100 مليون دولار من قطر لضحايا زلزال اليابان

[ملاك]

29/4/2011م

الدوحة - قنا

قرر حضرة صاحب السمو الشيخ حمد بن خليفة آل ثاني أمير البلاد المفدى التبرع باسم حكومة وشعب دولة قطر بمبلغ 100 مليون دولار، مساهمة من قطر في الجهود المبذولة لإغاثة ضحايا كارثة الزلزال المدمر الذي ضرب اليابان الشهر الماضي، وأدى إلى وقوع آلاف من القتلى والمشردين، وخلف خسائر مادية جسيمة.
وعبر مصدر مسؤول بوزارة الخارجية في تصريح لـ«قنا» عن تعاطف وتضامن قطر حكومة وشعباً مع الشعب الياباني الصديق في هذه الظروف الأليمة، ومواساتها وتعازيها لأسر الضحايا.

المصدر: كل الجرايد الرسمية

[بوهلال]

يستاهلون اهل اليابان شعب طيب

[Bu Rashid]

يستاهلوووووووون
مساكيين ما عندهم بنيه تحتيه

[عذاري قطر 2011]

اي يستاهلوووووووووووون

[simsim1963]

علشان ما تفتحون حلوجكم وتقولون نبي زياده . مرة ثانيه لو تفتحون موضوع عن الغلاء في الاسعار ولا نبي زياده في الراتب ثرى بنتبرع لضحايا الاعصار في امريكا . يستاهلون اهلنا اهل اليابان ناس طيبه ومحترمه

[هبوب الكوس]

لازم نساعدهم

من عيل بصنع لنا الكروزر:(

[الوسيط العقاري]

هذي عوايدها قطر

:)

[ثرية]

قطر رقبتهااااااااااااا سداد في كل المناسبات السعيده والحزينه الله يكثر من امثالهاااااااااااا

[Mr. H]

و انا متاكد ان اليابان لن تنسى هذا المعروف .. :)

[الأصيلة]

و انا متاكد ان اليابان لن تنسى هذا المعروف .. :)

أكيد مارح تنساه...
والمعروف مايضيع أبد حتى لو تنكر له من
صُنع له ها المعروف ...فهو يبقى مذخور عند الله
حتى يحين أمر رده لـ من صنعه ...

[كحيلان قطر]

عذاري وين الماي وييييييييييييينه
حتى اليابان وصلها ماي عذاري ............. والله عجيبه ؟؟؟

[بوهزاع]

يستاااهلون ابطاااااال اسيا

[أين الحل ؟]

يستاهلون أهل اليبان ونبارك للأخوة اليبانيين والى الأمام دائما .

[sad-o-bas]

الكلام بالنسبة للي يتكلمون عن عين عذاري ومايها..
اليابان من الدول الي وقفت مع قطر أثناء تهرب أغلب الشركات العالمية وعلى رأسهم الbp لما قطر احتاجت تسويق الغاز القطري في بدايات الإنتاج.. وأعتبر هالمبلغ رد للجميل لهذه الدولة لإلي بنت ترينات راس غاز بكفاءة عالية :)
أول خطين إنتاج بنتهم شركة jgc وهم من الترينات المصممة باسلوب ذكي جداُ ومشاكلها قليلة..

يعطيكم العافية

[الملا]

الكلام بالنسبة للي يتكلمون عن عين عذاري ومايها..
اليابان من الدول الي وقفت مع قطر أثناء تهرب أغلب الشركات العالمية وعلى رأسهم الbp لما قطر احتاجت تسويق الغاز القطري في بدايات الإنتاج.. وأعتبر هالمبلغ رد للجميل لهذه الدولة لإلي بنت ترينات راس غاز بكفاءة عالية :)
أول خطين إنتاج بنتهم شركة jgc وهم من الترينات المصممة باسلوب ذكي جداُ ومشاكلها قليلة..

يعطيكم العافية

كلام جميل

واتفق معاك

[hnoof-qtr]

قرار موفق .

