استفسار : عن مانشستر لمن زااارها من قبل

[مــــلاك]

السلام عليكم ...

ناووين على بريطانيا ان شاء الله في الصيف

والوجهه بتكون مانشستر , نيوكاسل , سكوتلندا << اهم شي نبعد عن لندن وزحمتها

تم الحجز في نيوكاسل وسكوتلندا ..باقي مانشستر ومحتاره لاني لقيت خيارات للسكن كثيره

خاصه ان نحتاج لاكثر من شقه .. فاللي جرب شققهم يعطينا معلومات عن الافضل


وابي اسأل عن التسوق فيها ,, والمناطق الي نقدر نزورها وتكون قريبه من مانشستر
وتستحق الزيارة .. مثل الحدائق والملاهي و منتجعات ..الخ

[خشوف]

انا عن حالي للحين ماجربت بس ناويه ان شاءالله على بريطانيا ككل زتقه زنقه بس للحين ماجهزت شي
بستفيد منك وين حجزتي ..؟؟ والاماكن الي مخططه لها

[المليونير الفقير]

مانشستر هاديه ومافيها عرب كثير واتوقع للعوائل زينه وبخصوص الحدائق الي اعرفها فلندن بس نصيحه روحي لسفاري بارك تبعد عن لندن ساعه ونص ابصراحه شي زرتها امس وتستاهل الي يروح وبالتوفيق

[مــــلاك]

انا عن حالي للحين ماجربت بس ناويه ان شاءالله على بريطانيا ككل زتقه زنقه بس للحين ماجهزت شي
بستفيد منك وين حجزتي ..؟؟ والاماكن الي مخططه لها


هلا اختي بالنسبه للحجز على القطريه (دوحة- مانشستر- دوحة) 20 يوم تقريبا

الوصول لمانشستر وثم التوجه الى نيوكاسل والاقامه فيها اسبوع
وعلى فكره تبعد نيوكاسل عن مانشستر ساعتين ونص

ثم التوجة الى سكوتلندا والاقامة فيها 6 ايام

بعدها الاقامة الاخيرة اخر اسبوع في مانشستر

الجدول اليومي والزيارات للمناطق الي حول كل منطقة لحد الحين ماحددتها
ولا جمعت كل المعلومات الكافيه الي اقدر افيدج فيها
ناويين نزور مثلا منطقة البحيرات .. واحتمال ننزل لندن بس مب اكيد
مانبي الزحمه والعفسه الي هناك ...خاصه رايحينها اكثر من مره وندلها بعد

[مــــلاك]

مانشستر هاديه ومافيها عرب كثير واتوقع للعوائل زينه وبخصوص الحدائق الي اعرفها فلندن بس نصيحه روحي لسفاري بارك تبعد عن لندن ساعه ونص ابصراحه شي زرتها امس وتستاهل الي يروح وبالتوفيق


الي سمعته من وحده من الاهل كل سنه ينزلون مانشستر في الصيف تقول وايد في عرب
وخليجييين اكثر من السنوات الي قبل ... يعني صاروا الناس يبعدون عن لندن وزحمتها


بالنسبه لسفاري بارك .. ممكن الاحداثيات او موقعها على النت

[زقرت]

مانشستر تصلح ليومين اوثلاثه بالكثيرفيها فرع لسلفرج وفيها مجمع كبيروحلو ناسي اسمه يبعد 20دقيقه من مانشستر بالتاكسي
انصح بفندق رمادا حلو سعره وهادي ثلاث نجوم
موقعه ممتاز قريب من المحلات التجاريه مقابل النافوره الي عليها المطاعم
انصح بزياره بلاك بول هذي منطقه على البحر وهاديه ومعروفه بالملاهي الي فيها تبعد عن مانشستر بالقطار 45 دقيقه صدورد بنفس اليوم لانها قريبه
انصح بزياره مقاطعه البحيرات ليك دسريك لمده يومين اوثلاثه تبعد ساعه وربع بالقطار
فيهاالجو غير ابرد من لندن ومانشستر باكثير وتخصصون يوم كامل لزياره البحيرات بواسطه الباص اخضر بس ماتذكر رقمه وفيها رحلات جبليه بالسيارات اذا تبون رحله خاصه بسياره فيه فنادقها حلوه ومتواضعه

[مــــلاك]

جزاك الله خير اخوي زقرت ... بالنسبه لمدة الاقامه فيها بتكون اسبوع بحكم العدد ماشاء الله عائلتين
ومعانا يهال بعد ..
حجزنا الحمد لله في شقق فندقيه اسمها وير هاوس لمدة اسبوع

