شهر العسل ابي اقضية في تايلند ممكن برنامج تعطوني برنامج للسفرة

[Special man]

السلام عليكم ورحمه الله

اخواني وخواتي


ابي منكم مساعدة الا وهي اني قررت اقضي شهر العسل في تايلند واول مره اروح لها :shy:


ابي اعرف الاماكن والفنادق (ابيها رخيصة ) وخمس نجوم :victory:
ومن وين ابدي في الرحله ووين انتهي طبعا ابي اروح بعد جزيرة بوكيت واهم شي الألعاااب والامااكن الترفيهيه :nice:

ممكن اذا احد عنده خلفيه يعطيني برنامج حلو للسفره

وكم تكلفه السفره من دون التذاكر في حدود 15 يوم من تاريخ 3-7 الى ...

لاتنسون تهنوني وعقبااال كل الشباب والشابات :nice:

[simsim1963]

مالنا شغل فيك . احنا نتعب وانت تستانس ؟؟؟؟

[قطريه ماركه]

مالنا شغل فيك . احنا نتعب وانت تستانس ؟؟؟؟

ههههههههههههاااااااااااااي :nice:

الله يعينك بدت غيرة الشباب منك :victory:

بالمبارك ان شاء الله ...

أفضل شهر العسل يكون في أوروبا أو حتى ماليزيا أنظف من بانكوك ...

و اذا حاجز و خلاص ... ان شاء الله الاخوان يفيدونك ...

[00soma00]

الف مبروك :)

[Special man]

مالنا شغل فيك . احنا نتعب وانت تستانس ؟؟؟؟

:eek5::eek5::eek5:

[Special man]

ههههههههههههاااااااااااااي :nice:

الله يعينك بدت غيرة الشباب منك :victory:

بالمبارك ان شاء الله ...

أفضل شهر العسل يكون في أوروبا أو حتى ماليزيا أنظف من بانكوك ...

و اذا حاجز و خلاص ... ان شاء الله الاخوان يفيدونك ...

هههههههههههه عقبالهم !! :eek5:

الله يبارك فيك يالغالي ماقصرت

بس انا لاحظت وايد ناس يروحون بانكوك ويمدحونها ماليزيا مب حر شهر 7؟؟!!:secret:

[Special man]

الف مبروك :)

شكرا والله يبارك فيك :shy:

[شمعة الدوحه]

بالمبارك أخوي

وان شاء الله يفيدونك الاخوان

[STAR]

مالنا شغل فيك . احنا نتعب وانت تستانس ؟؟؟؟

في اعضاء كبروا وخرفوا ومحتاجين تقاعد من المنتدى... !!!

=============

عالعموم بالتوفيق اخوي سبشل مان ومبروووك الزواج وان شاء الله احد يفيدك...

يا كثر اللي مطيحين في تايلند:secret:

[A bin M]

ماليزيا وتايلند جوهم واحد .. طول السنه حر ورطوبه :)

[بوعلي 8]

عاد بتعرس وبتروح شهر العسل في تايلند ماله حلاه تايلند للعزوبيه مو حق شهر عسل روح زلامسي احلى وارقى ... معرس وبتروح شهر عسل في جووو تايلند الحار والرطب مايصلح كلش وانت حر

[HAMAD9030]

تستاهل يالشيخ وعلى البركه
وبخصوص شهر العسل
شوري عليك لاتخلي اوروبا ( بصراحه خيال) :nice:
وخل عنك اسيا

[برق لمع]

النصيحة الاولى : تحمل تسكن في شارع العرب لانه مب نظيف والشارع كله ماي يعني تمشي ترفع ثيابك
ثانيا : لو تصرف نظر عن تايلند كشهر عسل احسن لك وفكر بمكان ثاني ارقى مثل ماليزيا -تركيا -بيكون وايد احسن ترى تايلند مب نظيفة وبتتذكر كلامي

[halcrow]

الف مبروك مقدما اخوي

نصيحة تايلند مب لشهر العسل عليك بماليزيا افضل بوايد وعندهم ملاهي ع منطقة جبليه بارده ينقال عنها جنتنج وغير التلفريك اللي بهالمنطقة صدقني بتستانسون اكثر وغير كذا هم يهتمون بالعرسان كخدمه .
واذا خاطرك بتايلند روح لها يومين ولا 3 ايام بالكثير وانت راد . وشوف الفرق

