تهورت ولكن الله ستر

[بوحمد111]

السلام عليكم ورحمة الله وبركاتة

ادري ان العنوان فيه شوية تهور ولكن السالفه وما فيها اني انا اشتريت اي فون من محل كبير في فلاجيو من اسبوعين تقريباً وخبركم المحلات هذه تعطي ضمان على كل منتجاتها وبعد مرور خمس ايام من استخدامي الجوال طلعت لي مشكله اني اتكلم بالهاتف واللي اكلمهم يسمعوني ولا اسمعهم وعلى العموم اخذت الجوال بورقة الضمان والحمد لله تقبلوا ان يصلحون الهاتف وبعدها بأربع ايام وبالتحديد امس الظهر الساعه 12 اتصل لي شخص من عندهم وقال لي جوالك جاهز وانا ما كثرت خبر من الدوام الى المحل وقبل لا اروح البيت وذلك لإستقلال الوقت قلت اروح آخذ الجوال ولكن المشكله يوم وصلت المحل قالوا لي جهازك صحيح جاهز ولكن تستلمه بعد الساعة 5 ونص وقلت لهم انا مب طالع من المحل الا والجوال عندي وطلبت اقابل المدير ورفضوا ان اقابله وهددتهم بأني باخذ اي جوال جديد من عندكم واذا جهز جوالي اتصلوا لي برجع لكم جوالي وطبعاً هالكلام صار بالتهديد والاصرار وعلى العموم يوم شفت ما فيه فايده منهم دخلت علي قسم الهواتف وأخذت جوال جديد بكرتونه وقلت لهم يا ويل اللي بيعترض لي والحمد لله ما كان فيه اي اعتراض وعلى العموم اول ما ركبت سيارتي الا والمدير يترجاني ان ارجع واقابله وقلت له اتصل لي اذا عندك جوالي أو اذا بتبدل لي الجوال بواحد ثاني جديد وقال لي هذه تعتبر سرقه وقلت له اطلع من المحل وروح اقرب مركز شرطه وانا الحين بروح معاك ولكن بدأ يترجاني ان لا افتح الكرتون وأن احتفظ بالجوال الجديد الى ان يجهز جوالي والحمد لله الساعه 5 رجعت لهم وسلمتهم الجوال الجديد وأخذت جوالي طبعاً بعد التصليح وهذا اللي حصل معاي وأحمد الله ان الامور عدت على خير وبتفاهم واعتذار مني لهم وهم كذلك اعتذروا مني وطلعت من محلهم وانا راضي عنهم وهم راضين عني.

وهل تصرفي سليم مع اني انا اعتقد ان تصرفي كان ممكن يسبب لي مشاكل كثيره ولكن اكرر كلامي واقول الحمد لله الامور عدت على خير

وتقبلوا تحياتي وهذه السالفه اول مره تحصل لي مع ان هذا مش من طبعي ولكن العصبيه في بعض الأحيان تخلي الواحد يرتكب اشياء ويتحسف عليها

[كاروهات]

الله يحفظك من كل شر

صحيح حركتك كانت شوي غريبة .......... بس تصرفك افضل من ريلي لان ريلي ما عنده مانع لو يضربهم ضرب............ بس شوف شلون القوة مشت معاهم وهم عارفين غلطهم

[بو منيرة]

اخوي بو حمد الحمدلله انها عدت على خير .... شكلك وانا اخوك عصبي شوي .. صج هم غلطانين بس بعد لو رحت ورجعت الساعه 5 بدون الي صار كان مشت الامور بدون مشاكل ... تحمل من العصبيه وانا اخوك ترى كل المشاكل سسبها لحظة الغضب .. القتل و الطلاق وال ال .... وتذكر وصية الرسول لا تغضب لا تغضب لا تغضب

[بوحمد111]

الله يحفظك من كل شر

صحيح حركتك كانت شوي غريبة .......... بس تصرفك افضل من ريلي لان ريلي ما عنده مانع لو يضربهم ضرب............ بس شوف شلون القوة مشت معاهم وهم عارفين غلطهم


يعطيج العافيه اختي كاروهات

لا الحمد لله انا مستحيل امد يدي على احد ولو هم اصروا ان ارجع لهم التلفون كان رجعته لهم بدون مقاومه وصحيح في بعض الأحيان القوة تمشي وبعض الأحيان تودي الواحد في داهية

