استفسار : الوضع في بيروت فالصيف

[ام الحلوين]

كيف الوضع الامن يا اخواني في بيروت بالصيف وفي احد بيروح؟

[الرمـــاح]

ودي اروح هالصيف :)

وياريت يفيدونا الاعضاء

[ام الحلوين]

واحنا بعد ناوين نروح بس بشوف في احد رايح ولا بكون هناك لحالي

[abu abdulla]

بيروت ماتسوى وخاصه هالصيف((صار كل شي غالي ونصب واستغلال)) تروح اوروبا ابرد وانظف وارخص ولاحد يزعجك

[البدع]

من أسوا الدول الي زرتها

عيني عينك النصب

في قائمة الطعام سعر

وهو يقولك سعر اعلى

واذا جادلتهم يقول لك انت اول خليجي يناقشني على السعر

شوارع مكسرة

وإعلانات مشوهة المناظر

على ايش الناس يزرونها أنا ما اعرف

عموما لبنان حظها طاح بعد احداث سوريا الاخيرة

[Mohammed.a]

السلام عليكم
انصحج اختي ماتروحين بيروت
ماتنفع كلش
حر وزحمة واسعار مب متوقعه
رحتها لشغل كنت حاط في بالي بيروت بتكون جمليه وجوها منعش ومقاهي
طلع كل الي تصورته سراب

[ام الحلوين]

بعد ابي اراء اكثر

[فيزيائية]

انا رحتها الصيف اللي فات
الكهربا كل شوي وتتسكر فلازم تختار شقق بها مولد كهربا
والغلا والا ستغلال في كل مكان ....والسبب انك خليجي .

[قطريه ماركه]

الوضع في البلدان العربية ما يطمن ....



العام رحنا في الصيف و اضربتها اسرائيل :(

[بدور]

بالنسبه للجو بيرووت حر موووت وقرف يعني السكن بالجبل افضل

وافضل وقت للسياحه في لبنان شهر3 و 4 وبسسسسسس

[الفهد1]

بيروت ما تصلح في الصيف السكن في الجبل عالية بحمدون حمانة الشبانية مناطق باردة ومعتدلة نوعا ما اذا نويتو تروحون راسلوني على الخاص عندي واحد عندة شقق من ثلاث غرف والليلة 100 دولار ببلاش وراقية جدا وبالنسبة لبيروت في الصيف حر ونزلو فيها على الخاطر يوم واحد من السكن لين بيروت نص ساعة وتغدو ومرو قلعة جعيتا وعينو من الله خير وردو الجبل رحلة موفقة

[هارودز]

الوضع غير مطمئن و الجو حار يفضل اختياركم الى اوروبا ومنها زلامسي الجو روووعة وسويسرا الدول الاوروبية افضل

[اسما]

الوضع هلأ منيح وما في شي بيخوف

[سويسرا]

قسمابالله ماتسوى

عندج ميزانيه روحي ميونخ ولا يورب بارك ابرك

[تحداني]

حاره
زحمه
نصب واحتيال
مطاعم رديئه .. واسواقهم تعبانه وما عندهم بضايع حلوه
غاليه وايد
والكهربا تنقطع هندهم كل اشوي

بيروت ماتسوى حتى ترانزيت
رحتها وما حبيتها في الصيف .. حلاتها بالشتى مثل ماقالت اختنا " بدور "
غير هذا ما يسوى الواحد يقطع لها تذكره


جملك الله برضى الرحمن

[السهم الملتهب]

وش فيها لبنان وش لك بها

غالية على الفاضي وممله ومافيها شيء أصلاً يستحق السفر من أجله

عليك والله بتالي ( ماليزيا ، تركيا ، اسبانيا ، سويسرا ، النمسا ، تايلند ، بريطانيا ، المانيا ،

فرنسا )

[بنت الأجوادQ]

حتى أحنـــــــــــا يوم رحنــــــــا أنصدمنا من حق بلاد وقعدوا اليهــــــــــال عندنا يصيحون يبون يرجعون الدوحة... بلاد مافيها شي ألا شيشة وقهاوي وحر وأسواقهم زبالة وغالية على الفاضي... كانت أول مره نروح وقلنا عقبها آخر مرة.... البلد ماتسوى بس دعايتها زيادة على اللزوم... ومثل ماقالوا الأخوان البلد ما تصــــــــــــــــلح !!

[مستر قطر]

لبنان ماتنفع حق سياحه غير شهر 2/3/4 افضل وقت اما في الصيف زحمه وحر والأسعار مرتفعه

[simsim1963]

لبنان ما تسوى ابدا ابدا صح كانت في الستينات والسبعينات بس بعد الحرب الاهليه انتهت لبنان الى الابد .... سافر اوروبا او ماليزيا او تايلند او استراليا او كندا غير ما فيه شئ يصلح.

[مزعله النساء]

انشاءالله رايحه لها بالصيف بعد مارجع من رحلتي الان

بس الجو على الجبل احلى بوايد والله
والوضع يخوف الصراحه بس شاسوي لازم نروح ورانا عرس ولازم نخيط
الله يحفظنا ويحفظ الجميع

[chillis]

انا بروحها هالصيف والله اذا عندج سكن ملك حلو تروحينها لان لا ينصبون عليج بالسكن ولا غيره وحتى لو الكهربا انقطعت عندج مكينه كهربا :) يعني تمام

[مشتاقة لقطر]

رحتها 2003 حلوة

[sh50]

نصيحه لا تروحين بيروت
لان سوريا كلها مظاهرات0
شرايكم نتفق كلنا ونروح سلطنه عمان
مع اني عمري ما رحتها لكن احساسي يقول انها بارده وحلوه
مع ان اهلي يمكن يرفضون يبون اوربا000

[قطر**]

انا رحتها شهر 12
وكان خاطري اروح لها بس لما رحت ماتوقعت مب حلوووه كلش
اوروبا احلى منها بوايد

[كازانوفا]

ما فيهااااا شي عشان تروحينهااا
يا زين الدوحه ربي يحفظهااا والحمدلله الكهربا ما تنقطع مثل لبنان

[Class - Qtr]

الوضع في البلدان العربية ما يطمن ....



العام رحنا في الصيف و اضربتها اسرائيل :(



توضيح فقط ,,

انا العام كنت هناك شهر 7 وقت كاس العالم وكان الاجواء رياضيه فوق ماتوقعت

وبعد نهايه كل مباراة احتفالات ومسيرات لدرجه اني شعرت اني في جنوب افريقيا

معلومه حرب اسرئيل

الحرب في سنه 2006 واللحين احنا في 2011


:nice: