استفسار : السياحه في (البرازيل والارجنتين والمكسيك)

[قطري فلته]

السلام عليكم

كيف الحال يا اخواني

احنا صراحه بنغامر 5 شباب اعمارهم من 35 الى 50 سنه

على العموم الحمد الله لغتنا الحمد الله الانجليزيه تمام فى التمام

اما انا لغتي البرتغاليه يعني اكثر من 3 كلمات

على العموم عطونا نصايحكم على هل بلد احنا ندري بلد فيها اجرام

حتي قطر فيها بعد وماخذين حذرنا تخطيطنا

برازيل وارجنتين والمكسيك

تقريبا 45 يوم بتمام وبكامل

طبعا كل واحد قطيه حوالى 65 الف ريال قطري يعني التوتل 325 الف ريال قطري

من غير التذاكر

تتوقعون تكفى

طبعا غير الفيزا كارد والماستر وامريكان كارد

عطونا اراكم ونصايكم

اخوكم
قطري فلته

[نورهان88]

ماشاءالله عليكم ... إن شاءالله يفيدونكم باقي الأعضاء

رحلـة موووووووووووووووفقــة

[Chambray]

اتصل بسفارة قطر في البرازيل
وخلهم ينصحونكم بالفنادق او الشقق الآمان
وهم ان شاء الله بينصحونكم نصيحه زينه
بالتوفيق

[خشوف]

تروح وترد بالسلامه ان شاءالله الاعضاء مايقصرون معاك

[قطري فلته]

ماشاءالله عليكم ... إن شاءالله يفيدونكم باقي الأعضاء

رحلـة موووووووووووووووفقــة

وياج ويسلمو على مرورج

[عيون قطر]

مرحبا اخوي انا رحت الارجنتين سكنت في فندق الشيراتون تقريبا من احسن وافضل فنادق في بيونس ايروس وقعدت فيها تقريبا 5 ايام وبعدين رحت برازيليا وتميت فيها 2 تقريبا في فندق رويال توليب هذا الفندق 5 نجوم بس السيرفس مالهم وايد تعبان وفيهم كسل البرازيليين غير طبيعي مثل السودانيين ويمكن اخس منهم بعد تطلب من الروم سيرفيس اكل ولا خدمة مرات يردون عليك ومرات تطنيش والحال في الارجنتين اشوي احسن بس يتاخرون اي شي تطلبه 45 دقيقه تطلب ماي 45 دقيقه تطلب اكل 45 دقيقه تطلب خاروف بعد 45 دقيقه مادري شفيهم بس انا انصحك روح كوستاريكا واسكن في شاليهات الفورسيزون راح تدعي لي من احلى الدول اللي رحتها حق امريكا الجنوبية كوستاريكا + الاوروغواي بس ولا الباقي اكس معطيهم وفي جوله ثانيه بس مب الحين ونصيحة اخوية لك لاتروح الباراغواي انت واللي معاك بتذوقون الويل هناك فنادقهم كلها تعبانه عندهم 5 نجوم عندنا نص نجمه وايد بعد عليهم شعب اتشوفه شكله قذر (استحملوني اشوي عصبت) والهواء اللي تتنفسه ملوث كله حياتهم ديزل ولا شي عجبني تميت فيها 7 ايام مجبور اني اتم فيها ولا الود ودي على اقرب طياره راجع .

وسلامتك والله يوفقك في الرحلة

ملاحظة : وقت اللي بتروح البرازيل حط دولار ولا دولارين في مخباك بس ولاتشيل اي شي ثاني وقت اللي بتطلع فليل عصابات بالهبل هناك يبون يسرقون اي شي عندك لاتطلع والبوك فاضي تحمل حط لك بس دولارين في جيبك اضمن لك عشان ترجع الفندق مافيك شي خرعتك صح بس هاي الصج