[بوحمد111]

اخوي بو حمد الحمدلله انها عدت على خير .... شكلك وانا اخوك عصبي شوي .. صج هم غلطانين بس بعد لو رحت ورجعت الساعه 5 بدون الي صار كان مشت الامور بدون مشاكل ... تحمل من العصبيه وانا اخوك ترى كل المشاكل سسبها لحظة الغضب .. القتل و الطلاق وال ال .... وتذكر وصية الرسول لا تغضب لا تغضب لا تغضب


هلابك اخوي العزيز بومنيرة

اي والله يا خوك انا عصبي شوي ولكن بسرعة ارجع من عصبيتي وأصير هادي جداً ومثل ما قلت لو انا رحت بيتي ورجعت لهم مثل ما قالوا على الساعة 5 كان الامور عدت بدون مشاكل ولا عوار راس وبيتي يبعد عن فيلاجيو في حدود العشر دقايق ولكن احمد الله وأشكره ان الامور عدت على خير وشاكر لك النصيحه الله يبارك فيك

[نجم سهيل]

السلام عليكم

ان كان الجوال موجود في المحل نفسه وماعطوك اياه الغلط منهم بدون شك
وان كان في الورشة وللحين ماوصل ماله داعي تسووي جذي
ان شالله تكون الأولى

[wadha-qa]

لا تعيدها مره ثانيه *_*
صراحه يكفي تهاوشهم على الحركه اللي سووها فيك ماله داعي تاخذ جهازهم هههههه

[بوحمد111]

السلام عليكم

ان كان الجوال موجود في المحل نفسه وماعطوك اياه الغلط منهم بدون شك
وان كان في الورشة وللحين ماوصل ماله داعي تسووي جذي
ان شالله تكون الأولى


يعطيك العافيه اخوي نجم سهيل

لا الجوال في الورشه وانا سويت هالحركه الغير مقصوده بسبب ان المدير رفض يقابلني وهذا اللي قهرني اكثر والله لو قابلني كان ما تهورت وان شاء الله هذه الأخيره مع انها اول مره

[بوحمد111]

لا تعيدها مره ثانيه *_*
صراحه يكفي تهاوشهم على الحركه اللي سووها فيك ماله داعي تاخذ جهازهم هههههه


ان شاء الله وجزاك الله خير بس العصبيه في بعض الاحيان تخلي الواحد يتصرف ويقوم بتصرفات غريبه بدون قصد

[الصريحه]

لا للاسف غلطان
حتى وان ظلموك لاتخلي لاحد ممسك عليك
زين مابلغ عنك واشتكاك

[بوحمد111]

لا للاسف غلطان
حتى وان ظلموك لاتخلي لاحد ممسك عليك
زين مابلغ عنك واشتكاك


يعطيج العافيه اختي الصريحه

الحمد لله الامور عدت على خير ومثل ما قلت لو المدير قابلني من البدايه كان انا ما تصرفت بأي تصرف غلط والحمد لله على كل حال

[ALRAYYAN]

حاسب مره ثانيه .. كان ممكن تعطيهم كلمتين في العضل وتخليهم عشان ماعاد يكررون هالحركه البايخه معاك او مع غيرك

لكن تخيل انك انت صاحب المحل وجيت انا وسويت نفس حركتك .. ماظن بتسكت عن حقك

ربي يستر عليك

[بوخالد911]

اوووبس


الله يعيينك

حزززات يبييلهم العين الحمرررة

[بوحمد111]

حاسب مره ثانيه .. كان ممكن تعطيهم كلمتين في العضل وتخليهم عشان ماعاد يكررون هالحركه البايخه معاك او مع غيرك

لكن تخيل انك انت صاحب المحل وجيت انا وسويت نفس حركتك .. ماظن بتسكت عن حقك

ربي يستر عليك


منور موضوعي الغالي الريان

مثل ما قلت القهر وما يسوي واللي قهرني اكثر ليش المدير رفض يقابلني يعني من زود الشغل اللي عنده واشمعنى حاول يناديني علشان اقابله بعد ما اخذت جوال جديد من المحل

خلهم يحسون ويعرفون ان القطري ما يسكت عن حقه

شاكر لك الدعوة الطيبه الله يبارك فيك

[بوحمد111]

