلاً نحتاج هالنادي.. أنا كنت أقيس الموضوع على نفسي.. والحين أشوفه بعيون بعض الحريم اللي يعانون من مسئوليات البيت والعيال، وروحتها للنادي يوم أو يومين فالاسبوع ساعة أو ساعتين بدال وقت السوق.. راح تخفف كثير من الضغط النفسي.. وراح تخليها تبدع أكثر مع بيتها وعيالها.. ولاتقولون لي أمهاتنا أول ماكان عندهم هالسوالف.. أمهاتنا عانوا وايد..أكثرهم راحوا فريسة أمراض عدم اللياقة (الضغط والسكر)، وماكان بالهم طويل على عيالهم (دعاوي وتكفخ) .. المرأة إنسان في النهاية وتحتاج تغير جو .. شوي بس مب وايد.. ماطلبنا المستحيل وماقلنا لهم هيتوا في الشوارع.. هم من الحين هايتين في الاسواق يعني شي أحسن من شي.. ومافي مقارنة أصلاً.. بس للتقريب..



وشتقولين يالغالية في اللي تطيح بين سندانين ..

اما تضعفين وتصيرين رشيقة .. واما اتزوج عليج .. قلبي يهف على ام جسم حلو << كلام الزوج

ولان ما عندها عزم .. وتستحي من الظهور بملابس الرياضة في النادي الرياضي

ولانه ممنوع وعيب ماتصير تروح نادي في عرفها وعرف زوجها ..

ولانها تبي تحافظ على بيتها وزوجها ..واستقرار حياتها ..

ترضى بمشرط الجراح كحل سريع يزيل مخاوفها .. اما لشفط أو او شد أو تصغير ..

وتدخل المسكينة غرفة العمليات ...

وتطلع منها ميته !! توفاها الله !! :omg:

كله عشان تصير رشيقة .. وعلشان ترضي زوجها يتيتمون عيالها

والزوج ماعليه خوف بيتزوج بدال الرشيقة عشر :(

صارت في قطر وشاهدة على أحداث هذي القصة الحقيقة ..


ومافي داعي نعيش فواجع أكثر علشان الرشاقة .. خلنا نعيش حياة حلوة بدون تعقيد

والرجال يسند المراة في حياتها وفي اهدافها الخاصة ..

في الأخير المراة هي اللي تلم شمل الأسرة وهي عمود البيت ..

إن صحّت وصح بدنها كل البيت صاحي وإن مرضت وراحت ماعاد للبيت حلاه من بعدها

ادري قلبت تراجدي ...

بس هذا جانب مظلم من عزوف المرأة عن ممارسة الرياضة والاحتفاظ برشاقة دائمة :(

[دااانة قطر]

نعم تحتاج المرأة القطرية إلى نادي محترم له قوانينه الخاصة به
وليس نادي للجميع دون استثناء ..
من شروطه يكون للمرأة لا للمجموعات المستهترة
من البنات صاحبات الشلل المعروفة...
بعيدا عن التجمعات الخاصة والسلوكيات الشاذه..
نادي تمارس فيه المراة كل الأنشطة الرياضية والإجتماعية...
تقام فيه المعارض الصغيرة ...والفعاليات الخاصة..
والإحتفالات بالمناسبات..وتشرف عليه كوادر معروفة في البلد
وليس كل هب ودب...


صاادقه والله

[ع.م]

تغلبية قصتج قطعت قلبي.. وبالفعل السمنة منتشرة عندنا وايد وايد وااااايد..

وأكثرها أسباب نفسية للأسف..

صحيح إن اللي يشوف الجرايد والمجلات يقول المرأة القطرية ماخذة راحتها عالآخر.. بس الصج للحين في حريم وايد مايقدرون يروحون الجم بسبب رفض الأهل..

[صوت الضمير]

موجود نادي سباير :)

كلهم فلبينات .. واجانب..قليل ماشوف قطريات هناك :(

خاطري يكون عندنا ثقافة الرياضة على الاقل المشي

نفس الاجانب اللي يوصلون الخمسين وصحتهم احسن من صحة بنت عندنا



أبداع

[maskalrose]

اشكر الجميع

بس

الموضوع مب مكان لممارسة الرياضة وهي شي نقدر نمارسه في اي مكان وفي اي وقت ..تمنيت انكم تدخلون مواقع الاندية الي ذكرتها ...علي الاقل تتعرفون علي الانشطة الي نحتاجها ..حتي قاعة اعراس وحفلات عندهم .. في زيارة لدبي زرت نادي دبي للسيدات والي تراسه الشيخة منال محمد المكتوم ..كلمة رووعة شوي ...

