ضرب الطلاب القطريين في بريطانيا من قبل ليبين هل خبر صحيح

[القانوني2]

بسم الله الرحمن الرحيم

أخواني و أخواتي الاعضاء في منتدى

انا رايح نشاءالله في شهر 7 رحلة لغة بريطانيا بس خايف و لوالد خايف بسبب انه سمع كلام ناس انه في طلاب قطريين في بريطانيا ضربوهم من قبل أشخاص ليبين هل هذا خبر صحيح ام لا





اتمنا ردود وشكراً

[Qtr95]

اممم انا ما سمعت ..
وانا بروح هالصيف..

واللي فيه خير يمد يده .. بيتحسف هههههه

[مهل]

اشم ريحه الاشاعات و الفوبيا الي مالها اسم الموجوده عند البعض

دامك رجال توكل على الله و روح (اذا معكم نسوان حرص) و قل لن يصيبنا الا ماكتب الله لنا

الاماكن المعروفه النظيفه مستحيل يصير فيها شي .. بريطانيا من اكثر الدول من ناحيه الرقابه و السيكيورتي
اما الاماكن المشبوهه و سواد الوجه (و ان شاءالله انك بعيد عن هالسوالف) فهذي اماكن كل شي فيها وارد و بين اي جنسيات و اي ديانات

القطري مش مكتوب على جبهته وهو يمشي في الشوارع قطري و الحافظ رب العالمين

[القانوني2]

اشم ريحه الاشاعات و الفوبيا الي مالها اسم الموجوده عند البعض

دامك رجال توكل على الله و روح (اذا معكم نسوان حرص) و قل لن يصيبنا الا ماكتب الله لنا

الاماكن المعروفه النظيفه مستحيل يصير فيها شي .. بريطانيا من اكثر الدول من ناحيه الرقابه و السيكيورتي
اما الاماكن المشبوهه و سواد الوجه (و ان شاءالله انك بعيد عن هالسوالف) فهذي اماكن كل شي فيها وارد و بين اي جنسيات و اي ديانات

القطري مش مكتوب على جبهته وهو يمشي في الشوارع قطري و الحافظ رب العالمين



اول شئ يعطيج العافية على رد ثاني شئ انا بس حبيت تأكد و اقول حق اهل فقط يعطيج العافية

[السيف5]

توكل على الله مافيه شى حسب
علمي والله اعلم

[القانوني2]

سوري مرة ثانية بطبق نصيحتج لان اكتب بسرعة مانتبه ههههه اسمحلي

[احمـد]

اخوي توكل على الله مافي شي انا في بريطانيا ومتعامل مع الليبين , مافي شي هاي اشاعات وبعدين دامك وصلت بريطانيا لاتخاف القانون موجود موب من هب ودب يمد يده ... بالتوفيق ان شاء الله

[أبو عبدالعزيز]

بسم الله الرحمن الرحيم
أخواني و أخواتي الاعضاء في منتدى
انا رايح نشاءالله في شهر 7 رحلة لغة بريطانيا بس خايف و لوالد خايف بسبب انه سمع كلام ناس انه في طلاب قطريين في بريطانيا ضربوهم من قبل أشخاص ليبين هل هذا خبر صحيح ام لا
اتمنا ردود وشكراً

لا حول ولا قوة إلا بالله
صرتوا خوافين يا عيالنا تنضربون!!!
أول الواحد منا بنفسه يقدر يكفخ 4 في نفس الوقت
والحين تخافون تنضربون!!

الشعب يطالب بافتتاح صالات جم وكاراتييه في كل فريج

[المليونير الفقير]

انا في لندن ومشاءالله هل قطر وايد ومصار شي الليبين نعرفهم ومافي مشاكل معاهم ولاسمعنا حد اقطري تعرض لشي والحمدلله تعال واذا بغيت شي في مجلس خاص للقطرين جنب مستشفى اكرومويل كل الشباب يجتمعون فيه توكل على الله وتعال وبالتوفيق انشاءالله

[D0ha]

لا تنقل هم وانا اخوك
تعال والأمور طيبة

[وافق شنن طبقة]

هذا الشي هو الي يخليهم يتجرأون عليكم

وخير يعني ظربو قطرين ..

لك يد وماحد بميت قبل يومه ..يعني خل منك الخوف والاشاعات ..

ورح ادرس

[القانوني2]

لا حول ولا قوة إلا بالله
صرتوا خوافين يا عيالنا تنضربون!!!
أول الواحد منا بنفسه يقدر يكفخ 4 في نفس الوقت
والحين تخافون تنضربون!!

الشعب يطالب بافتتاح صالات جم وكاراتييه في كل فريج

انا مب قصدي اني انا خايف انا ابي اقول حق الوالد ان مافي شئ في بريطانيا و عشان مايخاف علي و يحاتي
إذا رحت

[أبو عبدالعزيز]

انا مب قصدي اني انا خايف انا ابي اقول حق الوالد ان مافي شئ في بريطانيا و عشان مايخاف علي و يحاتي
إذا رحت

قول له وأنا أخوك: لا تحاتي، ولدك ذيب ما ينخاف عليه
واللي يفكر يمد يده، بيرجع وهي منكسرة...الخ
ريح باله بكلمتين وتوكل على الله

[المرسى الأخير]

اهم شي يتركون عنهم سوالف " الناس الي ما شايفه خير " و يخلون سييايرهم و مفوشرهم في الدوحه وان شالله ماراح يصيدهم شر لان مثل ما قال اخوي الي قبلي القطريين مو مكتوب على وجيههم انهم قطريين

:)

[القانوني2]

يعطيك العافية تسلم على ردود تسلموووواً على نصايح شكراً لكم

[6611]

مرحبا اخوي
انا حاليا متواجد في بريطانيا من شهرين ما رجعت الدوحه

الامور طيبه ومافي ولا شي امش في طريقك محد بيكلمك

[cavok]

انا رايح لندن الخميس القادم اي خدمة يا اهل المنتدى

[بوخالد911]

الله يعيين


لو حد بيسالكم لا تقولون انتوا من قطر

[رجل مثالي]

أنت رايح دورة اللغة عن طريق مدرستك الثانوية او شخصي لان

حاليآ المدارس الثانوية عندها هذه الدورات

[الـراسي]

قل لن يصيبنا الا ما كتب الله لنا

واذا مت وش فيها يومك

الله يحفظ كل اهلنا اللي في الخارج من كل شر

[قطري شايب]

توكل على الله وروح وصدقني الليبي راح يفزع لك ماراح يغدر فيك ولا راح يتجمعون عليك وانت بروحك

لاتبوق لاتخاف

[االشامخ]

ايخسي والله الليبي اللي ايمد يده على هل قطر وين راحو هل قطر عطران الشوارب
حنا لها لاثار دخانها حنا لها ابشر بعزك

[.Q a T a R.]

ماقول غير افتل

وسلملي على هارودز

[بوحارب]

ايخسي والله الليبي اللي ايمد يده على هل قطر وين راحو هل قطر عطران الشوارب
حنا لها لاثار دخانها حنا لها ابشر بعزك

كفووو:)

[Rashid554]

رايح تدرس لغه في لندن !!!
العاده الناس الي تدرس برى لندن بالمناطق الخارجية وفي الويكند يسافرون لندن سياحه ..
الله يوفقك

[نوفا91]

روح وقلب امك داعيلك :)