اوووبس


الله يعيينك

حزززات يبييلهم العين الحمرررة




اي والله يا بوخالد والحمد لله العين الحمرة هالمرة ما ودتني في داهيه وهذه اول وآخر مرة اقول بالحركه هذه

والله يستر على الجميع

[boamir]

والله يالغالي في الناس ودك تقلب المحل فوق راسه

بس حركتك مالها دااعي يعني مب على ابسط شي نتهاوش
انا مره تهاوشت على سبب تافه بسبة ولد اخوي مع راعي البقاله بس والله حسيت بالذنب وتحسفت

واحيانا الواحد يودي نفسه بمشاكل ويسبب احراج حق نفسه على اشيااء كللش مااالها دااعي

اهم شي إنك في النهايه إعتذرت وخذت جوالك وخلاص صار إلي صار

[تباشير الفجر]

واللي سلمك لاتعيدها مره ثانيه كان المفروض تتصرف تصرف احسن من جذي بوايد وااااااااااااايد تهورت الصراحه ...
الله يهديك قالوا لك 5 خلاص رجعت 5 من غير ماتعور راسك وايهم

[بويوسف]

يا اخي غلط اللي سويته .. ما صار الا الخير اذا ما جهز وغلطوا يوم اتصلوا عليك خذها بسعة بال وبرجع البيت تغدى وروح له مرة ثانية الا جوال مش بني آدم ..

يفترض نكون ارقى في التعامل سواء مع القطريين او غير القطريين .. والشي الغريب ان البعض يؤيدك دليلا على انتشار ثقافة الصراخ والعويل الغير حضارية في بعض افراد مجتمعنا ..

[الـقـاسـي]

اشوف ماله داعي الفلم هذا كله ,, انت خذت الجوال الجديد صح ولا لا شنو استفتدت من الحركة غير انك اهنت نفسك انت ..

ورديت لهم مره ثانيه الساعه خمس وخذت جوالك فما استفتدت اي شي ..

انا اعتذر لو كان كلامي ضايقك لكن هذي الحقيقه

[بوحمد111]

والله يالغالي في الناس ودك تقلب المحل فوق راسه

بس حركتك مالها دااعي يعني مب على ابسط شي نتهاوش
انا مره تهاوشت على سبب تافه بسبة ولد اخوي مع راعي البقاله بس والله حسيت بالذنب وتحسفت

واحيانا الواحد يودي نفسه بمشاكل ويسبب احراج حق نفسه على اشيااء كللش مااالها دااعي

اهم شي إنك في النهايه إعتذرت وخذت جوالك وخلاص صار إلي صار


منور boamir

ادري ان حركتي ما لها داعي ولكن الواحد من القهر يسوي اشياء ويتحسف عليها وانا الحمد لله بعد ما رجعت لهم مره ثانيه اعتذرت لهم والحمد لله تقبلوا الاعتذار بصدر رحب

[بوحمد111]

واللي سلمك لاتعيدها مره ثانيه كان المفروض تتصرف تصرف احسن من جذي بوايد وااااااااااااايد تهورت الصراحه ...
الله يهديك قالوا لك 5 خلاص رجعت 5 من غير ماتعور راسك وايهم


ان شاء الله مثل ما قلت هذه اول وآخر مره اتصرف بهذه الطريقه ولا اعتقد اني بكررها

وشاكر لك تباشير الفجر على النصيحه

[بوحمد111]

يا اخي غلط اللي سويته .. ما صار الا الخير اذا ما جهز وغلطوا يوم اتصلوا عليك خذها بسعة بال وبرجع البيت تغدى وروح له مرة ثانية الا جوال مش بني آدم ..

يفترض نكون ارقى في التعامل سواء مع القطريين او غير القطريين .. والشي الغريب ان البعض يؤيدك دليلا على انتشار ثقافة الصراخ والعويل الغير حضارية في بعض افراد مجتمعنا ..


