فكرة انشاء سوبرماركت عبر النت شي بسيط بس ماشفناه

[am5ald]

اصحاب الجمعيات الاستهلاكية
فيه ناس لهم ظروف ماتسمح لهم بالخروج وشراء اغراض المنزل سواء ظروف صحية او مواصلات او حتى رفاهية وسهوله الطلب من المنزل واختصار الوقت والجهد وتجنب الازدحام وتجنب نسيان الاغراض الاساسية .
فلماذا لا نجد في قطر ولا موقع واحد يختص بطلب المواد الغذائية الطازجه والمواد الاستهلاكية وتوصيلها للمستهلك؟
واعتقد انه مربح
معظم دول الخليج يقدمون هذي الخدمه
مثل السعودية

فيديو

http://www.alarabiya.net/articles/2010/10/18/122696.html

رابط الموقع

http://www.andalusiaexpress.com/index.php?cPath=24


شرايكم هل انتو معاي ؟
وشو ايجابيات وفوائد هالخدمة ؟
وايش السلبيات المتوقعه ؟

[ام السعف]

الخدمة بتكون إيجابية لكنها ممكن تزيد من البدانة والكسل :(

[قطر دزاين]

فكره حلوه الصراحة
لو احد يبي شريك انا حاضر ابرمج له موقع كامل اون لاين حتى لو يبي يدفع بفيزاء نتيح له ذلك

[Gh2o]

من يقول ماصارت جربوها وفشلت
والفكره خسرانه تدري ليش ؟ اولا الكوست عالي لأداره الموقع والتوصيل ثانيا الجمعيات وايد قريبه وعندنا وقت طويل نتسوق فيه هالفكره تنفع للي مداومين ٢٤ ساعه وبمناطق بعيده

[شيط ويط]

كانت ضمن افكاري مع واحد من ربعي لكنه مع الاسف يحب ينام العصر .. لذلك الفكرة تم وأدها ..

والفكرة عبارة عن عرض منتجات اشهر السوبرماركتس هنا في قطر

مثلا كارفور - اللولو - المخازن الكبرى - الميرة

يدخل المستخدم الموقع ويختار السوبرماركت .. وتندرج تحته الاصناف ويختار منها ويجمعها في سلة

وعقب نحط له مجموع المشتريات وعمولتنا مع التوصيل للمكان اللي يرغب فيه

ويتم الدفع عند الاستلام

[شميرام]

في موقع حق طلب الاكل نسيت اسمه طلبت منهم مره عقب مادري شصار فيه وصلني الطلب عقب يومين اتصلو الا يقلون اني طلبت وانا ولا طلبت ولا شي هههههه
انا عندي فكره موقع ملابس بس ابي رسمي .......احلام ان شالله تحقق يوما ما

[لمعة الالماس]

احس الفكرة ما تنجح خاصة وان البلد صار فيها وايد جمعيات وهايبرماركت وسوبرماركت

وغير جذي اذا احتجنا شي الدكان اللي بالفريج يوصل الطلبات وبدون عمولة


اما لو السوبرماركت اللي بالنت يتيح منتجات غير متوفرة بالدوحة فاتوقع يلاقي اقبال ونجاح

[تغلبية]

ممكن يكون فيه خدمة الكترونية لجمعية ميرة
احط اغراضي اللي ابيها في سلة الشراء
هم يجهزوها لي وانا اروح ادفع واخذهم على طول
توفر علي وقت ومجهود ..

وان كان مرات الشوبنغ في حد ذاته متعة .. بس مش على طووووول :rolleyes2:


خل يكون في خدمة للطلبة وكبار السن ..
يكون فيه متطوعين يجيبون لهم الاغراض لين البيت

[بوحارب]

لو يسوون لنا قهوة كرك على النت والله شي حلووووووو &_@

[النهار]

ليش لا والله فكرررررررره حلوه

[am5ald]

الخدمة بتكون إيجابية لكنها ممكن تزيد من البدانة والكسل :(

يمكن لبعض الناس
بس لو كانت للضرورة فقط بتكون مفيده
اشكر مشاركتج



فكره حلوه الصراحة
لو احد يبي شريك انا حاضر ابرمج له موقع كامل اون لاين حتى لو يبي يدفع بفيزاء نتيح له ذلك


