انتبهوا من كاشيرات الميره !!!!!!!!!

[الأصيل]

السلام عليكم ورحمه الله

اخواني واخواتي حبيت انبهكم على شي صار معاي ومع الاهل في جمعيات الميره وخصوصا ميره الدفنه الكبيره :discuss:

اكثر من مره صار لي هالموقف في الميره

لما ادفع قيمه الاغراض الي اشتريتها الاحظ الكاشيره ترجع لي الباقي من المبلغ ناقص خمس او عشر ريال ولما ادقق في الفاتوره واحسب المبلغ قدامها والقيه ناقص اقول لها المبلغ ناقص :omg: ترجع المبلغ الناقص وتسوي نفسها مغلطه :secret:

طبعا لانهم كلهم فلبينيات ويتشابهون ما اقدر اقول هي نفسها والا وحده ثانيه:shy:

الي خلاني احس ان الموضوع متعمد ومنتشر اني اشتكيت عليها ولا سووا لها وسوت نفس الحركه مع الاهل مره ثانيه :anger1:

واليوم وانا طالع من الجمعيه لقيت مره كبيره في السن شكلها من اهل الشؤون ومعاها خدامتها وقدامهم عربه الجمعيه فيها كم غرض واسمعها تشتكي بصوت عالي تقول والله حراميه بوق عينك عين:anger1:

سألتها عسى ما شر قالت شوف العربه تصدق هالاغراض 350 ريال ؟؟؟؟
شفت العربه والاغراض الي فيها شي بسيط يعني ما اظن يزيد عن الميتين ريال !!!!!
قالت ع بالهم ما اعرف لهم يبوقوني واسكت عنهم !!!!!
قلت لهم يمه ارجعي بالفانوره والاغراض وكلمي المدير وخله يراجع الفاتوره
قالت لا كلهم حراميه والله لاشتكي عليهم انا اعرف لهم
رجعت البيت وانا افكر في هالمسكينه اذا كل مره بتورح الجمعيه وبياخذون منها 300 على شويه اغراض ما تسوى ايش بيبقى من معاشها لباقي الشهر ؟؟؟؟
لو كل واحد خذوا من خردته خمس وعشر ريال كم يدخلون عليهم شهريا ؟؟؟؟
كم عجوز وشيبه وطفل ما يعرفون يقرون الفاتوره ولا يحسبون قصوا عليم ؟؟؟؟
كم وحده ما تشوف الفاتورهولا تحسب خردتها الي يردونها عليها ؟؟؟؟
كم رجال مستعجل ياخذ الفلوس ويحطها في البوك ويرمي الفاتوره ولا يدري كم عطى وكم أخذ ؟؟؟؟


يا جماعه الخير انتبهوا ترا هالحراميه في كل مكان يعرفون ان القطري والقطريه ما يدققون في الفاتوره ولا يحسبون الخرده ويستغفلونا :omen2:

انتبهوا حتى على النص وربع ريال الي ما يردونها عليكم طالبوهم فيها تحطونها في صندوق الصدقات ولا يحطونها في بطونهم :anger1:

[Bu Rashid]

جزاك الله خير على التنبيه

[hasss1969]

الحقيقة انا دايما اروح لنفس الفرع ..لكن اكثر شي اصادفه اني الاقي نقص في بعض الاغراض اللي شريتها خصوصا الحلويات والشوكالاته صغيرة الحجم...ودايما
اتجنب اروح لكاشير بنقالي سمين واسود الوجه لان النقص دايما الاقيه لما اتعامل معاه...يظهر انه يتفق مع الحمالي اللي يعبي الاغراض في الاكياس..لكن بالنسبة للفلبينيات الصراحة اشوفهم ذوق وتعاملهم راقي...
وجزاك الله خير على اثارة الموضوع للتنبيه ..