[راشد محمد]

ما قصر بو مشعل دايما سباااااااااااااااق في الخير

[abdulla4u]

شي طيب

[متواصل]

طيب ابي راتبي يهتز ويتزلزل لانه من 15 سنه على نفس الدرجة التاسعة بمقياس رختر

[سكرمر]

الكلام بالنسبة للي يتكلمون عن عين عذاري ومايها..
اليابان من الدول الي وقفت مع قطر أثناء تهرب أغلب الشركات العالمية وعلى رأسهم الbp لما قطر احتاجت تسويق الغاز القطري في بدايات الإنتاج.. وأعتبر هالمبلغ رد للجميل لهذه الدولة لإلي بنت ترينات راس غاز بكفاءة عالية :)
أول خطين إنتاج بنتهم شركة jgc وهم من الترينات المصممة باسلوب ذكي جداُ ومشاكلها قليلة..

يعطيكم العافية





اخوي كلامك جيد لكن الشركه اللى تنفذت هالمشروع اخذت فلوسها


وهي مجات تشتغل فى قطر ببلاش

من كلامك يبين انها نفذت المشروع بدون ان تقبض اي ريال



الله المستعان

[ع.م]

أكيد هو قرار دبلوماسي وسياسي مدروس..

وبإذن الله الشعب القطري أيضاً راح يستفيد منه.. وإن شاء الله تكون في زيادات لرواتب القطريين وسيطرة على الأسعار في الأسواق والعقار.. بلدنا غنية الحمدلله ونقدر نعطي غيرنا ونعطي نفسنا بعد.. يصير نسوي الاثنين ومارح يكون شي على حساب شي..

الله يبارك لنا في ثروات هالبلد الطيبة..

[hamoor4ever]

يستاهون اهل اليابان شعب طيب

[متفااائل]

الكلام بالنسبة للي يتكلمون عن عين عذاري ومايها..
اليابان من الدول الي وقفت مع قطر أثناء تهرب أغلب الشركات العالمية وعلى رأسهم الbp لما قطر احتاجت تسويق الغاز القطري في بدايات الإنتاج.. وأعتبر هالمبلغ رد للجميل لهذه الدولة لإلي بنت ترينات راس غاز بكفاءة عالية :)
أول خطين إنتاج بنتهم شركة jgc وهم من الترينات المصممة باسلوب ذكي جداُ ومشاكلها قليلة..

يعطيكم العافية



مع أني مع التبرع لمثل هذه الكارثة ... لأنها كارثة حقيقية ... مش كوارث مفتعلة مثل بعض الوجهات



بس سؤالي كيف وقفت مع قطر ... تقصد أنها قدمت على مشاريع وهي خسرانه فقط لسواد عيون قطر ؟


الشركات والقطاع الخاص ... اسمه قطاع خاص يحسبها بالحاسبة ولا يفكر بعقليه وقف مع فلان وترك فلان

[سداوي&مدريدي]

الله كريم

[الموضوعي]

تبرعوا لكن لاتنسون شعب قطر واصلاح الصحة والتعليم

[ام السعف]

المبلغ قليل مع مكانة اليابان وحجم الكارثة :(

[R 7 A L]

يستاهلون اليابان


اهم شي نبي مواصفات ممتازة للجيات الموديلات الجية

[Charisma]

خطوه طيبه وبصمه كبيرة في قلوب الشعب الياباني

[rashid_qatar]

يستاهلون اليابان بيعطونا كروزرات ببلاش ههههههههههههههه

[شامان]

من كريم الى مستحق

[ام ناصر1]

بالتوفيق لليابان ....على الاقل هي دوله محترمه ...والمال سيذهب للاغاثة والاعانة
مش مثل باقي الدول الاموال تذهب لجيوب المنتفعين

[الكولونيل]

أريجاتو أريجاتو أريجاتو
شكرا بالياباني
ههههههههههههه

[ولد النواخذه]

اليابان دولة صديقة والمصالح الي بين قطر واليابان كبيرة ولهذا شكرا حكومة قطر لان هالخطوة فيها توطيد علاقة مع بلد مهم جدا لقطر من نواحي كثيرة ومايقصر بومشعل....

[قطري متواضع]

الله يطوول عمر ابومشعل كريم

بس اليابان مايستاهلوون

اخواننا في باكستان اولى بها

[النهار]

يستاهلون اهل اليابان شعب طيب