الموضوع اكبر من كذااا ....

عندنا قطريات موهوبات عندهم مواهب مدفونه والا ممنوعه من النشر بسبب الاختلاط الي نعيشه اليوم

كمثال لو بنت قطرية صاحبة موهبة خيرت بين الوقوف في معرض سوق واقف والا في نادي سيدات قطر

بجد نحتاج لفسحه من الامل والراحة

[maskalrose]

عزيزتي النادي المحترم لازم يكون رواده محترمات...
بالعكس النادي الصحي ضروري جدا هذه الأيام بالذات..
ـ يساعد المرأة على الحركة ويحببها في الرياضة والسباحة
وبالذات مع الأكل الغير صحي والجلسة في البيت بدون حركة
مما يساعد على تراكم الدهون وبالتالي الأمراض الكثيرة...
ـ تغير جو وخاصة للمرأة التي لاتتمكن من السفر في الصيف...
ـ عمل قاعة صغيرة للمعارض يسهل لصاحبات المهن
لـ عرض منتجاتهم كـ العطور والبخور والعبايات بين حين وآخر...
ـ الإلتقاء مع الصديقات في أي وقت وخاصة إذا كان فيه
مطعم وكافيه بدلا من الإجتماع في الأسواق و المجمعات...
ـ تكون فيه قاعة للمحاضرات التربوية والصحية
والعلاجية واستضافة متخصصين..
حتى تتعرف المرأة على مقومات الصحة والشباب والجمال...
والكثير الكثير من الفوائج التي ستجنيها المرأة من هذا النادي...



من اجمل الردود

هذا الي نحتاجه

[بوحارب]

الحين الحريم بدون نادي وهاملين عيالهم وقاطينهم على الخدم !!!

شلون لو وجد نادي فيه كل وسائل الترفيه !

طبعا لحد يقول بنروح فيه وقت الفراغ لأنه اللي عندها عيال ماعندها وقت فراغ :)

ملاحظة: نؤيد وبقوة للنادي حق الفاضيات فقط :(

[الأصيلة]

وبالذات مع كثرة المتقاعدات من ذوات السن المتوسط والتي
زرعوا فيها إحساس أنها في سن اليأس
فيئست من العمل والزوج والأولاد والصحة وكل مافي هذه الدنيا واستسلمت
لـ سنها فتأكل ماتريد وتجلس كما تريد وتهمل نفسها كما تريد
وتنعت نفسها بأوصاف لاتليق..
وتنتظر الشخوخة بفارغ الصبر...

والفضل يعود لمن حولها ولـ زوجها الكريم...

[الأصيلة]

الحين الحريم بدون نادي وهاملين عيالهم وقاطينهم على الخدم !!!

شلون لو وجد نادي فيه كل وسائل الترفيه !

طبعا لحد يقول بنروح فيه وقت الفراغ لأنه اللي عندها عيال ماعندها وقت فراغ :)

ملاحظة: نؤيد وبقوة للنادي حق الفاضيات فقط :(

عشان ترتاح منهم يارجال
ومايزاحمونك عند معاصر الكرك...

[الخبير العقاري]

ممكن يوافقون على مطلبكم أيها الاخوات وينشؤون لكم نادي نسائي بس في البداية نسائي 100%100 والطاقم نساء فقط وبعد كم سنه يتحول إلى جزئي الوافدات نساء والمدربين رجال بالتحجج بعدم وجود البديل من النساء شوي وتظهر العجائب والأمور التي لايتوقعها العقل المسلم السليم؟!

فرأيي فكوا انفسكم فيما قد يفسد بناتكم في المستقبل رأي شخصي..

[الأصيلة]

ممكن يوافقون على مطلبكم أيها الاخوات وينشؤون لكم نادي نسائي بس في البداية نسائي 100%100 والطاقم نساء فقط وبعد كم سنه يتحول إلى جزئي الوافدات نساء والمدربين رجال بالتحجج بعدم وجود البديل من النساء شوي وتظهر العجائب والأمور التي لايتوقعها العقل المسلم السليم؟!