منور اخوي بويوسف

ادري اني غلطان ولكن مثل ما قلت في بعض ردودي اني تهورت بشكل سريع وبعدها تداركت الوضع واعتذرت لهم والحمد لله تقبلوا اعتذاري بصدر رحب وحتى هم اعتذروا لي وقبلت اعتذارهم والامور عدت على خير ولله الحمد

[كود نمبر]

على ها الحركه المفروض ريوقك اليوم كان في مركز الريان
بس احمد ربك ان الله ستر وعمر الخطاء مايتصلح بخطاء

[بوحمد111]

اشوف ماله داعي الفلم هذا كله ,, انت خذت الجوال الجديد صح ولا لا شنو استفتدت من الحركة غير انك اهنت نفسك انت ..

ورديت لهم مره ثانيه الساعه خمس وخذت جوالك فما استفتدت اي شي ..

انا اعتذر لو كان كلامي ضايقك لكن هذي الحقيقه


هلا والله اخوي القاسي

مثل ما قلت تهور والحمد لله الامور عدت على خير وكلامك على راسي وأنا من النوع اللي اتقبل النقد وخاصة النقد البناء وكلامك ما ضايقني بل زادني فخر واعتزاز وخاصة اني من النوع اللي يعتذر واقنع من اعتذر له بمبررات اخليه يسامحني وهذا اللي حصل ولله الحمد

[بوحمد111]

على ها الحركه المفروض ريوقك اليوم كان في مركز الريان
بس احمد ربك ان الله ستر وعمر الخطاء مايتصلح بخطاء


اخوي كود نمبر

جزاك الله خير بس لو ريوقي في مركز الريان كان المحل كله بيتسكر وجميع موظفيه أوت من قطر بس لعلمك طال عمرك

[بويوسف]

منور اخوي بويوسف

ادري اني غلطان ولكن مثل ما قلت في بعض ردودي اني تهورت بشكل سريع وبعدها تداركت الوضع واعتذرت لهم والحمد لله تقبلوا اعتذاري بصدر رحب وحتى هم اعتذروا لي وقبلت اعتذارهم والامور عدت على خير ولله الحمد

الاعتراف بالذنب فضيلة .. من منا ما يعصب ولا يخرج عن طوره .. لكن عتبي كان على انك تحاول تكظم غيظك وترتقي بأفعالك .. يكون لك اجر بإذن الله. الحكمة والصبر يا اخي الكريم فضائل تجمل اإنسان ..

الله يوفقك ويوفقنا للخير ..

[ابو ضمير]

شوف ولا تزعل لانك حطيت نفسك في موقفين بايخين الموقف الاول يوم صارت لك هالسالفه والثاني يوم نشرت قصتك على المنتدى وتفضح عمرك وفوق هالشكل تسال هل انا غلطان او لاء انت اصلا غلطان والتصرف الي تصرفته يدل على قلة عقل
يعني لما اخروك لين الساعة خمس ليش ما عرفت منهم ايش الاسباب وتصرفت بعدها بحكمة في طرق وايد انك تتصرفها اولاها انك ترجع مرة ثانيه الساعة خمس واذا اخروك مرة ثانيه ذيك الحين اطلب مقابلة المدير مب انك تهزء عمرك وتروح تاخذ منهم شي بالقوة مب ملكك هذي تصرفات يهالوا لو اشتكى عليك في الشرطة بتطلع انت الغلطان عيب عليك الي سويته راجع نفسك وتصرف بحكمة مرة ثانية الدنيا ما تمشي كذا

[36R]

وشفيها يعني اذا احسنت التصرف وانتظرت لين بعد الساعه خمس

يعني الله يهداك اللي سويته عطاهم انطباع ان احنا ما نراعي الاخرين

يمكن أخطأوا انهم ما خبروك انك تقدر تستلم الاغراض بعد الخمس، لاكن انت رديتهم الخطأ بأكبر منه

وفي النهايه انتظرت لين بعد الخمس واستلمت جهازك

تأكد ان حركتك ما كانت في محلها ابداً

يعني ما تعذر الناس مثلاً؟؟

[بوحمد111]

الاعتراف بالذنب فضيلة .. من منا ما يعصب ولا يخرج عن طوره .. لكن عتبي كان على انك تحاول تكظم غيظك وترتقي بأفعالك .. يكون لك اجر بإذن الله. الحكمة والصبر يا اخي الكريم فضائل تجمل اإنسان ..

الله يوفقك ويوفقنا للخير ..


اخوي بويوسف
شاكر لك الرد الذوق بارك الله فيك وكثر الله من امثالك