[الهاجري_قطر]

تايلند حر موت وخايسه اذا تبي نصيحتي روح ماليزيا مناظرها ونظافتها تقول كأنها اوربا جوها حار واغلى من تايلند عندك منطقة تقريبا 50 كيلو من شارع العرب والفنادق منطقة فوق جبل جوبارد تقريبا الحراره 6درجات وامطار مدينة ملاهي وفنادق ومجمع كلها فوق الجبل اسمها جنتنق ولاتفوتك شي خيال

[cavok]

وانا اقول روح las vegas

[Special man]

بل طلعت تايلند مب شي :eek5:


مشكووورين ماقصرتوااا ان شاء الله خلاص بروح ماليزيااهم شي الجو بارد مب حار واذا حد يعرف الفنادق شلون واسعارها والمناطق الحلوه ويعطيكم العافيه :nice:

[مهل]

انصح بتغيير الوجه لبلد اخر غير تايلند (ماليزيا مثلا) و ذلك بسبب عدم تمكنك من الاستمتاع في الرجلات السياحيه بسبب وجود الاجانب (الاوربيين) وهم دائما بملابس و حركات مخله بالادات لانستطيع التعايش معها

[مهل]

ههههههه كتبت مشاركتي بدون لا اقرا اي رد ولا حتى راس موضوعك :)

قرار سليم لتغيير الوجهه

اهتم برفاهيه الفنادق بالدرجه الاولى و ذلك بسبب انك ستقضي اغلب وقتك داخل الفندق
وثاني شي تهتم فيه الجو .. يكون معتدل او بارد

[cavok]

شسالفة كل من راح يروح شهر عسل راح ماليزيا انا اشوف السفر لها ماتستاهل كل هاي
وعلى فكره رحت لها اكثر من عشر مرات لرتباطي باعمال هناك ----

[لابس بشت]

جي دبليو ماريوت حلو في تايلند

ماليزيا عندك الريتز بعد عجيب
اذا بتروح لهم ما انصحك تقعد اكثر من 3 ايام في كل مدينه يعني 3 ايام في بانكوك 3 ايام في بوكيت هذا في تايلند

اما في ماليزيا 3 ايام فالعاصمه و3 ايام في بننق و3 ايام في لنكاوي
وانصحك تدش منتديات متخصصه فالسفر وهالسوالف يفيدونك اكثر وعندهم معلومات زياده
والله يوفقك يارب

[لوردغاليري]

تايلند خيال

والله اتجنن شوف اول ماتوصل المطار احجز طيران داخلي روح بوكت جنة الله في ارضه جو وطبيعه وهدوء ورومنسيه لابعد الحدود اقعد فيها 5 ايام واستكشف رحلات جزر بحريه في الطراد والشلالات والفنتازيا وبعدها انصحك تسكن في بوكيت هولدي ان شاليه على البحر وبركة سباحه خاصه فيك
وبعدها ارجع لشنغماي طبيعه وجو حلو خيالي اقعد 4 ايام وبعدها ارجع بانكوك 4 ايام للشوبنغ وراح تستانسون
اسكن الانتركونتيننتال

الف الف الف
مبروك واي استفسار من عيني حاضرة

[sh50]

مبروك زواجك اخوي
انصحك بكت جوها ابرد من العاصمه وبعدابرد من ماليزيا
وسياحيه جدا

[STAR]

مافي بلدان أحلى من ماليزيا؟‏!‏‏!‏

سنغفورة حلوة؟!‏

يمدحون الهند ‏‏(‏‏=‏

[شامان]

انصحك بماليزيا

[آلملآزم]

الأخوان ماقصروا ربي يعطيهم العافيه
وماعندي أي أضافه على كلامهم
بالبركه أن شاء الله

[ولد ازغوى]

ما انصحك تروح شهر عسل تايلند حر وخيسه حلاته لين خذتوا على بعض تكرفها هناك نيهاهاها ..
رح تركيا وايد حلوه وبتعجبك وجوها حلو

[ورقــة أمــل]

مب حلوة تايلند اخوي حق شهر عسل كله مصخره ووصاخة وسوالف خايسة غير الحر والبقة انا رحت اسبوع كرهتها