بالنسبه لمنطقة البحيرات كان التخطيط نسكن فيها بس الفنادق ماعجبتني ولا لقيت شقق عائليه
بس بنخليها زيارات للمنطقه بدون المبيت فيها

[Rashid554]

اذكر رحت لها في 2008 مُمله وايد مافيها شي .. يمكن مادليت فيها الله اعلم
مارحت الا للنادي

[مــــلاك]

صادني احباااط من مانشستر :(

حجزت وخلصت ...وبأذن الله بنستمتع فيها وبكل المدن الي حولها

[فيصـل قطر]

السلام عليكم
انا ادرس في بريطانيا وحفظت البلاد عدل .. مانشستر فيها اماكن حلوه (صالة التزلج) و (ترافورد سنتر) و والسيتي سنتر مالهم حلو .. بس بشكل عام منطقة مانشستر وليفربول واللي حولهم مافيهم طبيعه .. يصلحون للتسوق والاماكن المسكره

احلى طبيعه في بريطانيا هي في منطقة البحيرات:
http://www.wmv.co.uk/
هذا الموقع فيه حجز لشاليهات على البحيره وكل الصور متوفره في الموقع .. انصح اللي بيروح هالمكان ان ياخذ عدة الطبخ معاه لان المطاعم في هالمنطقه سيئه وماتستمر لليل..
وفيه بعد نشاط سمك اذا كنتو من هواة الهدوء ..وفي هالمنطقه في بحيره صغيره تأجرون فيها قارب وسنارة وتصيدون فيها سمج لين الساعه 5 .. مافي شوارع حولها ولا ازعاج سيارات .. اذا ودج اختي ممكن ازودج بالمعلومات اللي تحتاجينها لهالشي

وفيه بعد مدينة العاب قريبه من لندن اسمها alton towers العابها بشكل عام للكبار اكثر من ماهي لليهال

اذا محتاجين اي معلومات اضافية .. انا طالب وساكن قريب من مانشستر وصارلي 4 سنوات في المنطقه وعندي فكرة عامه عن بريطانيا

[HuNTeR_QTR]

هلا فيج اختي

بالنسبه لمانشستر، انا رحتها كذا مره واشوفها حلوه للتسوق، العرب مشاءالله وايد فيها.

وانصحج تمرين على مدينة ليفربول ( Liverpool) لانها حلوه وعلى البحر.

السكن في مانشستر يعتمد على تاريخ الحجز لان الشقق عليهم ضغط نوعاً ما ، ومعضمهم 5 لين 10 دقايق مشي للسيتي سنتر (City Center)، ومنهم :-

شقق 5 نجوم وقريبه من السيتي سنتر :-

Deluxe Apartments @ The Edge

شقق اربع نجوم وقراب من السيتي سنتر:-

The Place Apartment Hotel
The Light
Premier Apartments Manchester
City Warehouse Apartments

وفي شقق عاديه وحليوه وسعرها حلو:-
Roomzzz Manchester
SACO Manchester ( قريبه من محطة القطار Manchester Piccadilly )

وهذا رابط فيه معظم الشقق الي ذكرتهم فوق:-

الــــــــرابـــــــــط (http://www.booking.com/searchresults.html?aid=303948;label=bookings-naam-bXo4q5voyx763LLVEXVHlAS4013691321;sid=392b7b8d7898 31c0bc978ba36a2ae9c4;checkin_monthday=20;checkin_y ear_month=2011-7;checkout_monthday=25;checkout_year_month=2011-7;city=-2602512;class_interval=1;clear_group=1;group_adult s=1;group_children=0;ht_id=2;order=score;radius=9; score_min=0;si=ai%2Cco%2Cci%2Cre%2Cdi;ss=Mancheste r;ssb=empty;ssne=Manchester;#)




بخصوص التسوق، اغلب المحلات موجوده في مركز المدينه (City Center) ومنها:-
( Debenhams, Harvey Nichols , Zara , Marks & Spence , Next , Selfridges , Boss , Premark , BHS ) ومحلات غيرهم كثير ...

