دريول الجيران ...........

[فيزيائية]

السلام عليكم ورحمة الله وبركاته


بكل بساطة دريول جيراننا اللي مقابل باب بيتنا حاط رقمه على باب غرفته ...
وكل يوم عشرات من الهنود يحضرون ويوقفون عند غرفته ينتظرون دورهم للاتصال باهلهم عن طريق النت اللي يوفره لهم .....
وطبعا احنا متضررين من هالتجمعات ....
مانقدر نفتح الباب ونخاف على عيالنا لما نطلع...
صاحب الببت غير متواجد واتصلنا ومايرد علينا...حذرنا الدريول مافيه فايدة...




هل مايفعله قانوني وتسمح به كيوتل ؟؟:telephone:
هل الاتصال بمركز الشرطة يحل الموضوع ؟؟

وجزاكم الله خير :weeping:

[دوحة الجميع]

أكيد اللي يسويه عمل غير قانوني ، وكيوتل راح يتصلون بالشرطة ويسحبونه من أذنه ويؤدبونه وبعدين يتسفر

[naklan]

اتصلي لكيوتل وبلغيهم واذا ما عملو شي
اشتكي عليه في مركز الشرطه قضيه ازعاج وبيجرونه من اذنه
موفقه ان شاء الله ومتابعين معاج الى النهايه :)

[boamir]

اصلا هالنوعيه من الإتصالات غير قانونيه

يعني لو تقولين له إنج بتبلغين الشرطه بيخاف
وإذا ماسوا شي بلغي عليهم

[تحداني]

هذا في استغلال للمساكين العمال
هي مو صعبه اختي وايد .. اشتكي عليه وانتهى الامر


هالاهنود مشكله عليهم اساليب استغلال
وغير هذا يسون ضجه ولويه في الفريج


جملك الله برضى الرحمن

[بـــــــنت النوخـّــــذه]

ممنوع

خلي ريال من عندكم يروح يشوف من كفيله ووين الرقم

[فيزيائية]

بنت النوخذة,,,
خذنا الرقم ومارد علينا هو اصلا مش متواجد بالبيت ...

وبالنسبة للشكوى...
زوجي راح يستفسر بمركز الشرطة عن الاجراء القانوني
واذا فيه قسم لكيوتل ممكن نكلمهم شي زين ...بعد

[فيزيائية]

موفقه ان شاء الله ومتابعين معاج الى النهايه :)


اتمنى النهاية سعيدة مب مثل النهايات في المسلسلات الخليجية :omg:

[ابو علاوي]

كان عندنا واحد بنغالي نفس الشي

مسوي عنده بدالة واصواتهم توصل لسابع جار

اخر شي كلمنا صاحب البيت ومنعه

[المتضرعه لله]

على فكره كل المدارس بقطر كل المدارس المستقله واللي يوجد بها نت الحارس يستقل النت وتحول المدرسه من المغرب الى اتصالات وكذلك المساجد

واللي بيراقب ياما بيشوف

[كازانوفا]

ايش صاااااااار معاكم خلص موضوعكم والا لاااااا

[فيزيائية]

الشرطة قالوا مدام الانترت مال المعزب مامسوي شي غلط .

[أسد الجزيرة]

يعني هو يأجر النت على العزاب و لا يجليهم يشبكون تلفوناتهم على شبكة البيت

[N203]

سالفه انه قاعد يستعمل النت مال كفيله هذا شيء ثاني وهذا شيء قانوني طبعا.
اما التجارة بحيث يقوم بعمل مكالمات للخارج من النت ويتاجر فيها هذا ممنوع طبعا .
واذا بتشتكين عليه من هذه النقطه لازم اثبات او على الاقل الشرطة يجيون ويشوفونه متلبس (( مثل مايقولون :) ))

المهم : انتوا شكوتكم عن التجمعات الي تصير ، وهذا من حقكم لان بهذه الطريقة يكثر العزاب الاجانب عند البيت وتصير الحشره وووووو الخ .. فلكم كل الحق في الشكوى في هذه النقطة ، بس الافضل اولا تكلمون راعي البيت وهو يحل المشكله بدلا من الشرطة وغيره ،، بس اذا لم يكن موجود او لم يعطي الموضوع اي اهمية ، هنا ياتي دور الشكوى .. وانا لا احبذ الشكوى على الجار ، مهما كان هذا جار ، والرسول (( صلى الله عليه وسلم )) اوصى على سابع جار . بس المشكله : انه في ناس ماتهتم ولا تحترم ، ولا تعبر حتى اول جار مش سابع بعد .

اذا تفاقم الموضوع مالكم الا الشكوى !!

الله يعينكم

[M!$s ĀŁ!eN]

اتصال من النت عادي
بس حرام عليج ..
وش بسون لهنود يبون يكلمون اهلهم مافيها جريمه تعاقب عليه
حرام تحرمونهم ن اهلهم
لو فلبينين جان ما بطلتوا حلوجهم لا عشان اهنود مساكين ويخافون
تبيون اتبهدلونهم