وانا اشجعك صراحه لو تشارك اصحاب احد الجمعيات الاستهلاكية بتستفيد ، اما ان تاخذون عمولة توصيل ،او ان لاتقل المشتريات عن 300 ريال (او مبلغ معين يناسبكم) ،او خدمة اشتراك بمبلغ سنوي لكل زبون او بيت
بالتوفيق





من يقول ماصارت جربوها وفشلت
والفكره خسرانه تدري ليش ؟ اولا الكوست عالي لأداره الموقع والتوصيل ثانيا الجمعيات وايد قريبه وعندنا وقت طويل نتسوق فيه هالفكره تنفع للي مداومين ٢٤ ساعه وبمناطق بعيده


يمكن لانه ماسمعنا عنها او ماسوو لها اعلان مناسب
انا سمعت بس عن المطاعم اللي توصل بالنت وسكروها فترة كان فيه خلل فني
يمكن يكون اسهل حق ناس معينه صعب يطلعون او ينسون الاشياء المهمه او مايحبون الزحمه وانتظار الكاشير، باختصار للسيدات والحوامل الخ ..
اشكر مشاركتك



كانت ضمن افكاري مع واحد من ربعي لكنه مع الاسف يحب ينام العصر .. لذلك الفكرة تم وأدها ..

والفكرة عبارة عن عرض منتجات اشهر السوبرماركتس هنا في قطر

مثلا كارفور - اللولو - المخازن الكبرى - الميرة

يدخل المستخدم الموقع ويختار السوبرماركت .. وتندرج تحته الاصناف ويختار منها ويجمعها في سلة

وعقب نحط له مجموع المشتريات وعمولتنا مع التوصيل للمكان اللي يرغب فيه

ويتم الدفع عند الاستلام

فكرتك وايد حلوه وحلو انه الزبون يختار السوبرماركت ،اشجعك على انك تنفذها حتى لو مع شريك ثاني.
بالتوفيق





في موقع حق طلب الاكل نسيت اسمه طلبت منهم مره عقب مادري شصار فيه وصلني الطلب عقب يومين اتصلو الا يقلون اني طلبت وانا ولا طلبت ولا شي هههههه
انا عندي فكره موقع ملابس بس ابي رسمي .......احلام ان شالله تحقق يوما ما


ايه اللي حق طلب المطاعم حتى احنا صار لنا نفس الشي الظاهر فيه خلل الموقع ، المشكله مايصلحونه اول باول من اول فشل يستسلمون
بالتوفيق مع موقع الملابس وان شاء الله تتحقق احلامك


احس الفكرة ما تنجح خاصة وان البلد صار فيها وايد جمعيات وهايبرماركت وسوبرماركت

وغير جذي اذا احتجنا شي الدكان اللي بالفريج يوصل الطلبات وبدون عمولة


اما لو السوبرماركت اللي بالنت يتيح منتجات غير متوفرة بالدوحة فاتوقع يلاقي اقبال ونجاح

فيه اماكن مافيها ولا دكان وراعي الدكان او السواق ممكن يجيب منتج رديء لو شفتي المنتجات جدامج فالنت بتختارين الانسب والافضل
ايه مثل منتجات دين اند ديلوكا لو فتحو موقع فالنت اكيد الكل بياخذ من عندهم بدل مايطقون طريج فيلاجيو بس عشان يروحون له
اشكر مشاركتج



ممكن يكون فيه خدمة الكترونية لجمعية ميرة
احط اغراضي اللي ابيها في سلة الشراء
هم يجهزوها لي وانا اروح ادفع واخذهم على طول
توفر علي وقت ومجهود ..

وان كان مرات الشوبنغ في حد ذاته متعة .. بس مش على طووووول :rolleyes2:


خل يكون في خدمة للطلبة وكبار السن ..
يكون فيه متطوعين يجيبون لهم الاغراض لين البيت

بالفعل فكرتج حلوه وخاصة للامهات المشغولين توفر لهم الوقت والجهد ،
ويستاهلون كبار السن لازم يكون لهم خدمة مميزة ومجانية واحين قامو يستخدمون النت والايفون الله يعطيهم العافية



لو يسوون لنا قهوة كرك على النت والله شي حلووووووو &_@

ايه والله جان زين





ليش لا والله فكرررررررره حلوه

شكرا على المشاركة