المساعد الشخصي الرقمي

مشاهدة النسخة كاملة : مدرسةجوعان الى اين!!!


سويسرا
25-04-2011, 09:45 PM
مدرسة جوعان بن جاسم


الكافتيريا تنافس في اسعارها كتارا واللؤلؤه...

ابتدائي مصروفهم اليومي 5 ريال يبيعون عليهم الدونت ب 3 ريال والعصير ب3 ريال والبسكويت بريالين والبرغر ب 3 ريال!!!!!!!!

واذا راح الطفل يشتكي من غلاء الاسعار قالوا له هاذي قوانين المدرسه

والمصيبه المسؤلات غير قطريات يعني ما يهمها غالي ولا رخيص

بالذمه هاي شي طبيعي !!!!
Rashid554
25-04-2011, 09:46 PM
بالعكس زين ان البرغر بـ 3 ريال .. ارخص برغر اشوفه في قطر خبري الحين بـ 4 مادري 5

يعطيهم العافيه الجهه المسؤولة عن اسعار الكافتريا في مدرسة جوعان
ام جابر 1
25-04-2011, 09:53 PM
معاج حق الاسعار وايد مرنفعه
وكم بيكون مصروف الياهل يوميا لازم تكون اسعارهم اقل لانهم طلاب ومب كلهم يقدرون يشترون الصراحه
تغلبية
26-04-2011, 02:08 AM
:omg: برغر ودونت لريوق طلاب ابتدائي !!!!!!!

وين وزارة الصحة .. مب يقولون السمنة عند الاطفال مستفحلة ومرض السكر عند الاطفال
مستفحل وقاعدين يوعون الناس !!

OMG! والله صحة هالطلاب في ذمة المدرسة ووزارة الصحة اللي ما تحط اشتراطاتها على نوعية الاكل موب بس على الاسعار

الله يرحم ايامنا حفظونا هالجملة العقل السليم في الجسم السليم

:weeping:
انا حره
26-04-2011, 07:04 AM
والله عيالنا ياخذون اكلهم من البيت اقولهم شيبوون برغر ولا الي هوو بس اهم شي انه مسوينه بالبيت انظف واحسن

واكلهم كلش مو صحي شوفو الاجانب يقسمون الوجبه لازم فواكه وعصير فرش او حليب
الصريحه
26-04-2011, 08:10 AM
الاكل مب صحي وخطر في المستقبل
واكيد لامانع ان الاسعر تنزل
يمكن صاحبه الكافتيريا تصير للمديره
الله يعينكم اكل البيت اصح وانظف وحلو لو معاه عنب او تفاح او سلطه
شبح الصمت
26-04-2011, 08:14 AM
عندي أقتراح للمدارس المستقلـه وبتستفيد من هالشيء والطلاب راح يستفيدون َ!!

لو يسوون لهم وجبات صحيـه وياخذون من كل طالب في الشهر 100 ريال مبلغ رمزي وبسيط

لانه في طلاب يجيبون أكل من بيوتهم وفي طلاب ياخذون يومياً من اهلهم من 3 ريال لغاية 10 ريال !

فأتمنى تتطبق الفكره أنه يكون في أكل صحي

عبارة عن

سندويش دجاج خالي من الدهون
وقطعة بسكوت
وعصير

ويكون تحت رقابه ويكون في تعاون مع مطعم يخاف الله
سويسرا
27-04-2011, 10:39 PM
الله المستعان

تاذن في خرابه
ضوى
27-04-2011, 10:48 PM
اشدعوة برغر ودونت ؟؟؟؟

وولدي بمدرسة عمر بن الخطاب يفتشون شنطهم ويشوفون اذا مهربين اكل مثل الجبس والشوكولاته !!!


والله مافي ابرك وانظف من اكل البيت ياحلو الزعتر بزيت الزيتون وياحلو برغر ست الحبايب
Cute Mother
27-04-2011, 10:49 PM
احمدي ربك انه غالي وما يشترون من هالأكل اللي يمتص صحتهم وفلوسهم
والحل تشرفين وتسوين أكلهم بنفسك والله ترتاحين وعندك الحين أشكال حلوة لليهال بخصوص ( طابي البيض مثلا ) تشكل البيض المقلي على الأشكال اللي يحبونها ونفس الشي التوستر !