فرأيي فكوا انفسكم فيما قد يفسد بناتكم في المستقبل رأي شخصي..

مستحيل لو كان بإدارة نسائية محترمة..
وهذا هو سباير لم يكن أبدا فيه مدرب للنساء ولا العكس
أيام للرجال وأيام للنساء بأوقات معينة...
بالنسبة للرياضة والسباحة
فـ ليش التشاؤم واستباق الأحداث وتوقع المكروه والشر...

[بوحارب]

عشان ترتاح منهم يارجال
ومايزاحمونك عند معاصر الكرك...

بعد بيزاحمونا

لاتنسين ورى كل رجل خمس حريم يعني مالنا مفر منكم :secret:

[clouds]

بالنسبه للنادي اعتقد في نوادي في قطر وبدل ماننتظر خلنا على الموجود الحين..
عندكم نادي الدانه تقريبا طول اليوم للحريم وفيه كل اللي طلبتوه سباحه رياضه تنس بيبي فوت تنس طاوله وكافيه...والمكان شرح وكبير وفي العاب خارجيه لليهال يعني المره لو عندها اطفال تقدر تخليهم يلعبون بالالعاب

عندكم كيرفز نادي مخصص لللنساء والاجهزه مصنعه للنساء
كلاود 9 فيه بركه سباحه ورياضه وكلاسس يوغا وبلاتس وغيرها من انواع الرياضه
انيرجي فتنس اللي في فيلاجيو من 6 الصبح لين 11 بالليل وفيه اجهزه وايروبكس وكلاسس يوغا وغيره من الكلاسس الرووووعه وحتى الملاكمه عندهم وحتى مدخل الحريم مختلف وبعيد عن مدخل الرجال
النادي الدبلوماسي بعد عندهم للحريم بس كان الصبح لحد الظهر
فندق شرق بعد عندهم للحريم فقط...
وطبعا اسباير وانتو كتبتو عنه فماحبيت ازيد

انتو روحو الاول واحد من الموجودين بدل ماتحلطمون نبي ونبي واخرتها كل الي يروحون اجانب والقطريات بس يشتركون ويروحون يوم او يومين او اسبوع ان كثرو للاسف

لو تعرفون فايده الرياضه هي مب بس للكروش هي اولا للتنفس وتحسين الدوره الدمويه واذا تحسنت عندكم بيخف التوتر والضغط النفسي...روحو حصص يوغا على الاقل صدقوني بتلقون نفسكم تغيرتو وبدل الصداع والضيقه بتحسون انكم مرتاحين ومزاجكم حلو ورده فعلكم للشي اللي كان يضايقكم بتختلف ويتكونون اهدا...احنا الحين كل ماوحده تضايقت قالت بروح السوق اطلع حرتي في التسوق مع انها لو تمشي بس في الكورنيش لو نص ساعه بتلقى نفسها هدت وارتحت لانها تنفست هوا البحر والهوا الطبيعي


تحركو وروحو سجلو في الموجود حاليا ولاتنطرون تقولون لين سوولنا هالنادي بنروح..لاتطلعون اعذار استغلو الموجود واحسنو استخدامه

[شوشو 1574]

نعم والله نحتاج بالقو

[الأصيلة]

أختي clouds
بالنسبة لنادي الدانة شروطه تعجزيزية
لازم اشتراك سنوي وبـ رسوم باهضة جدا ومبالغ فيها.. ..
ولاهو مخصص فقط للنساء بل هو أيام وأيام مثل سباير
ولاهو اللي في تفكيرنا أبد..
وكيرفز مجرد أجهزة 30 دقيقة ( وين المتعة والفائدة الصحية والإجتماعية )
وباقي الأماكن اللي ذكرتيها ماتناسب أبدا لإجتماع الحريم الدائم ومكشوفة مثل شرق وغيرها...
النادي المطلوب نادي مختلف تماما...
وبأسعار رمزية والشروط تكون على نوعية الرواد ...
ويكون مبنى كبير خاص بنادي لا فلة كبيرة أو فندق وبأيام محددة...

[راسي براسك]

نحتـــاج وبقـــوه !!

مثـل ماغيـرنا لـه نوادي ومستمتـع في الدولـه

أحنــا لنــا حـق فـي كـل حاجــه ...