[الخزرجي قطر]

الله يجزيك الخير على التنبيه انا ماادقق في الفاتوره اوالباقي
بس بعد موضوعك اكيد ان شاالله راح اراجع وراهم

[فرحة الكواري]

جزاك الله خير على التنبيه

[بوحارب]

الأسيويات حراميات ولازم الواحد يحاسب منهم

[بوناصر1]

سبحان الله
نفس السالفه صارت لي بس في في هارديز اللي على خط سلوى
اول مره قلت ان بعض الظن اثم ويمكن انا الغلطان وخليت السالفه تعدي
ثاني مره قلبي نقزني وحسيت ان السالفه متعمده
ثالث مره عاد كل شي ولا ثالث مره
سويت لهم عيد ميلاد في المحل من غير معازيم
قدام الزباين خليتهم فضيحه بجلايل
لا ولي رفع ضغطي لين يبون يرقعون السالفه
الحين الي في الكاشير قاعد بعد لي الخرده والمفروض يرد لي شي واربعين شوفو الحسبه واحكمو
10/20/40/شي واربعين بس مااذكر كم بلضبط
انزين الثلاثين وين راحت يابو الشباب
انا الي اذكره اني ركبت السياره ومعي الاكل والكاب مل الكاشير شلي جابه عندي مادري يمكن
هديه مع الاكل تدرون حزات يعطون هداياء مع وجبات الاطفال!!!!!!!

[Locale]

كل ماروح الجمعيه ولا دكان ولا مطعم
ابو عيالي يعد الخرده المتبقيه
وااايد يكون في خطأ وينقصون الخرده

وللامانه حزات مايستلمون احسابهم عدل
يعني نعد الخرده وتكون زياده ونعطيهم

لكن ولامره كان الامر متكرر ومتعمد

الا في ماكندونالز توصيل الطلبات يجيب اغراضنا ناقصه
ونسلمه فلوسه كامله
عاد الحين شقمنا نسوي نستلم الطلب وتجيبه الشغاله داخل
ونبطل ونشوف اللي ناقص وبعدين نعطي الشغاله الخرده توديله
قبل من عند الباب نستلم الطلب ونسلمه الفلوس
وهذذذذي صارت واايد ويانا متكرر يعني متعممد
وكم مره انطنش وفي مره من المرات
اتصلت وقلت لهم النااقص اللي ماجابوه وان هم استلموا فلوسهم كامله
وبالمره قلتله زيد وجبه ماك جكن على حسابنا
تدرون شسوا جاب الوجبه اللي طلبتها والاغراض اللي ناقصه ماجابها

ذمتهم وسيعه

[بوسلمان 2010]

حسبي الله ونعم الوكيل في كل مكان يبوقنا لاجمعيه ولاقطع غيار ولا المجمعات

[saryalia4u]

قريت مره عن وحده قطريه في جمعيه معروفه

تقول طلع حسابها فوق وهي في السياره تجيك ع الفاتوره اللي استغربتها:eek5:

لقت ان في حاجه بشي و ميه ريال وهي متاكده انها ماشترت حاجه بهالسعر !!!:omg:

طرشت السايق وكلمت المسؤول قال انتي خذتي ستاره بها السعر

قالت انا ماخذت اصلن ستاره ..

طلعت الكاشيره حاسبه ستاره على ظهر هالمسكينه عشان بعدين تاخذها:tease:


يعني يشترون على حسابنا واحنا ماندري:secret:

انتبهوا ولا شيلوا بيدكم كولكليتر هالمره:nice:

[دروب العمر]

والله انا صارت لي في bhs شريت ملابس لولدي 179 ريال وعطيتها 500 واشوفها اطالعني وهي مرتبكه بس والله ما حسيت ان تبي تسوي شي .. ردت لي الخرده 221 ريال قلت لها باقي 100 تقولي مدام سوري وهي خايفة تنادي المسؤوله علشان تفتح لها الكاشير والله انها كـــــــــــــــــــــانت متعمده.. انتبهوا

[المخباط]

وليش ما تحسبون وراهم تعبانين ولا فلوسكم زايدة
ولا يمكن مستحين لا حد يقول عنكم زطاطوة
عليهم بالعافية اذا سرقوكم :sneaky:

[بوخالد911]

هلا


ذبحتي هالسوااالف !!!!!!!!!!!!!!!!

مب أحسن له / لها اللي يحاولون استغلالي بهالطريقة البشعة


تحياتي قبل سرقة بيزاااتي
:)
:)
:)

[الصريحه]

المشكله ماعندنا وقت نتاخر او اناخر اللي ينتظرون ورانا

[عندما اريد]

(( وَلا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأبْصَارُ ))
==
اذا هم فعلا ينصبون
بتسمع بعد فترة
خبر انه احترق
يامااااا صـــــارت

[بو الجوري]

و الله إنك صادق يا ما واجهتني مواقف :..:weeping:

لكن من عقبها صرت دايما أدفع بالبطاقه :..:nice:

لكن سالفة إنها حاسبه شي زياده أنا ماخذته :.. هاي ماقد إنتبهت لها :..:rolleyes2:
يسوونها عادي :..

