المساعد الشخصي الرقمي

مشاهدة النسخة كاملة : مكان لتعليم السباحة للأطفال ؟؟



همس1
27-04-2011, 02:16 AM
السلام عليكم ورحمة الله وبركاته



احصل مكان في قطر يعلمون سباحة للأطفال ؟؟

بغيت اسجل ولدي في الصيف في مكان يتعلم سباحة


يا ليت حد يفيدني

وجزاكم الله خير

همس1
29-04-2011, 04:08 AM
شدعوة؟؟؟ ما فيه في قطر مكان لتعليم السباحة؟؟؟ :eek5:

مهل
29-04-2011, 05:05 AM
عليكم السلام و رحمه الله
اسباير

ابوالعز
01-05-2011, 04:29 PM
والله ما نصحك بسباير
مدربين لك عليهم بالنسبه للاخلاق
اللي اعرفه ان نادي قطر عنده
بالتوفيق

ورقــة أمــل
01-05-2011, 04:48 PM
في صالون كلاود ناين يعلمون اليهال بس لازم الام تكون موجودة ممكن تتصلين وتسالينهم

فيزيائية
01-05-2011, 05:20 PM
والله ما نصحك بسباير
مدربين لك عليهم بالنسبه للاخلاق
اللي اعرفه ان نادي قطر عنده
بالتوفيق

شلون يعني لك عليهم بالنسبة للأخلاق؟؟
اذا شفت شي لازم توضحه للناس......
او تروح تقدم شكوى على الشخص المعني.علشان يتصرفون معاه ...:telephone:

ابوالعز
02-05-2011, 07:57 AM
والله ياخي ماشفت شوف العين
ولكن على ذمه بعض الاصدقاء
واللي سبق وودو عيالهم
وسحبوهم وانا مجرد ناصح
ممكن يأخذ كلامي محمل الجد
وممكن ماتعير كلامي اي اهتمام
وبالتوفيق للجميع

نور الحور
02-05-2011, 09:16 AM
سمعت عن نادي دولفين جنب نادي السد
بس ما جربته ..ولهم موقع على النت
إن حصلته حطيته إن شاء الله

وبعد فيه مركز قطر التطوعي يطرحون في الصيف دورات سباحة للأطفال
ونادي الدانة بعد
والنادي الدبلوماسي
وأغلب الفنادق فيها دورات تحسب بالساعات

بس صراحة ما جربت ولا واحد بس على السماع .

Chambray
02-05-2011, 02:44 PM
انصحك اخوي في مدرسه تعليم السباحة الدوليه الاستراليه
مدرسه دوليه على ايدي متخصصين من استراليا
يدربون الاطفال من سن ( 6 شهور ) نعم 6 شهور وليس 6 سنين

من 6 شهور حتى الكبار
هناك ايام ( الاحد والخميس ) من 5 حتى 10 سنوات ( خاص للنساء والاطفال فقط )
وهناك ايام خاصه بالعائلة
وهناك ايام للرجال
و و و إلخ ...

اتمنى لك التوفيق

آسف نسيت اقولك المكان
المكان ( مجمع حمد المائي ) - اسباير زون
وهذا موقعهم
www.aiss.com.qa
info@aiss.com.qa

خزامئ
02-05-2011, 10:54 PM
في مجمع حمد المائي في اسباير جميع النوادي الرياضيه يتدربون يوميني من السبت لين الاربعاء والنتي اختاري النادي الي تبين ا

خزامئ
02-05-2011, 11:03 PM
تكمله للموظوع اذا قطريه بلاش واذا مقيمه ياخذون طفل واحد بلاش
اعيالي في نادي قطر ممتاز والقايمين عليه فيهم خير
احمد الحسن ايداري
الدكتور احمد هاشم مدرب والدكتور في جامعه قطر في الرياضه
والمدربين الي ممتازين عن تجربه مثل كبتن شريف
كبتن محمد
كلهم من الجنسيه المصريه والنعم فيهم اخلاق والدين
وانا دايمن اروح مع اعيالي وحمدلله مابعد شفت شي يخل في الادب
وفيه رقابه شديد في كل ممر اتحصل امن وعند كل باب حتا عند الاحمامات موجودين
اتروحين اي يوم العصر الساعه 4 اتكونين موجوده عشان اتحصلين المدربه قبل ماينزل البركه
من عمر 6 سنوات ياخذون

die 4 qtr
02-05-2011, 11:24 PM
حمد المائي في اسباير

.. ام عبودي ..
24-05-2011, 10:45 PM
بغيت استفسر اذا نادي قطر ياخذون بنات والتدريب على يد مدربه ولا مدرب

والبنات مفصولين عن الاولاد

وكم ياخذون ع البنت اذا قطرية

انا كلمت مركز حمد المائي ياخذون ع البنت 750 بس 10 حصص ورسوم التسجيل فالبدايه 200 يعني المجموع 950 واذا الواحد عنده اكثر من طفل شيسوي

فيزيائية
25-05-2011, 05:41 PM
انا رحت للمدرسة الاسترالية
كلها اجانب مع عيالهم الرضع !!
التسجيل ب 200 وكل حصة ب 75
وياخذون من عمر 8 شهور
خذوا المعلومات وقالوا بيتصلون لانه (فل) وللآن محد اتصل ...

القطرية1
29-05-2011, 12:48 PM
عندج مركز موزة بنت محمد في الوعب
شوفيهم وياريت تقولين لنا ايش يقولون
وفي النهاية اتخبرينا عن اتصالاتج ووين وديتيهم

المدرسة الأسترالية أنا جربتهم في اسباير
صراحة يعلمون السباحة على اصول بس عيبهم سعرهم الغالي

اما نادي قطر فوديت ولدي بس للاسف كان المدرب عنده كذا طفل
ومكانه هم في اسباير لانه نادي قطر مافي احواض سباحة