ياليـت ينظر للموضوع بجدية

[بنت قطريه]

اكيد مثل ما الرجال يحتاج وقت حق نفسه المرأه نفس الشي ... وانا احس من ضغوط الشغل والبيت وطبعا المشاكل اللي تصير بين فترة وفترة يحتاج الواحد يغير وانا الحمد لله سجلت في نادي رياضي احس اذا تضايقت او تعبت او انقهرت من اي موضوع اروح النادي وهو نسائي 100% عندهم جيم روعه مع مدربة اللي طبعا ترغب واسوي رياضه لان احنا الحريم ننسنا نفسنا مع المشاغل ومع الحمل والولاده والحمد لله من صرت اروح بدى وزني ينزل وتغير نظام حياتي للاحسن ونفسيتي افضل ولله الحمد وانا صراحة انصح اي وحده تحس انها مضغوط من الشغل اليومي تسجل في نادي رياضي بس يكون ممتاز ... لاني اشتركت في السباحة مع مدربه والله انسى كل شي لما انزل البركه واحب اتعلم علشان نفسي ومنها رياضه لجسمي واحسن شي ممنوع دخول الجوال المسبح فارتاح من الحنة ساعة ونص اكون فيها مع نفسي .... اسفه طولت بس بصراحة حقيقه نحتاج نادي واتمنى الدولة تخصص لنا نادي خاص للسيدات فقط

[simsim1963]

من الناحيه الاقتصاديه اعتقد انه ضروري حيث ان فوائد الرياضه كثيرة جدا سواء للمرأه او الرجل . ومنها تقليل التكاليف الصحيه والمحافظه على الزواج والصحه العامه مما ينعكس على الجو العام في الدوله . اطالب بعمل نادي كبير لكل منطقه من مناطق الدوحه تكون مخصصه للنساء .

[بـــــــنت النوخـّــــذه]

انزين شرايكم اتحطون استبيان في الموضوع
يشمل عدة نقاط بيكون اكثر فاعليه

سلام(ن) عليكم

[ام السعف]

من الناحيه الاقتصاديه اعتقد انه ضروري حيث ان فوائد الرياضه كثيرة جدا سواء للمرأه او الرجل . ومنها تقليل التكاليف الصحيه والمحافظه على الزواج والصحه العامه مما ينعكس على الجو العام في الدوله . اطالب بعمل نادي كبير لكل منطقه من مناطق الدوحه تكون مخصصه للنساء .

:eek5:
هاهاها ليش حاط لزقة على شنبك يا خان ؟

[شيط ويط]

لازم يكون هناك نادي رياضي اجتماعي ثقافي ترفيهي للنساء .. ويكون (حكومي) .. إداريا ومالياً

[biscuit]

أختي clouds
بالنسبة لنادي الدانة شروطه تعجزيزية
لازم اشتراك سنوي وبـ رسوم باهضة جدا ومبالغ فيها.. ..
ولاهو مخصص فقط للنساء بل هو أيام وأيام مثل سباير


اختي الأصيلة اسباير عندهم مبنى كامل خاص للنساء يقدرون يومياً يروحون مب ايام معينة ، السيكيورتي حريم ما يسمحون بالدخول إلا للمشتركات ورسوم الاشتراك رمزية 150 أو 200 ريال

يبي لنا نادي عالبحر نفس الصورة اللي في أول صفحة .. :weeping:

[ورقة غار]

السباير حلوو وادارة صارمه جدا فيه نظام وترتيب والاشتراك بـ 200 ريال ف الشهر انا عن نفسي يوميا اروح السباير .......المكان شرح ونظيف وماجفت بويات ولا خرابيط كل محترم نفسه اصلا هناك مافي مجال للخرابيط لانه اغلب المشتركات تقريبا فوق 30

[حصه20007]

نعم تحتاج المرأة القطرية إلى نادي محترم له قوانينه الخاصة به

[simsim1963]

:eek5:
هاهاها ليش حاط لزقة على شنبك يا خان ؟

انا عند وعدي يا أم السعف والليف حلفت احلق نص شنبي اذا فيه زيادة .

