نداء للقائمين على برنامج الكأس والناس - احترموا المشاهد -

[انتر ميلان]

السلام عليكم ورحمه الله وبركاته

عرضت قناة الكأس ظهر أمس برنامج اسمه ( الكأس والناس)
ومن ضمن البرنامج كان في تقرير حق مذيع للأسف انه قطري ومذيعة عربية

والمذيع القطري راكب سيكل ويتمشى في كتارا وهي وراه :omen2:

والله اني استحيت وانا أشوف مثل هاللقطات تنعرض في قناة قطرية ((( رياضية ))) وخصوصا قدام الوالد الله يطول في عمره

واللي شاف برنامج أمس بيعرف التقرير اللي أتكلم عنه

والبرنامج فيه مذيعات عربيات لبسهم وطبعهم خارج عن العادات والتقاليد القطرية ..

وهذا نداء لموظفين قناة الكأس ... القناة رياضية وليست لعرض الأزياء والحركات الغير لائقة ويتابعونها ناس ملتزمين وكبار وشباب وأطفال ،،، وأغلبهم رجال ....

ياليت يعيدون النظر في تواجد هالنوع من المذيعات

والسلام خير ختام

[Rider]

من يوم ادخلو هالعربيات قناة الدوري والكأس وهي خربانه انا شايف موذيع خليجي مع مذيعه عربيه في احد المطاعم يعني فري

[بوحمد111]

هم يبون جذيه

[Abdulraman]

ضريبة المصخرة قصدي الانفتاح
اطلعوا ارقصوا غنوا

[almaf1a]

بعض الجنسيات العربية الاوروبيات احشم منهم للاسف

[هتـان قطر]

ملاحظة في محلها بارك الله فيك


وعلى قولة أمي

اللي مهوب لك...يهولك

شي اللي رازهم مع كرة القدم ؟!!!!!!!!!!!!!!! ما ادري

[مبرمج QA]

بعض الجنسيات العربية الاوروبيات احشم منهم للاسف

:nice:

[out]

هم يبون جذيه

:nice:

[البيت بيتك]

الله المستعان

[شيط ويط]

هذي لعبة الاعلام لازم فيه (إثارة) عشان تلقى متابعين

[R 7 A L]

الاغراء والاثارة والاكشن

كلها مطلوبة


الله يعينا بس

[MAZEN37]

السلام عليكم ورحمه الله وبركاته

عرضت قناة الكأس ظهر أمس برنامج اسمه ( الكأس والناس)
ومن ضمن البرنامج كان في تقرير حق مذيع للأسف انه قطري ومذيعة عربية

والمذيع القطري راكب سيكل ويتمشى في كتارا وهي وراه :omen2:

والله اني استحيت وانا أشوف مثل هاللقطات تنعرض في قناة قطرية ((( رياضية ))) وخصوصا قدام الوالد الله يطول في عمره

واللي شاف برنامج أمس بيعرف التقرير اللي أتكلم عنه

والبرنامج فيه مذيعات عربيات لبسهم وطبعهم خارج عن العادات والتقاليد القطرية ..

وهذا نداء لموظفين قناة الكأس ... القناة رياضية وليست لعرض الأزياء والحركات الغير لائقة ويتابعونها ناس ملتزمين وكبار وشباب وأطفال ،،، وأغلبهم رجال ....

ياليت يعيدون النظر في تواجد هالنوع من المذيعات

والسلام خير ختام
ذكرتني مره كان الوالد معاي بالسياره رايحين مشوار باليل وسبحان الله كان يومها مسيره على الكورنيش وفجأه وحنا على الاشاره واقفين وقفت حذانا سياره مليانه بنات ورقص يا حبيبي على وحده ونص واغاني تقول قاعدين بكباريه وربي اقولك صرت احمر واخضر واصفر يااا هو موقف :shy:

[nadeemy]

المشكله ان في فنره من الفترات انفتحت البلد لبعض الجنسيات يدخلون بدون تاشيره وهم ما صدقوا على الله وانكتوا كت , الحين لازم يلقون لهم شغل والغالبيه بدون مؤهلات غير المؤهلات الخلقيه فلازم يستغلونها

[فتى الجود]

على قولة بو فيصل

غانم السليطي

بسنا خرابيط

[بوطويشم]

السلام عليكم

لازم عشان يجذبون المشاهدين

وترى اغلب المذيعين في قناة الكأس مب قطريين لا يغركم مظهرهم

[ضوى]

وبعدين يعني ؟؟ حتى هالقناة باراقبها لعيالي ؟؟

[ahad]

معطينها سيكل بروحها ..ليش تركب وراه ,,هههههههههههه

شر البلية مايضحك!!

[امـ حمد]

الله المستعان

[AL_MUTAEM]

القناه ماتقصر بنقل الفعاليات الرياضيه بس قبل فتره وسعت وكثرت البرامج لدرجه كبيره ..

