احذروا من طراره ********

[هبوب الكوس]

طراره تدور في البيوت تستأذن الخدم تقولهم انا اعرف المدام

ودش البيت لين الغرف الله اعلم شالغرض من دخلتها ....

ان كان اشاعة احترازي نبهو الخدم لا يدخلون اي احد

وخاصة منطقة الخريطيات

[بوخالد911]

يسلمووو


واللي بعدووووووووووووو

[M!$s ĀŁ!eN]

ه وتدخل البيوت ,,
اوبيه انا اتضايق لو احد من اهلي دش من غير ما يطق الباب شلون لو احد ثاني ..

[عاشق الشهادة]

اذكر من مده سنتين قالي بو مصبح عبدالله الي يسكن في منطقة ازغوى عن وحده دخلت عليهم البيت من نفس الجنسية المذكورة ؟

[رمــش الغلا]

[ ههههههههه ضحكتيني والله

وبخصوص الطرارات يامكثرهم هالايام مادري اشفيهم هابين
امس شفت وحده في طواري السد مال الاطفال اتقول ابي فلوس حق الدوا :eek5:
وكل ماشافت وحده قالت لها نفس الكلام
مع انه طواري أطفال وهي ابروحها ولاعندها ياهل ولا ورقة الادوية
وانا طالعه من الطواري راكبه سيارتي جاني الطرار اللي يده محروقه ايراويني جرحه ويقول ابي فلوس حق دوا ( اعتقد مشهور اللي امسوي نفسه محترق الكل شافه)
شالسالفه:anger1:

[Night KNight]

خلصنا من نمر الخريطيات جاتنا طرارة الخريطيات !!

[فتى الجود]

خلصنا من نمر الخريطيات جاتنا طرارة الخريطيات !!

المفروض يسون كتاب عن

غرائب الخريطيات

[Bu Rashid]

جزاك الله خير على التنبيه

بس ياريت المراقبيين يقومون بتعديل العنوان الى
طراره من جنسيه عربيه

[هبوب الكوس]

جزاك الله خير على التنبيه

بس ياريت المراقبيين يقومون بتعديل العنوان الى
طراره من جنسيه عربيه


صحيح كلامك ياريت يتم التعديل

[حمد بن سعد]

اي والله قبل كم اسبوع ادخلة البيت لابسه دفه ونقاب وشوي بعافيه درعمة على طول وغسل اشراعها واطردها اتقول ان ابي اصلي قتلها روحي المسجد وان شفتج مره ثانيه كلبشتج وخليتج في الشمس اسبوع ولا شفتها .

الله يعينا عليهم والله لان الاوقاف مايقصرون معاهم ولو خليناهم راح يكثرون والله وتصير المشاكل والمصايب

[حمد911]

صحيح كلامك ياريت يتم التعديل

ياحنين بعد كل ذي التشهير تبي التعديل!

[khalid969]

جزاك الله خير على التنبيه

بس ياريت المراقبيين يقومون بتعديل العنوان الى
طراره من جنسيه عربيه


جنسيه عربيه ... او شاميه ... والاغلب عربيه شاميه

[بنت الأجوادQ]

المفروض يسون كتاب عن

غرائب الخريطيات

ههههههههههههههههههههههههههههههههه حلوة :nice:

[بوحمد111]

اوووووف

نفس الشي من اسبوعين جات لي وحده وشكلها خليجي والله اعلم وكانت متنقبه وقالت لي ابي عيش حق عيالي وانا كنت في مواقف المخازن الكبرى اللي قريبه من دوار سناء وبصراحة كسرت خاطري وقلت لها انا داش اشتري قرض وبسرعه بطلع واذا وصلت الكاشير جيبي كيسة العيش وبدفع ثمنها ولكن والله العظيم من وصلت الكاشير الا وهي جايبه جاري متروس اقراض وعاد انا ما انحرج من هالمواقف وقلت لها اتفاقنا على عيش وبس وباقي الاقراض الله يعينج على دفع فلوسهم ولكن حسيت انها ودها تخمني كف من القهر والحمد لله دفعت قيمة العيش ولا اخذت ارقى نوع عندهم بو عشرين كيلو وطلعت علي 73 ريال وقرضي كان بسعر 7 ريال ولكن انا احتسبت هذا اجر والله من وراء القصد بأن العيش حق عيالها وطلعت من المخازن وهي تطالعني بنظرات غضب وانا طلعت ولا عبرتها والله يسامحها اذا كانت تكذب علي

[بوسلمان 2010]

الله يجزاك خير والتحذر حق جميع المناطق كفايه النهبه بعد يدخلون بيوتنا ولا والغرف بعد الله يستر من بلاويهم

[ولد شرق]

ارجعت ريما لعادتها القديمة مثل مايقولون
بدينا في الاشاعات

قبل قالوا لنا ترا اذا مر عليكم واحد يبيع فلافل لاتشترون منه لأنه يستخدم آيل بدال الزيت
وبعدها قالوا لنا انتبهو في جح مضروب بإبر فيها ايدز
وبعدها نمر الخريطيات
واليوم طرارة الخريطيات
وبكره حمارة القايلة في الخريطيات

ياخي اقفل بابك ولاتخلي بيتك سبيل ولا تقول لا الديره امان ترا الاحتياط واجب...