[بنت قطريه]

اكيد ملل دام ما فيه لا شغلة ولا مشغلة الله يرحم حريم اول

الله يخلي هالخدامه

أخوي ليش تعم ان كل وحدة تتكل على الخدامة أنا واحدة ماعندي خدامة وموظفة وارجع من الشغل اخلص شغل البيت واغسل واكوي وانظف يوميا علشان مايتراكم الشغل وبعد خصصت لي وقت اروح النادي لان مثل مااهتم في بيتي وفي زوجي مب من حقي اهتم في نفسي ؟؟؟؟ ليش تقول بس حريم أول بصراحة ظلم مب كل الحريم نفس الشي

[simsim1963]

السباير حلوو وادارة صارمه جدا فيه نظام وترتيب والاشتراك بـ 200 ريال ف الشهر انا عن نفسي يوميا اروح السباير .......المكان شرح ونظيف وماجفت بويات ولا خرابيط كل محترم نفسه اصلا هناك مافي مجال للخرابيط لانه اغلب المشتركات تقريبا فوق 30

بس مب كل بنت وحرمه اسباير قريب عليه ؟

[قطريه ماركه]

أي والله نبي نبي نبي :(

( صحتي ) استانسنا عليه لين سكروه :(

[الأصيلة]

السباير حلوو وادارة صارمه جدا فيه نظام وترتيب والاشتراك بـ 200 ريال ف الشهر انا عن نفسي يوميا اروح السباير .......المكان شرح ونظيف وماجفت بويات ولا خرابيط كل محترم نفسه اصلا هناك مافي مجال للخرابيط لانه اغلب المشتركات تقريبا فوق 30

صحيح والله سباير حلو وبالذات برك السباحة هادية ولا أحد فيها ومواعيدها
مؤقته وأسعار في متناول الجميع
وحماية وتدقيق ..
توني أمس أكتشف...بعد ما أشبعوا الأجانب...

[am5ald]

فعلا نحتاج مكان ترفيهي للسيدات والبنات
كان فيه فالستي سنتر فوق مكان للتزلج وبولنق بس مادري ليش سكروه كنا نروح له وقت الفراغ
بس لو يسوون لنا مكان مخصص نادي وشاطيء بيكون ناجح
واهم الشروط يكون فيه مكان للعب الاطفال عشان الامهات ياخذون راحتهم
مساكين الحريم والبنات مايعرفون وين يروحون

[ورقة غار]

بس مب كل بنت وحرمه اسباير قريب عليه ؟





انا اشوف مكانه زين ف نص الدوحه يعني لو يسون منه فروع حق المناطق البعيده بيكون فله شمعه منوره :nice:

[ورقة غار]

صحيح والله سباير حلو وبالذات برك السباحة هادية ولا أحد فيها ومواعيدها
مؤقته وأسعار في متناول الجميع
وحماية وتدقيق ..
توني أمس أكتشف...بعد ما أشبعوا الأجانب...



شرايج لو اقولج انه بدوو في برنامج جديد من فتره حق الحوامل ومابعد الولاده ....خساره لو اهل قطر مايستفيدون منه سعر رمزي مقارنة بالاماكن الثانيه ...والاجانب اشبعوا منه مابقت شقره وحمره ماسجلت

[تغلبية]

شرايج لو اقولج انه بدوو في برنامج جديد من فتره حق الحوامل ومابعد الولاده ....خساره لو اهل قطر مايستفيدون منه سعر رمزي مقارنة بالاماكن الثانيه ...والاجانب اشبعوا منه مابقت شقره وحمره ماسجلت

جاية اقول هالكلمتين .. سبقتيني :)


فعلا اسباير عندهم برنامج الرياضة واللياقة الجسدية والعقلية للحوامل ..

يعني برنامج خاص يعلمون فيه المراة الحامل شلون تهتم بنفسها في فترة الحمل من ناحية التغذية والدورة الدموية وتأهل نفسها لعمليات الولادة بتنظيم عملية التنفس وارتباطه بالحركة .. وبعد شلون تزيل منها المخاوف والتوتر في قبل واثناء وبعد الولادة
طبعا هالرياضة كلها لطيفة مافيها خشونة او حركات قاسية للمراة الحامل

يوغا على بيلاتس .. ممكن سباحة للي تبي ومشي .. وغيره

برنامج ذهبي .. وفرصة لا تتكرر كثيراً .. وجهة وطنية تقدمه للقطريات ولغير القطريات
وكل مالهم يهتمون أكثر بالحوامل .. ويتمنون وحدة قطرية تجي تسجل فيه
شوف عيوني الاجانب يركضون له ركض ..
وطبعاً هدفهم مكافحة السكر والسمنة خاصة للمرأة الحامل علشان مايصاب الجنين بالسكر وهو في مراحل الطفولة << أهداف سامية

ومايكون هالبرنامج الا بموافقة طبيب الام الحامل

هالبرنامج عندهم تقريبا بــ 200 ريال في الشهر

وفي العيادات الخاصة وما ينوجد الا عند عيادة د. فواز بــ 650 ريال !