مجمع ترافورد ،حلو وكبير وفيه محلات ومطاعم وسينما واللعاب :-
The Trafford Centre
Manchester
Post code :- M17 8AA

وفيه بعد مجمع بس مارحت له ولا مره..:-
Lowry Outlet Mall
The Quays
Salford Quays
Post code :- M50 3AH

وعندج شارع العرب مشهور بإسم ( روشوم ) الي فيه مطاعم عربيه وباكستانيه وهنديه وكلها حلال :

Wilmslow Road, Manchester
Post Code:- M14 5TQ


اما بالنسبه للترفيه فيه الاتي:-

سفاري بارك تبعد 40 دقيقه عن مانشتسر بس لازم تروحون بسياره عشان تدخلون داخل وتكون الحيوانات (عزكم الله) مهدوده :-

Knowsley Safari Park
Prescot
Merseyside
Post Code:- L34 4AN

مدينة اللعاب بلاجر بييتش في بلاك بول تقريبا 45 دقيقه من مانشسترعلى البحر ومكان جداً حلو:-

Pleasure Beach
Blackpool
Post Code:- FY4 1EZ

مدينة اللعاب آلتون تاورز كبيره وحلوه تبعد تقريبا ساعه ونص من مانشستر:-
Alton Towers
Staffordshire
Post Code:- ST10 4DB

حطيت الـ Post Code اذا كان عندكم سياراة ونظام ملاحه (Navigation system) راح يفيدكم جدا، ماعليج الا ادخلين البوست كود وتوكلي على الله.

إن شاءالله اكون غطيت استفساراتج واي شي ثاني انا حاضر:)

[االشامخ]

مانشستر زينه حق تسوق بس عندي ادنبره احلى وايد حق التمشي والطبيعه روعه

[مــــلاك]

السلام عليكم
انا ادرس في بريطانيا وحفظت البلاد عدل .. مانشستر فيها اماكن حلوه (صالة التزلج) و (ترافورد سنتر) و والسيتي سنتر مالهم حلو .. بس بشكل عام منطقة مانشستر وليفربول واللي حولهم مافيهم طبيعه .. يصلحون للتسوق والاماكن المسكره

احلى طبيعه في بريطانيا هي في منطقة البحيرات:
http://www.wmv.co.uk/
هذا الموقع فيه حجز لشاليهات على البحيره وكل الصور متوفره في الموقع .. انصح اللي بيروح هالمكان ان ياخذ عدة الطبخ معاه لان المطاعم في هالمنطقه سيئه وماتستمر لليل..
وفيه بعد نشاط سمك اذا كنتو من هواة الهدوء ..وفي هالمنطقه في بحيره صغيره تأجرون فيها قارب وسنارة وتصيدون فيها سمج لين الساعه 5 .. مافي شوارع حولها ولا ازعاج سيارات .. اذا ودج اختي ممكن ازودج بالمعلومات اللي تحتاجينها لهالشي

وفيه بعد مدينة العاب قريبه من لندن اسمها alton towers العابها بشكل عام للكبار اكثر من ماهي لليهال

اذا محتاجين اي معلومات اضافية .. انا طالب وساكن قريب من مانشستر وصارلي 4 سنوات في المنطقه وعندي فكرة عامه عن بريطانيا

جزاك الله خير اخوي وماتقصر ... وان شاء الله هاليومين بسولي جدول وبأذن الله في بالي كم سؤال بطرحهم عليك بحكم خبرتك في مانشستر ...

[مــــلاك]

هلا فيج اختي

بالنسبه لمانشستر، انا رحتها كذا مره واشوفها حلوه للتسوق، العرب مشاءالله وايد فيها.

وانصحج تمرين على مدينة ليفربول ( Liverpool) لانها حلوه وعلى البحر.

السكن في مانشستر يعتمد على تاريخ الحجز لان الشقق عليهم ضغط نوعاً ما ، ومعضمهم 5 لين 10 دقايق مشي للسيتي سنتر (City Center)، ومنهم :-

شقق 5 نجوم وقريبه من السيتي سنتر :-

Deluxe Apartments @ The Edge

شقق اربع نجوم وقراب من السيتي سنتر:-

The Place Apartment Hotel
The Light
Premier Apartments Manchester
City Warehouse Apartments

وفي شقق عاديه وحليوه وسعرها حلو:-
Roomzzz Manchester
SACO Manchester ( قريبه من محطة القطار Manchester Piccadilly )

وهذا رابط فيه معظم الشقق الي ذكرتهم فوق:-

الــــــــرابـــــــــط (http://www.booking.com/searchresults.html?aid=303948;label=bookings-naam-bXo4q5voyx763LLVEXVHlAS4013691321;sid=392b7b8d7898 31c0bc978ba36a2ae9c4;checkin_monthday=20;checkin_y ear_month=2011-7;checkout_monthday=25;checkout_year_month=2011-7;city=-2602512;class_interval=1;clear_group=1;group_adult s=1;group_children=0;ht_id=2;order=score;radius=9; score_min=0;si=ai%2Cco%2Cci%2Cre%2Cdi;ss=Mancheste r;ssb=empty;ssne=Manchester;#)




بخصوص التسوق، اغلب المحلات موجوده في مركز المدينه (City Center) ومنها:-
( Debenhams, Harvey Nichols , Zara , Marks & Spence , Next , Selfridges , Boss , Premark , BHS ) ومحلات غيرهم كثير ...

