شرح نقل الاسماء من جوال نوكيا إلى الايفون بالصور

[كرستال]

السلام عليكم ورحمة الله

شرح نقل الاسماء من جوال نوكيا إلى الايفون بالصور


قد يتردد البعض في شراء جهاز الآي فون خوفاً من مشكلة نقل جهات الاتصال من الجوال القديم اى الايفون

هنا تجدون الطريقة بالشرح الوافي



نسخ جهات الإتصال من جهاز نوكيا للايفون


الأشياء المطلوبة لإتمام العملية بنجاح

1- جهازك النوكيا اللي تبين تنقل منه الأسماء حقتك

2- كيبل نوكيا – عشان توصل جهازك للاب توب

3- برنامج Nokia Ovi Suite
ويمكن تحمليه من موقع نوكيا الرسمي من هنا : حمل البرنامج (http://www.nokia.com.sa/support/software/nokia-ovi-suite-ar)

4- برنامج الأوت لوك Microsoft Office Outlook

5- آي تونز – iTunes
يمكن تحميله من موقع آبل الرسمي من هنا : حمل البرنامج (http://www.apple.com/itunes/download/)

5- آيفونك والكيبل حقه طبعاً



في البداية نحمل برنامج الأوفي الخاص بنوكيا

http://www.tichno.com/wp-content/uploads/nokia-ovi-logo.jpg


نشبك الجوال القديم في الجهاز ثم نفتح برنامج الـ ovi وبتطلع هالشاشة اللي هي الصفحه الرئيسية للبرنامج

http://www.tichno.com/wp-content/uploads/transfer-contacts6.jpg


بعدين اضغط من فوق على ( أدوات ) ثم ( خيارات )

http://www.tichno.com/wp-content/uploads/transfer-contacts5.jpg


بعد كذا نضغط على الاسماء الموجودة على اليمين ونختار المزامة مع الأوت لوك ونختار المكان اللي نبي ننقل فيه الاسماء

http://www.tichno.com/wp-content/uploads/transfer-contacts4.jpg


أنا بالنسبة لي عندي كذا مجلد جهات اتصال في الأوت لوك , عشاني سبق ونقلت اسماء جهازي في البداية .. ثم بعدين نقلت اسماء جهاز اخوي .. ثم تطور الوضع وصرت أنقل أجهزت ناس ما أعرفهم


واللي يبي يسوي مجلد في الأوت لوك كل اللي عليه هو أنه يفتح البرنامج .. ثم يضغط على ( جهات الأتصال ) .. ويسوي زي ما في الصورة

http://www.tichno.com/wp-content/uploads/transfer-contacts2.jpg



نرجع لموضوعنا .. بعد ما تختار المسار اللي تبي الاسماء تنتقل له تضغط موافق .. بعد كذا بيرجعك البرنامج للواجهه الرئيسية مره ثانية

http://www.tichno.com/wp-content/uploads/transfer-contacts3.jpg

اضغط على مزامنة الأسماء .. وبعد كذا نصبر لحد ما يخلص نسخ


بعد كذا خلاص نفصل جوال النوكيا ونرميه في كرتون ونحطه فوق الدولاب مع الملابس الشتوية .. وبعدين نشبك الآي فون ونفتح الآي تنونز

http://www.tichno.com/wp-content/uploads/transfer-contacts1.jpg



مثل ما تشوفون في الصورة .. أول شيء نختار ( info ) ثم نحط علامة صح عند ( sync ) وبعدين في الأخير نختار اسم المجموعة اللي نبي ننسخها للايفون .. بعدين نضغط ( apply )


نروح نصلح شاهي على بال ما يخلص البرنامج من النسخ وبعدين وخلاص بكذا يصير نقلنا جهات الاتصال من جهاز النوكيا للايفون بنجاح ايها الرفاق



* * * *



نسخ جهات الإتصال من الشريحة



هالطريقة تصلح للناس اللي مسجلين الاسماء حقهم على الشريحه ومهوب على الجهاز .. لكن عيوب هالحركه أنها تنسخ الاسم مهوب كامل .. يعني على ما أعتقد أول 16 حرف بس .. يعني بتطلع لكم الاسماء زي كذا .. ( عبدالعزيز عبدالر ) .. ( سلطان عبدالر ) .. وهلم جره


بنشرح هالطريقة لسهولتها ولأن البعض قد يكونون مزنوقين وما عندهم هالبرامج والكيابل وغير على أن عندهم القدرة وقاتلهم الفراغ ومستعدين يعدلون الأسماء اسم اسم

http://www.tichno.com/wp-content/uploads/transfer-contacts9.jpg


نضغط على الإعدادات – settings

http://www.tichno.com/wp-content/uploads/transfer-contacts7.jpg


ثم نروح لجهات الاتصال – contacts

http://www.tichno.com/wp-content/uploads/transfer-contacts8.jpg


وفي الاخير استيراد جهات الاتصال – Import SIM Contacts


والأن مافيه حجه لأي أحد :discuss:


_منقول_