عندي الحل للخدم عشان مايرفضون العمل اويشردون

[الروقي]

اخواني الاعزاء الحل الوحيد عشان مايشردون الخدم اويرفضون العمل بسيط جدا لو تعاونت الدول الخليجيه فيما بينهم وذلك بانه اي خادم اوخادمه ترفض العمل قبل اتمام مدة العقد ويسفرها الكفيل اوتسفير لاي سبب مخالف للقانون ان (كل دول الخليج يجب ان تمنع استقدامه بتاتا او لمدة 5سنوات)وبهذا سيفكر الخادم مليون مره قبل ان يخالف او ان يرفض العمل وهذا الشيء يجب ان يعمل به في دول الخليج جميعها لان بينها اتفاقايات امنيه مشتركه ولكن الي محيرني ليش مايطبقون هذا النظام ليحلو مشكلة الخدم والعمال وهذا هو الحل الوحيد
ييييييياليييييييت يطبقونها وبعدين شوفو اذا اي عامل اوخادم يتكلم كلمه بس لانه لن يعمل في كل دول الخليج .ولن يعمل اي شي يتسفر عشانه

[R 7 A L]

حتى لو كل دول الخليج نفذت الى قلت عنه

ماراح يرجعون بنفس الاسم ونفس الجواز راح يزورون كل شي

التزوير عندهم ببيزة

[الأصيلة]

الخدم مايخافون أبدا من شيء
ويسوون اللي في راسهم ...حتى لو خسروا أعمارهم...

[منيرة الطواش]

حتى لو كل دول الخليج نفذت الى قلت عنه

ماراح يرجعون بنفس الاسم ونفس الجواز راح يزورون كل شي

التزوير عندهم ببيزة




سفرنا الخدامة وكنسلناها لانها راعية سحور واعمال شيطانية


وشفناها بعد مدة في الميرة وينادونها المعازيب الجداد باسم ثاني وهي من الجنسية اندونيسية


قطيعة تقطهم كلهم مثل بعض [/center]

[Thamer_Qat]

اعتقد صعبه يرجع او ترجع بجواز واسم آخر لأن الحين فيه بصمه الكترونيه ويتم اكتشاف تشابه البصمات وينصاد ويتسفر مره ثانيه


حد يأكد لي هالمعلومه!!!

[ضي البدر]

بأعتقادي ان الدوله لازم تسن قوانيين صارمة بهذا المجال ويكونون على دراية بهالقوانين من قبل حتى مايجووون البلاد..

بس المشاكل المتعلقة بهالموضوع بتم عالقة وكثيرة ولا لها حل نهائي..

يعطيكم العافية ..

[عيون الدوحة]

أنا أقول الحل بإلاستغناء عن الخدم وكل واحد ووحدة يديرون أمورهم بنفسهم

[P!nk@P!nk]

ما يقدرون يزورون الجواز اذا بصمة العين مخزنه في كمبيوترات جوازات دول الخليج

بس حرام يمكن هالخدامه مو مرتاحه عند ناس بسبب معاملتهم لها ما نزيدها احنا بعد و نقطع رزقها

اما في حالة الجرايم و السحر و هالامور انا مع الاقتراح

[مضاربه]

بالنسبه للخادمه الي ترفض العمل هذا مب منها من المكتب نفسه هو الي يشجعها على هاللشي طبعا الخادمه اتحلم في بيت فيه كل الي على هواها مالقت هالشي بتقول بروح المكتب انا حصل معاي هالشي من غير سبب يليت يكون في قوانين صارمه مع مكاتب الخدم الخادمه الي ترفض العمل ترجع بلادها بتشوفون شلون الخدم بيستعدلون

[MAZEN37]

حلك معارض مع حقوق الانسان
الا موضوع ان كان عليه قضيه

[الـراسي]

الله يخلي بصمة العين الحين

وفكره طيبة والمفروض تأخذ بعين الاعتبار

[بوسلمان 2010]

حطو لنا حقوق الانسان وبلشونا حتى لو زقرت العامل راح اشتكى عليك لاحول الله ولا قوة الا باالله العظيم

[qatari 111]