[الصريحه]

الحين قرب مضان يجون مخصوص لهذي الشغلات وان قلتوا لهم روح الاماكن الخيريه اوتعطونهم رقمهم يغيرون الموضوع

[رذاذ]

في جهة تقدر تبلغ عنها ..
الهيئات الخيرية والمراكز موجوده وفي دراسة حاله للاسر المحتاجة .

رفيجي انقص عليه بـ 3000 ريال .

جاته وحده مكتبة بالدوام وشافته نازل من السياره ولحقته بهدوء وسالت عنه السكورتي من هذا قال لها خالد
اي دور يداوم قال لها ..

راحت مكتبة ودخلت بثقه سلمت خالد اشلونك انا جايتك ومحتاجه بصراحه وتدري شلون ظروفي وهو حسب انه من طرف الاهل دازينه عليه

مسكين عطاها 3 الاف وبعد ما راحت تاكد من الاهل بالبيت قالوا له لا ما طرشنا لك احد .. جا يبي يلحق عليها الا هي راكبة هوندا اكورد 2007

وعقبها درس تعلمه وتعلمت منه ..

[نوفي]

كل البلاوي تطلع في الخريطيات :rolleyes2:
الله يحفظنا

[نوفا91]

الله يستر على الجميع ..

[سكون الليل]

جزاك الله خير على التنبيه

[rayyani4ever]

كل البلاوي تطلع في الخريطيات :rolleyes2:
الله يحفظنا


:weeping:يبون يخربون سمعة فريجنا غصب:weeping:




يعني مافي مكان في قطر الا الخريطيات؟؟؟:anger1:

[skittles]

يبطون الجبد صراحه حتى فالشركة عندنا يجون وجايبين اوراقهم والقهر ان كل وحده زوجها متوظف بعد ماقلنا شي ناس محتاحه وتبي مساعده بس في ناس اولى منهم بوايد وعليهم طرق تنرفز الواحد .. ومانسى طبعا اخونا فالله اللي حاط له كيس دم فبطنه ويدور عالناس ويفتح قميصة يراويهم

[wadha-qa]

ترى اغلبهم حاطين في بالهم ان احنا اهل قطر ناس الله معطنا شي مب من حقنا و ان احنا ما نستاهل و ان هم لو باقونا عادي و حلال عليهم والله اغلبهم يسوون بلاوي و يدزون حريمهم ع القطريين ويقولون لها وليك هادا قطري معوو ملايين خدي منو اد ما بتادري خخخخخخ هالكلام سمعته من وحده من الشام و ما حولها

[قطرية فذة]

حصلت وحده من جنسيه غير المذكوره
لكن طريقة المشيه والكلام ماحسيت نهائي انها في حاجه ؛ وخبرتها ان اللي تسويه مخالف واتصال واحد يغير مكانها

وخبرتها بما انك في حاجه ليه تعرضين نفسك للسؤال فيه عندك جهات مثل جمعيه قطر الخيريه عندك مؤسسة عيد جهات ثانيه اما فكره التسول ولك انتي امرأه ماتناسبك كلش حتى امام رب العالمين ماتليق تنكت في وجهك نكته سوداء

وقلت لها حتى لو عطيتك مايوازي مسألتك ومثلك اقرب للستر لا للسؤال ( طبعا عطيتها المقسوم )

وفي نفسي ماقبل نهائي اشوف كذا منظر بدولتي

وماطلعت الا لما شفتها غيرت مكانها

يمكن اقسو بكلامي لكن من بعض من مانشاهد ومن الغباء الاستغفال


ومن بعض الصور تكون بنت في غايه الجمال اطر

ومن الطراره جاها واحد قالها يمه انتي هالكثر في حاجه ؟

جاوبت : اي

قال لها خلاص انا بخطبك من اهلك

الا البنت هربت من المكان تركض

يعني هذا عرض عليها الستر وهي بانت حقيقتها

/

يهديهم رب العالمين (( عيب ))

لكن مانسأل الله سبحانه الا ان يفرج هم كل مهموم يارب ولا يعرضهم للسؤال ولا لحاجه الناس ويغنيهم من غناه يارب

[بـــــــنت النوخـّــــذه]

من زمان ماشفت طراره اتمر عند البيوت اخر مره شفتهم برمضــــــــــــــــــــان

[تباشير الفجر]

بسيطه انا اول ماتييني طراره اقولها اصبري بتصل حق الشرطه ببلغ عليج وماشوف غير غبارها ... صج انا كلامي قاسي معاها بس هي لازم تعرف ان مو بهالطريقه اتييب فيها الفلوس