مدرسة اعدادية والغرامات الماليه

[miss flower]

ظاهرة اطلعتنا هالايام بالمدارس المستغلة الهدف منها مادي للأسف ومستحيل ان يكون اسلوب تربوي
أدارة احدى المدارس من أيام علقت اوراق على ممرات المدرسة فيها جدول للي تخالف وطبعا كل مخالفه لها سعر مادري على اي اساس تحدد ومن اللي حاطه
الجدول كان كالاتي

العلكة(الحبة)..........عشر ريال
المكياج(ماسكرا،ارواج،مناكير) اللي تحط وتجيب معاها ..............ب50
الاكل(شيبس ،العصير،الماي،الكوافي..) اللي تجيب معاها واللي اتطلع من الكافتريا الشي الواحد.......... ب10 ريال
اللبس المخالف (الجاكيت،الجوتي الملون،الصندل..) طبعا الشي الواحد ................ بـ30
تطويل الاظافر............ بــ ريال

والحل يعني مع هالتصرفات ..يعني هالمخالفات لمصلحة الطالبات؟؟؟ليش مافي اوراق توزعت لأولياء الامور للاتطلاع على مثل هالمخالفات العجيبه الغريبه؟؟والفلوس اللي ياخذونها وين تروح

[حليتان*]

هههههههههههههههه

ههههههههههههههههه


ما باقي الا يحطون رادار للي يمشي بسرعه فالممرات :looking:


انزين ولي مايدفع شبيسون له :confused: ما بيجددون له الاستماره مثلاً :tease:

[حليتان*]

والفلوس اللي ياخذونها وين تروح؟؟؟



خبرج كاس العالم 2022 ههههههههههههههههههههههههههههههههههه


شر البليه ما يضحك :(

[بوخالد911]

شي غريب


انززين واللي يمشي بالريووس
شنهي عقووبته؟

[فارس الكلمة]

يمكن تخويف فقط .. بدون تطبيق ..

[miss flower]

لا في تطبيق واللي ماتدفع يسجلون اسمها والاداريه تقعد تلاحق البنات من صف لصف ادفعي الفلوس..والبنت مسكينه تقول ابله ماعندي خرده تقول جيبي بكرا

[شمس]

ههههههههههه

والله مهازل وين هالمهازل ايام الحكومي ولا بالمدارس المجاورة؟

[miss flower]

والله ماندري شلي براسهم جايين على اخر الكورس يجمعون فلووس..تجارة مربحه

[المـهـفـة والـســفـرة]

هالغرامات مدخول للمدرسة للأزمات المالية,
التي تتعرض لها الدول ,,, وخبرج يااختي الفاضلة
أنتي ,,, بدولة المؤسسات.

فلاتستبعدين باجر ,, يجيك مدير مدرسة أو مديرة مدرسة
تعرض صالة الرياضة بالمدرسة
لأقامة حفلة أعراس ,, ومينو بقائمة الأسعار .
فكل صاحب ترخيص يشوف أنه الحق معاه,
بفرض غرامات ومدخول شرعي :nice:
فعليكم الألتزام بالقوانين ,
فمن أنتم من أنتم .... ألخ ,, زنقة زنقة هههه.

ولدكم الصغير.

[نيساني]

كلام كبير!

[بوحارب]

الحمدلله والشكر على التخلف بس


وش هالناس ما تستحي ولا شالسالفة !!

[بوسلمان 2010]

مشاء الله على التعليم وصل لهذي الحد الله يرحمنا برحمته الى وين ناوين اتوصلون التعليم الى درجه من الانحطاط وين جالسين احنا غرامات ليش مافي توجيه من ادارة المدرسه مافي قوانين من هيئة التعليم العالي ولا الفلوس اهم شي الله يهيدي مديرة المدرسة لان لو بنتها في المدرسه كان قومت الدنيا في الجرايد ووطني الحبيب واذا ماكان في التلفزيون برنامج الدار الله المستعان

[miss flower]

وبعض البنات مستانسين يقولون بنحط مكياج وبنخالف عادي وبنجيب الغرامه معانا

خلاااص رااح زمن التربية والتعليم والمدارس وجاء زمن المؤسسات

[سكون الليل]

أي تعليم
الله يرحم أيام وزارة التربية والتعليم
صدج مهزلة

[طرف محايد]

هالمدرسة تنفذ أفكار المجلس الأعلى للتعليم بخصوص الغرامات


نازل لهم كشوفات من المجلس بالغرامات المالية على الطلاب


الي يكسر طاولة يدفع مبلغ وقدره


والي يكسر كرسي يدفع مبلغ وقدره



فالمديرة من باب الحرص على تطبيق أوسع للقرار


نزلت قرارها تزامناً مع الوضع التجاري الراهن


كون المدارس المستقلة تجارية في المقام الأول بالنسبة لأصحاب التراخيص

[الملا]

اشيد على يد ادارة المدرسة في هذه الفكرة

الصراحة مافي حل غير هذا

في تمادي كبير في سلوك الطلبه والطالبات ويمكن هالعقوبة تكون رادع للطالبات

[miss flower]

ما اعتقد المخالفات تستاهل هالمبالغ هذي ..يعني المفروض مثلا اللي اتطول اظافرها يعطونها مقلم في الطبور الصبح مثل ماكانوا يسوون لنا قبل..واللي تحط بودرة ومكياج يغسلون ويها ويكتبونهم تعهد وينقصون من درجاتها...
اما اذا المجلس الاعلى عنده لائحه لهالعقوبات ياليت يكون لأولياء الامور علم

[الدبلوماسيـه]

ايام المدارس الحكوميه ..كانوا يقدرون يسيطرون عالوضع بدون مايدفعونهم غرامات !! ههههههههههه خوش ..زين والله بيكدون

[مها88]

وش يسووون .. إدارات المدارس اللي مثل هذي ..

عجزت عن إيجاد حلول مبتكرة .. لمخالفات الطالبات ..

فقلدت الاجراء الذي اتبعته مديرة مدرسة ثانوية ~ السعودية ~ منذ زمن ..

بس طبعاً .. زادت الكيل .. على تسعيرة قطر ..!!

[التيما]

اللهم لا تبلينا يزعم مخالفات ! عيب والله عيب استحوا على وجوهكم روايحكم فاحت بزيادة لابارك الله في هالمجلس الغبي البعيد عند التعليم تماما والمفروض يصير اسمه المجلس الاعل للتجارة

[مشتاقة لقطر]

عيب اللي تسويه ..

تحدو المدارس الخاصة بالطلبات وشفط الفلوس

[غـيـد]

وادعا ايها التعليم العالي واهلا بالتعليم التجاري

[ام السعف]

هههههههههههههههه

ههههههههههههههههه


ما باقي الا يحطون رادار للي يمشي بسرعه فالممرات :looking:


انزين ولي مايدفع شبيسون له :confused: ما بيجددون له الاستماره مثلاً :tease:

:secret:

[الصريحه]

ههههههه
عشنا وشفنا
اخر زمن
راحت مدارس ايام زمان

[BIG-VEGA]

بذمتكم ايش نوع هذي العقليه الي اتدرس اعيالنا :eek5:

الله يستر من الاجيال الي بتتخرج من تحت هاي العقليات