مجمع ترافورد ،حلو وكبير وفيه محلات ومطاعم وسينما واللعاب :-
The Trafford Centre
Manchester
Post code :- M17 8AA

وفيه بعد مجمع بس مارحت له ولا مره..:-
Lowry Outlet Mall
The Quays
Salford Quays
Post code :- M50 3AH

وعندج شارع العرب مشهور بإسم ( روشوم ) الي فيه مطاعم عربيه وباكستانيه وهنديه وكلها حلال :

Wilmslow Road, Manchester
Post Code:- M14 5TQ


اما بالنسبه للترفيه فيه الاتي:-

سفاري بارك تبعد 40 دقيقه عن مانشتسر بس لازم تروحون بسياره عشان تدخلون داخل وتكون الحيوانات (عزكم الله) مهدوده :-

Knowsley Safari Park
Prescot
Merseyside
Post Code:- L34 4AN

مدينة اللعاب بلاجر بييتش في بلاك بول تقريبا 45 دقيقه من مانشسترعلى البحر ومكان جداً حلو:-

Pleasure Beach
Blackpool
Post Code:- FY4 1EZ

مدينة اللعاب آلتون تاورز كبيره وحلوه تبعد تقريبا ساعه ونص من مانشستر:-
Alton Towers
Staffordshire
Post Code:- ST10 4DB

حطيت الـ Post Code اذا كان عندكم سياراة ونظام ملاحه (Navigation system) راح يفيدكم جدا، ماعليج الا ادخلين البوست كود وتوكلي على الله.

إن شاءالله اكون غطيت استفساراتج واي شي ثاني انا حاضر:)



جزاك الله خير اخوي ماقصرت ... انا هذا الي كنت اقصده انكم تساعدوني بالاماكن الي حول مانشستر ونقدر نزورها خلال تواجدنا فيها مانبي نقعد في مانشستر طول الوقت

بالنسبه للشقق تم الحجز في City Warehouse Apartments
لمدة اسبوع والسعر كان حلو ماشاء الله


ابي اسأل بخصوص البوست كود ..ينفع لاي جهاز ملاحة ..ولا انواع معينه
لاني الي اعرفه استخدم الاحداثيات في القارمن ...ويكون دقيق ماشاء الله

[كاسر الامواج]

مجمع ترافورد في مانشستر من احلى المجمعات كبير وراقي .. اما السكن ماعندي فكرة =="

وفي نيوكاسل مجمع المترو سنتر .. اكبر مجمع ف اوروبا على ما اظن

والسكن في نيوكاسل سهل ان شاء الله

ومثل ماقال اخوي فيصل alton towers مدينة ملاهي حلوه يبيلها طلعه من الصبح ويوم مايكون ويكند

لان اخبر وقفنا في طابور ساعه وزود من الزحمه

وسكوتلندا ماعندي عنها فكرة والله بس يقولون قلاسقو حلوه

[So Lonely]

i have been visit manchester million of times its nice city for family arab is not like in london less and most of them are student ther is big shopping mall name traffold center go there and try to play a game shooting by leazer gun so good 7 days will be enough for manchester.
about newcastle i dont like it it is boring city :)
enjoy it
:$

[Charisma]

انصحك بمجمع ترافورد كبير وفخم مطاعم وتسوق وسينما

اما بالنسبه للمطاعم العربيه /شيشه ..الخ شارع روشوم

بالنسبه للفنادق ماعندي علم بها بس انصحك لاتروح هالفندق

Renaissance Manchester

<< مجبور ينزل فيه بس موقعه للامانه ممتاز في Blackfriars Street في نص المدينه

[كازانوفا]

بالتوفيق ان شالله برحلتك واراء الاعضاء لا تحطيها في بالك وتحبطي هذه تجارب مرو فيهاا مش اكثرر

ان شالله بتبسطي فيهااا انتى واهلك تروحي وترجعي بالف سلامه

[مــــلاك]

جزاكم الله خير ..وبأذن الله الاراء ماتأثر علي بشكل سلبي
حزات تلقين الاحباط من بعض الناس لبعض الاماكن ..وبعد زيارتها اغير رأيي فيها
لان كل شخص له نظره .واحترم كل الاراء