بس بعض المذيعات يتوقعون انهم بقناة اغاني ولا عرض ازياء حتى قبل فيه مذيعه خليجيه كانت محتشمه والحين غيرررررررررررررر وفيه مذيعه طلعت من قناة الجزيره بسبب سبها لجنسيه ( ؟؟؟؟ ) وبعد كم يوم تعاقدت معاها قناة الدوري والكأس !!! وفيه مذيعه بالقناه كانت تقدم على وظيفة معينه بالجزيره ولا نجحت وقدم لها احد الاخوان نصيحه بما ان لديها تصريح دخول انتقدم على الاذاعه والتلفزيون والكأس وانقبلت مذيعه مع ان ماعندها مؤهلات غير الجمال والجسم الجميل ..!!!

عجبي

نسأل الله لهم الهدايه

[مهل]

ودي ارد ،، بس يا راح ينحذف ردي يا راح احاسب قضائيا على ردي وهو مستمد من الواقع الخاص بهذه القناه المريضه

[ابوخالد السل]

ايييه يا بوك يا صويلح لكل زمان مذيعون ومذيعات بارعات عسى الله يرحم بس

[فــهــ قطر ــد]

المخرج عاوز كده:telephone:

[سداوي&مدريدي]

Bye Bye

Qatar

[bu 3li]

والله كلام فاضي .. توني شايف اللقطه من موقع الكاس
يعني اشفيها لو ماخذين سيكلين ( ولو ان السالفه تافهه ومالها معنى )
لكن لا حول ولا قوه .. وينك يافايز التوش صدقت والله يوم قلت " مذيعه فضائيه "

[bo-ibrahem]

يبون يزيدون نسبة المتابعين

[mannoo66]

:victory::victory::victory::victory:
ضريبة المصخرة قصدي الانفتاح
اطلعوا ارقصوا غنوا

[الرويـس]

أبدوا امتعاضكم وشجبكم
:(

http://www.alkass.net/contact_us.aspx

[برشلوني قطر]

يارياااال...ذاك اليوم اشوف برنامج عن سباق الخيل.. مادري ايش اسمها مقدمة البرنامج.....

بس ورفجتك ان خط الموت يبين :eek5:

[مهل]

يارياااال...ذاك اليوم اشوف برنامج عن سباق الخيل.. مادري ايش اسمها مقدمة البرنامج.....

----- :eek5:


اعتقد هي نفسها المذيعه الي في بالي .. ممكن تكون اي وظيفه غير مذيعه (تغسل سيارات ويتر في مطعم ،، شي من هذا القبيل و يخب عليها)

كنت استخدم من فتره سياره وارد امريكا و تخبرون الراديو موجاته تختلف عن نظامنا .. و عشان تعرف انهم غلط مايطلع لي في الراديو غير الكاس و قناه قطر فنديشن .

كان في الكاس المذيعه الي تقول و كان البرنامج عن سباقات الخيل و نقل مباشر و للاسف كنت اسمع في الراديو و كان ضيف الحلقه شخص قطري لايحضرني اسمه .. كانت حلقه هابطه بمعنى الكلمه ظاهرها هو سباق الخيل و باطنها بين السطور للاسف تغزل و تدلع و تنغز بين الضيف و المذيعه .. كان شي واضح جدا ولا يحتاج لشخص فنان عشان يفهم الوضع .

كيف خلوهم يكملون مادري ؟

[Rashid554]

المعظم يحكم وهو ماشاف اللقطة :)

[الـراسي]

هذا الانفتاح اللي يبونه

بعد فترة كل شي بيكون عادي لو تشوف وحته مو محتشمه بيكون عادي

حسبي الله ونعم الوكيل

[الأصيلة]

معطينها سيكل بروحها ..ليش تركب وراه ,,هههههههههههه

شر البلية مايضحك!!

يعني شلون رادفها وراه على السيكل..؟ :omg:معقولة...!!
ليش هو بما أنه قطري ما أستحى على وجهه مثلا وتفشل...
لاحول ولاقوة إلا بالله...

[Qatarianes]

ههههههههههه الصراحه مصخره

[بوخالد911]

شووو علييه

مبسوووووووووط ع الاخرررررررررررررر

وربعنا ما صدقواااا

:(

[لطآم]

عادي انت بقطر 2011
مش حتقدر تغمض عينيك

[الكواري 1972]

مافيها شئ عادي

المخرج بدو هيك

[بو رااكان]

حطوا لنا الرابط نشوفه :shy:

[nadeemy]

يا اخوان هو وده يردفها , وهي راضيه تنردف ., والمسؤلين يشجعونهم على الترادف
انتوا ليش زعلانين ؟ خلوهم يترادفون

[بـــــــنت النوخـّــــذه]

دورت على الرابط ماحصلته اههه الي عن السيكل

عموما" لازم المشاهد يكون مستعد للمناظر الي بيشوفها في كاس العالم 2022م

احس بتقولون حزتها ليت المشهد وقف على قضيه سيكل وركوب المذيعه خلف المذيع القطري المحترم

اهداء :

إنما الأمم الأخلاق ما بقيت

فإن هي ذهبت أخلاقهم، ذهبوا



سلام (ن) عليكم

[الشقيان]

هم يبون جذيه

:nice::nice::victory:

[المعنى]

لا حول ولا قوة الا بالله