يعني الحين نحط اللوم على منو ...

على الدولة اللي وفرت مثل هالبرامج اللي بمستوى عالي جداً ..لكن وعي المواطنات بصحتهم وصحة جنينهم قليلة ..

والا نلوم الاجنبيات الواعيات اللي ماخلوا شي منه فايدة في البلد الا اغرفوا منه وما يقولون بس أبدا !


وحدة من القطريات اللي اشتركت بهالنظام هي بنفسها شافت الفرق بين عيالها ..
الولد اللي سوت بحمله رياضه واشتركت في هالتمارين .. يكون مخه وهو جنين خذ أكسجين في الدم بشكل كافي وطلع ذكاءه زايد عن أخوانه !



الى الان البرنامج مفتوح ... لمن أرادت التسجيل ... وهو تجربة مثيرة فعلا !

[تغلبية]

صحيح والله سباير حلو وبالذات برك السباحة هادية ولا أحد فيها ومواعيدها
مؤقته وأسعار في متناول الجميع
وحماية وتدقيق ..
توني أمس أكتشف...بعد ما أشبعوا الأجانب...

مرحبا الأصيلة ..

فيه مجمع حمد المائي .. قريب على نادي السيدات

فيه برامج سباحة للكبار والصغار .. متعاقدين مع شركة استرالية تعلم اللي ما يعرفون

أساسيات سباحة للمبتدين بس يدربون

ميزتهم انهم شغالين يوم جمعة وسبت .. اسباير تكون اجازة مثلنا .

[فتى الجود]

نحتاج

بس على شرط العاملات جميعهن نساء

[الأصيلة]

مرحبا الأصيلة ..

فيه مجمع حمد المائي .. قريب على نادي السيدات

فيه برامج سباحة للكبار والصغار .. متعاقدين مع شركة استرالية تعلم اللي ما يعرفون

أساسيات سباحة للمبتدين بس يدربون

ميزتهم انهم شغالين يوم جمعة وسبت .. اسباير تكون اجازة مثلنا .

فعلا وهذا اللي أنا أكتشفته اخيرا
صراحة مكان ماتوقعته بهذا الهدوء والدقة...

[المفترسه]

ايه والله محتاجين بشرط يكون الكادر نسائي ويحطون اسلاك كهربا حول النادي عشان يمنعون تجمع الشباب
ابي امارس الجمباز والباليه بكل خصوصيه:shy:

[رجل مثالي]

عمل فروع مثل أسباير في جميع مناطق الدولة

:nice::nice::nice:

[ام السعف]

ايه والله محتاجين بشرط يكون الكادر نسائي ويحطون اسلاك كهربا حول النادي عشان يمنعون تجمع الشباب
ابي امارس الجمباز والباليه بكل خصوصيه:shy:

شوفوا الإجرام :(

[الـراسي]

يستاهلون الحريم خلوهم يطامرون ويناقزون مساكين ذابحتهم الفضاوه لا شغله ولا مشغله

اي نادي واي خرابيط شوي الا صوركم ماليه الجوالات

اللي تبي تسوي رياضة بتعرف تسويها في البيت ولا اذا طلعت مع اهلها

ترى الستر زين

والله يحفظ حريمنا من كل شر وكل فكر غربي منحل

[ام السعف]

يستاهلون الحريم خلوهم يطامرون ويناقزون مساكين ذابحتهم الفضاوه لا شغله ولا مشغله

اي نادي واي خرابيط شوي الا صوركم ماليه الجوالات

اللي تبي تسوي رياضة بتعرف تسويها في البيت ولا اذا طلعت مع اهلها

ترى الستر زين

والله يحفظ حريمنا من كل شر وكل فكر غربي منحل

ما ادري ليش احس اني اميل كثيرا لرأيك :(

[clouds]

