مشكلتي مع المستشفى الاهلي

[مضاربه]

السلام عليكم
من تسعه شهور تقريبا خذت موعد مع دكتور العظام الانجليزي الي في الاهلي وطبعا يوم قابلته الا طلع اثيوبي المهم وديت له كل الاشعه الي عندي تقريبا اربعه صور ام ار اي وتقريرين من دكاتره في لندن ولم فحصني قال بعرض كل الي عندي على الدكتور الالماني وتعالي بعد اسبوع لم رجعت له بعد اسبوع قال افضل انج تاخذين موعد معاه انا الصراحه انشغلت وماخذت موعد مع الدكتور وخليت كل التقارير عنده يوم جيت الحين ابي اشعتي قالو الدكتور مسافر والملف مافيه الاشعه الي تقولين عنها علما بان كل الاشعه الي عندي من الاهلي نفسه بس من غير طلب من الدكتور انا دايما قبل ماروح لندن اصور عندهم وودي اشعتي ووياي اتصلت في العلاقات العامه اتصلت في سكرتيره عبد الواحد ولا حياه لمن تنادي كل حد يقول على راسي ومايسوون شي ولا حتى يردون يتصلون صار لي شهر على هالحال وموعدي يوم الاحد مع دكتور بس مب من الاهلي شفتو شلون الاستخفاف بالناس لين وين وصل لو مستشفى حمد متطور اكثر من جذي كان مارحنا هالمستشفيات التعبانه الله المستعان

[ثرية]

الله يكون بعونج في هالحاله ماينفع التلفون لازم تروحين لهم وتقعدين على راااسهم
واعرفه دكتور تايلوووس وكل دكاتره العضام بياعين كلام
اخر مره وديت امي ابد نطلع من تصوير يدخلنا تصوير ثاني سحبووو فلووس منا قد شعر روسنا الا يقول قاعدين على كنز
والمقابله 500

[Rider]

للعلم هذا الدكتور كان في مجمع المنصور الطبي طايح حظه قاعد لا شغل ولا مشغله
وطبعا مستشفى الأهلي صار للاجانب والهنود خاصه هذا غير الممرضات الفلبينيات الشاذات جنسيا

[ام جابر 1]

السلام عليكم
المستشفى الاهلي الصراحه لي تجربه سيئه معاهم بس من ناحية التأمين
اهمال فيهم الصراحه وعدم احترام للمراجع
كنت مقدمه طلب للعلاج الطبيعي وعلاج ثاني وقالوا اذا وصلت الموافقه بنتصلج ولا اتصلوا
نكلم شركة التمين يقولون لو ارسلوا لنا كان في ساعه خلص الموضوع
بس هم غير مهتمين ويوم رحت لهم قالوا عندج موافقه وحده بس اشدعوه من 3 اسابيع ماردوا عليكم
ترى الموافقه جايتهم وخلصت المهله ولايردون
والموظفات بعضهم الصراحه يردون من غير خاطر وبالذات اللي في العظام
ويضيعون الاوراق ولايردون على التيلفونات
وكنت ابي اشتكي عليهم لكن ماعرف وين اروح الصراحه
يعني مستشفى كبير ودكاتره شاطرين الصراحه
وحتى اللي في اسباير هم امدحوهم لنا وقالوا لنا نروح حق دكاترتهم
بس الموظفين الظاهر محد يراقبهم او يحاسبهم
ومحد معطيهم دوره في اسلوب التعامل مع المراجعين

انا اروح حق الدكتور سموك هو الصراحه وايد زين لكن استقبال العظام مخرب كل شي

[ام جابر 1]

ومقارنه مع العمادي
هم احسن منهم بوايد الصراحه
لو قدمنا اي طلب يومين او 3 بالكثير مسج او يتصلون للتذكير بالمواعيد
والموظفين يحترمون المراجع
واذا خلصنا من الدكتور الممرضه تكون مع المريض وتوصله لين مكان الاشعه او دفع الرسوم
الله يعطيهم العافيه

[مضاربه]

الشكوى لله شنسوي مالنا الا الصبر فلوسنا كله على العلاج ويليت نستفيد دولتنا مقصره من ناحيه الصحه للمواطن بس شاطرين الظهور اعلاميا واحنا سوينا وفعلنا حسبي الله ونعم الوكيل

[تاجر]

نفس الوضع بالنسبة لي ..

سويت عملية في الركبة من سنة ونص .. وقالي العملية اوكي ولحد الان الركبة محتاجه عملية ثانية (الرباط الصليبي) .. وكان هذا الدكتور (الاسمر) ماعرف اسمه ..

والحين ابي نسخة من التقرير .. بس ما مريت عليهم .. اتمنى احصله علشان اعرضه على دكتور في (سبيتار) لانه طلب مني صور الاشعه وشنو هبب الدكتور اللي في مستشفى الاهلي ..

الله المستعان

[برشلوني قطر]

انا من فتره خذت موعد عند دكتور بريطاني بس الظاهر هو الجنسيه بريطانيه وهو هندي مادري

ايش اصله..

ويوم طلبت تقرير من عنده قالو لي يومين ثلاث بيكون جاهز...الله وكيلكم قريب الشهر.:rolleyes2:


احسن مافي المستشفى الاجازات :eek5:

[مضاربه]

امس كلمت الدكتور كان امس توه مداوم قال عطيني رقمج بدورهم وبتصل لج ولااتصل اتصلت له الحين قال بدورهم امحق مستشفى ودكاتره

[رجل الجزيرة]

هاهاهاها الله يعينكم على المستشفيات الخاصة، وحدة قالت إن الدولة مقصرة وأنا أقول لها: بالعكس الدولة مهيب مقصرة إلا حياكم الله بالإبتسامة والرضى، وكل شيء محفوظ.

[almaf1a]

الاهلي مايصلح الا لشئ واحد
ابره فولترين في حالة السخونه والزكام

[الحال مايساعد]

مادري حماية المستهلك لها تدخل في المواضيع هذي !!!!

[ام جابر 1]

انا من فتره خذت موعد عند دكتور بريطاني بس الظاهر هو الجنسيه بريطانيه وهو هندي مادري

ايش اصله..

ويوم طلبت تقرير من عنده قالو لي يومين ثلاث بيكون جاهز...الله وكيلكم قريب الشهر.:rolleyes2:


احسن مافي المستشفى الاجازات :eek5:

يمكن هو دكتور سموك
نفس الشي صار حق زوجي دفع 100 حق التقرير وقالوا له عقب اسبوع قال انا ابيه ضرور ابي اسافر
قالوا خلاص عقب يومين والله راح لهم والتقرير مب جاهز
لعن شكلهم تهاوش معاهم شوي والا التقرير خالص
ترى الدكاتره وايد زينين بس العيب في اللي الاستقبال واللي في الامور الاداريه
لازم يشوفون لهم حل الصراحه
لان جذيه راح يؤثر على سمعة المستشفى