المساعد الشخصي الرقمي

مشاهدة النسخة كاملة : طلب استفسار من التجار عن انشاء مطبعة


BoFala7
30-04-2011, 01:38 AM
السلام عليكم ورحمة الله وبركاته،

اخوكم مبتدئ في التجاره، ناوي اكفل تاجر اسيوي في مجال المطابع واذا ممكن تفيدوني عن بدأ العمل وياه،
طبعا هو مالك المكاين والعمال هو اللي بيجيبهم وراس المال من عنده،
وانا عليَ السجل التجاري والكفاله،


1- حبيت استفسر عن متوسط مدخول المطابع في قطر؟
2- هل اخذ نسبه من المدخول الشهري للمطبعه او يعطيني كل سنه مبلغ على الاقامات وبس؟ مع العلم اني مب مساهم براس المال ولا المكاين
3- هل اعطيه توكيل بكل الاعمال؟


واللي عنده نصايح يفيدني الله يفيده

وجزاكم الله خير
مهل
30-04-2011, 01:46 AM
الي اعرفه ان الموضوع محتكر و التجاره في هذا المجال هي تجاره علاقات بالدرجه الاولى
مثلا تعرف سين من المكان الفلاني بيظبط امورك و مطبوعات المكان كلها بتكون عندك
الله يوفقك و يرزقك بالحلال
تغلبية
30-04-2011, 02:06 AM
أخوي يا ليت تستفتي شيخ دين بالاضافة الى سؤالك هنيه
لاني سمعت مرة ان ما يجوز تاخذ مبلغ على الكفالات لانه نوع من الاسترقاق اي العبودية !


عموماً .. شغل المطابع في الدوحة غالي بالمقارنة مع دبي ومصر وسوريا

لذلك في ناس تطبع في دبي ارخص من الدوحة ..


موفق إن شاءالله ... والله يكتب لك الخير وين ما يكووووون
eXpert*
30-04-2011, 04:55 PM
المطابع شغل مربح اذا كانت الاسعار معقولة والجودة عالية .

أقترح لو تاخذ نسبة بسيطة جداً من المدخول الشهري،، طبعاً السجل بأسمك بس المصاريف المتعلقة بأستصدار السجل والتراخيص والاقامات هو يتحملها .

.
طريق سلوى
30-04-2011, 11:46 PM
حاول تدخل شريك والسوق مشجع جدا
BoFala7
02-05-2011, 11:43 PM
الي اعرفه ان الموضوع محتكر و التجاره في هذا المجال هي تجاره علاقات بالدرجه الاولى

هذي مشكلتنا في قطر احتكار في كل شي حتى الكرك


أخوي يا ليت تستفتي شيخ دين بالاضافة الى سؤالك هنيه
لاني سمعت مرة ان ما يجوز تاخذ مبلغ على الكفالات لانه نوع من الاسترقاق اي العبودية !

سالت من قبل مافيها شي لاني بكون فتحتله باب رزق وبكون مشاركه
الاسترقاق هو اذا جبت عامل وهديته يكرف طول السنه واخذ على الاقامه


أقترح لو تاخذ نسبة بسيطة جداً من المدخول الشهري،،

كم النسبه المتعارف عليها في قطر؟


حاول تدخل شريك والسوق مشجع جدا

فعلا مشجع بس الاحتكار هو المشكله

ومشكروين الردود