سفرنا الخدامة وكنسلناها لانها راعية سحور واعمال شيطانية


وشفناها بعد مدة في الميرة وينادونها المعازيب الجداد باسم ثاني وهي من الجنسية اندونيسية


قطيعة تقطهم كلهم مثل بعض [/center]

اخوي شلون مييزتها انها خدامتكم الاوليه ... صعب تمييزهم لانهم يشبهون بعض :rolleyes2:
ومثل ما قال اخونا الحين في بصمه اكترونيه

وفكرتك حلوه الصراحه وراح تنحل الازمه

[r0007_QTR]

المفروض يكون القانون التالي كل من يترك العمل بغير سبب مقننع يتم منعه من مزاولة المهنه لمدة 5 سنين

[فلور]

والله محد بيسمع
لو في قانون ماتشطرو علينا الخدم
والمشكله دايمن القانون ضد الكفيل

[khaldoon]

والله كلام رائع و اقتراح جميل للخدم اللي ما يخافون ربنا و يلعبون بالناس

[(أم فيصـــل)]

ما يقدرون يزورون الجواز اذا بصمة العين مخزنه في كمبيوترات جوازات دول الخليج

بس حرام يمكن هالخدامه مو مرتاحه عند ناس بسبب معاملتهم لها ما نزيدها احنا بعد و نقطع رزقها

اما في حالة الجرايم و السحر و هالامور انا مع الاقتراح

اذا الخدامة مو عاجبها الشغل افضل حسن المعاملة والكرم لانهم بالاخير بشر مو عبيد

واكيد اذا عاملنهم احسن معاملة بيخدمونة من عيونهم من واقع تجاربي بالحياة

اما اذا كانوا راعين مشاكل سحور وهالخرابيط مويدة الاقتراح 100بالمية

[meeemz]

المشكله هي اذا ما عجبها شي ما تقول خلاص مابي اشتغل .. لازم تسوي لها حركات خايسه عشان نستغني عنها يعني اتيي منا ولا اتيي منها عشان ماتدفع تذكرتها .
. والله المفروض الناس مايرجعون الخدامات المكتب يسفرونهم على طول ..

[ذيب ولد ذيب]

والله هذا المفروض , والتزوير عند الهنود كثير بس اندونيسيا اقل بكثير والفلبين يكاد ينعدم التزوير عندهم عشان كذا هالشي راع يكون رادع لبعضهم على الاقل

[فارس الميدان]

أنا أقول الحل بإلاستغناء عن الخدم وكل واحد ووحدة يديرون أمورهم بنفسهم

مع المادة / وهذا هو الحل الأمثل ، فلا داعي للغرباء في البيوت

[الساهر 17]

فكرة ممتازة وين الي بيوصل هذه الفكرة

طبعا قبل كانوا يغيرون اسمها ويدخلون لاكن الحين فيه بصمه + بصمه العين اعتقد انهم صعبه عليهم تغيرها

[برق لمع]

المفروض تكون مدة تجربة الخدامة من المكتب سنتين مب ثلاث شهور وبعدين مالهم شغل
هذا الحل الوحيد على شان الخدم ما يشردون
اصلا هم ما يشردون الا لان مافي قانون يحمي المواطن المسكين لكن المكتب ياخذ فلوسه كاملة مكملة ويقول للخدامة بعد الثلاث شهور قوللي مابي اشتغل وتطيح براس الكفيل

[مـــــنــاف]

هـــذا الـــنظام مـــعمـــول فـــية حــالـــياً , حــيثُ أن هُـــناك إتـــفاقـــية بـــين دول مــجلــس الــتعاون فـــي مـــنع دخـــول الــعامــل او الــعامـــلة إلــى دول مـــجلس الــتعاون فــي حــالــة إرتـــكابـــة بــــعض الـــجرائــــم مـــثل (الـــقتل , الــسرقة , الــدعارة , الــشعـــوذة) .

يــــتم الـــقبض عــلية حــتى عـــند قـــيامـــة بــتزويـــر الــجواز أو تـــغيير الإســـم عـــند قــيامـــة بــإجـــراء الـــبصـــمة مـــن أجــل الإقــامــــة .