أختي clouds
بالنسبة لنادي الدانة شروطه تعجزيزية
لازم اشتراك سنوي وبـ رسوم باهضة جدا ومبالغ فيها.. ..
ولاهو مخصص فقط للنساء بل هو أيام وأيام مثل سباير
ولاهو اللي في تفكيرنا أبد..
وكيرفز مجرد أجهزة 30 دقيقة ( وين المتعة والفائدة الصحية والإجتماعية )
وباقي الأماكن اللي ذكرتيها ماتناسب أبدا لإجتماع الحريم الدائم ومكشوفة مثل شرق وغيرها...
النادي المطلوب نادي مختلف تماما...
وبأسعار رمزية والشروط تكون على نوعية الرواد ...
ويكون مبنى كبير خاص بنادي لا فلة كبيرة أو فندق وبأيام محددة...

ايش الشروظ التعجيزيه؟؟:omg:
انا مشتركه فيه اكثر من مره واشتراكنا عائلي اعتقد ب9 الاف في السنه وين التعجيزي؟؟بدل ماحطها في شنطه احطها في مكان بروح وبرجع عليه لمده سنه انا وعيالي..وكل يوم للحريم بس الويكند يكون خلط وعادي ودي عيالج وخليها فرصه انكم تطلعون كعائله انتي وزوجج تقعدون تسولفون والعيال يسبحون جدامكم..استغلو الموضوع صح مب بس تشكي وتذمر من كل شي والله كنا نروح النادي في الويكند والجاليات العربيه تارسه المكان والمسبح الخارجي يكون حوله كله باربكيو يسولفون وياكلون وعيالهم حولهم يسبحون واحنا عيالنا للاسف كله في المجمعات واكل فاست فود وحذوفين على الخدامات والدريوليه يطلعونهم لان الام تهيت من مجمع لين زياره...انا ام واعرف اللي يصير واشوف جدامي شلون 90% من العيال اللي في المجمعات بدون اهل للاسف
فبدل ماتذمرون نبي ونبي اعتبري نفسج طالعه مجمع الويكند وودي العيال البركه وقعدي معاهم استانسي
اسمحي لي اتكلمت بهالاسلوب بس من حرتي على بنات بلادي اللي ماصارو يعرفون الا كوفي شوب وعيالهم في المجمعات واكل في هالفاست فود

[الصريحه]

في نادي اسباير للسيدات ..

نادي راقي وعلى مستوى وصارمين جداً ... ما عندهم كيري ميري ..
يا تلعب فيه العضوة وهي محترمة مثل الناس والا النادي يتعذرها
ومافي مجال للبويات ولا لغيرهم من الشواذ ..

فعلاً فعلاً نادي اسباير متنفس .. لكن عيبه الوحيد إنه موب متكامل .. هو نادي رياضي وبس


أحيانا نبي نادي .. نسولف فيه .. نستجم كبار وصغار (ولا جنس ذكر فيه أكبر من 4 سنوات) ..
نلعب ألعاب حرة .. تنس .. ريشة .. مو بس لياقة وجيم

نحتاج لنادي محترم وبقوووووووة


يااختي هذا عكس اللي سمعته
قالوا عنه كلام مب شيء لان البنات او البويات اعفسوا المكان ولابد الحذر منهم
انا مع النادي بشرط
يكون فيه عضويه
يكون ممنوع الجوالات اللي بكاميرا وتفتيش بسيط عند البوابه
يكون لبس ساتر للعضوات
يكون فيه امن نسائي دائما
اي مخالفه للقوانين تسحب العضويه على طول
ممنوع الواسطه
وفي النهايه لكل امراه تقدير حاجتها بعدمه في تلك الاجواء

[تحداني]

نعم محتاجه لنادي .. وما الغريب في الموضوع
والنوادي ليست وليده اللحظه .. ولا حتى ذهاب الفتيات إليها حديث الساعه
من زمان والكثير من الفتيات لديهم ثقافه الرياضه
وثقافه ممارستها
وثقافه الاهتمام بصحتها

صحيح ما عندنا نوادي كامله ومجهزه بكل شي من مقهى
الى سوق .. الى العاب ترفيهيه .. ولكن مجهزه بكامل مرافق الرياضه
من اجهزه
الى سونا وجكوزي .. ومدربه .. وهناك من النوادي بها حتى اخصائيات تغذيه
ومتابعه شهريه



جملكم الله برضى الرحمن

[الساهر 17]

اكيد يحتاجون ولكل المواطنات بدون استثناء