ممكن مساعده ؟

[simsim1963]

حبيت ابني دور ثالث فوق الدور الثاني . هل البلديه تسمح ببناء دور ثالث ؟ وكيف اقدر اغير مكان البيبات الماء والمكيفات وخزان الماء والخدمات وانقله الى الدور الثالث؟ على فكرة المساحه 400 مربع واذا تعرفون شركه أو فورمن وعمال جيدين وشغل نظيف ياريت تعطوني ارقامهم ؟ مشكورين

[alsubaiai]

على حسب علمي مايصير


بس تقدر تبني نص السطح الي هو البنت هاوس


الشباب راح يفيدونك اكثر

[قطر دزاين]

هذا يعتمد على المخطط هل هو قابل 3 ادوار ام لا
اعتقد تودي المخطط للبيت للبلديه وهم بيحولونه اذا تمت الموافقه للتخطيط

[ام ريان]

مبلى يصير بس على حسب اذا انت من البدايه باني بيتك على انك بالمستقبل تقدر تبني طابق ثالث او لا

[simsim1963]

مشكورين على ردودكم الطيبه . وننتظر المزيد من النصح والأرشاد

[@شيخة@]

الشباب راح يفيدونك ..

[بحرالعيون]

يعتمد على اساس البيت هل هو مجهز ليتحمل دور ثالث أو لا

ولازم تاخذ خرايط البيت وتروح البلدية وهم الي بيفيدونك بالموافقة أو الممانعة

[ANONYMOUS]

حط الموضوع في النقاش الاقتصادي قسم البناء


مايقصرون الشباب هناك

[ولد العديد]

بعد ما تروح البلديه يطرشونك على شركه تاخذ عينه من اساس البيت عشان تعرف البيت يستحمل او لا وعادي يعطون موافقه بس يعتمد على عمر البيت اذا قديم لا تتعب نفسك بخصوص المكيفات وخزان الماي وهالسوالف كلها على الشركه اللي بتبني البيت

[سهيل قطر]

اللي اعرفه دورين فقط وبس


وتقدرر تتأكد من البلديه بالنسبه للتصريح

اما العمال وشغل نظيف ماعرف احد
وبالتوفيق

[simsim1963]

تسلمون على الردود الطيبه يا لاد نفيع

[بويوسف]

لا يسمح

[simsim1963]

لا يسمح

خير الكلام ماقل ودل مشكور بويوسف والجميع