والله يحفظ عيالنا وعيالكم يارب
الرايــق
27-04-2011, 10:54 PM
ريوق برجر ؟؟؟
$الملياردير$
28-04-2011, 12:10 AM
السلام عليكم اخوي الفاضل ....هل فكرت تتواصل مع ادارة المدرسة لفهم مايحصل او على طول عرضت الموضوع للمناقشة ....يعني انا ماعندي خبر عن اسعار الوجبات في المدارس الاخرى بس معقولة تكون المدارس الاخرى ارخص ؟ سوال مطروح للنقاش و بارك الله فيك .... تعديل بسيط في المعلومة العصير ب 1 ريال و الدونات ب 2 و ب 3 على حسب النوع ودونات من نوع كرسبي شوف كم يصير سعره برا....انا ماادافع عن المدرسة واشوف ان الاسعار لازم تنزل بعد زيادة ....بس هذي بركات المستقلة والتشغيل الذاتي و الكامل للمدارس ؟ و جزاك الله خير
ريماس الغلا
28-04-2011, 01:39 PM
الله المستعاااااااان
intesar
29-04-2011, 12:06 AM
الاكل مب صحي وخطر في المستقبل
واكيد لامانع ان الاسعر تنزل
يمكن صاحبه الكافتيريا تصير للمديره
الله يعينكم اكل البيت اصح وانظف وحلو لو معاه عنب او تفاح او سلطه

بس الكلام عندكم من غير تفكير ..
إولا الكافتيريا تعاقدهم عن طريق المجلس يعني شركات معينه مو على كيفهم
الزسعار كالتالي:
الدونات العادي ٢
الدونات الشوكو ٣
الفطاير اي نوع ٢
الساندويتش اي نوع ٢
الكرواسون ٢
البورغر ٣
العصير ١ لازم وجنبه انواع ٢
الماء ١

يعني كم تبون بنص ريال .. ولا تتذمرون وبس ...
على فكرة انا مو بجوعان .. بس عارفه القرارات ..
صح الدونات والكرواسون موصحي
البورغر على حسب ..
يعني هي مطاعم يقدمون عن طريق المجلس ثم المجلس عندهم قسم للتفتيش عبارة عن ناس من الصحة والمجلس هم يقيمون المطعم وغير زيازات دورية على المطاعم هذي يعني .. ما زظن انه مو نظيف ..
ودمتم بود ..
صح مو كل الاكل صحي .. يعني الدونات غلط
ام السعف
29-04-2011, 12:39 AM
:omg: برغر ودونت لريوق طلاب ابتدائي !!!!!!!

وين وزارة الصحة .. مب يقولون السمنة عند الاطفال مستفحلة ومرض السكر عند الاطفال
مستفحل وقاعدين يوعون الناس !!

Omg! والله صحة هالطلاب في ذمة المدرسة ووزارة الصحة اللي ما تحط اشتراطاتها على نوعية الاكل موب بس على الاسعار

الله يرحم ايامنا حفظونا هالجملة العقل السليم في الجسم السليم

:weeping:

:(

صدقتي.... بس الاسعار بعد تعتبر مرتفعة .. مب عارفة هل الدنيا
ولعت والا احنا بعدنا نبي العالم يمشون على اسعار زمان اول :(
مستر بن
29-04-2011, 12:59 AM
الله المستعان ’’
سويسرا
29-04-2011, 02:47 AM
الله المستعان
intesar
29-04-2011, 06:11 PM
يعني انتوا فكروا وين تلاقون زعتر ولا فطيرة جبن بريال الا اذا كان حجمه ميني
٥ ريال يجيب له فطيرة وعصير وبسكويت

يعني تذمركم على الفاضي .. خذوها مني هذي اسعار المجلس .. واصناف من الصحة ..