الموظف المتدرب في المدراس المستقلة ياخذ راتب و إلا !!!

[فوشيا]

السلااااام عليكم و رحمة الله و بركاته


أخواني إللي عنده خبره في قوانين المدارس المستقلة ممكن

يفيدنا و إذا عنده شي رسمي يستند عليه ممكن يجاوبنا على

هالاستفسااااار


تم توظيف إختي ( خريجة ثانوية ) تحت التدريب في مدرسة مستقلة نموذجية

(( مساعدة طالب ذو احتياجات خاصة ))

و بعد اسبوعين أو ثلاثة جاها كتاب الموافقة من المجلس الأعلى

و ثبتوها ..

فسؤالي تاخذ راتبها من تاريخ مباشرتها في المدرسة

و إلا من تاريخ تثبيتها ..

لأن مديرتها قالت لها ما أمشي الراتب الا من تاريخ كتاب تثبيتها

يعني الاسبوعين أو الثلاثة دوااام بس جذيه !!!!



ممكن حد يفيدنا

و الله يعطيكم العافية

[قطريه ماركه]

حسبي الله على هالمديرة ...

لازم تاخذ راتبها على كل يوم داومت فيه ...

خلها تكلم المجلس الأعلى و تتاكد .. مع اني أشك انه بيفيدونها بشي !!

[رمــش الغلا]

ان شاء الله في ذمة المديرة

لأنه المفروض اتسوي لها مباشرة عمل من اول تاريخ داومت فيه عشان ينزل لها راتب كامل

[بوراشد82]

المفروض تستلم راتب على كل يوم اشتغلت فيه في المدرسة حتى لو كانت متدربة وما وقعت عقد ,,,

الفلوس مب من جيب المديرة عشان تتفلسف حضرتها وتمسك رزق المرة ...خل اختج تطالب بحقها ولا تسكت ... شفيهم اصحاب التراخيص أستخفوا !!
لا يكون المدارس ورث ورثوه ولا ملكية خاصة لهم !!!

[ريماس الغلا]

في بعضهم يكونون متدربات فقط بدون راتب

على حسب الاتفاق

والمفروض يمشي لها راتبها من بدء مباشرتها العمل

والايام الماضيه ممكت تعطيها لي كمكافأه او على حسب الاتفاق

[فوشيا]

المشكله ان كل مدرسه قوانينها على كيف الاداره
ما فيه مرجع للموظف ..

و المجلس الاعلى لما اتكلمينهم يقولون لج على حسب سياسة المدرسه
شكلهم هم ضايعيين بعد

و اللي قهرني زياده .. الحين تقول لي
هي قالت لنا باخليكم اتدربون بس بدون راتب

لين اتجي الموافقه و بامشي لكم الراتب من تاريخها

فلنفرض ان الموافقه تاخرت ...

و الله لقت ناس اتقص عليهم ..!!!!

[حسن]

اول مره اسمع حد يشتغل بلاش

[آلملآزم]

أحتساب الراتب من تاريخ التثبيت أو من تاريخ مباشرة العمل هذا ماعندي علم فيه
بس اللي أعرفه أنه في فترة التدريب لا يصرف لهم رواتب
وبالتوفيق للجميع

[فوشيا]

ليش مب في الدوائر الحكوميه اللي تحت التدريب

يمشي لهم الاساسي بس .. هاي اللي انا سمعته

[Toomy]

أحتساب الراتب من تاريخ التثبيت أو من تاريخ مباشرة العمل هذا ماعندي علم فيه
بس اللي أعرفه أنه في فترة التدريب لا يصرف لهم رواتب
وبالتوفيق للجميع

المتدربات مالهم راتب لانهم جايين متطوعات و يبون شهادة خبرة فقط و يكون في عقد بينهم وبين المدرسة اسمه عقد تدريب وعادة اذا حبوا يتثبتون يطلبون او المديرة تشوف اذا هم كفؤ تثبتهم وفعلا الراتب يمشي من تاريخ توقيع العقد الدائم للقطريات اللي هم حملة الشهادة الثانوية و موافقة المجلس

[لاجل QT]

اللى اعرفة ان يصرف الراتب في فترة التدريب او توقيع العقد..

[حليتان*]

على حسب الاتفاق او العقد !!


اذا ماتثبتت خل تستحير والله يكتب الي فيه الخير

ونصيحه اذا اختج تثبتت خل تسكت وتجامل صاحبة الترخيص

خل اتمدح فصاحبة الترخيص بمناسبه ومنغير مناسبه وبتشوف تقيمها فالاخير


هذي زمان امدحني يافندم

[ريماس الغلا]

المتدربات مالهم راتب لانهم جايين متطوعات و يبون شهادة خبرة فقط و يكون في عقد بينهم وبين المدرسة اسمه عقد تدريب وعادة اذا حبوا يتثبتون يطلبون او المديرة تشوف اذا هم كفؤ تثبتهم وفعلا الراتب يمشي من تاريخ توقيع العقد الدائم للقطريات اللي هم حملة الشهادة الثانوية و موافقة المجلس



نعم المتدربات متطوعات

مثل ما قلت :)

[أين الحل ؟]

قانون إدارة العمل يقر بأن تحسب مدة التدريب من ضمن الراتب .
عليك مراجعة بنود قانون العمل على موقع النت ,وإذا المديرة لم تصرف لها مدة التدريب عليك التوجه فورا
الى إدرة العمل وطرح المشكلة وهم راح يحلون المشكلة .

ملاحظة : لا تذهبي الى المجلس الأعلى للتعليم لأنه لا يخيط ولا يبيط فقط التوجه الى إدارة العمل .

[فوشيا]

حتى الردود مب وحده


خلونا ضايعييين ... ما فيه قانون موحد يمشي ع الكل ...

ناس تاخذ حقها و زيادة ... و ناس حقها ضايع


الله يعييين


تسلمووون على مشاركتكم و ردودكم

[قهوجي]

السلااااام عليكم و رحمة الله و بركاته


أخواني إللي عنده خبره في قوانين المدارس المستقلة ممكن

يفيدنا و إذا عنده شي رسمي يستند عليه ممكن يجاوبنا على

هالاستفسااااار


تم توظيف إختي ( خريجة ثانوية ) تحت التدريب في مدرسة مستقلة نموذجية

(( مساعدة طالب ذو احتياجات خاصة ))

و بعد اسبوعين أو ثلاثة جاها كتاب الموافقة من المجلس الأعلى

و ثبتوها ..

فسؤالي تاخذ راتبها من تاريخ مباشرتها في المدرسة

و إلا من تاريخ تثبيتها ..

لأن مديرتها قالت لها ما أمشي الراتب الا من تاريخ كتاب تثبيتها

يعني الاسبوعين أو الثلاثة دوااام بس جذيه !!!!



ممكن حد يفيدنا

و الله يعطيكم العافية
شوفي التدريب تاخد عليه راتب علي حسب المديره اللي تحدده
بس راتب كامل لأ وممكن تسويها ليه باثر رجعي وهاي بطلوها من زماااان
وعلي فكره كل مدير هوا حر في مدرسته يعني سمردحه فاحسن شي تسال واذا قالولها لأ
الله يعوضها
ومبروك الوظيفه