تصدق إنه من فتره إكتشفنا أنا والربع إن الفلبينيه اللي على الكاشير تبوقنا :.. :anger1:

السالفه إن إحنا نتجمع في قهوه يومياً :.. وكل واحد يدفع حسابه :.. وهو طالع :..
حزات أنا أطلع قبل الربع :.. أدفع حساب الكل ( مع الراتب ) ههههه :..:shy:
حزات رفيجي يطلع يدفع إحسابنا :..:)

لكن طبعاً محد فينا يتصل فالثاني ويقوله ترا أنا دفعت !!! :..:tease:

المهم صارت سالفه ونقاش بيني وبين واحد من الربع :..:telephone:
إلا يقول الإسبوعين هذول أنا 5 مرات دافع حساب الكل :.. :eek5:
أنا قلتله هالإسبوعين أنا كل يوم أطلع وأدفع حسابي :.. حتى فلان :.. !!!! :omg:

عرفتوا شاللي كانت تسوييه هالحراميه :..:anger1:

كان مثلا رفيجي يدفع الحساب كامل :.. ولما أنا أطلع أدفع حسابي والباقي كلن يدفع حسابه :.. :(
فالنهايه تكون ماخذه الفاتوره دبل:.. !!!! :rolleyes2:


حسبي الله فيهم :..:anger1:

[chillis]

عيل دير بالك من كاشير وقود السوبر ماركت الي هناك وايد اوقات يردون لك ناقص ريالين او 3 وكم مره واجهتهم يقولون غلط المصيبه لا هي مره ولا مرتين ولا 3

[latty]

اي كاشير مش لازم الميره وللاسف هذا خاص بنا القطريين اما المقيم ماتصادفه هالمشكله لانن شكلنا ريال يمشي على الارض انا اراجع كل فواتيري حتى من الاخ كيوتل

[ِalramz]

شكرا على التنبيه

[الصايغة]

مو بس فرع الدفنة حتى الميرة فرع الوكرة نفس الشي ياخذون مبلغ فوق البيعة, اللي ما يخاف من ربنا
كل شي بيسوي

[cl63]

جزاك الله خير

[bo-ibrahem]

جزاك الله خير على التنبيه

[برق لمع]

والله انك صادق يا ( الاصيل)
انا صارت معاي بكارفور الاند مارك شريت اغراض وقلت لها اخر شي عطيني كرت هلا وطبعا دفعته مع الفاتورة بالبطاقة ويوم رحت السيارة تذكرت ان الورقه اللي فيها البن كود حق هلا مب معاي رجعت لها وقلت لها ليش ما عطيتيني الورقة قالت : نسيت قلت لها: لا ما نسيتي انتي متعمدة ومتندمة اني ما اشتكيت عليها عشان تعتبر لكن انشالله مرة ثانية

[بوخالد2]

الحمدالله

جمعية دحيل غير ماقد صادفنا شي من الامور هذه

[Qatarianes]

الصراحه الاسيويين ماراح يفوتون الفرصه
خصوصا لما يعرفون انه في عاده عند البعض مفادها عيب تشيك كم دفعت وتناقش جدام العالم ههههههه
ولا ليش بيتجرئون

[سكون الليل]

جزاك الله خير على التنبيه

[مستثمر 999]

جزاك الله خير

[ضي البدر]

الا صارت .. وكثير مرة صارت معاي بميرة ازغوى وكانت الفلبينووو مزيدة 3 او 4 ريالات مو متذكرة ويوم قلت حق اخوي قال خلاص راحت عادي الا كمن ريال بتموووتين وتفشلينا عليهم..!!!:eek5:

وسكت شاسوي!!:secret: حتى العلوج او الكافي الرخيص الي يعطونا اياه بدال النص بعد مايخلوووني آخذه!!:weeping:

[basma222]

انا نفس الجمعه بس ما كان نقص في الخردة كان فيه زيادة رجعت الزيادة لهم

[STAR]

:::
:::
:::
:::
شكرا عالتنبيه

[حصه20007]

الله يجزيك الخير على التنبيه

انا حصلت معاي في كرتون البيض احسبتة لي 70 ريال
حسبي الله عليهم

لما دقتت رجعت لها قالت انا غلطانة

[راسي براسك]

جزاك الله خير على التنبيه