عندك الجزر حلوة بس الوصاخة والسوالف كل مكان فيها خاصة بالليل حق السمردحه

انصحك تروح دول ثانيه طبيعة وارخص لو تفكر من ناحية ماديه

عندك الهند ممطرة هالفترة وعندك ماليزيا بس ماليزيا اغلى من تايلند بشوي من ناحية الجو حر ورطوبة مثل تايلند

اذا تبي تستانس روح دولة اروربية احسن واحلى معنك بتصرف شوي اكثرر

الله يبارك لك ويتمم لكم على خيرر

[Special man]

اشكر الجميع ع المرور الطيب وعلى المساعده ماقصرتوا والله يبارك فيكم

ويرزق الجميع بكل خير :)

[الشامسي]

بالمبارك مقدماً

[طماطه]

ماليزيااا وايد حلوه .. احجز الجي دبليوو ماريوت لانه طال على شارع العرب على طول والمطاعم والكافيهات والمجمعات الراقيه .. والفندق نفسه فيه مجمع ..
وعندك فندق المندرين رووعه راقي من قلب .. واسعارهم حلووه ..
وعندك المنطقه الجبليه البااارده ( جنتنغ ) فيها المدينه الترفيهيه وايد حلوه ..
وصن وي لقون .. فيها مدينه الالعاب المائيه ..
هاي كله في العاصمه ..
وعقب تقدر تروح وحده من الجزر .. لنكاوي حلووه للمعاريس ..

[fzaa_qatar]

خلك من تايلند ورررروح ماليزيا وبدووون تفكير واسكن فالعاصمه بفندق مندرين ارنتال واسكن في مديته سيلانجور بفندق صن واي لاقون واخذ لك فيلااااا وبتدعي لي وبعدها روح جننتق بس لا طول هناك حدها يومين بالكثير وبعدها روح مرتفعات كاميرون هايلند الجوووو خيالي اهناك وطبعا عندك فالعاصمه كذا مكان حديقه الزهور والفراشات والحيوانات وفندق المندرين مطل عالتوين تاورز ومبروك ونتمنى لك السعااااااده

[ام عبدالعزيز]

انصحك باسبانيا...وماروكا((ماروقه))شي خيال

والف الف مبروك

[مشتاقة لقطر]

مبرووووك ومنك المال ومنهاالعيال


لو تبي تروح بدون شوبينغ

روح باريس .. مع ترتيب الحجوزات على موقع بوكينج . كوم

ما بتكلفك وايد

[بوشاهين2]

تستاهل الشيخ وبالمبارك مقدماً .. أخوي مافي أحلا من بانكوك وبالنسبه وعلى حسب تفكير الواحد شلي يبيه بيحصله لأن كل بلاد فيها الزين وفيها الشين .. وخذ جدول بانكوك ع الخاص ..

[بوشاهين2]

أخوي دش على موقع www.booking.com وشوف الفندق ألي تبيه وخذ الانسب لك بالسعر والخدمة .

[روان قطر]

الف الف الف الف الف الف الف الف
مبرووووووووووووووووووووووووووك



بعدين ليش ماتعزم :waiting:

[المعضادي]

شوف ياصديقي ..... :) اولا بالمبارك وبالرفاء والبنين

انا عندي لك وجهة حلوة وصدقني معقولة تقريباً ، وأحلى من ماليزيا وتايلند مجتمعين

بس مشكلتها الخط طويل شوي :eek5:

انا انصحك بأمريكا وبالتحديد فلوريدا وشهر 7 وقت مناسب جداً ، وانا عن نفسي رحتها

ومب غالية ابداً . فنادق خمس نجوم على 100 دولار ومن اروع مايكون وغرف كبار

ودامك انت مع زوجتك وبروحكم وبدون عيال وخدامات ومغثة نفس حالتي :shy:

بتطلع عليك التكلفة ارخص من ماتتوقع بكثير وبحسبه بسيطة كالتالي :

اولا بنقول تذكرة السفر انت وقدرتك :secret:

لكن احسب سكنك اليومي بــ 120 دولار بحد اقصى وشيء مرتب بعد :victory:

ومصروفك اليومي للأكل والشرب ماراح يتجاوز الـــ 120 دولار ومن مطاعم حلوة :discuss:

