المنتفعين بقرض الاسكان وجشع بعض الناس

[قبل الوداع]

من اسبوع تقريبا كنت ادور لي "بويت" في الخور اشتريه على بنك التنميه وفاجأني الدلال بسؤال اذا ماكنت بشتري البيت كاش او عن طريق بنك التنميه. رديت عليه ان عن طريق البنك وسئلته عن سبب سؤاله وصدمني رده " لو حتشتريه كاش ممكن تبيعه لما تنزل الاسامي وتربح فيه 200 ولا 300 الف بسهوله" قلت له ايش الدليل على كلامك وراواني بيتين واحد منهم شاريه شخص علشان بنفس سعر البيت الثاني وعارضه بزياده 200 الف لما تنزل الاسامي والبيت الواحد مساحة ارضه تقريبا 497 م. ليش صرنا ناكل في لحوم بعض وتناسيا قول الحبيب المصطفي " حب لاخيك ماتحب لنفسك" مب كافي ان القرض لازم نتدين فوقع علشان نكمل مبلغ البيت اللي في الاساس بنيان تجاري واحنا مجبورين بتصميم غيرنا وتشطيبه..
اتمنى من اللي راح تنزل اساميهم ان مايركضون ويستعجلون في الشراء علشان ماترتفع الاسعار ونحدد احنا السعر بدل ماينفرض علينا..هذي البيوت مانبنت الا للبيع ولو احنا اللي حددنا سعرها بحدود المعقول راح يستفيد المشتري والبايع بحدود المقبول. نبي نسمع عن بيوت كثيره تنباع بسعر مليون و200 الف ولاحد يقول مانقدر..لا والله نقدر بس المطلوب ان نتصرف بحكمه ومانستعجل
لاتستعجلون ياجماعة الخير لاتستعجلون
والله يوفق الجميع

[حيهور]

الحين خل التجار ياكلون هوا


مافي شي اسمه انتظار! تجيك الموافقه من الاسكان وتتحول أوراقك للبنك لاتنتظر


اذا بغيت تبني او تشتري روح البنك واستفيد من القرض وقت ماتبي اهم شي بس الاسكان يحول أوراقك للبنك وبس


يعني اذا اسمك في البنك الحين يوم الأحد تقتدر تستفيد حتى شعار اخر

[مشتاقة لقطر]

ابنو لكم احسن لان التكلفة بتكون اقل عليكم

[نجدي قطري]

والله إذا كان هالكلام صحيح، نسأل الله إنّه يجعله في ميزان أعمالهم، لأنهم سهّلوا على كثير من المسلمين.

[سويسرا]

الله المستعان

[احساس رابح]

انا اللي ابي اعررررفه !!!!!!

القانون الجديد شمعناته غير انه نزل في الفوائد بسسسس

اما سالفه القرض هو مثل ماهو،،، نزل اسمي السنه اللي طافت وماقدرت اشتري بهالمبلغ

يعني هم زادو على الـ مليون و 200 شي ؟؟؟

[R 7 A L]

الله لايوفق كل من في قلبة ذره جشع

[الـــبـيـرق]

هرمنا هرمنا من اجل الحصول على بيت