ومصروف مواصلاتك بشكل يومي من باصات وتكاسي مايتجاوز 65 دولار وهذي مبالغه

وطبعا قرف السوق مستحيل زوجتك تمر على المولات كأنها مارة على مقبرة :eek5:

يعني قول بتتسوق بطريقه معقوله بحدود 300 الى 600 دولار عاد انت وسياستك :tease:


يعني متوسط تكلفتك اليومي تقريباً من غير السوق 305 دولار يعني 1113.25 ريال

يعني في 15 يوم 4575 دولار يعني بالقطري 16698.75 ريال ، صدقني ولا حاجه

اما في اوروبا اضرب السعر على الاقل في 2 33397.5 ريال في شهر :( !!!!!!!

وفي تايلند علشان تعيش عيشه نظيفه مش اقل من المبلغ اللي حسبته لك في امريكا

عموما انت شوف ايش اللي يصلح لك وسوه وبالبركه والله يوفقك .

لكن انا عن نفسي شخصياً اقولك وللأخوان والخوات العزيزات اللي ماسافر امريكا ماسافر !!

وإذا تبي تستزيد أكثر ادخل موقع المسافرون العرب . من اروع مايكون

والسموحه على الاطاله .

[حنان الدنيا]

بالنسبه لي تايلاند احسن من ماليزيا

والعالم كلهم يرحون شهر عسل ماليزيا كان مافي غيرها

[Special man]

يعطيكم العافيه بصراحه فيكم الخير احرجتوني بتجاوبكم ان شاء الله اخدمكم بالافراح :shy:

[ممنوع اللمس]

والله ياخوك لو تسمع كلامي
خذ لك 10 ايام في جزر المالديف
وخلاص

[KHALID J]

الف مبرووك
ومنتظرين تقريرك عن المكان الي بتروح له

[الاستاندر]

مرحبا الغالي
والله انا توني ماكملت سبوع من رجعتي من تايلند
وهذي ثاني سفره لي لتايلند وفي السفرتين حصلت
وايد خليجين رايحين شهر عسل
هي تصلح بس رتب جدولك صح
صدقني انها ارخص من ماليزيا وانت بتكون مخسر مخاسير العرس فأنصحك في تايلند
انا بعطيك جدولي وانت شوف وتشاور
اول ماتوصل مطار بانكوك تحجز طيران داخلي حق بوكيت
تسكن في بوكت في فندق اماري بتحصل عرسان وايد هناك ههههههههه
اذا كان وصولك الضحى قيل وعين من الله خير وروح الفنتازيا شو
وثاني يوم احجز لك رحلة جمس بوند
وثالث يوم روح بي بي لاند
رابع يوم الرافتنق الرحله حلوه بس ماتناسبنا كخليجين ولا تناسبكم بعد كمعاريس ههههههههه
فيها مجمعين احذى بعض حلوووين وايد
تمشوا في السوق هناك
بتحصل اشياء كثير حلوه بس نصيحه في بوكيت عقب ماترجع من الرحله
ياتروح المجمع ياتتمشى في السوق اللي بعيد عن شارع الدمار ههههههههههه

عقبها روح شنغماي مع اني مارحتها بس وايد ناس تمدحها وعائلية وايد
وعقبها روح بعد منطقة كسمواي بعد مارحتها بس مخطط لها اذا تزوجت ان شاء الله هههههههه
واخر 3 ايام خلها في بانكوك
بانكوك ماجازت لي كلشششششششششششششششششششششششش
اول يوم خله تسوق
وثاني يوم روح ملاهي دريم ورلد بتعجبك وبتستانسون وايد وود معاك كيمرا في اشياء وايد حلوه حق تصوير
وعقب ماترجع من دريم ورلد ريح شوي وانزلوا السوق
وثالث يوم روح سفاري وعقب ماترجعون من سفاري روح السوق و كملوا الصوغه ههههههههه

السموحه على القصور بس لو تدخل منتديات متخصصه في السفر بتفيدك اكثر مني
وانت الغالي حر تبي ماليزيا ولا تايلند احسهم نفس الشي بس فرق الاسعار في ماليزيا + ماليزيا بتاكل من اي مطعم بدون ماتسئل حلال

ومبروك مقدما ولاتنسانا في تقرير السفره